ރައްޔިތުންގެ މަޖިލިހުގެ ޖަލްސާއެއްގެ ރިޔާސަތު މަޖިލީހުގެ ރައީސް މުހައްމަދު ނަޝީދު ބަލަަހައްްޓަވަނީ. އެމަނިކުފާނު ވިދާޅުވީ ދަރަންޏާ ހެދި ހަރުމުދާ ބަލާ ޗައިނާއިން ނާންނާނެ ކަމަށް.
27 އޮކްޓޯބަރ 2020 - 12:16
40 comments
އެކި ގައުމުތަކުން ނަގާފައިވާ ދަރަނިތައް ކުރިން ޝެޑިއުލްކޮށްފައިވާ ގޮތަށް ނުދެއްކޭނެ ކަމަށް ސަރުކާރުން ސާފުކޮށް ބުނަން ޖެހޭ ކަމަށާއި އޭރުން އެ ގައުމުތަކުން އެކަމާ މަޝްވަރާ ކުރަން އަޔަސް، ހަރުމުދާ ބަލާ ގައުމުތަކުން ނާންނާނެ ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.
ދައުލަތުގެ ދަރަންޏާ ބެހޭ ގޮތުން ރައްޔިތުންގެ މަޖިލީހުގެ މުޅި މަޖިލީހުގެ ކޮމިޓީން އެކުލަވައިލާފައިވާ ރިޕޯޓުގެ ބަހުސްގައި މެމްބަރުންނަށް ފުރުސަތު ދެއްވުމުގެ ތެރޭގައި އާއްމުކޮށް ވާހަކަފުޅު ދައްކަވާ އުސޫލުން ނަޝީދު ވިދާޅުވީ މަޖިލީހުން ސަރުކާރަށް ލަފާދެނީ ދަރަނިތައް ރިސްޓްރަކްޗާ ކުރުމަށް ކަމަށާއި އެއީ ކުރެވޭނެ ކަމެއް ކަމަށެވެ. އެކަމަށް ޓަކައި ފުރަތަމަ ކުރަން ޖެހޭނެ ކަމަކީ ދަރަނި އަނބުރާ ދައްކަން ޖެހޭ މުއްދަތުގައި ނުދެއްކޭނެ ވާހަކަ ސާފުކޮށް ބުނުން ކަމަށް އެމަނިކުފާނު ވިދާޅުވި އެވެ. ދަރަނި ދޫކުރި ގައުމުތަކަށާއި ބޭންކްތަކަށް އެ ހާލަތުގައި އޮންނާނީ ދެ ގޮތެއް ކަމަށާއި އެއް ގޮތަކީ ހަރުމުދާ ބަލާ އައުން ކަަމަށް ވެސް އެމަނިކުފާނު ވިދާޅުވި އެވެ.
"ބޭންކްތަކަށް މިއޮތީ ދެ ގޮތް. އެއްގޮތަކީ ހަރުމުދާ އަނބުރާ ދެހެރޭ. އެ ބަލާ އައުން. ދެން އަޅުގަނޑު ދެކޭ ގޮތުގައި ހަރުމުދާ ބަލައެއް ޗައިނާގެ ކޮމާޝަލް ބޭންކަކުން އައުމަށް އޮތް ޖާގައެއް ފުރުސަތެއް އަދި މި ވަގުތަކު އެއީކީއެއް ވެދާނެ ކަމެއްގެ ގޮތުގައެއް ނުފެނޭ. ދެން އެއީ ގައުމުތަކުން ދެކޭ ގޮތެއް ވެސް ނޫން،" ނަޝީދު ވިދާޅުވި އެވެ.
ނަޝީދު މިއަދު މިހެން ވިދާޅުވި އިރުު އެމަނިކުފާނު މީގެ ކުރިން ވިދާޅުވަމުން ގެންދެވީ ޗައިނާއިން ނަގާފައިވާ ލޯނުތައް ނުދެއްކިއްޖެ ނަމަ އެ ގައުމުން ރާއްޖޭގެ ރަށްތައް އަތުލާނެ ކަމަށެވެ. ޗައިނާއިން ނަގާފައިވާ ލޯނުތަކަކީ ދަރަނީގެ ދަންތުރައެއް ކަމަށް ވެސް ތަކުރާރުކޮށް އެމަނިކުފާނު ސިފަކުރެއްވި އެވެ.
ދަރަނި ރިސްޓްރަކްޗާ ކުރުމަކީ ނަޝީދު ވިދާޅުވި ގޮތުގައި ނަގާފައިވާ ލޯނުތައް އަނބުރާ ދައްކަން ޖެހޭ އަދަދަށް ބަދަލު ގެނައުމާއި އިންޓަރެސްޓް ރޭޓް ދަށްކުރުމާއި ގްރޭސްޕީރިއަޑް ދިގުކުރުން ފަދަ ކަންތައްތަކެވެ. އެގޮތަށް ކަންތައް ކުރުމަށް ޓަކައި ކުރަން ޖެހޭނެ ކަމަކީ ދަރަނި ދޫކޮށްފައިވާ ގައުމުތަކާއި ބޭންކްތައް މަޝްވަރާއަށް ގެނައުން ކަމަށާއި މަޝްވަރާ އަށް އަންނާނީ ޝެޑިއުލްއާ އެއްގޮތަށް ދަަރަނި އަނބުރާ ނުދެއްކޭނެ ކަމަށް ބުނުމުން ކަމަށް ވެސް އެމަނިކުފާނު ވިދާޅުވި އެވެ.
"މި ތިން ގޮތަށް ނެގޯޝިއޭޓްކުރުމަށް މި ހުށަހެޅޭ ގޮތަކީ ގައުމުތަކުގައި، ބޭންކްތަކުގައި ދިވެހި ސަރުކާރުން ބުނުމަށް، ދިވެހި ދައުލަތުން މިއަންނަ އަހަރު މި މުއްދަތު އަންނަ އިރު އަޅުގަނޑުމެންނަކަށް އެ ފައިސާއެއް ނުދެއްކޭނޭ. އެހެންވީމާ އަޅުގަނޑުމެން ދަރަނި ދައްކަން ހުރި ހުރިހާ ފަރާތްތަކަކުން އަޅުގަނޑުމެން ގާތަށް އައުމަށް،" ނަޝީދު ވިދާޅުވި އެވެ.
ދަރަނިތައް އެގޮތަށް ރިސްޓްރަކްޗާ ކުރުމުން މާލީ ހާލަތު ރަނގަޅުވާ ގޮތުގެ މިސާލެއްގެ ގޮތުގައި ނަޝީދު ދެއްކެވީ ބާބެޑޯސް އެވެ. އެ ގައުމުން ދަރަނިތައް ޝެޑިއުލްއާ އެއްގޮތަށް ނުދެއްކޭނެކަން އިއުލާނު ކުރުމުން ގައުމުތަކާއި ބޭންކްތަކުން އެ ގައުމުގެ ސަރުކާރާ ވާހަކަ ދެއްކި ކަމަށާއި އޭގެ ސަބަބުން އިތުބާރު ބޮޑުވެ، މާލީ ހާލަތު ރަނގަޅުވި ކަަމަށްް އެމަނިކުފާނު ވިދާޅުވި އެވެ.
ދަރަންޏާ ބެހޭ ގޮތުން މަޖިލީހުން އެކުލަވައިލާފައިވާ ރިޕޯޓްގައިވާ ގޮތުން ދައުލަތުގެ ދަަރަނި މިހާރު ހުރީ 172 ބިލިޔަން ރުފިޔާ އަށް ވުރެ މަތީގަ އެވެ. އެ ދަރަނިތަކުގެ މައްސަލަ ހައްލުކުރަން ޖުމްލަ 10 ކަމެއް ކުރަން ރިޕޯޓްގައި ސަރުކާރަށް ހުށަހަޅާފައި ވެ އެވެ. އޭގެ އެއް ކަމަކީ ދަރަނިތައް ރިސްޓްރަކްޗާކުރުމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާސަޅި
28 October 2020
ޗައިނާއިން ގެންދާނެ ރަށެއް މިހާރު ނޯންނާނެ. ރާއްޖޭގެ އުތުރާ ދެކުނުގެ ކޮންޓްރޯލް އިންޑިއާ ސިފައިންނަށް ދީގެން ތިބެ އިންޑިއާއިން ލޯނު ނަގަމުން ގޮސް އެގައުމަށް ދަރާފަ އޮތް ދެރުމުގެ ބަދަލުގައި އަދި ލޯންދައްކަން ނުޖެހެނީސްވެސް އެއޮތީ މިހާރު މަޑުމަޑުން އިންޑިއާގެ ދަށުގައި.
ޙަބީބު
28 October 2020
މިހާރުނޫހުން ދިރާސާއެއް ކޮއްލަބަލަ ހދ އަތޮޅުގަ ރިސޯޓު ނުހެދިގެން މިއުޅެނީ ކީއްވެތޯ އަދި ވައިކަރަމުރައިދޫ އެއީ ކޮންބައެއް ހދ އަތޮޅު ރައްޔިތުން ދަންތޫރައެއްގަ ޖައްސާފަ އޮތްރަށެއްތޯ މިކަން ވަރައް ރަނގަޅައް ބެލުމައްފަހު މީނާގެ ހުރި ތެދުވެރިކަން ހިއްސާކޮއްލާތި
ޒުވާނާ.
28 October 2020
މަނިކުފާނު އިންޑިޔާއައް މިރާއްޖޭގެ މައިގޭޓު ވިއްކާލީ ދުއިއްސައްތަ ފަންސާސް މިލިޔަންޑޮލަރައް އިންޑިޔާއަތުން ޔާމިނު އެދަންތޫރައިން މައިގޭޓު މިނިވަންކުރި އޭސިޔާގަ ނެތްފެންވަރު ރަންވޭޕާކިންޒޯނު ގާއިމުކުރި ބިމުގެ ގޮތުން އެންމެ ފުރިހަމަޔައް ދެވަނަސީޕްލޭންޓާމިނަލް އިންޑިޔާ ކޮސްވާހާ ސާފުތާހިރުކޮއް ގާއިމުކުރި ރީތިނަލަސާފު ހޮސްޕިޓަލެއް ގާއިމުކުރި އޭސިޔާގެ އެންމެރީތި ބުރިޖުއަޅާލި ކަމެއްކުރަން ނޭނގެންޏާ އިސްތިޔުފާ ވާހަކަ ގިނަނުކޮއް ކަމެއްކޮއްދީބަލަ
އޮނަރަބްލް އަފީފު ދީދީ
27 October 2020
ހަރުމުދާ ބަލައި މާދުރުގައި އޮތް ސީނު ކަރައިން އާދެވޭނީ ކިހިނެއް. ތިބޭފުޅުން މުޅި ދައުލަތުގެ ޙަޒާނާއާއި މުއްސަނދިކަމާއި ހުރިހާ ވަސީލަތެއް ތިޔަ މުޤައްދަސް ރަށްގަނޑަށް ޖަމާކޮށް "ޤަބީލާ ވަންތަ އެއްރަށް ދައުލަތް ސިޔާސަތެއް" ގެންގުޅޭއިރުވެސް މިރާއްޖޭގެ އާބާދީގައި ހިމެނޭ އެހެން ރައްޔަތުން ގުއިވަޅުން ފެންބޮމުން ނަޖިސްފެނުން ފެންވަރާންވެސް އެތިބެނީ ތިތަނަށް ނުގޮސް ނޫންތޯ؟ ދެން ޗައިނާ ވަކި ތިތަނަށް ދާނެތޯ.
ތުއްތުކަލޯ
27 October 2020
އަބަދުވެސް ދެއަނގަފުޅުން ވާހަކަފުޅު ދައްކަވާ ބޭފުޅެއް
ސިކުނޑި
27 October 2020
ބަސް ބުނުމުގެ ކުރިން ބަހަކީ ތިބާގެ އަޅެކެވެ. ބަސް ބުނުމަށްފަހު ތިބާއަކީ ބަހުގެ އަޅެކެވެ.
ދުންދަނޑި
27 October 2020
އިންޑިއާއިން އިންޑިއާ ބޭންކު މެދުވެރިކޮށްގެން އެއުޅެނީ ދަރަނި ނުދެއްކިއޭކިޔާފަ ރާއްޖޭގެ ރިސޯޓެއް ޕަކަޅާކޮށްގެން މިހާރުވެސް، މީނަ އަދިވެސް މިދައްކަނީ ޗައިނާގެ ވާހަކަ.
Ali Gasim
27 October 2020
ނޫންނޫން ޗައިނާއިން ރަށްތައް ކޮނޑުޖަހައިގެން ގެންދާނެ މިއޮއްހުރިހާދުވަހު ގޮވީވެސް އެހެން މިހާރުދެން އެވާހަކަތައް އަޑުއަހާނެމީހަކު ނެތުނީމާ ކޮންމެވެސް އެހެން ބަނދިވަރެއްގޮވަނީ އެއްކަމެއްވެސް ކުރަންނޭންގޭ މަރުމޯލުން ތިބި ސަރުކާރެއްމީ
އިބްރ
27 October 2020
ކެނެރީގޭ ނަޝީދަށް އަޅުގަނޑު ދަންނަވާލަންއޮތީ ބޭރުގައުމުތަކުން ނަގައިފައިވާ ލޯނުތަށް ރީ ސްޓްރަކްޗަރ ކުރުމާއި ބެހޭގޮތުން ދިވެހި ރާއްޖެއަށް ވާހަކަ ނުދެއްކޭނީ ހަމައެކަނި ކަލޭ އިންޑިޔާއިން ނަގާފައިވާ ލޯނުތަކާއިއެވެ. 2010ގައި 10އ ޕީރިއެޑަކަށް އިންޑިޔާއިން ނެގި 50މ ޑޮލަރު ރ. ވަހީދު ސަރުކާރުގައި ދައްކަން އެންގީ 3 މަސްދުވަހުގެ ތެރޭގައެވެ.
ދޭސީ
27 October 2020
ކީއްވެ ޗައިނާގެ ލޯނު ނުދެއްކެންވީ؟ ބްރިޖް އަޅަން ނެގި ލޯނު އަދާ ކުރަން ބްރިޖް ޓޯލް ނަގާބަލަ. ފްލެޓްތައް އަޅަން ނެގި ލޯނު އެތަންތަން އަވަހައް އޭގެ ހައްގުވެރިންނާ ހަވާލު ކުރީމަ އެ ލޯނު ދައްކަން ލާރި ލިބޭނެ. ސަރުކާރުން ދައްކަން ޖެހޭނީ ދަރުމަވަންތަ ހޮސްޕިޓަލް ހަދަން ނެގި ލޯނު.