މަސްވެރިން ފެލިވަރު ބޭރުގައި ދޯނިތަކުގައި ތިބެގެން މުޒާހަރާ ކުރާއިރު، އެމީހުން ބޭނުންވާ ކަންތައް ފޮތިގަނޑުތަކުގައި ލިޔެ ދޯނިތަކުގައި ދަމާފައި. -- ފޮޓޯ: ރާއްޖެޓީވީ
01 ނޮވެމްބަރ 2016 - 11:47
13 comments
ޅ. ފެލިވަރުން މަސްވެރިންނަށް ލިބެން ހުންނަ ހިދުމަތްތަކާ މެދު ހިތްހަމަނުޖެހި، މަސްވެރިންތަކެއް ފެލިވަރު ކައިރީގައި މުޒާހަރާ ކުރަމުން އެބަދެ އެވެ.
މަސްވެރިން މުޒާހަރާ ކުރަމުންދަނީ ފެލިވަރު ބޭރުގައި ދޯނިތަކުގައި ތިބެގެންނެވެ. މިއަދު ހެނދުނު އަށެއް ޖަހާކަށް ހާއިރު ކުރަން ފެށި މި މުޒާހަރާގައި 12 ވަރަކަށް ދޯނި ބައިވެރިވެ އެވެ. މަސްވެރިންގެ ކަންބޮޑުވުންތައް އުފެދިފައިވަނީ ފެލިވަރުން އެކަށީގެންވާ ގޮތެއްގައި މަސްވެރިންނަށް އައިސް ނުލިބޭތީ އާއި ތެލުގެ އަގު ބޮޑުކަމުންނެވެ. އޭގެ އިތުރުން ފެލިވަރު ކާރުޚާނާގެ ފެންވަރު ދަށްވުމަކީ ވެސް މަސްވެރިން ކަންބޮޑުވާ ކަމެކެވެ.
ފެލިވަރު މުވައްޒަފަކު ބުނި ގޮތުގައި މަސްވެރިންގެ މުޒާހަރާގައި ރ، ބ، ޅ، ނ އަދި އުތުރުގެ އެހެން ބައެއް އަތޮޅުތަކުގެ ދޯނިފަހަރު ވެސް ބައިވެރިވާ ކަމަށެވެ. އަދި މަސްވެރިން މުޒާހަރާ ކުރަން ފެށީ، އެ މީހުންގެ މީގެ އެތައް ދުވަހަކުން ފެށިގެން ކުރަމުން އައި ޝަކުވާތަކަށް ހައްލެއް ނުލިބިއްޖެ ނަމަ، މިއަދު މުޒާހަރާ ކުރާނެ ކަން މީގެ ހަފުތާއެއްހާ ދުވަސް ކުރިން ފެލިވަރުގެ ކަމާ ބެހޭ ފަރާތްތަކަށް އެންގުމަށް ފަހު ކަމަށް ވެސް އެމުވައްޒަފު ބުންޏެވެ.
މި މުޒާހަރާގައި ބައިވެރިވަމުން އަންނަ މަސްވެރިއަކު ބުނީ މަސް ބާނައިގެން އައިކަމުގައި ވިއަސް ފަސޭހަ އިން މަސް ނުކިރުވޭ ކަމަށެވެ. އަދި މަސް ކިރުވި ކަމުގައި ވިއަސް އެ އަށް ފައިސާ ނުލިބޭ ކަމަށް އެ މަސްވެރިޔާ ބުންޏެވެ.
ނަމަވެސް ފެލިވަރުން ވާހަކަ ދެއްކި މުވައްޒަފަކު ބުނި ގޮތުގައި މަސްވެރިން ކިރުވާ މަހަށް ފައިސާ ނުލިބި މީގެ ކުރިން ހައެއްކަ މަސް ވެސް ފާއިތުވެ ދިޔަ ނަމަވެސް، އެސްޓީއޯގެ ދަށަށް މިފްކޯ ބަދަލު ކުރުމަށް ފަހު ހުރިހާ މަސްދޯނިތަކަށް ދޭންޖެހޭ ފައިސާ މިހާރު ވާނީ ދީ ނިންމައިފަ އެވެ.
އޭނާ ބުނީ މަސްވެރިކަން ރަނގަޅު ދުވަސްވަރެއްގައި ނަމަ، ދެތިން ދޯންޏަށް ވިއްކޭ ވަރަށް ވެސް ފެލިވަރުގައި އައިސް ނުއުފެއްދޭ ކަމަށެވެ. ނަމަވެސް މި ދުވަސްކޮޅު މަސްވެރިކަން ދަށްވުމުން ކޮންމެވެސް ވަރަކަށް އައިސް އެބަހުރި ކަމަށާއި، އެކަންކަމާ މަސްވެރިން ޝަކުވާ ކުރާތާ އެތައް ދުވަހެއް ވެފައިވާ އިރު އެ ކަންތައް ހައްލު ކުރުމަށް މެނޭޖްމަންޓުން މަސައްކަތް ކުރަމުން އަންނަ ކަމަށް ވެސް އޭނާ ބުންޏެވެ.
މަސްވެރިއަކު ބުނި ގޮތުގައި ދޯނިތަކުގެ އިސް ވެރިން މިހާރު ދަނީ ފެލިވަރުގެ އިސް ވެރިންނާ އެކު މަޝްވަރާ ކުރަމުންނެވެ. އަދި މުޒާހަރާ ކުރި އަށް ގެންދިއުމާ މެދު ގޮތެއް ނިންމޭނީ، މިހާރު ކުރިއަށްދާ މަޝްވަރާތަކުގެ ނަތީޖާ އަށް ފަހު ކަމަށް ވެސް އޭނާ ބުންޏެވެ.
މަސްވެރިން ފެލިވަރު ބޭރުގައި ދޯނިތަކުގައި ތިބެގެން މުޒާހަރާ ކުރަނީ. -- ފޮޓޯ: ރާއްޖެޓީވީ
ފެލިވަރު ފިޝަރީޒް ކޮމްޕްލެކްސްގެ އެސިސްޓަންޓް ރީޖަނަލް މެނޭޖަރު ހާމިދު ނަޒީމް ވިދާޅުވީ މަސްވެރިންނަށް ފަސޭހަ އިން މަސްކިރުވޭނެ އިންތިޒާމު ހަމަޖައްސަން މަސައްކަތްތައް ކުރަމުން އަންނަ ކަމަށެވެ. އޭނާ ވިދާޅުވީ މަސް ކިރުވާފައި ކުރިން ފައިސާ ނުދިން ކަމުގައި ވިއަސް މިހާރު މަސް ކިރުވާފައި ވަގުތުން ފައިސާ ދެމުން އަންނަ ކަމަށެވެ.
އޭނާ ވިދާޅުވީ ފެލިވަރުގައި އިތުރު އައިސްޕްލާންޓެއް ބެހެއްޓުމަށް ޕޮލިސީ ލެވެލްގައި މަސައްކަތްތަކެއް ކުރަމުން އަންނަ ކަމަށެވެ. ފެލިވަރު ބޭރުގައި މަސްވެރިން ދޯނިތަކުގައި މުޒާހަރާ ކުރަމުން އަންނަ އިރު ފުލުހުން އަންނަނީ އެ ސަރަހައްދުގެ ސަލާމަތީ ކަންތައް ބަލަހައްޓަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކިއްކުރަން
02 January 2018
ދެން ތިކަން ތި ކުރީއޯ. ގަދަކަމުން މުޒާހަރާ ކޮށްގެން އުޅުނަސް ކުރާކަށް ނުޖެހޭ. އައިސް ޕލާންޓެއް ހުރެގެންތަ މީގެ ކުރީގެ ދުވަސްތަކުގަ މަހަށް ދިޔައީ؟ ހިތްވެސް މޮޅީ މިހާރު. ދެއްވާ މިންވރަށް ޝުކުރު ކުރީމަ ނިމުނީ. ނުދެއްވާ މިންވަރަކަށް ބޮޑާ ހާކާކަށް ނުވާނެ.
ސިލްސިލާ ތަޤިއްޔު
01 November 2016
ދެން ފެންނާނީ ރިސޯޓްތައް ކައިރީ މުޒާހަރާ ކުރާތަން !
ސަރުކާނު
01 November 2016
އަހަރުމެން ތި މުޒާހަރާ ކުރަން މާހައްޤު. މާރުކޭޓުން 2 ފަހަރަށް އައިސް ނުވާ މަހެއް ގަންނާކަށް ނުލިބޭ ވިއްޔަ.
ޙަސަން
01 November 2016
ސަރުކާރުން ޖެހޭތަ މަސްވެރިންނަށް ހުރިހާ ކަމެއް ކޮށްދެން؟ މަސްވެރިންނަށް ކަންތައްތައް ކޮށްދޭންޖެހޭނީ އޮޑިވެރި ފަރާތުން. ސަރުކާރުން މަސްވެރިންނަށް ކަންތައްތައް ކޮށްދިނުމަކީ ސަރުކާރަށް ކޮންމެހެން ކުރަންޖެހޭ ކަމެއް ނޫން. އެކަމަކު ސަރުކާރުން މަސްވެރިންގެ ލުއިފަސޭހައަށްޓަކައި ސަރުކާރަށް ވާވަރަކުން ބައެއް ކަންތައްތައް ކޮށްދެވޭތޯ ބަލަނީ. ދިރިއުޅުމަށްޓަކައި އެހެން މަސައްކަތްތައް ކުރާ މީހުންނަށް ބޭނުންވާ ކަންތައްތައް ކޮށްދެނީ ސަރުކާރުންތަ؟ މަސްވެރިންނަށް ކޮށްދެންޏާ އެހެން މީހުންނަށްވެސް ކޮށްދޭންޖެހޭނެތާ. ފެލިވަރަށް މަސް ކިރުވީމާ ފައިސާ ނުލިބޭނަމަ، ފައިސާ ދޭ ބަޔަކަށް މަސް ވިއްކީމާ ނިމުނީނު. މަސް ގަނެގެން ލޮނުމަސް އަޅާ މީހުންނާއި މަސް ގަނެގެން މަސް ކައްކައި ހިއްކައިގެން އުޅޭ މީހުން ނައިފަރާއި ހިންނަވަރު ފަދަ ރަށްރަށުގައި ބައިވަރު އުޅޭ. ފެލިވަރުން ފައިސާ ނުލިބެންޏާ އެމީހުނަށް މަސް ވިއްކަންވީނު. ފެލިވަރުން އައިސް ނުލިބެންޏާ ދޯނިފަހަރުގައި އައިސް ޕްލާންޓް ބަހައްޓައިގެން ނުވަތަ ދޯނީގެ ވެރިފަރާތުން ރަށުގައި އައިސް ޕްލާންޓެއް ބަހައްޓައިގެން އައިސް އުފެއްދީމާ ނިމުނީނު. މަސްވެރިންނަށް ސަބްސިޑީއާއި ތެލުގެ ސަބްސިޑީއާއި އައިސް ހިލޭ ލިބޭގޮތަށް ހެދީމާވެސް ރައްޔިތުންނަށް މަސް ލިބޭ އަގު ހެވެއް ނުވޭ. ދެން ކީއްކުރަންބާ އެމީހުންނަށް އެފަދަ އެހީތައް ސަރުކާރުން ދޭންވީ؟
ސަލީމް
01 November 2016
މުޒާހަރާ ކުރެވޭނީ ކަނިވަ ސަރަހައްދުގައި.ރާއްޖެތެރޭގައި ފަޅުރަށެއްގައި.ނުވަތަ ރާއްޖެއާއި 50 މޭލު ބޭރުގައި.
ޗޯމަރީ
01 November 2016
ހަމަހޭގޮތް މިވީ !
ފަނޑިޔާރު
01 November 2016
ތިޔަދޯނިތަކުގެ ހުއްދަބާތިލުކުރަންވީ ހިލޭތެޔޮލިބުން އިރުވެސް މާރުކޭޓުން މަހުގެ އަގުދަށެއްނުވޭ ތިކަހަލަ ކޮސްމުޒާހަރާކުރިޔަސް ވާނެ ކަމެއްނޯންނާނެ ކަލޭމެންގެ ފުލެޓުދޮންބެ ޔޫކޭގަ ފިލާހުރެ ރާއްޖޭގެ އަގުވައްޓާލީމަ މަސްގަނެވޭތަ ބުނާހާ އަގަކައް
ގޮއްޔެ
01 November 2016
ކޮންމެ މަސްވެރިއަކަށް މަހަކު ދޭ 10 ހާސް ރުފިޔާ މަދުވެގެންތަ ތިވަރު ތިއަރުވަނީ؟ މި ދިވެހީންނަށް ރަނގަޅު އެއްގޮތްވެސް ނެތް.
ހާލަތު
01 November 2016
އަނެއްކާ ކަނޑުމަތީގައި މުޒާހަރާ ކުރެވޭބާއެވެ! ރައްޔިތުންގެ ކަންބޮޑުވުންތައް އަޑުއެހުމަކީ މި ސަރުކާރަށް ކުޅަދާނަކަމަށް ނުވާނެއެވެ. ކޮންމެވެސް ގާނޫނެއްގެ ތަންކޮޅަކަށް ބަދަލުގެންނަން ޖެހުނީއެވެ.
ޑާޑާޑާޑާ
01 November 2016
މަސްވެރިން ފެލިވަރު ބޭރުގައި މުޒާހަރާ ކުރަނީ އެއީ އިދިކޮޅު ކްރިޓިކްސްގެ ކްރުއަލް މައިންޑް އެން ކްރުއަލް ތިންކިންގް ގެ ދަށުން އެމީހުންގެ ޕޮޕިއުލަރިޓީ ރާއްޖޭގައި ދަށަށް ދާތީވެ އެމީހުން ނަށް ކްރެޑިޓް ޕޮއިންޓެއް ލިބޭތޯ ބަލަން ވެގެން އެމެން ކުރާ ކަމެެކެވެ. އިޓް ޑަޒުން ސީމް ރައިޓް. ހޫއާރ ދޭ. ޑާޑާޑާޑާ، ޑާޑާޑާޑާ، ޑާޑާޑާޑާ، ޑާޑާޑާޑާ..