ގަވަރުނަރު އަލީ ހާޝިމާއި އެމްއެމްއޭގެ އެހެން އިސް ބޭފުޅުން ބަޖެޓް ކޮމިޓީއަށް މިއަދު މައުލޫމާތު ދެއްވަނީ. ގަވަނަރު ވިދާޅުވީ ބަޖެޓްގައިވާ މަޝްރޫއުތަކުން ފޮރިން އެކްސްޗޭންޖް ރޭޓަށް ނޭދެވޭ އަސަރުކޮށްފާނެ ކަމަށް. ފޮޓޯ: މަޖިލިސް
15 ނޮވެމްބަރ 2020 - 12:05
27 comments
ކޮވިޑް-19 ގެ ބަލިމަޑުކަމުގެ ސަބަބުން ޓޫރިޒަމް ހީނަރު ވެފައިވާތީ، ރާއްޖޭގައި ބޭރު ފައިސާގެ ބާޒާރަށް ބޮޑު ހީނަރު ކަމެއް އައިސްފައިވާ ކަމަށާއި މި ހާލަތުގައި ކެޕިޓަލް މަޝްރޫއުތަކަށް ބޭރު ފައިސާ ހޯދަން ޖެހިއްޖެ ނަމަ ރާއްޖޭގެ ފޮރިން އެކްސްޗޭންޖު ރޭޓަށް އޭގެ ނޭދެވޭ އަސަރު ކުރާނެ ކަމަށް މަރުކަޒީ ބޭންކުގެ ގަވަރުނަރު އަލީ ހާޝިމް މިއަދު ވިދާޅުވެއްޖެ އެވެ.
ދައުލަތުގެ އަންނަ އަހަރުގެ ބަޖެޓު ދިރާސާކުރާ ރައްޔިތުންގެ މަޖިލީހުގެ ކޮމިޓީގައި ގަވަރުނަރު ވިދާޅުވީ، ޓޫރިޒަމް ހީނަރުވުމުން ބޭރު ފައިސާގެ ބާޒާރަށް މިހާރު ވެސް ބޮޑެތި ނޭދެވޭ އަސަރުތައް ކޮށްފައިވާ ކަމަށެވެ. އޭނާ ވިދާޅުވީ ޕްރޮޖެކްޓްތަކަށް ބޭނުންވާ ބޭރު ފައިސާ ލިބޭނެ ގޮތެއް ކަށަވަރު ނުކޮށް، ޕްރޮޖެކްޓްތައް ނުފަށަން ރައްޔިތުންގެ މަޖިލީހުން ސަރުކާރަށް ބާރުއަޅަން އެދިވަޑައިގަންނަވާ ކަމަށެވެ.
އެކްސްޗޭންޖު ރޭޓަށް ނޭދެވޭ އަސަރެއް ނުކުރާނެ ގޮތަކަށް، މަަޝްރޫއުތައް ކުރިއަށް ގެންދަން ގަވަރުނަރު ވެސް އެދިވަޑައިގަތެވެ. ކޮވިޑް-19 އާ ހެދި އަންނަ އަހަރު ވެސް ރާއްޖޭގެ އިގުތިސާދު ރަނގަޅު ނުވެއްޖެ ނަމަ ސަރުކާރުގެ ކޭޝްފްލޯ މެނޭޖު ކުރަން ދަތިވެ މަޝްރޫއުތައް ނުހިންގޭނެ ކަމަށް ލަފާ ކުރެވޭ ކަމަށް ބަޖެޓާ ބެހޭ ގޮތުން މަޖިލީހަށް ލަފާދޭން އެމްއެމްއޭ އިން އެކުލަވައިލި ކަރުދާސް ހުށަހަޅުއްވަމުން އަލީ ހާޝިމް ވިދާޅުވި އެވެ.
"ނަމަވެސް އަންނަ އަހަރު ވެސް ދައުލަތުގެ ބަޖެޓްގައި ކަނޑައެޅިފައި ވަނީ ދައުލަތުގެ އާމްދަނީ އާއި ރާއްޖޭގެ އިގުތިސާދީ ހާލަތާ ނުބައްދަލު ބޮޑެތި މަޝްރޫއުތަކެއް،" ގަވަރުނަރު ވިދާޅުވި އެވެ.
ގިނަ މަޝްްރޫއުތައް ހިންގަން ރާވާފައި ވަނީ ދަރަނި ނަގައިގެން ކަމަށް ވާތީ، އެގޮތަށް ފައިސާ ހޯދުުމުގައި ކޮންސިޝަނަލް ފައިނޭންސިން އަށް އިސްކަަން ދިނުމަށް އޭނާ އެދިވަޑައިގަތެވެ. ޚާއްސަކޮށް އިޖުތިމާއީ، ތިމާވެށީގެ މަޝްރޫއުތަކަށް ކޮންސިޝަނަލް ފައިނޭންސިން ހޯދުމަކީ ގަވަރުނަރުގެ އެދިވަޑައިގަތުމެކެވެ.
ގަވަރުނަރު އަލީ ހާޝިމާއި އެމްއެމްއޭގެ އެހެން އިސް އޮފިޝަލުން ރައްޔިތުންގެ މަޖިލީހުގެ ބަޖެޓް ކޮމިޓީއަށް މިއަދު މައުލޫމާތު ދެއްވަނީ. ފޮޓޯ: ރައްޔިތުންގެ މަޖިލިސް
ކޮންސިޝަނަލް ފައިނޭންސިން ހޯދޭނެ މަގުތައް ވެސް އެމްއެމްއޭ އިން ދައްކައިދިނެވެ. ވޯލްޑް ބޭންކާއި އަައިއެމްއެފުން އަންނަ އަހަރު ގްރީން ފައިނޭންސިން އާއި ބްލޫ ފައިނޭންސިންގެ ސްކީމްތަކެއް ތައާރަފު ކުރާނެ ކަމަށް ބުނެފައިވާ ކަމަށާއި އެ ސްކީމްތަކުން ފައިސާ ހޯދުން މުހިއްމު ކަމަށް އަލީ ހާޝިމް ވިދާޅުވި އެވެ.
"މިހާރު ބޮންޑު ނޫނީ ސުކޫކަށްް ބަރޯސާ ވެގެން ކުރިއަށް ގޮސްފިއްޔާ ފައިނޭންސިން ލިބޭ އިންޓަރެސްޓް ރޭޓްތައް މަތިވެގެން ދާނެ ކަމަށް އަޅުގަނޑުމެންނަށް ފެނޭ،" އޭނާ ވިދާޅުވި އެވެ.
އަންނަ އަހަރަށް ލަފާކުރާ ދައުލަތުގެ ބަޖެޓުގައި ދައުލަތުގެ ޖުމުލަ އާމްދަނީ އަށް ވުރެ އިތުރަށް 15 ބިލިއަން ރުފިޔާ ހަރަދުކުރަން ހިމަނާފައި ވެ އެވެ. އެހެންވެ، ދައުލަތުގެ ދަރަނި ބޮޑުތަނުން އިތުރުވާނެ ކަމަށާއި އެގޮތަށް ކަންތައް ކުރާނެ ފިސްކަލް ސްޕޭސް (އިތުރު ކަމަކަށް ދަރަންޏަށް ފައިސާ ހޯދަން އޮންނަ ޖާގަ) ކުޑަވާނެ ކަމަށް ވެސް ގަވަރުނަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަސަރުކުރާބެއްޔ
16 November 2020
ވާގޮއްތައް ވަރައްސާފް މިހާރު ރަށުތެރޭން ޙަބަރު ލިބޭގޮތުގައި ކޮންމެ މެންބަރަކި މަނީ އެލްސް ޝޭންޖެއް ކަމައް ވަނީ ދެން ވިސްނާ ވާނެގޮތްތައް
ފަނޑިޔާރުބޭ
16 November 2020
ނުކުންނަން ވީ ވަގުތު ކައިރި ވެއްޖެ!ދެން ފެންނާނީ ނޭގިތިއްބާ ބަދަލެއް އަންނަތަން،ރީނދޫ ހުން ޖެހުނު މީހުނަށްވުރެން ނުޖެހޭ މީހުން ގިނަ،އަބަދަކު އެޅިހާބަތަކަށް ރިހަ އެއް ނުކިޔާނެ،ބަލަން ތިބޭ ވާގޮތް،
ވަސަންތީ
15 November 2020
މިގައުމު ދަރުވާލުމުގެ ފުރިހަމަ ޒިންމާ ނަންގަވަން ޖެހޭނީ ރައީސްޔާމިނު.
ނިރުމާ
15 November 2020
މިހާދަތިހާލުގައިވެސް މިހާގިނަ މަސްރޫއުތަށް ހިންގަންޖެހޭތޯ؟ ގައުމު ބަގުރޫޓްވެނިމެއްޖެ ހުރި ހިތާމައެއްގެ ބޮޑުކަމާއޭ.
ޙަސަންދީ
15 November 2020
ކިތަންމެ ވަރަކަށްވެސް ޕުރޮޖެކްޓް ޖެހިދާނެ .އެއީ ރައްޔިތުން ގުބޯ ހައްދަން. ޢެކަމަކު ހިންގާނީ މާލެ ކިޔާ ނަންނަމަށް ނިސްބތްވާ ކަންކަން. ޢޭހެޔޮ މުޅި ގައުމު ދަރާ ވިކިގެން ކުރަންޖެހުނު ކަމުގައިވިޔަސް. ޢެހެން އަތޮޅު ތަކުގައި އޮންނާނީ ކަޑަޖެހުމާއި ސުރުހީ އެޅުން. އެއް އަހަރު ޖަހާ ކަންތައް ފަސްއަހަރަށް ދަންމާލާފަ ބަޖެޓްގައި ޖެހި އެތިކޮޅުވެސް މާލެ ސަރަހައްދަށް އޮއްސާލުން.
ފަތުހީ
15 November 2020
މިއަދުގެ މަޖުބޫރީއަކީ ރައީސް ޔާމީން، ދައުލަތް ދަރުވާލުމުގެ ޒިންމާ ނަންގަވަން ޖެހޭނީ އެމަނިކުފާނު. ދަޢުލަތް ދެރުމާ ދިމާލަށް މިސަރުކާރުގެ ކޮއްޕަވާލައްވާ، ވައްޓަވައި ދެއްވުމުގެ މޭސްތިރިއަކީ ވެސް ރައީސް ޔާމީން. މިއީ ކުރީ ސަރުކާރުގެ ނޭއްގާނީ ޢަމަލުތަކުގެ ނަތީޖާ. ދިވެހިންނަށް ހައްޤު މިންވަރަކީ ކުތަކާވަރަށް ދެރުން. ދަރަނި މަތިން ދަރަނި ނަގައިގެން، މާސިންގާ ކަނޑު ހިއްކުން. އެއީ ނޫ އިގްތިޞާދުގެ މައި ނާރެސް. އަދި އެންމެ މުހިންމު އުންސުރު.
ލަތީފާހު
15 November 2020
ނާގާބިލް ގަވަރުނަރު! ލޮނު މަޑު އަދި މަގާމް ބަގުނޑި ބައްދާ ގަވަރުނަރު!
ހޮޓްކިންގ
15 November 2020
އެމްޑީޕީއަށް ވެރިކަންލިބޭ ކޮންމެފަހަރަކު އެކްސްޗޭންޖްރޭޓާއެބަ ކުޅޭ. މީ ވަރަށް ދެރަކަމެއް. ނަޝީދު ގެ ވެރިކަމުގާ ޑޮލަރުރޭޓް ހަލާކުކޮށްލުމުން އަގުތައް އުފުލުނުކަން ހަނދާންކުރަންޖެހޭ. މީހުން ގެ މުސާރަބޮޑުނުވާއިރު ޑޮލަރު ގެ އަގާކުޅެގެން ނުވާނެ.
ހަނު ހުންނަ މީހާ
15 November 2020
އަތްމަތި ދަތިވެ ސަލާންޖަހަންޖެހޭ ތަރައްގީ ބޭނުމެއްނޫން
ޢަނީ
15 November 2020
މިއަދުވެސް 100،000ޑޮލަރުހޯދަން އުޅޭމީހާއަށް ޑޮލަރުލިބޭނެ.އެކަމަކުލިބެނީ19އިންމަތިން.މީގެން ދޭހަވަނީ ޑޮލަރުގެ ދަތިކަމެއް ނެތްކަން.ޑޮލަރުއެބަހުރި.ވިއްކާމީހުން ޑޮލަރު ވިއްކަނީ އެމީހުންބޭނުންވާ އަގެއްގަ. މާދަމާވެސް ސަރުކާރުން ވަގުމާކެޓުގައި ޑޮލަރުވިއްކުމާމެދު ހަރުކަށި ފިޔަވަޅު އަޅަންފެއްޓުމާއެކު ޑޮލަރުގެ އަގުއެ ހިފެހެއްޓުނީ.އެކަން ކުރަން ނުކެރެނީ އަދި ބާރުނެތީ.ސަބަބަކީ ޕާޓީތެރޭގައާއި ޕާލިމެންޓުގަ ޑޮލަރުގެވަގުމާކެޓުން ފައިދާލިބޭމީހުންގިނައީ!