ހުޅުމާލެ: މެއި 21، 2020: ހުޅުމާލެ ލޮކްޑައުން ކުރުމުން، ހުޅުމާލޭގެ މަގުތައް ހުސްކޮށް.-- ފޮޓޯ: ނިޝާން އަލީ / މިހާރު
19 ނޮވެމްބަރ 2020 - 13:18
16 comments
ވިލާ ގްރޫޕްްގެ ޗެއާމަން އަދި ރައްޔިތުންގެ މަޖިލީހުގެ މާމިނގިލި ދާއިރާގެ މެމްބަރު ގާސިމް އިބްރާހީމްގެ ދަރިކަނބަލަކަށް ހުޅުމާލޭން ކުއްޔަށް ދިިނުމަށް ފަހު، އެޗްޑީސީން އަތުލި ދެ ބިން ކުއްޔަށް ދިނުމުގެ އެއްބަސްވުން ދެމި އެބަ އޮތްކަަމަށް ސުޕްރީމް ކޯޓުން އިއްޔެ ހުކުމްކޮށްފި އެވެ.
ގާސިމްގެ ދަރިކަނބަލުން ފާތިމަތު ތަސްލީމާ އަށް 2005 ވަނަ އަހަރު އެޗްޑީސީން ކުއްޔަށްދިން ދެ ބިމުގެ އެއްބަސްވުން 2015 ވަނަ އަހަރު އެ ކުންފުނިން ބާތިލުކުރީ އެތަނުގައި ކުރަންޖެހޭ ސިނާއީ މަސައްކަތް ނުފަށައި އޮތުުމުންނެވެ. އެއްބަސްވުންް ބާތިލުވިކަމަށް އެޗްޑީސީން ފުރަތަމަ އެންގުމުން، ތަސްލީމާގެ ފަރާތުން އެ މައްސަލަ ހުށަހެޅީ ހުޅުމާލެ މެޖިސްޓްރޭޓް ކޯޓަށެވެ. އެކޯޓުން ހުކުމްކުރީ އެއްބަސްވުން ދެމި އޮތް ކަަމަށެވެ.
ބިން ދޫކުރުމުގެ އެއްބަސްވުން ނިމުމަކަށް ގެނައި ކަމަށް އެޗްޑީސީން އެންގީ ދެ ފަރާތުގެ ދެމެދު ވެފައިވާ އެއްބަސްވުމާ ޚިލާފަށް ކަމަށް ކަނޑައަޅައި، ސުޕްރީމް ކޯޓުގެ ހުކުމުގައި އެޗްޑީސީއަށް އެންގީ އެއްބަސްވުމަށް އަމަލުކުުރުމަށެވެެ.
ހުޅުމާލެ ކޯޓުގެ އެ ހުކުމް އެޗްޑީސީން ހައި ކޯޓުގައި އިސްތިއުނާފްކުރުމުން އެ ކޯޓުން އެ ހުކުމް ބާތިލުކުރި އެވެ.
ހުޅުމާލޭގައި ޖެހިޖެހިގެން އޮތް ދެ ބިމަށް އެޗްޑީސީން ތަސްލީމާއާ އެކު ވަަކިވަކިން ސޮއިކޮށްފައިވާ ދެ އެއްބަސްވުން ވެސް އެ ކުންފުނިން ބާތިލުކުރީ އެ ބިންތަކުގައި ސިނާއީ މަސަައްކަތެއް ނުކޮށް އޮތް އޮތުމަކީ އެއްބަސްވުމުގައި ލާޒިމްކޮށްފައިވާ ގޮތާ ހިލާފަށް ބިން ބޭނުން ކުރުން ކަމަށް ބުނެ އެވެ. އެކަމަކު ސުޕްރީމް ކޯޓުން އެ ދެ މައްސަލަ ބެލި ތިން ފަނޑިޔާރުން ވެސް އިއްތިފާގު ވެފައި ވަނީ އެ ބިމުގައި ކުރަން ކަނޑައަޅާފައިވާ މަސައްކަތް ނުފަށައި އޮތް އޮތުމަކީ އެއްބަސްވުމާ ޚިލާފަށް ބިން ބޭނުންކުރުން ކަމަށް މާނަ ނުކުރެވޭނެ ކަމަށެވެ.
މަައްސަލަ ބެއްލެވި ބެންޗްގައި ތިއްްބެވީ ފަނޑިޔާރު އަޒްމިރަލްދާ ޒާހިރާއި ފަނޑިޔާރު އައިޝަތު ސުޖޫން އަދި ފަނޑިޔާރު ހުސްނުއްސުއޫދެވެ.
ކުރީ ސަރުކާރާ އުފެދުނު ހިޔާލު ތަފާތުވުންތަކުގެ ތެރޭގައި، ގާސިމްގެ މަސްލަހަތު ހިމެނޭ ވިޔަފާރިތަކަށް އޭރު ބޮޑެތި ހުރަސްތައް ސަރުކާރުން ކުރިމަތިކުރި އެވެ. ގާސިމްގެ ވިޔަފާރީގެ މަސްލަހަތު ހިމެނޭ ބިންތަކާއި ރަށްތަކުން އެއްފަހަރާ ގިނަ އަދަދެއްގެ ފައިސާ ދައްކަން އެންގުމާއި ހުއްދަތައް ބާތިލްކުރުން ފަދަ ކަންކަން ވެސް އޭރު ކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢައްޔަބެ30
19 November 2020
މިމީހުން އަދިވެސ ބިން ހޯދަން މިއުޅެނީ. މާލޭގަ ހާލުގަ ތިބި މީހުނަން ހުޅުމާލެ ފޭސް 2 އިންވެސް ބިން ނުދޭނެކަށް މިހާރު ސަރުކާރުން އެގޮވަނީ. ކީކޭދެން ބުނާނީ. ޥަރަށް ސަލާން
މޮރީ
19 November 2020
ގާސިމަށް އޮންނާނެ ހުޅުމާލޭގަ ފުލެޓް އަޅަން ޕްލެޓިނަމް ރެސިޑެންސާ ޖެހިގެން ކަހަލަ ގޮތަކަށް ހަމަ އެވަރުގެ ބިމެއްދީފަ. އަދި އަދަށްދާން ދެންވެސް އެތާގަ ފުލެޓެއް ނޭޅެ. މިކަމަށް އެޅޭނެ ފިޔަވަޅެއްވެސް ނެތީތޯ ހަމަ.
ކުލިކުލި
19 November 2020
އެއްބަސްވުމުގެ އޮތް އެއްޗެއް ބަލާފަ އަސްލު އެނގޭނީ މިވީގޮތް. ހަގީގަތަކީ ކުރިން ހަދާފަ ހުންނަ ގިނަ އެއްބަސްވުންތައް ދޯދިޔާކަމުން ނަހަމަގޮތުގައި ބޭނުންކުރެވުން. އެއްބަސްވުމަކީ ވަރަށް ވަރުގަދަ އެއްޗެއް. އޭގައި ވަރު ހުންނަ އެއްޗެއް. ނުހަނު މުހިންމު އެއްޗެއް. އެހެންވީމާ، ތޯތޯއަކަށް ނުވާނެ އެއްބަސްވުން ހަދާކަށް.
ފޫހި
19 November 2020
ބިންތައް ދީފައިހުރީ 50 ލާރިއަށް އަކަފޫޓަކަށް. ޢެހާ ހެޔޮއަގުގައި ނަގައިގެން އެނެގިކަން ނުކުރާނަމަ ބިންތަށް ނެގެންޖެހޭނެ.
ޢަބްދުﷲ ސަޢީދު ގދ.ގައްދޫ،
19 November 2020
ދައުލަތުގެ ފުރަބަންޑަރާ ބިންބިމާ ގޯތިގެދޮރު ތަޞައްރަފު ކުރުމުގައި ޒަމާންއްސުރެ މިރާއްޖޭގައި ޢަމަލުކުރެވޭ އުޞޫލުން ބެލިކަމުގައިވިޔަސް ކަންހިނގަމުންދާ ގޮތަކީ، ޢިމާރާތް ހަދައި ޢިމާރާތް ބޭނުންކުރުމަށް އޮންނަ މުއްދަތުގައި އެކަން ނުކުރުމުން ދައުލަތުގެ ފުރަބަންޑަރާ ބިންބިމާ ގޯތިގެދޮރު އެމީހެއްގެ އަތުން
ޙަސަނު
19 November 2020
ނިމިދިޔަ ސަރުކާރުގައި އެތަށް ބައެއްގެ ބިންތައްވަނީ އެޗްޑީސީން ފޭރިގަނެފައި. އެމްއެޗްއޭ ދީފައި އޮތް ބިން ވެސް ވަނީ ފޭރިގަނެފައި. އަދި މިހާރު އެތަނުގައި އެންސިސްގެ ބޮޑު މަސްޕެކެޓްރީއެއް އެ ހިންގަނީ.
ލުތުފީ
19 November 2020
ދެން ބަދަލުހޯދަން ކޯޓަށް ވައްދާ އަވަހަށް...
އަކީނޯ
19 November 2020
މީތި ކަޑައޭ. ބިންތައް ބައްކޮށްގެން ތިބެނީ ގުދަން ހަދައިގެން. ރިއަލިޓީއަށް ހުކުމް ކޮށްބަލަ.
ހައިކޯޓު
19 November 2020
މި އެނގެނީ ދޯ ކުރީގެ ސިޔާސީ ހައިކޯޓުގެ ފެންވަރު. ވަރަށް ސަލާމް ޔާމީން ސަރުކާރަށް. އަތުލަންޏާ އަތުލެވޭނެގޮތްވެސް ޤާނޫނާއި ޤަވާއިދު ތަކުގައި ލިޔެވިފައިވޭ. ނަމަވެސް މަގުފޭރޭ އުސޫލުން ކަންތައްކުރީމާ ވާނީ މިހެން.
އަދިރި
19 November 2020
ސިނާއީ މަސައްކަތް ކުރަން ހުޅުމާލެއިން ރައްޔިތުންގެ ބިންތައް ކުއްޔަށް ދެނީ ސީނާއީ މަސައްކަތް ފަށާ އިގްތިސާދުކުރިއަރުވާ، ދައުލަތައް ލިބޭ ޓެކްސް ފައިސާ އިތުރުކޮށް، އިތުރު ވަޒީފާތައް އުފެއްދުމުގެ ބޭނުމުގައި. އެފަދަ ބިންތައް މަސައްކަތް ނުފަށާ ނުބޭއްވޭނެ. އެއީ ރައްޔިތުންނަށް ލިބޭ ބޮޑު ގެއްލުމެއް. ކާކުތޯ ރައްޔިތުންނަށް ލިބުނު ގެއްލުމުގެ ބަދަލުދޭނީ. ސީނާއީ ސަރަހައްދުގެ %100 ހުންނަންޖެހޭނީ އަބަދުވެސް ހިނގަ ހިނގާ.