ވިޔަފާރި / ދައުލަތުގެ ބަޖެޓް 2017

އަންނަ އަހަރުގެ ބަޖެޓު މަޖިލީހަށް ފޮނުވައިފި، މިފަހަރު 26 ބިލިއަން ރުފިޔާ

އަންނަ އަހަރުގެ ބަޖެޓު ތައްޔާރުކުރުމުގެ މަސައްކަތް ކުރިއަށް ގެންދިޔައިރު ބޭއްވި، އިގްތިސާދީ މިންގަނޑުތަކާ ގުޅޭ ގޮތުން މިދިޔަ މަހުގެ ކުރީކޮޅު ބޭއްވި ބައްދަލުވުމެއް ކުރިއަށް ދަނީ.-- ފޮޓޯ: ފޭސްބުކު

އަލީ ނާފިޒް، މިހާރު

02 ނޮވެމްބަރ 2016 - 16:50

12 comments

އަންނަ އަހަރަށް ލަފާކުރާ ދައުލަތުގެ ބަޖެޓު ސަރުކާރުން ރައްޔިތުންގެ މަޖިލީހަށް ފޮނުވައިފި އެވެ. މި ފަހަރު ހުށަހަޅާފައި ވަނީ މި އަހަރަށް ވުރެ ބިލިއަނެއްހާ ރުފިޔާ ކުޑަކޮށް، 26 ބިލިއަން ރުފިޔާގެ ބަޖެޓެކެވެ.

"މިހާރު" އަށް އެނގިފައިވާ ގޮތުގައި އަންނަ އަހަރުގެ ބަޖެޓު ފިނޭންސް މިނިސްޓްރީން މަޖިލީހަށް ފޮނުވީ މިދިޔަ ހޯމަ ދުވަހު އެވެ. އަދި ބަޖެޓަށް ބަހުސް ކުރާނެ ވަގުތު ކަނޑައަޅައި ދިނުމަށް އެދި މަޖިލީހުގެ އިދާރާ އިން އާއްމު ކޮމިޓީ އަށް މިއަދު ސިޓީ ފޮނުވާފައިވާ ކަމަށް ވެސް ވެ އެވެ. އެކަމަކު، މަޖިލީހުގެ ތަޅުމަށް ހުށަހެޅުމަށް، ޖަލްސާތަކުގެ އެޖެންޑާ ބަލަހައްޓާ ސެކްޝަނަށް އަދި ބަޖެޓެއް ނުފޮނުވަ އެވެ.

މާލިއްޔަތު ގާނޫނު ބުނާ ގޮތުން އޮކްޓޯބަރުގެ ނިޔަލަށް މަޖިލީހަށް ބަޖެޓު ހުށަހަޅަން ޖެހެ އެވެ. މި ފަހަރު ބަޖެޓު ހުށަހަޅާފައި މި ވަނީ އޮކްޓޯބަރު މަހުގެ އެންމެ ފަހު ދުވަހު އެވެ.

މަޖިލީހަށް ބަޖެޓު ފޮނުވިކަން ސަރުކާރުން ކަށަވަރެއް ނުކޮށްދެ އެވެ. އެކަމަކު، ފިނޭންސް މިނިސްޓަރު މުހައްމަދު މުނައްވަރަށް ކުރި މެސެޖެއްގެ ޖަވާބުގައި އޭނާ ވިދާޅުވީ މަޖިލީހުގެ ތަޅުމަށް ބަޖެޓު ހުށަހެޅުން އަންނަ ހަފުތާގައި އޮންނާނެ ކަމަށާއި އޭރުން ތަފްސީލުތައް އެނގޭނެ ކަމަށެވެ.

ބަޖެޓާ ގުޅޭ ގޮތުން މަޖިލީހުގެ ގަވާއިދަށް މިދިޔަ އަހަރު ވަނީ ދެ އިސްލާހެއް ގެނެސްފަ އެވެ. އެ ގޮތުން، ބަޖެޓް ބަހުސް ފަށަން ވާނީ މަޖިލީހަށް ބަޖެޓު ހުށަހަޅާ ތާރީހުން ފެށިގެން ހަތް ދުވަހުގެ މުއްދަތެއް ދިނުމަށް ފަހު ކަމަށް ބުނި މާއްދާ އުވާލައި ބަޖެޓު ހުށަހަޅާ ދުވަހު ބަހުސް ފެށޭ ގޮތް ވަނީ ހަދާފަ އެވެ. އަދި ބަޖެޓާ ގުޅޭ ގޮތުން ބޭނުންވާ އިތުުރު މައުލޫމާތު ދެއްވުމަށް ފިނޭންސް މިނިސްޓަރުގެ ކިބައިން އެދިވަޑައިގެންނެވޭނީ ބަޖެޓު ހުށަހަޅާ ތާރީހުން ފެށިގެން ހަތް ދުވަހުގެ މުއްދަތެއް ދިނުމަށް ފަހު ކަމަށް އޮތް އޮތުން ވެސް ބަދަލުކޮށް، ބަޖެޓު ބަހުސް ކުރިއަށް ދާއިރު އެ މައުލޫމާތު ހޯދަން ހުށަހެޅޭ ގޮތަށް ވަނީ އިސްލާހުކޮށްފަ އެވެ.

އެހެންވެ، އަންނަ ހަފުތާގައި މަޖިލީހުގެ ތަޅުމަށް ބަޖެޓު ހުށަހެޅުމާ އެކު، ހަމަ އެ ދުވަހު ބަޖެޓުގެ ބަހުސް ފެށޭނެ އެވެ.

އަންނަ އަހަރަށް ހުށަހަޅާފައި ވަނީ، އެނގިފައިވާ ގޮތުގައި، ގާތްގަނޑަކަށް 26 ބިލިއަން ރުފިޔާގެ ބަޖެޓެކެވެ. އެކަމަކު، މަޖިލީހުން ބަޖެޓު ފާސްކުރާއިރު އެ އަދަދު ބޮޑުވުން ނުވަތަ ކުޑަވުން ވެސް އެކަށީގެންވެ އެވެ.

މި އަހަރުގެ ދައުލަތުގެ ބަޖެޓުގައި މަޖިލީހުން ފާސްކޮށް ދިނީ 27.5 ބިލިއަން ރުފިޔާ އެވެ. އެ ބަޖެޓުގައި، އާމްދަނީ އާއި ހިލޭ އެހީގެ ގޮތުގައި ޖުމްލަ 22.8 ބިލިއަން ރުފިޔާ ލިބޭނެ ކަމަށް ޖަހާފައި ވާއިރު، އޭގެ ތެރޭގައި ހިމެނެނީ ޓެކްސްގެ ގޮތުގައި ލިބޭނެ ކަމަށް އަންދާޒާކޮށްފައިވާ 16.8 ބިލިއަން ރުފިޔާއި އެ ނޫން ގޮތް ގޮތުން ލިބޭނެ ކަމަށް ލަފާކޮށްފައިވާ 3.7 ބިލިއަން ރުފިޔާ އާއި ހިލޭ އެހީގެ ގޮތުގައި ލިބޭނެ ކަމަށް ޖަހާފައިވާ 1.5 ބިލިއަން ރުފިޔާ އަދި އާމްދަނީ އިތުރުކުރުމަށް ހުށަހަޅާފައިވާ ކަންކަމުން ލިބޭނެ ކަމަށް ލަފާކޮށްފައިވާ ހަތަރު ބިލިއަން ރުފިޔާ އެވެ.

މި އަހަރުގެ ބަޖެޓު ޑެފިސީޓަކީ 3.4 ބިލިއަން ރުފިޔާ (ގައުމީ އުފެއްދުންތެރިކަމުގެ ނިސްބަތުން ހަ ޕަސެންޓް) ކަމަށް ސަރުކާރުން ލަފާކޮށްފައިވެ އެވެ. އެކަމަކު، މިދިޔަ ސެޕްޓެމްބަރު މަހުގެ ނިޔަލަށް ޓެކްސްގެ ގޮތުގައި ދައުލަތަށް ލިބިފައި ވަނީ، ތަފާސްހިސާބުތައް ދައްކާ ގޮތުން، ޖުމްލަ 11.39 ބިލިއަން ރުފިޔާ އެވެ. އެހެންވެ، ބަޖެޓު ޑެފިސިޓް އަންދާޒާ ކުރި ވަރަށް ވުރެ މަތިވާނެ ކަމަށް ބެލެވެ އެވެ.

އަންނަ އަހަރުގެ ބަޖެޓު މަޖިލީހަށް ހުށަހެޅިއިރު، މަޖިލީހުގެ ޖަލްސާތައް ނުބާއްވާތާ މިހާރު ގާތްގަނޑަކަށް ދެ ހަފުތާ ވަނީ ވެފަ އެވެ. ޖަލްސާތައް މެދުކަނޑާލާފައި ވަނީ އެޖެންޑާ ކުރާނެ ކަމެއް ނެތިގެން ކަމަށް މަޖިލީހުގެ އިދާރާ އާއި މަޖިލިސް ކޮންޓްރޯލް ކުރާ ސަރުކާރުގެ މެމްބަރުން ވިދާޅުވިޔަސް، އިދިކޮޅު ފަރާތްތަކުން ބުނަނީ ޖަލްސާތައް ނުބާއްވަނީ ސަރުކާރަށް މަޖިލީހުގެ މެޖޯރިޓީ ގެއްލިދާނެ ކަމުގެ ބިރު އޮތުމުން ކަމަށެވެ.

އިގްތިސާދު ފިނޭންސް މިނިސްޓްރީ ރައްޔިތުންގެ މަޖިލިސް ދައުލަތުގެ ބަޖެޓް ރާއްޖޭގެ އިގްތިސާދު ދައުލަތުގެ ބަޖެޓް 2017

12 ކޮމެންޓް, 41 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އުމަރު

05 November 2016

މިއީ އެއްކަލަ ޖީޑީޕީ ދެގުނަ ބޮޑުކުރަން ބުނި ސަރުކާރު، ކޮބައިތޯ ބަޖެޓް ކުޑަވީ ކިހިނެއްތޯ؟ ކޮބައިތޯ އެސްއީޒެޑްގެ އިންވެސްޓަރުން؟ ކޮބައިތޯ ބަޖެޓަށް އިތުރުވި ފައިސާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަމެންގެ

02 November 2016

މަޖްލީހަށް ބަޖެޓް ފޮނުވުމުން މަޖްލީހުން ބަޖެޓް ފާސް ކޮށްދެގަ. އެނިމުނީ އެއް ނޫން ދޯ. މަޖްލީހަށް ހުށައެޅި ބަޖެޓަށް ވޯޓް ނުދޭ އެމްޕީންނަށް ދެން ނުލިބޭނެ މުސާރަ އެއްވެސް އަދި އިނާޔަތެއް ވެސް ދައުލަތުގެ ބަޖެޓުން އިނގޭ. މަމެންގެ ގައުމު އަދި މަމެންގެ ސަރުކާރު މީ އިނގޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލުކްވެލް

02 November 2016

މަޖްލީހަށް ބަޖެޓް ފޮނުވިއިރު މިފަހަރު ތި ބަޖެޓް ގައި އެބައޮތް ތޯ އައްޑޫގެ އިންފްރާސްޓްރަކްޗަަރ ތަރައްގީ ކުރުމަށް ޓަކައި އެއްވެސް މިންވަރަކަށް ބަޖެޓްގައި ހިމަނާފައި. އައްޑޫ އަށް މިސަރުކާރުން ކަންކަން ނުކޮށްދޭ ވާހަކަ ތަކަކީ މާލޭގައި މަޝްހޫރު ވާހަކަ ތަކެއް ކަމަށްވާތީވެ އެކަން އެބަޖެހޭ ދަށް ކުރަން. ކޮންމެ ގޮތަކުން ބެލި ނަމަވެސް ސިޔާސީ ގޮތުން އައްޑޫ އިގްނޯރ ނުކުރެވޭނެއެވެ. ސަބަބަކީ އެއީ އެތަނުގެ އާބާދީ އެއަށް ވުރެން ބޮޑު ވެފައި އަދި އެމީހުން މުޅި ރާއްޖެ އަށް ފެތުރިފައިވާތީވެ އެމީހުން ހިތް ހަމަޖެހުން ދިވެހި ސަރުކާރަށް ބޭނުންވާނެ 2018 ގައި ކޮންމެ ގޮތެއް ވިޔަސް. އެއިރުން ރިޔާސީ އިންތިޚާބުގެ އީކްއޭޝަން ޑިރައިވް ކުރަން ވަރަށް ބޮޑު ތަން ފަސޭހަ ވެގެން ދާނެއެވެ. ބަޖެޓުން މިކަން ފެންނާން ޖެހޭނެއެވެ. ފުރަތަމަ އެމެންގެ ހޮސްޕިޓާ އަވަހަށް އައްޑޫ ދަރުބާރުގެ ގޭގައި އަޅާ ނިންމަންވީ އަންނަ އަހަރުގެ މާރޗް މަހުގެ ކުރިން. އެއިރުން ވެސް ދެން ވަރަށް ބޮޑު ކުރިއެރުމެއް ލިބޭނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލު ބަޖެޓު

02 November 2016

މިއަންނަ އަހަރު ތި ބަޖެޓުން ކުރާނެ ކަމަކީ އިސްލާމީ މަރުކަޒުގަ ޖަހާފަ ހުރި މާބުލް ނައްޓަފަ އަލުން ޖެހުން ރަސްފަނުގަ ހުރި ވެލިތަށްނަގާ އާވެލިއެޅުން. މިހާރު މާލޭމަގުތަކުގަ އަޅަމުންދާ ތާރަތަށް ނަގާ ޖަންކްޝަން ހޮޅިއަޅާ އަލުން ތާރައެޅުން. ދުވާޓރެކް ގަ 10 އިންޗި ބޯމިނުގަ އަޅާފަ ހުރި ކޮންކްރީޓް ތަށް ނަގާ 12 އިންޗީގެ ކޮންކްރީޓް އަށް ބަދަލުކޮއް އަލުން ދުވާ ޓްރެކް ހުޅުވުން. ބަޖެޓް ހުސްވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާކު

02 November 2016

މި ބަޖެޓް ތަންފީޒުކޮށް ނިމޭއިރު ތިޖޫރި ހުރިތަނުގައި ހުރި ވަޅުގަނޑު ވެސްނުހުންނާނެ.....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރާތި

02 November 2016

މަޖްލީހަށް ބަޖެޓް ފޮނުވައިގެން އަވަހަށް މަޖްލީހުން ބަޖެޓް ފާސް ކޮށްގެން ބައްލަވަންވީ މާލެ ސަރަހައްދުގައި އަންނަ އަހަރު 15 ހާސް ފްލެޓްސް ތައް އެޅޭތޯއެވެ. އަދި ސަރުކާރުން ޚަރަދުކޮށްގެން އިސްކަން ދަރު ސްކޫލްގެ 25 ބުރީގެ އިމާރާތެއް ވެސް ސަލްޓަން ޕާރކް ތެރޭގައި އެޅޭތޯ ބައްލަވަންވީ އެވެ. އެއިރުން ދެން ވަރަށް ރަނގަޅު ވާނެއެވެ. މިކަން ކަން ބަލަން ޖެހޭނެ މާލެ ސަރަހައްދުގެ އެމްޕީން ތައް. މާލެ ސަރަހައްދުގެ އެމްޕީން ތައް މާލެ ސަރަހައްދަށް ކަމެއް ކޮށްދޭން އެޑްވޮކޭޓް ނުކޮށް އަދި ލޮބީ ވެސް ނުކުރާ ކަން އެއީ ވަރަށް ބޮޑަށް ފާހަގަ ކޮށްލެވޭ ކަންކަމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޑީބް އެންޑް ބަދީއް

02 November 2016

ކޮންއިރަކުންތަ އެބުނާ އަރަނި ބަޖެޓު އައްފޯރާފަށަށް އަންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޭއެކޮނޮމިކްސް ނޭގޭ

02 November 2016

ބަޖެޓު ޑެފެސިޓު ވަނީ ކިހިނެއް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްތިއުފާ

02 November 2016

މީރާގެ ވަތްގަނޑަށް އެއްޗެއް ވަނީމަ އެއެއްޗެއް ނަގައިގެން ގައުމު ފިރުކެމުން މިދަނީ އިކޮނޮމިސްޓަށް ގައުމު ހިންގަން ނޭނގުނީ ގައުމުގަ ހިންގި އެންމެ ބިޔަ ވައްކަން މި ވެރިކަމުގައި ހިންގީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

02 November 2016

މަރުހަބާ ދިވެހިސަރުކާރު ރާއްޖޭގެ ތަރައްގީއައް ތިޔަކޮއްދެއްވާ މަސަތްކަތައް ފައްފަށުން ސުކުރު ދަންނަވަން އުންމީދު ކުރަން ހދ ހއ ށ މިތިންއަތޮޅު ތަރައްގީވެގެންދާނެ ކަމައް 30 އަހަރު އޮތީ މިސަރަހައްދު ނިކަމެތިހާލުގަ ރައީސް އެސަރަހައްދައް ވަޑައިގެން ދެއްކެވި ވާހަކަތަކޔގެ ނަތީޖާޔާ އެއްގޮތައް މަޖިލީހުގެ މެންބަރުން ބަޖެޓުފާސްކުރުން އެއީ ވަރައް މުހިންމު ކަމެއް