ޕީޕީއެމް ޖަލްސާއެއްގައި އެ ޕާޓީގެ އިސް ބޭފުޅުންނާއި އާއްމު މެމްބަރުން ބައިވެރިވަނީ. --ފޮޓޯ: ޕީޕީއެމް
03 ނޮވެމްބަރ 2016 - 12:47
104 comments
ޕީޕީއެމްގެ ފަސް ވަނަ އަހަރީ ދުވަސް ފާހަގަކުރަން "އަސްލު" ޖަލްސާގެ ނަމުގައި އެ ޕާޓީގެ މުސްތަޝާރު ރައީސް އަބްދުﷲ ޔާމީންގެ ފެކްޝަނުން ޕްރޮމޯޓް ކުރަމުންދާ ޖަލްސާ އަށް ސަރުކާރުގެ މުވައްޒަފުން ދާން އަންގަނީ އެއީ މެނިފެސްޓޯ ތަންފީޒުކުރުމާ ގުޅޭ ޖަލްސާއެއް ކަމަށް ބުނެ ކަން ހާމަވެއްޖެ އެވެ.
ހާޒިރީ ބަލައި ޖަލްސާ އަށް ނުދާ މުވައްޒަފުންނާ ދޭތެރޭ ފިޔަވަޅު އަޅާނެ ކަން ސަރުކާރު ހިއްސާވާ ބައެއް ކުންފުނިތަކުން އަންގާފައިވާއިރު، ޔޫތު މިިނިސްޓްރީގެ ހުރިހާ މުވައްޒަފުން ދާން އަންގާފައިވާ މެމޯއެއް ސޯޝަލް މީޑިއާގައި ވަނީ އާއްމުވެފަ އެވެ.
މެމޯގައި ބުނެފައި ވަނީ ޕީޕީއެމްގެ ޖަލްސާ ބާއްވަނީ އެ ޕާޓީގެ މެނިފެސްޓޯ ތަންފީޒުކުރުމާ ގުޅޭ ގޮތުން ކަމަށެވެ. އެ ޖަލްސާގައި ރައީސް އަބްދުﷲ ޔާމީން ބައިވެރިވެވަޑައިގަތުމަށް ހަމަޖެހިފައިވާތީ، މާދަމާ ރޭ 8:45 އަށް އެ މިނިސްޓްރީގެ ހުރިހާ މުވައްޒަފުން ކާނިވާ ސަރަހައްދަށް ދާން މިނިސްޓަރު އެދިވަޑައިގަންނަވާ ކަމަށެވެ.
މެމޯ އިން ނުވަތަ ނޯޓަކުން ބައެއް މުވައްޒަފުން ޖަލްސާ އަށް ދާން އަންގާފައިވާއިރު ކުންފުނިތަކާއި މިނިސްޓްރީތަކުގެ ސިޔާސީ ބޭފުޅުން މުވައްޒަފުންނާ ބައްދަލުކޮށް ވެސް ޖަލްސާގައި ބައިވެރިވާން އަންގަވާފައި ކަމަށް ވެސް އެނގިފައިވެ އެވެ. ބަލިވުމުގެ ސަބަބުން ޖަލްސާ އަށް ދާން އުޒުރުވެރިވާ މީހުން، ސަލާން ސެޓްފިކެޓް ހުށަހަޅަން ވެސް އަންގާފައިވެ އެވެ.
އެކަމަކު އެ ޖަލްސާ އަށް ދާން މުވައްޒަފުންނަށް އޮފީސްތަކުން ބިރު ދައްކާ ވާހަކަ ރައީސް ޔާމީން ފެކްޝަނުން ވަނީ ދޮގުކޮށްފަ އެވެ.
ޕީޕީއެމް ޖަލްސާއާ ގުޅޭ ތައްޔާރީތަކުގައި މިނިސްޓަރުންނާއި މަޖިލިސް މެމްބަރުން އަދި ކުންފުނިތަކުގެ ވެރިން ބައިވެރިވެވަޑައިގަންނަވަނީ.
ރައީސް ޔާމީން ފެކްޝަނުގެ ސެކްރެޓަރީ ޖެނެރަލް، ނިލަންދޫ ދާއިރާގެ މެމްބަރު ޑރ. އަބްދުﷲ ހަލީލް އިއްޔެ ވިދާޅުވީ ޖަލްސާ އަށް ސަރުކާރު މުވައްޒަފުން އަދި އެހެން ބަޔަކު ވެސް ދާން މަޖުބޫރު ނުކުރާ ކަމަށެވެ. ސިޔާސީ ކަންކަމަކީ މަޖުބޫރުން ކުރުވާ ކަންކަން ނޫން ކަމަށާއި އެފަދަ އެއްވެސް އެންގުމެއް އެއްވެސް ބަޔަކަށް އަންގާފައި ނުވާނެ ކަމަށް އޭނާ ވިދާޅުވި އެވެ.
އޭނާ މިހެން ވިދާޅުވިޔަސް ޖަލްސާ ބޭއްވުމާ ގުޅޭ އިންތިޒާމްތައް ހަމަޖެއްސުމުގެ މަޝްވަރާ ބައްދަލުވުމުގައި އިސްކޮށް އުޅުއްވީ ކެބިނެޓުގެ ވަޒީރުންނާއި ރައްޔިތުންގެ މަޖިލީހުގެ ޕީޕީއެމް މެމްބަރުންނާއި ކުންފުނިތަކުގެ މެނޭޖިން ޑިރެކްޓަރުންނާއި ކައުންސިލް މެމްބަރުންނެވެ. އެ ބައްދަލުވުން އޮތީ އަންގާރަ ދުވަހު މެންދުރު މުލީއާގޭގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބާސްމަތީ ރައީސް
04 November 2016
ބައެއް މީހުން ގަޓުގެ ވާހަކަ ދައްކާއިރު އާ ދެން ތިގަޓުހުރުމަކީ ތިމާ ވެރިކަމަށް ގެނެސްދިން މީހުނަށް ހަރާންކޯރުވުމާއި ގަދަކަމުން ޕާޓީއާއި މުދާފޭރިގަތުމާއި ފާރުތަކުގަ ހުތުރު ތަކެތި ލިޔުމާއި ކަޅުތެޔޮޖެހުންކަހަލަގެ ދަށުދަރަޖައިގެ ކަންކަންކުރުމާްއި ސިޔާސީ މަޤާމުތަކުގައި ތިއްބެވި ބޭފުޅުންލައްވާ ދައުލަތުގެ މުވައްޒަފުންނަށް ސިޔާސީ ކަންކަމުގައި ބައިވެރިވަން މަޖްބޫރުކުރުން ކަމަށްވަންޏާ ، ޑިމޮކްރަސީގައި ތިޔަކަހަލަ 'ގަޓު' އަހަރެމެން ގަ ނެތް
ހަސަނު
04 November 2016
ގަދަބާރުން ރުހުމާ ނުލައި މީހުން އެއްކޮށް، އެހެން ޕާޓީތަކަށް ޖަލްސާއެއް ބޭއްވުނަނުދީ، ރައްޔިތުންގެ މުދަލުން ހަރަދުކޮށް ފުލައިޓްތައް ޗާޓަރުކޮށް، ސަރުކާރު ކުންފުނިތަކުން ހަރަދު ކޮށްގެން ޖަލްސާއެއް ބޭއްވުމެކޭ މައުމޫނު އޮފީހު ފާރުގާ އައުގުރާނަ ކުރެހުމެކޭ ތަފާތެއް ނެތް... މި ދެ ކަމުން ވެސް ފެންނަނީ އެއްކަމެއް.. "މިމީހުންގެ ފެންވަރު".. އަދި ރުހިގަބޫލުވެގެން ހިތުން ރުހުމުން މިމީހުންނާ ބައިވެރިވާނެ ރައްޔިތަކު ނެކަން.....
ޙުސޭނު
04 November 2016
އެޑިޔުކޭޝަނާއި ޖެންޑަރ މިނިސްޓރީގެ ސިޔާސީވެރިންވެސް މުވައްޒަފުން ތި ޖަލްސާއަށް ދިއުމަށް އެދެމުން އެބަދޭ!
އަސްލަމް
04 November 2016
ސިވިލް ސާރވިސް އެއޮތީ އެތަނަށް ދިއުމަށް މެމޯ ނެރެފަ. ދެންޖެހޭނީ އެތަނަށްދާން.
ފަރީ
04 November 2016
ހާދަ ނިކަމެތިކޮށް މެމްބަރުނަނަށް ހިތާ ޕާރޓީ އެކޭ ޕީޕީ އެމް އަކީ. ކިއްކުރާނި، ވަޒީފާގަޑު ބޭނުމިއްޔާ ޖެހޭނީ ދާން.
ހާމީ
04 November 2016
އެނގީދާނެއެއް ނޫން މީފަހަރު ވޯޓުވެސް ލާންޖެހޭނީ ހަމަ އަނގާ ގޮތައް..ވޯޓުނުލާއެންމެން ފައީހީއްޕާލާނަން..ވޯޓު ފޮށީކާރީ ވޯޓުލާންވީ ގޮތް ކީޔާދޭން މީހުން ބައީތީއްބާނަން..ކޮންމެ ގޮތަކައް ވީޓުދީނަސް އެންމެގީނަ ވޯޓުލީބެންޖެހޭނީ ޕީޕީއެމް އަށް ވާގޮތައް ހުރީހާކަމެއް ރޭވީފަ އޮންނަންވާނީ..ހައް ހައް ހައް....ހާ
އަހުމަދު ކަރީމް
04 November 2016
ހަލީލަކަށް ނޭގޭނެ ކަންކަން ހިނގާގޮތެއް. ތި ކަމަކީ ހަމަ ހަގީގަތުގައިވެސް ހިންގާ ބޮޑު ޖަރީމާއެއް!
ހުދުމުޚުތާރު
04 November 2016
5 ވަނަ ޖަލްސާ ތި ބާއްވަނީި ކޮން ހައިސިއްޔަތަކުން.
ހަސަނު
04 November 2016
ޜައްޔިތުންގެ ވަސީލަތްތައް ނަހަމަ ގޮތުގަ ބޭނުންކޮށް، މީހުންނަށް ބިރުދައްކާ އޮޅުވާލައިގެން، ހައެއްކަހާސް މީހުން ތަނަކަށް އެއްކުރެވުނީމާ އޭގާ އޮތީ ކޮން މޮޅެއް؟؟
ދަންނަ
04 November 2016
ގަދަ ބާރުން ނޫނީ އެއްކަމެއްވެސް ދެނެއް ކަލޭމެނަށް ނުވާނެ... ބިރުވެސް ދެއްކި އިންޒާރުވެސް އެބަ ދޭ.. ޗާޓަރު ކޮށްގެން ފުލައިޓުވެސް މީހުން ގެންނަނީ... ހެހެހެހެހެހެހެ... ސަހަރޯ... ދެއްކުންތެރި ވިޔަސް ބޮޑުވަރު......ހިތުގަ އޮތީ ނަފުރަތު...