ދާންދޫ އެކްސިޑެންޓްގައި އަނިޔާވި ކުއްޖާ މާލެ ގެނެސްފި

އައިޖީއެމްއެޗްގެ އިމާރާތް: ދާންދޫގައި އަނިޔާވި ކުއްޖާ އަށް އިތުރުފަރުވާ ދޭން ރޭ ދަންވަރު މާލެ ގެނައި -ފޮޓޯ: ނިޝާން އަލީ/ މިހާރު

ލަމްޔާ އަބްދުﷲ، މިހާރު

17 ޑިސެމްބަރ 2020 - 13:10

7 comments

ގއ. ދާންދޫގައި އިއްޔެ ހިނގި އެކްސިޑެންޓުގައި އަނިޔާވި ކުއްޖާ އަށް އިތުރު ފަރުވާ ދޭން މާލެ ގެނެސްފި އެވެ.

މި އެކްސިޑެންޓުގައި އަނިޔާވީ އާއިލާއާ އެކު ޗުއްޓީ ހޭދަކުރަން ދާންދޫއަށް ދިޔަ ތިން އަހަރުގެ ފުވައްމުލަކު ކުއްޖަކަށެވެ. ބާރަށް ދުއްވާފައި ދިޔަ ސައިކަލެއް މި ކުއްޖާ ގައިގައި ޖެހުމުން ލިބުނު ސީރިއަސް އަނިޔާތަކަށް އިތުރު ފަރުވާ ދޭން އެ އަތޮޅު ވިލިނގިލި ހޮސްޕިޓަލަށް އިއްޔެ ގެންދިޔަ އެވެ. އަދި މިހާރު އެ ކުއްޖާ ވަނީ އައިޖީއެމްއެޗަށް ގެނެސްފައި ކަމަށް އެ ހޮސްޕިޓަލުގެ މެނޭޖަރު ޝަރީފް އަހުމަދު "މިހާރު" އަށް ވިދާޅުވި އެވެ.

"ޗާޓަރު ފްލައިޓެއްގައި އަޅުގަނޑުމެން އެ ކުއްޖާ ރޭގައި މާލެ ފޮނުވިން. ދަންވަރު 3:30 ކަން ހާ އިރު އައިޖީއެމްއެޗްއަށް ގެންދެވުނު،" އޭނާ ވިދާޅުވި އެވެ.

އަވަހަށް މާލެ ގެންނަން ޖެހުނީ އެ ކުއްޖާގެ ބޮލަށް ބޮޑެތި އަނިޔާތަކެއް ލިބުމުން ސީޓީ ސްކޭނެއް ހަދަން ޖެހުމުން ކަމަށް ޝަރީފް ވިދާޅުވި އެވެ. އަދި އެ ކުއްޖާގެ ވާތު ފައިގެ ކަށިގަނޑެއް ބިނދިފައިވާ ކަމަށް ކަމަށް ވެސް އޭނާ ވިދާޅުވި އެވެ.

Dhaandhoo gai hingi accident eh gai kuda kujjaku serious haalathugai

The most trusted news source in the Maldives

Mihaaru

ޝަރީފް ވިދާޅުވީ އެ ކުއްޖާ މާލެ ފޮނުވީ ވިލިނގިލީ ހޮސްޕިޓަލުގެ ހޭނައްތާ ޑޮކްޓަރާއި ހެޑް ނަރުހާ އެކު ކަމަށެވެ.

މި އެކްސިޑެންޓުގައި އެ ސައިކަލް ދުއްވަން އިން މީހާ އަށް ވެސް އަނިޔާވެ ފަރުވާ ދޭން ވިލިނގިލި ހޮސްޕިޓަލަށް އިއްޔެ ގެންދިޔަ އެވެ. ޝަރީފް ވިދާޅުވީ އެ މީހާއަށް ފަރުވާ ދިނުމަށް ފަހު ރޭ ދޫކޮށްލާފައިވާ ކަމަށެވެ.

ފުލުހުން ބުނީ ސައިކަލް ދުއްވީ ވެހިކަލް ދުއްވުމުގެ ލައިސެންސް ނެތް މީހެއް ކަމަށެވެ. އަދި މި މައްސަލަ ތަހުގީގު ކުރަމުން އަންނަ ކަމަށް ބުންޏެވެ.

ފުލުހުން އައިޖީއެމްއެޗު ގއ. ދާންދޫ މަގުމަތީގެ އެކްސިޑެންޓް ގއ. ވިލިގިލި ގއ. އަތޮޅު ހޮސްޕިޓަލް

7 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

80ގަ

19 December 2020

އެ މްޑީޕީ ސަރުކާރު މިއުޅެނީ 80ގެ އަހަރު ތަކުގެ ތެރޭ. އަވަހަށް އިސްތިއުފާދީފަ ގެއަށް ކަނޑާލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ އަސްފާގު

18 December 2020

ފުލުހުންތިބީ ފޭލިވެފަ. މުޅި ގައުމު އޮތީ ގާނޫނާއި ގަވައިދާ ހިލާފަށް އުޅޭ މީހުންގެ އަތް ދަށުގަ، ތިޔަކުއްޖާ އަށް މާތް ﷲ ގެ ތަނަވަސް ރަހުމަތަށް އެދި ދުއާ ކުރަން. މާތް ﷲ ގެ އަވަސް މިންވަރު ކުރައްވާށި، ޢާމީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރީތި މޫސަ

17 December 2020

މިކަން ބަލާނެ ބަޔަކުނެތް ރައްފުށުގަވެސް މާލޭގަވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމު އިދުރީސް

17 December 2020

ކުރިން ދުވަހު ލައިސަންނެތި ދުއްވާ މީހެއްގެ ފުރާނަ ގެއްލުވާލި މީހަރުއިންނާނީ އެޔައްވުރެ ބާރައްދުވާ ސައިކަލެއްމަތީ! ކުދިކުދި ރައްތަކުގަ ޓުރެފިކު އުސޫލުތަކެއް އެކުލަވާލާ ޓުރެފިކު ހައްލު ނުކުރެވުނު ދިވެހިން މިހާރު ފޫގައަޅާފަ ތިބީ ރޮކެޓު ހަދައިގެން ހަނދައްދާން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިނި

17 December 2020

ބާރައް ސައިކަލު ދުވިޔަސް އެޅޭ ހަރުކަށި ފިޔަވަޅެއް ނެތް، ދެން އަތުނުލެވޭހޭ ދުވަހެއް ވަންދެން ދުއްވަން ވީނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަވޫ

17 December 2020

ދެފޫޓު ހަމަ ނުވާ ތަންތާ ސައިކަލު ކީއްކުރަން އަދި ރޭލު ވެސް ދުއްވަންވާނެ! ދާންދޫ ގައި ރޭލު ދަގަނޑު އަޅަމާ ؟ މާލޭގަޔާ ؟ ކިހާ ދެރަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖައިސާމް

17 December 2020

ކީއްވެތަ މިކަހަލަ ނުރައްކާ މީހުން އަލުން މުޖުތަމަޢަށް ދޫކުރަނީ؟ ވަޅިޖަހައިގެން މަރުވާ މީހުނާ އެއްވަރަށް ނުރައްކާތެރިކޮށް ދުއްވައިގެން ދާއިމީ އަނިޔާ ލިބޭ، ނުވަތަ މަރުވާ މީހުން ފަހަކަށްއައިސް ގިނަވާން ފަށައިފި.