19 ޑިސެމްބަރ 2020 - 18:10
50 comments
މީގެ އަހަރުތަކެއް ކުރިން ގާމަންޓް ފެކްޓަރީތަކެއް ހިންގި އައްޑޫގައި އަލުން އެފަދަ ފެކްޓަރީއެއް ހަދަން ނިންމައި، އެކަމާ ގުޅޭ ކޮންސަލްޓެންސީ ދޭނެ ބަޔަކު ހޯދަން ބީލަމަށް ހުޅުވާލައިފި އެވެ.
އިކޮނޮމިކް މިނިސްޓްރީގެ ދަށުން ހިންގާ ބިޒްނަސް ސެންޓަ ކޯޕަރޭޝަން (ބީސީސީ) އިން ބުނީ ކޮންސަލްޓަންސީ މަސައްކަތްކޮށްދޭން ޝައުގުވެރިވާ ފަރާތްތަކަށް ހޯމަ ދުވަހާ ހަމައަށް ރަޖިސްޓްރީވުމުގެ ފުރުސަތު ހުޅުވާލާފައިވާ ކަމަށެވެ. މި ލިންކުން https://tinyurl.com/y7t7ggzr ރަޖިސްޓްރީކުރެވޭނެ އެވެ.
އަދި މަޝްރޫއާ ބެހޭ މައުލޫމާތު ދިނުމުގެ ސެޝަން ހޯމަ ދުވަހު ޒޫމް މެދުވެރިކޮށް ބޭއްވުމަށް ފަހު، ބީލަން ހުށަހެޅުމުގެ ފުރުސަތު މި މަހުގެ 24 ވަނަ ދުވަހާ ހަމައަށް އޮންނާނެ އެވެ.
ބީސީސީން ބުނިގޮތުގައި ގާމެންޓް ފެކްޓަރީ މަޝްރޫއަށް ކޮންސަލްޓަންޓަކު ހޮވުމުގައި އެންމެ ބޮޑަށް ބަލާނީ މަސައްކަތަށް ހުށަހަޅާ އަގާއި ދާއިރާ އިން ލިބިފައިވާ ތައުމީލާއި ތަޖުރިބާއަށެވެ.
އައްޑޫ ގަމުގައި މީގެ އަހަރުތަކެއް ކުރިން ސްރީ ލަންކާގެ ކުންފުނިތަކުން ގާމަންޓް ފެކްޓަރީތަކެއް ހިންގި އެވެ. އެ ދުވަސްވަރު އެ މަސައްކަތުގެ ސަބަބުން އައްޑޫގެ އިގުތިސާދަށް ހެޔޮ ބަދަލުތަކެއް ވެސް އަ އެވެ. ގަމުގައި ހިންގި ގާމަންޓް ފެކްޓަރީތަކުން އައްޑޫގެ ވަރަށް ގިނަ ބަޔަކަށް ވަޒީފާގެ ފުރުސަތު ލިބުނެވެ. ހާއްސަކޮށް އެ ތަންތަނުގައި ގިނަ އަދަދެއްގެ އަންހެނުން ވަޒީފާ އަދާކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޭކާރު ކަމެއް.
20 December 2020
މާލޭ ސަރުކާރަށް ވަރަށް ސަލާމް. ތިއީ ކަލޭމެނަށް އައްޑޫގައި ކުރާން ފެނުނު އެންމެ ރަނގަޅު ކަންތައްދޯ ؟
މަރޭ.
20 December 2020
އެއްގޮތަކަށް ވެސް ތިތަން ގަމުގައި ހަދާން ފުރުސަތު ދީގެން ނުވާނެ. ހުޅުމީދޫ ގައި ހެދުން ރަނގަޅު. މިވަތަ އަނެއް ފަރުގައި ވިޔަސް ހަދާން ވާނީ މީހުން ދިރިއުލޭ ރަށެއްގައި. ގަމަކީ ފެކްޓަރީ އާއި މިލިޓަރީ ކަންކަން ކުރާންޖެހޭ ތަނެއްނޫން. އެއީ އެއަރޕޯޓެއް އޮތް ތަނެއް. އެތަނަށް ބިން ބޭނުންވާނެ.
އެދުރުކަލޭފާނު - ފޭކްނިއުސް
20 December 2020
ހަދަނީ ނިމެނީ ހަދާނެ ހަދަމުންދަނީ ބަޖެޓްކުރަނީ ބަޖެޓް އެބަހުރި މިހާރު ނިމެނީ މިއަންނައަހަރު ނިމެނީ މިއަންނަމަހު ނިމެނީ...މިނޫން އެހެންގޮތެއް އައްޑޫއަށް އެންޑީޕީ ބޮޑުތަނުން ފެއިލް
އޮނަރަބްލް އަފީފު ދީދީ
20 December 2020
ގޭން އެއަރޕޯޓް ތަރައްޤީ ކުރާން ބޭރުގެ ފައިނޭންޝަލް އިންސްޓިއުޝަން ތަކާއި ދައުލަތް ތަކުން ފައިސާ ލިބެންއޮތީ އެތަނުގެ ނަމުގެ ކުރިއަށް މުޤައްދަސް ރަށްގަނޑުގެ ނަން އާދެ "މާލެ" ހިމަނައިގެން ކަމުގައިވާނަމަ "މާލެގޭން އިންޓަރނޭޝަނަލް އެއަރޕޯޓް" ގެ ނަމަށް ތިތަނުގެ ނަން ބަދަލުކޮށްގެން ވިޔަސް އަދި ތިތަނަކީ ކ.އަތޮޅު މާލޭ އެއަރޕޯޓްގެ ތަނެއްގެ ގޮތުގައި ތިތަނަށް ލިބޭ ހުރިހާ ފައިސާއެއް މާލެއަށް ގެންދާ ގޮތަށް ނަމަވެސް ތަރައްޤީ ކުރާންޖެހޭ ތަނެއް. އޭރުން ގައިމު އައްޑޫމީހުނަށްވަޒީފާލިބޭނެ.
މަވޯޓާ. ޤާސިމް
20 December 2020
ގަމުގެ އެއަރޕޯޓް ތިގޮތަށް ތަރައްޤީކޮށް ތިއީ އެއަރބަސް މެއިންޓަނެންސް ކުރެވޭ ތަނަކަށް ހަދައިފިނަމަ މުޅި ދެކުނުގެ ރައްޔިތުންނަށް ބޭނުންވާ ވަޒީފާތައް އައްޑޫގައި އުފެދޭނެ. ފަތުރު ވެރިކަމަށް ހަމަ އެކަނި ވިސްނުމުގެ ބަދަލުގައި މިފަދަ އިޤުތިސޯދީ ކަންކަން ރާއްޖޭގައި ކުރާންވެއްޖެ.
ކަޓް
20 December 2020
މާލޭ ސަރުކާރަކުން ތިކަން ނުކުރާނެ. ސާފު ބޯފެނާއި ނަރުދަމާ އައްޑޫގައި ގާއިމްކޮށްނުދިން ބަޔަކު އެއަރޕޯޓް ތަރައްޤީ ކޮށްދޭނެތަ ؟
ހަންކޮޑު.
20 December 2020
އެއްރަށް ދައުލަތުން ބޭނުމެއްނުވާނެ އައްޑޫފަދަ މިނިވަން ޙިޔާލުގެ މީހުން ދިރިއުޅޭ ތަނެއް ތަރައްޤީ ކުރަން. އެހެންވެ މިކަހަލަ ޖެއްސުން ކުރަނީ.
އަބޫ މުހަންމަދު
20 December 2020
ތިޔައީ އިންޑިއާ މީހުންނަށް ހަދައިދޭ ތަނެއް. އެންމެ ދިވެއްސަކަށް ވެސް ތިޔަ ތަނުން ވަޒީފާއެއް ނުލިބޭނެކަން ކަށަވަރު.
ދީދީގެދަރިދީދީ
20 December 2020
ތިޔައީ މިސަރުކާރުން އެއްގޮތަކަށްވެސް އައްޑޫ ރައްޔިތުންނަށް ވަޒީފާހެ ފުރުސަތު ހޯދަދޭން ކުރާކަމެއްނޫން. ރާއްޖޭގައިތިބި ބަންގާޅީންނަށް ވަޒީފާދީ އެމީހުން މިތާގައި ތިބެވޭނެގޮތް ހަދާދިނުމަށް ކުރާކަމެއް.
ސިމްޕަލް
20 December 2020
އައްޑޫގައި އަލުން ގާމަންޓް ފެކްޓްރީއެއް އަޅައިފިނަމަ އައްޑޫ އެދިޔައި 30 އަހަރު ފަހަތަށް. ފެކްޓްރީގައި މަސައްކަތްކުރަން މީހުން ގެންނަން ޖެހޭނީ ބަންގްލަދޭޝް އިންނާއި ވިއެޓްނާމުން. އައްޑޫގައި ހިންގި ފުރަތަމަ ގާމަންޓް ފެކްޓްރީއަކީވެސް އައްޑޫއަށް ލިބެން އޮތް އިންޓަރނޭޝަނަލް ޕޯޓެއް ހުއްޓުވުމަށްފަހު އެދުވަސްވަރުގެ ބާރުގަދަ ބޭފުޅަކު ދެއްކެވި ހުވަފެނެއް.
ޒައިނިން ޒަހުލާން
20 December 2020
ތިކަމަށް އެނެްމެ މޮޅުވާނީ ކެރަފާ ނަސީމެވެ އޭނަ ކުރިންވެސް ބޮޑެތި ލޯނުތައް ސަރުކާރުން. ނަގުވައިގެން އެއަރޓެކްސީގައި ރަށްރަށަށް ދަތުރުކޮށް މީހުންނަށް ދަޅަދައްކާފަ ވެއެވެ
ހާމިދު ޝާހިދު
20 December 2020
ތިކަމުގެ ކޮންސަލްޓެންސީ ދޭން އެންމެ ރަނގަޅުވާނީ މައްސޮޑި ނަސީމާއި ރައީސް ޔާމީން. ރައީސް ޔާމީނުގެ ޓްރޭޑްމިނިސްޓްރީގެ ދަށުން ހިނގަމުންދިޔަ އެފްއައިބީސީ ގެ އިސްވެރިއަކަށް އޭރު ހުންނެވީ ނަސީމު. އެ 2 ބޭފުޅުންވެގެން އެކަން އާލާކުރެވޭތޯ ވަރަށް މަސައްކަތްކުރެއްވި. އެކަމަކު އާލާވާގޮތެއްނުވި. އައްޑޫ އަންހެނުން ފެކްޓްރީއަށްދާން ބޭނުމެއްނުވި. ހަޑިކަމަކަށްވީ. އެންމެފަހުން މުޅިން ލަންކާމީހުންގެނެސްގެން އޮޕަރޭޓްކުރަންޖެހުނީ. މިހާރު ބޭނުންވާނެބާ އޭ ހިތައްއަރަނީ.
މޫސާކުއްދާ
20 December 2020
އޭރާ މިހާރުގެ ތަފާތަކީ މުސާރަ! އޭރު 300ރ. މަހު މުސާރައަށް ދިނީތީވެ ވަޒީފާއަށް ދާން ބޭނުންނުވި ކިތަންމެ ބަޔަކު މިހާރު 5000-10000ރ އާއި ދެމެދުގެ މުސާރައަކަށް ދާނެ. އެވަރުގެ މުސާރައެއް ދެވެންވާނެ، ދޭންވެސް ދޭނެ!
ނަން
20 December 2020
ތިވަރު މުސާރައެއް ދީގެން ތިކަން މިޒަމާނުގަ ފައިދާހުރި ގޮތެއްގަ ކުރެވޭނެހެން ހިޔެއް ނުވޭ. މުޅި ދުނިޔޭގެ އެއްމެ ގިނަ ގާމެންޓް ފެކްޓްރީތައް މިހާރު ހުރީ ބަންގްލަދޭޝްއާ ވިއެއްޓްނާމް ކަހަލަ ތަންތާ. މީގެތެރޭ ދުނިޔޭގެ އެއްމެ ބޮޑެތި ފެޝަން ބްރޭންޑްތަކުން ހިންގާ ތަންތަންވެސް ވަރަށް ގިނަ. އެއީ މިތަންތާ ލޭބާ ކޯސްޓް ދަށްކަމުން. ރާއްޖޭގަ ތިއިން ތަނެއް އެޅިޔަސް ހަމަ ޖެހޭނީ ބަންގްލަދޭޝް މީހުން ގެންނަން.