މޯލްޑިވިއަންގެ މަތިންދާބޯޓަކަށް ބަޔަކު އަރަނީ. އެ އެލާއިނުން މިރޭ ލަންކާއަށް ޗާޓާ ދަތުރުތަކެއް ފަށާނެ-- މޯލްޑިވިއަން
23 ޑިސެމްބަރ 2020 - 19:29
7 comments
ގައުމީ އއާލައިން، މޯލްޑިވިއަން އިން ސްރީލަންކާގެ މައްތަލަ ރާޖަޕަކްސާ އިންޓަނޭޝަނަލް އެއާޕޯޓަށް ޗާޓަރު ފްލައިޓްތަކެއް ބާއްވަން ނިންމައިފި އެވެ.
މޯލްޑިވިއަނުން ބުނީ ލަންކާ ސަރުކާރުން ޗާޓަރުކޮށްގެން ކުރާ އެ ދަތުރުތައް މިރޭ ފަށާނެ ކަމަށާއި ކުރިއަށް އޮތް އެއް މަސްދުވަހު، ހަފްތާއަކު ދެ ދަތުރުކުރާނެ ކަަމަށެވެ. ދަތުރުތައް ފަށާކަން ހާމަކޮށް މައްތަލަ އެއާޕޯޓުން ކުރި ޓްވީޓެއްގައި ބުނީ އެ ދަތުރުތަކަކީ ސީފާރާސް އަށް ހާއްސަކޮށް ކުރާ ދަތުރުތަކެއް ކަމަށެވެ.
މައްތަލަ އެއާޕޯޓަކީ ލަންކާގެ ބަނދަރުމަތީ ރަށް ހަމްބަންޓޯޓާއާ ވަރަށް ކައިރީގައި އޮންނަ އެއާޕޯޓެކެވެ.
އެނގިފައިވާ ގޮތުގައި މިހާރު ހަމަޖެހިފައިވާ ޗާޓަރު ފްލައިޓްތައް އެއް މަސްދުވަހަށް ވުރެ އިތުރަށް ބޭއްވުމަކީ ވެސް އެކަށީގެންވާ ކަމެކެވެ. އެ މަޝްވަރާތައް އަންނަނީ ކުރަމުންނެވެ. ސްރީލަންކާގެ ގައުމީ އެއާލައިން، ސްރީލަންކަން އިން ރާއްޖެ އަށްް ޝެޑިއުލް ދަތުރުތައް ކުރަމުން އަންނަ އިރު، ލަންކާ ސަރުކާރުން މޯލްޑިވިއަން އަށް މިފަދަ ފުރުސަތެއް ދިނީ ބެލެވޭ ގޮތުގައި އަގާއި ހިދުމަތް ރަނގަޅުވީމަ އެވެ.
ސްރީލަންކާއަކީ މޯލްޑިވިއަން އިން ޝެޑިއުލް ދަތުރުތައް ކުރާ ގައުމެއް ނޫނެވެ. އެކަމަކު އެ ގައުމުގެ ވެރިރަށް ކޮލަމްބޯގެ ކައިރީގައި އޮންނަ ރަތުމަލާނާ އެއާޕޯޓަށް ޝެޑިއުލް ދަތުރުތައް ފަށަން ކުރަން ޖެހޭ މަސައްކަތްތައް މޯލްޑިވިއަން އިން އަންނަނީ ކުރަމުންނެވެ. އެ ދަތުރުތައް އަންނަ އަހަރު ފެށޭނެ ކަމަށް އެ އެއާލައިނުން އުއްމީދު ކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
23 December 2020
ގޭންއެއަރޕޯޓް ހިންގުމަށްޓަކާ ސިޓީ ކައުންސިލުން އައްޑޫގެ ވިޔަފާރިވެރިންނާއި ދެކުނުގައި ފަތުރުވެރިކަމަށް އިންވެސްޓްކޮށްގެން ތިބި ފަރާތްތަކާއި ބައެއް ޓްރެވަލް އަދި ޓިކެޓިންގ އޭޖަންސީތަކާއި ސީދާ އިންޑިޔާ އެމްބަސީގެ އެހީތެރިކަން ހޯދައިގެން ބޮމްބޭ - ގޭން - ހޮންގކޮން އަދި ޑެއްލީ-ގޭން-ޕާރތް އަށް ވީކްލީ ޝެޑިއުލް 2 ދަތުރު ކުރުމަށް އިންޑިގޯ އާއިއެކު އެއްބަސްވުމެއް އެކުލަވާލާ އައްޑޫ ގޭން އެއަރޕޯޓްގެ ކުރިއެރުމަށް އިންޑިޔާގެ އެހީތެރިކަން ހޯދާންޖެހޭ. ވަގުތުނަގާނުލާމިކަންކުރޭ.
އެހެންތާ ؟
24 December 2020
ހާދަ ވަރަކަށް ތިތަނަށް އިންޑިޔާ ގެންނާން ތިއުޅެނީ ؟ އަނެއްކާވެސް މަގޫ ދަނޑި ހެދުމުގެ ވިސްނުން ގެންގުޅެނީތޯ ؟
ހޯރަބެ
23 December 2020
ހުސްކޮށް ދަތުރު ނުކުރައްޗޭ؟ ޗާޓަރޭ ކިޔާފަ ގެންދާ ކޮންމެ ބޮލަކަށް ލާރި ނަގައިގެން އެ އީ ޗާޓަރެއް ނޫން .
ކަކުނިބޯ
24 December 2020
އެހެންތަ ކޮބާތަ ޗާޓަރަކީ؟ ޗާޓަރު ފުލައިޓިންވެސް ޓިކެޓްވިއްކާނެކަން އެގިފަ އޮންނަނީ. ޗާޓަރު ފުލައިޓް ޖެއްސުމުގައި އެއަރޕޯޓް ފީ އެ އެއަރލައިނަކަށް ބޮޑުވާނެކަމާ އަދި ޗާޓަރ ފުލައިޓް ހުއްޓާލަން ބޭނުންއިރަކު ހުއްޓާލެވޭނެ ކަން އިގެނީ ޝެޑިޔުލް ފުލައިޓަކީ ފަށާފިއްޔާ ކޮންޓްރެކްޓް ޕީރިޔަޑްގައި އަޅަންޖިހޭ އެއްޗެއްކަން އެގެނީ ޗާޓަރު ފްލައިޓް އާންމުކޮށްއަޅަނީ ޓެސްޓް މަރކެޓަށާ ކުޑަދުވަސް ކޮޅަކު އޮންނަޑިމާންޑަށާ ކުއްލި ރޭވުމަށް އަޅަންޖިހޭދަތުރަށް ކަންއެގެނީ
އުދުހޭ
24 December 2020
ވާނުވާ ނޭންގުނަސް ކޮމެންޓް ކުރެވޭދޯ؟! ޗާޓަރު ކުރުމުގެ މާނައަކީ ހުސްކޮށް ދިޔަޔަސް އެއަރލައިނަށް ލަންކާ ސަރުކާރުން ފައިސާ ދޭނެ ވާހަކަ. ޓިކެޓް ވިއްކައިގެން ލިބޭ ފައިސާ ލިބޭނީ ލަންކާ ސަރުކާރަށް. ލޯޗެއް ކުއްޔަށް ހިފައިގެން ޕެސެންޖަރުންނަށް ޓިކެޓް ވިއްކުން ކަހަލަ ކަމެއް.
ސަމްމާން
24 December 2020
ދިވެހިން. ހެޔޮވާނެ ނޭނގުނަސް ކޮމެންޓް ކުރަންވާނެ. މަގޭ ޙައްގޭ ކިޔާފައި. ހެޔޮނުވާނެ ތި އުޅުން ދޫކޮށްބަލަ. ނޭގެންޏާ އެއްޗެއް ނުބުނެ، ނޫނީ ކޮންމެހެން ކޮމެންޓް ޖެހެންޏާ ނޫނީ ނުކޮށް. ނުޖެހޭ ފެންނަހާ އެއްޗަކަށް މަމީ ވަރަށް މުހިއްމު މޮޅު ޚިޔާލުދޭ، ކޮމެންޓް ކުރެވޭ މީހެއްކަން ދައްކަން ކޮމެންޓް ކުރާކަށް.
މާލުބޭބެ.
24 December 2020
ސަމްމާން އާއި އުދުހޭ ކަކުނިބޯ ނޭގުނު ކަމުގައި ވިޔަސް ފަތުހީގެމޭޒުމަތި އެވާހަކަ އެދައްކަނީ މޯލްޑިވިއަން ތިކަހަލަ ކަންކަމުގައި އަމަލުކޮށްފައިވާގޮތް ރަނގަޅަށް އެގިހުރެގެން ކަމުގައި އަހަރެންވެސް އެއްބަސްވަން. ރަނގަޅު ކަލޭމެން ތިބުނަނީ ދުނިޔޭގައި ތިކަން ކުރާ ގޮތުގެ ވާހަކަ. އެކަމަކު އެއީ މޮލްޑިވިއަންގައި ތިކަން ކޮށް އުލޭ ގޮތެއްނޫން. މިހާރުވެސް ބަލާ.