އިންޑިއާގެ ވީޑިއޯ ގޭމް "ފައު-ޖީ" ނެރުން މި މަހުގެ 26 ގައި

އަހުމަދު އަދްޝަން، މިހާރު

05 ޖެނުއަރީ 2021 - 08:36

މަޝްހޫރު ވީޑިއޯ ގޭމް ޕަބްޖީ މިދިޔަ އަހަރު އިންޑިއާގައި މަނާކުރުމާ ގުޅިގެން އޭގެ ބަދަލުގައި އެ ގައުމުން އުފެއްދި އަމިއްލަ ވީޑިއޯ ގޭމް "ފައު-ޖީ: ފިއަލެސް ޔުނައިޓެޑް ގާޑްސް" މި މަހުގެ 26 ގައި ނެރޭ ގޮތަށް ހަމަޖައްސައިފި އެވެ.

އެ ގޭމް އުފެއްދި އެންކޯ ގޭމްގެ އިތުރުން "ފައު-ޖީ" ޕްރޮމޯޓްކޮށްދެމުން އަންނަ ބޮލީވުޑްގެ އެކްޓަރު އަކްޝޭ ކުމާރު ވަނީ ގޭމް ނެރޭ ތާރީހު އޭގެ ޓްރެއިލާއަކާ އެކު ޓްވިޓާގައި ހާމަކޮށްފަ އެވެ.

އިންޑިއާގެ ވަތަނީ ރޫހު ދައްކުވައިދޭ ގޮތަށް ގައުމުގެ ދިފާއުގައި ސިފައިން ކުރާ ހަނގުރާމައެއްގެ މައިދާނަކަށް ގޭމް ކުޅޭ މީހުން ގެންގޮސްދޭނެ "ފައު-ޖީ" ނެރެން ނިންމި ތާރީހަކީ އިންޑިއާގެ 72 ވަނަ ޖުމްހޫރީ ދުވަހެވެ.

What will you do when they come? We will hold our ground & fight back, because we are Fearless. United. Unstoppable FAU:G! Witness the anthem 🦁 FAU:G! #FAUG #nCore_Games

Pre-register now https://t.co/4TXd1F7g7J
Launch 🎮 26/1@vishalgondal @akshaykumar @dayanidhimg pic.twitter.com/VGpBZ3HaOS
— nCORE Games (@nCore_games) January 3, 2021

މި ގޭމް ނެރޭ ތާރީހު އިއުލާންކުރުމުގެ ކުރިން ނޮވެމްބަރު މަހުގެ ފަހުކޮޅު ވަނީ ގޭމް ހޯދަން ބޭނުންވާ މީހުންނަށް ޕްރި-ރެޖިސްޓްރޭޝަނަށް ވެސް ހުޅުވާލައިފަ އެވެ.

Whether it’s a problem within the country or at the border...these Bharat Ke Veer always stand tall. They are our Fearless And United Guards, our FAU-G! Witness the anthem 🦁

Pre-register now https://t.co/8cuWhoHDBh
Launch 🎮 26/1@VishalGondal @nCore_games @BharatKeVeer #FAUG pic.twitter.com/ctp5otrjLE
— Akshay Kumar (@akshaykumar) January 3, 2021

"ފައު-ޖީ" އަކީ ޑިޖިޓަލްގެ ދުނިޔޭގައި އެހެން ގައުމުތަކަށް ބަރޯސާވުމުގެ ބަދަލުގައި އިންޑިއާގެ އުފެއްދުންތެރިކަން އިތުރުކޮށް، އެ ގައުމުގެ އަމިއްލަ އުފެއްދުންތައް ކުރިއަރުވަން ކުރާ މަސައްކަތުގެ ބައެކެވެ. ހާއްސަކޮށް ޗައިނާގެ އުފެއްދުންތަކާ ދެކޮޅަށް އުފެއްދި ގޭމެކެވެ. މިކަމަށް ހާއްސަކޮށްގެން ބޮޑުވަޒީރު ނަރެންދުރަ މޯދީ ވަނީ "މޭކް އިން އިންޑިއާ" ގެ ނަމުގައި އިނިޝިއޭޓިވެއް ވެސް ލޯންޗްކުރައްވައިފަ އެވެ.

India ge Fau-G pre-registration ah hulhuvaalaifi

The most trusted news source in the Maldives

Mihaaru

ޕަބްޖީ އިންޑިއާގައި މަނާކުރީ ސެޕްޓެމްބަރު މަހުގެ 2 ގަ އެވެ. އަދި އޭގެ ބަދަލުގައި އިންޑިއާ އިން "ފައު-ޖީ" ގެ ނަމުގައި ގޭމެއް ނެރެން އުޅޭކަން އިއުލާންކުރީ ސެޕްޓެމްބަރު މަހުގެ 4 ގަ އެވެ.

PUBG ge badhalugai India ah FAU-G

The most trusted news source in the Maldives

Mihaaru