މަޑުއްވަރީ ދާއިރާގެ މެމްބަރު އާދަމް ޝަރީފް. އޭނާއާއި އެހެން ބައެއް މެމްބަރުން ވެސް ވިދާޅުވީ އަލަށް 18 އަހަރުވާ މީހުންނަށް އިންތިހާބުގައި ފުރުސަތު އޮންނަން ޖެހޭ ކަމަށް.
17 ޖެނުއަރީ 2021 - 17:34
7 comments
ކޮވިޑް-19ގެ ބަލިމަޑުކަމުގެ ސަބަބުން ލޯކަލް ކައުންސިލްތަކުގެ އިންތިޚާބު ބޭއްވުން އަހަރެއްހާ ދުވަހަށް ލަސްވެފައިވާއިރު، އެ މުއްދަތުގައި އަލަށް އުމުރުން 18 އަހަރު ފުރުނު ޒުވާނުންނަށް ވޯޓު ނުލެވޭ ގޮތަށް ވޯޓާސް ލިސްޓު އޮތުމުން ރައްޔިތުންގެ މަޖިލީހުގެ ބައެއް މެމްބަރުން މިއަދު ކަންބޮޑުން ފާޅުކުރައްވައިފި އެވެ.
ސިއްހީ ނުރައްކަލުގެ ކުއްލި ހާލަތު އޮތަސް އިންތިޚާބު ބޭއްވޭ ގޮތަށް ގާނޫނު ބަދަލުކުރަން، ރައްޔިތުންގެ މަޖިލީހުގައި ބޭޭއްވި ޖަލްސާގައި މަޑުއްވަރީ ދާއިރާގެ ޕީއެންސީގެ މެމްބަރު އާދަމް ޝަރީފް ވިދާޅުވީ، ފަހުން 18 އަހަރު ފުރުނު ޒުވާނުންނާ އެކު، ވޯޓާސް ލިސްޓުގެ ސައްހަކަން އަލުން ކަށަވަރު ކުރަން ޖެހޭނެ ކަމަށެވެ. އެކަމަށް އެކަށީގެންވާ ވަގުތު ލިބެން ޖެހޭނެ ކަމަށް ދެކެވަޑައިގަންނަވާ ކަމަށް ވެސް އޭނާ ވިދާޅުވި އެވެ.
ސިއްހީ ނުރައްކަލުގެ ކުއްލި ހާލަތުގައި ވެސް އިންތިޚާބު ބޭއްވޭ ގޮތަށް، ގާނޫނު ބަދަލުކުރަން ސަރުކާރުން ހުށަހެޅި ބިލުގައި އިންތިހާބާ ބެހޭ ބައެއް މުއްދަތުތައް އޮތީ ކުރުކޮށްފަ އެވެ. އިންތިޚާބު ބޭއްވުމުގެ 45 ދުވަސް ކުރިން ވޯޓާސް ލިސްޓު އާއްމު ކުރަން އިންތިޚާބާ ބެހޭ އާއްމު ގާނޫނުގައި އޮންނަ އޮތުން މި އިންތިޚާބުގައި 30 ދުވަހަށް ހަދަން ބިލުގައި އެބަ އޮތެވެ. ވޯޓުލާ މީހުންގެ ލިސްޓު އާއްމު ކުރުމަށް ފަހު، ޝަކުވާ ހުށަހަޅަން ގާނޫނުގައި އޮންނަ 10 ދުވަސް ފަސް ދުވަހަށް ހަދަން ވެސް ބިލުގައި ވަނީ ހިމަނައިފަ އެވެ.
އިދިކޮޅު ކޯލިޝަންގައި އިސްވެ މަސައްކަތް ކުރައްވާ އާދަމް ޝަރީފް ވިދާޅުވިގޮތުގައި، ބިލުގައިވާ ގޮތަށް މުއްދަތުތައް ކުރުކޮށްލުމަކީ އިންތިޚާބަށް އޭގެ ސަބަބުން ނޭދެވޭ އަސަރުތަކެއް ކުރާނެ ކަމެކެވެ.
ގަމު ދާއިރާގެ އެމްޑީޕީ މެމްބަރު މުހައްމަދު ވިސާމު ވެސް ވިދާޅުވީ ވޯޓުލާ ދުވަހާ ހަމައަށް އުމުރުން 18 އަހަރު ފުރޭ ކޮންމެ މީހަކަށް ވޯޓުލެވެން ޖެހޭ ކަަމަށް ގަބޫލުކުރައްވާ ކަމަށާއި އެ މައްސަލަ (އަމިއްލަ ފަރާތަކުން) މިހާރު ހައި ކޯޓަށް ވެސް ހުށަހަޅާފައިވާ ކަމަށެވެ. ނަމަވެސް އޭނާ ވިދާޅުވީ އެ ފުރުސަތު ލިބޭނެކަން ޔަގީންވެވަޑައިގަންނަވާ ކަމަށެވެ.
ގަމު ދާއިރާގެ މެމްބަރު މުހައްމަދު ވިސާމް
"އެ މަގަށް ގެންދިއުމަށް ހަމަ ހުރިހާ ބޭފުޅުން ވެސް މަސައްކަތް ކޮށްދެއްވުމަށް އަޅުގަނޑު އެދެން،" ވިސާމު ވިދާޅުވި އެވެ.
ސަރުކާރުގެ ފަރާތުން މަޖިލީހަށް ބިލް ހުށަހެޅުއްވި ހުޅުމާލެ ދާއިރާގެ އެމްޑީޕީގެ މެމްބަރު އަލީ ނިޔާޒު ވިދާޅުވީ އިންތިޚާބާ ގުޅޭ ތިން ޝަކުވާއެއް އެކި ފަތާތްތަކުން ހުށަހަޅާފައިވާ ކަމަށާއި އެ ކަންތައްތައް ނިންމަން އެދިވަޑައިގަންނަވާ ކަމަށެވެ. އޭނާ ވިދާޅުވިގޮތުގައި، އަލަށް 18 އަަހަރު ފުރޭ މީހުންގެ ހައްގު ހޯދަންް އަމިއްލަ ފަރާތަކުން ކޯޓަށް ހުށަހެޅި މައްސަލައިގައި ދެ ޝަކުވާއެއް ހިމެނެ އެވެ. އެއް ޝަކުވާއަކީ އަލަށް 18 އަހަރު ފުރޭ މީހުންނަށް ވޯޓުލާނެ ފުރުސަތު ނުލިބުމެވެ. ދެވަނަ ޝަކުވާ އަކީ އިންތިހާބުގައި ވާދަކުރުމުގެ ފުރުސަތު ނުލިބުން ކަމަށް ނިޔާޒު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައިއޭމް ނައިން
18 January 2021
އެހެން ވީމާ ވަރައް ގިނަވާނެތާ 18 އަހަރު އަލައް ފުރޭކުދިން....
އޮނަރަބްލް އަފީފު ދީދީ
18 January 2021
ލާމަރުކަޒީ ޤާނޫނުގެ މަޤުސަދުގެއްލޭގޮތަށް ވޯޓުލުމަށް ފުރުސަތުދީގެން ނުވާނެ. ޤާނޫނުގެ ޙަޤީގީބޭނުމަކީ "އެތަނެއްގައި، ނުވަތަ އެރަށެއްގައިދިރިއުޅޭމީހުނަށް އެރަށެއްގެ ކައުންސިލް ކަޑައަޅާން ފުރުސަތުދިނުން" ނޫންތޯ. # ކައުންސިލް ވޯޓްފޮށިތައް ދާއިރާނޫންރަށްރަށުގައި ބެހެއްޓުމުން މިމަޤުސަދު ބޭކާރުވެދޭ. މިސާލަކަށް ހުޅުމީދޫ ދާއިރާގެ ޑިސައިޑިން ވޯޓް މާލޭގައިބަހައްޓާ ފޮށިންކަޑައެޅީމާ މިކަން މިޖެހެނީ ކޮންތާކު؟؟! ހުޅުމީދޫ ދާއިރާގައި ދިރިއުޅޭމީހުންގެ ޙައްޤުކޮބާ؟!
އޮނަރަބްލް އަފީފު ދީދީ
18 January 2021
ޙަޤީގީ ލާމަރުކަޒު ކުރުމަކަށް ފުރުސަތުދީ 21 ވަނަ ޤަރުނަށް ފެތޭ ބަދަލު ގެންނާން ތިޔަ ޤާނޫނަށް ބަދަލު ގެނެސް ތިލަދުންމަތިން ފާދިއްޕޮޅަށް ނޯތު، ކ.އަތޮޅުން (މާލެ ވެސްހިމަނައި) ދާލަށް ސެންޓްރަލް އަދި ކޮޅުމަޑުލުން އައްޑުއަށް ސަދާރން ކަމުގައި ކަޑައަޅާ ރާއްޖެ އިދާރީ ޤާނޫނީ 3 ސަރަހައްދަކަށް ލާމަރުކަޒުކޮށް ބާރުތައް ރީޖަންތަކުގެ ރައްޔަތުންނާއި ޙިއްސާކުރައްވާ. # އަދި މަޖިލީހުގެ ގޮނޑިތައްވެސް ހަމަހަމައަށް ކޮންމެ ރީޖަނަކަށް 30 ގޮނޑި ކަމުގައި ކަޑައަޅުއްވާ.
67890
18 January 2021
މަގޭ ފްރެންޑެއް ކުރިން ވޯޓްލާން އޮތް ތާރީޚުގެ ފަހުން މަރުވީ.. އަސްލު އެ ތާރީޚުގަ ލީނަމަ އޭނައަށްވެސް ވޯޓު ލުމުގެ ހައްގު ލިބުނީސް.. އެކަމަކު އޭނަގެ ވަސިއްޔަތެއް އެބައޮތް މަގޭ އަތުގަ.. އޭނަގެ އެ ވޯޓް ލުމުގެ ހައްގު މަށަށް ދީފަ.... މަޖިލީހުން މިކަމާ ބަހުސެއް ކޮށްލަންވީ ނޫންތޯ؟ ކުރާނެ ބަހުސެއް، ހައްގެއް ގެއްލިފަ އޮތް މީހެއް ހުރިތޯ ބަލަބަލައެއް ނޫންތޯ ތިތިބީ!!! މީހަކު އަޅެ ހައިރާނެއް ނުވާނެތަ؟ ދެން މިކަމާ މިމީހުން ހޭ އޮތަ؟
ބޮޑުމީހާ
17 January 2021
ލޯކަލް ކައިންސިލްތަކަކީ ވޯޓުލައިގެން ހޮވުމުގެ ބަދަލުގައި ރައީސް އައްޔަންކުރާ ބަޔަކަށް ހެދީމަ ނިމުނީ. އޭރުން ދައުލަތަށް ޚަރަދު ކުޑަވެފަ އެއްބާރުލުން ނުލިބިއޭ ކިޔައިގެން ކައުންސިލްތައް ނުހިގި ނުދާނެ
ނަޝީދު.
17 January 2021
ފަހޭ ކުރިޔޭ ކިޔައިގެން މަޖިލިސް މެންބަރުންނާ އިލެކްޝަން ކޮމިޝަނުން ބޭކާރު ވާހަކަ ނުދައްކަވާ! ވޯޓު ލާ އެދުވަހުގެ ކުރިން 18 އަހަރު ފުރިފަތިބި އެންމެންނަށް އެވޯޓެއް ލެވެން ޖެހޭނެ. ރިޔާސީ ވޯޓެއް މަޖިލިސް ވޯޓެއް ކައުންސިލް ވޯޓެއް އެހެން ވޯޓެއް ކިޔާނެކަމެއްނެތް! ފާޑުފާޑު ގާނޫނާ ގަވައިދު ހަދައިގެން ވޯޓުލުމުގެ ހައްގު ހަނިކުރަން ނޫޅޭ!
އޮނަރަބްލް އަފީފު ދީދީ
17 January 2021
މެންބަރުގެ ހުށަހެޅުމަށް ތާއީދުކުރަން. މިމުއްދަތުގައި "ނިޔާވިމީހުން އުނިކުރާފަދައިން" އުމުރު ހަމަވިމީހުންގެ ނަންވެސް ލިސްޓްގައިހިމަނާންޖެހޭ. # އެތައްހާސް ކައުންސިލުންގެ ލާމަރުކަޒީ ނިޒާމް ބަދަލުކޮށް ރާއްޖެ އިދާރީ ޤާނޫނީ 3 ރީޖަނަކަށްހިންގާން ތިލަދުންމަތިން ފާދިއްޕޮޅަށް ނޯތު، ކ.އަތޮޅުން (މާލެ ވެސްހިމަނައި) ދާލަށް ސެންޓްރަލް އަދި ކޮޅުމަޑުލުން އައްޑުއަށް ސަދާރން ކަމުގައި ކަޑައަޅާ "ޙަޤީގީ ލާމަރުކަޒީ ނިޒާމެއްގެ ހުށަހެޅުން" ވެސް ހުށަހަޅުއްވަންވީ ނޫންތޯ؟