10 ފެބުރުއަރީ 2021 - 12:45
1 comments
ގއ. މާމެންދޫގައި މިދިޔަ ހޯމަ ދުވަހު ހިންގި މާރާމާރީގައި ކުޑަކުއްޖަކު މަރާލުލުމުގެ ތުހުމަތުގައި ހައްޔަރުކޮށްފައިވާ މީހުންގެ ތެރެއިން ތިން މީހެއްގެ ބަންދުގެ މުއްދަތު އިތުރުކޮށްފި އެވެ.
އުމުރުން 17 އަހަރުގެ އަހުމަދު އުދައްޔު މަރާލީ، ދެ ގުރޫޕެއްގެ ދެމެދުގައި ހިނގި މާރާމާރީއެއްގަ އެވެ.
މި މަރާ ގުޅިގެން ފަސް މީހަކު ހައްޔަރުކޮށްފައިވެ އެވެ. އެއީ 18 އަހަރުގެ ދެ މީހުންނާއި 23 އަހަރުގެ ފިރިހެނަކާއި 25 އަހަރުގެ ފިރިހެނަކާއި 27 އަހަރުގެ ފިރިހެނެކެވެ.
ފުލުހުން ބުނީ އޭގެ ތެރެއިން ދެ މީހަކު ބަންދުގައި ބަހައްޓަން ދީފައި ވަނީ 15 ދުވަހުގެ މުއްދަތެއް ކަމަށެވެ. އަދި އިތުރު މީހަކަށް 10 ދުވަހުގެ މުއްދަތެއް ކޯޓުން ދީފައިވާ ކަމަށެވެ.
މާރާމާރީގައި އުދައްޔުގެ ބޭބެއަށް ވެސް ވަޅިން ހަމަލާދީފައި ވެ އެވެ. އޭނާގެ ހާލު މިހާރު ރަނގަޅު އެވެ.
އުދައްޔުގެ ހަށިގަނޑު ރޭގެ ވަގުތެއްގައި ވަނީ މާލެ ގެނެސްފަ އެވެ. ޕޯސްޓްމާޓަމް ހަދަން އޭނާގެ ހަށިގަނޑު ބޭރަށް ފޮނުވަން މަސަައްކަތްކުރަމުން އަންނަ ކަމަށް ފުލުހުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖަމާލް
10 February 2021
އަދިވެސް އެގުރޫޕުގެ މާރާމެރޫގަ ތުހުމަތު ކުރެވޭ ބައެއް މިނިވަން ކަމާއެކު އެބައުޅޭ މިހިދާހަމަޔަށް. ނޫސްތަކުން އަހާލަންވީނުންތޯ ކިހާނުރައްކާތެރި ކަމެއްތޯ އެމީހުން އެހެން ދޫވެފަ ތިބޭތިބުމުގަ ހެކި ނައްތާލަން މަސައްކަތް ނުކުރާނެތޯ؟ ރަގަޅޫ ވާހަކައެއް ފުލުސް ޓީމެއް ހަރަކާތް ތެރިވި އަދި ރަށުތެރެއިން އަޑުފެތުރޭ ގޮތުގަ ބޮއެގެން ކާރެއްގެ އެތެރޭ ތިބިބަޔަކު މަރާލި ކުއްޖާ ފުރުތަމަ ދިމާކުރިއިރު ރަށުގަ ތިބފުލުހުންނަށް ފެނިއަދި އެމީހުން ހުއްޓުވާ ފޮނުވާލިކަމަށް.