ޚަބަރު / ރައީސް މައުމޫން އަބްދުލްގައްޔޫމް

ރައީސް ޔާމީނާ ޕާޓީ ހަވާލުކުރީ ގާނޫނާ ޚިލާފަށް ކަމަށް ވިދާޅުވެ މައުމޫން ކޯޓަށް މައްސަލަ ހުށަހަޅުއްވައިފި

މައުމޫން އެމަނިކުފާނުގެ ސަޕޯޓަރުންނާ ސަލާމް ކުރައްވަނީ.---ފޮޓޯ: މިހާރު

މުއިއްޒު އިބްރާހިމް، މިހާރު

09 ނޮވެމްބަރ 2016 - 12:29

ޕީޕީއެމް ހިންގުމުގެ ބާރު އެ ޕާޓީގެ މުސްތަޝާރު އަދި ރައީސް އަބްދުﷲ ޔާމީނާ ހަވާލުކުރީ ގާނޫނާ ޚިލާފަށް ކަމަށް ވިދާޅުވެ، އެ ޕާޓީގެ ރައީސް މައުމޫން އަބްދުލްގައްޔޫމް ޕީޕީއެމާ ދެކޮޅަށް ސިވިލް ކޯޓަށް މިއަދު މައްސަލައެއް ހުށަހަޅުއްވައިފި އެވެ.

ސިވިލް ކޯޓުގެ ހުކުމަކާ ގުޅިގެން ޕީޕިއެމް ހިންގުމުގެ ބާރު ރައީސް ޔާމީނަށް ލިބިވަޑައިގަތުމާއެކު، ޕާޓީ ހިންގުމުގެ ހުރިހާ ކަމެއް ކުރައްވަނީ އެމަނިކުފާނުގެ ބެއްލެވުމުގެ ދަށުންނެވެ. ސިވިލް ކޯޓުގެ ހުކުމަށް ހައި ކޯޓާއި ސުޕްރީމް ކޯޓުން ވެސް ވަނީ ތާއީދުކޮށްފަ އެވެ.

މައުމޫން ކޯޓަށް މައްސަލަ ހުށަހެޅުއްވީ ޕާޓީ ހިންގުމުގެ ބާރު ރައީސް ޔާމީނާ ހަވާލުކުރީ ގާނޫނުއަސާސީ އާއި ޕާޓީތަކުގެ ގާނޫނާއި ޕީޕީއެމްގެ އަސާސީ ގަވާއިދާ ޚިލާފަށް ކަމަށް ކަނޑައަޅައި ދިނުމަށެވެ.

ޕީޕީއެމްގެ ހިންގުން ރައީސް ޔާމީނަށް ލިބިވަޑައިގަތަސް ކޯޓުގެ ނިންމުން މައުމޫން ގަބޫލުފުޅެއް ނުކުރައްވަ އެވެ. އަދި އެމަނިކުފާނު އަންނަނީ ތާއީދުކުރާ ކައުންސިލް މެމްބަރުންނާ އެކު ވަކިން ކައުންސިލް ބައްދަލުވުންތައް ބާއްވައި، ނިންމުންތައް ނިންމަވަމުންނެވެ.

ޕާޓީ ހިންގުން ރައީސް ޔާމީނާ ކޯޓުން ހަވާލުކުރީ އެމަނިކުފާނާއި މައުމޫނާ ދެމެދު ޚިޔާލު ތަފާތުވުން އުފެދި، ޕާޓީގެ ކައުންސިލް ބައްދަލުވުންތައް ބޭއްވުން މައުމޫން ހުއްޓާލެއްވުމުން ރައްޔިތުންގެ މަޖިލީހުގެ ޕީޕީއެމަށް ނިސްބަތްވާ ދެ މެމްބަރަކު އެ މައްސަލަ ހުށަހެޅުމުންނެވެ.

ސިވިލް ކޯޓް ޕީޕީއެމް ޕީޕީއެމް ކައުންސިލް ޕީޕީއެމްގެ ކޯޅުން ސިޔާސީ ޕާޓީ ރައީސް މައުމޫން އަބްދުލްގައްޔޫމް ރައީސް އަބްދުﷲ ޔާމީން

10 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބްދުއްލާ އަލީ

10 November 2016

ގާނޫނު އަސާސީގެ 64 ވަނަ މއްދާ ބުނާގޮތުން އަމުރެއް ނެރެވޭނީ 142 ވަނަމާއްދާގަ ބުނާ ގާނޫނީ ތަރަހައިގެ ތެރެއިން . 64 ވަނަމާއްދާ ބުނާގޮތުން ގާނޫނަކުން ބާރު ލިބިގެން ނޫނަގޮތަކަށް ނުވަތަ ގާނޫނެއްގައިވާގޮތަށް ނޫންގޮތަކަށް ނެރޭއަމުރަކަށް ތަބާނުވުމުގެ ހައްގު ކޮންމެ މީހަކަށް ލިބިގެންވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަޒީރު ދޮންބެ

10 November 2016

މިއޮތީވާ ކަމެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިއްބެ

10 November 2016

މައިތިރިވެގެން ގޭގައި މަޑުކޮށްލައްވަބައްލަވާ! ހަމަ މިހާރުވެސް ވެރިކަން ކުރަމުން ގެންދަނީ ތިޔަ ޢާއިލާއިންނޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުއްލާ

10 November 2016

ނިންމަން ޖެހޭނި ގާނޫނުއަސާއީ ގެ142 އާ އެއަ ގޮތައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުއްލާ އަލީ

10 November 2016

ހަވާލު ކުރީ ނިޔާ އަކީ ގާނޫނުއަސާސީ ގެ 142 ވަނަ މާއްދާ އާއެއްގޮތްވާ ނިޔާއެއްބާ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާސްމަތީ ރައީސް

09 November 2016

ވޮލީކޯޓައް ވަޑައިގަންނެވިއަސް ވާނީއެއްވަރު، އެއްވެސްތާކުން އިންސާފެއް ނުލިނޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮލޮމްބޯ

09 November 2016

މަޖަލޭ! ސިވިލްކޯރޓާއި ދެކޮޅަށް ސިވިލްކޯރޓަށް!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުވަދޫ މޮހޮނު

09 November 2016

ތިޔަ މައްސަލަ މަދަނީ ކޯޓުން ބަލައިގެންފާނެކަމާއިމެދުވެސް ޝައްކު އުފެދޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު ސައީދު

09 November 2016

ދެން ތިކަމާ ދާނީ ކޮންނަމެއްކިޔާ ކޮންތަނެއްގައި ހުރި ކޯޓަކަށްބާ ؟ ދެންވެސް ދާންއޮތީ ތިޔަ ނިއްމުން ނިއްމި ކޯތްތަކަސް ނޫންބާ ؟ އެކޯޓް ތަކުން އެހެން ނިއްމުމެއް ތިކަމާއި ގުޅިގެން ނިންމަފާނެ ކަމަކަށެއް ނުފެނޭ އިނގޭތޯ ؟