ފަނޑިޔާރު ޝަފީއު: ފަނޑިޔާރުންގެ އިސްތިއުނާފް މަޖިލީހަށް އޭނާ ވަނީ އިންތިޚާބު ކޮށްފައި --- ފޮޓޯ/މިހާރު
18 ފެބުރުއަރީ 2021 - 16:46
2 comments
ފަނޑިޔާރުންނާ މެދު އަޅާ ސުލޫކީ ފިޔަވަޅުތަައް އިސްތިއުނާފްކުރާ ފަނޑިޔާރުންގެ އިސްތިއުނާފް މަޖިލީހަށް ހައި ކޯޓުގެ ފަނޑިޔާރު ހަސަން ޝަފީއު އިންތިޚާބުކޮށްފި އެވެ.
ޖުޑީޝަލް ސާވިސް ކޮމިޝަން (ޖޭއެސްސީ) ގެ ގާނޫނު އޮޮންނަ ގޮތުން ފަނޑިޔާރުންނާ މެދު ޖޭއެސްސީން އަޅާ ސުލޫކީ ފިޔަވަޅުތަކާ މެދު ހިތްހަމަނުޖެހޭ ނަމަ، އެ ނިންމުން އިސްތިއުނާފް ކުރެވޭނީ ފަނޑިޔާރުންގެ އިސްތިއުނާފް މަޖިލީހުގަ އެވެ. އެ މަޖިލީހުގައި ތިއްބަވާނީ ތިން މަރުހަލާގެ ކޯޓުތަކުގެ ތިން ފަނޑިޔާރުންނެވެ. ކޮންމެ އަހަރަކު އެ މަޖިލީހަށް އާ ބޭފުޅުން އައްޔަން ކުރަން ޖެހެ އެވެ.
ހައި ކޯޓުން ބުނީ އެ ކޯޓުގެ ފަނޑިޔާރުންގެ ތެރެއިން އެ މަޖިލީހަށް ފަނޑިޔާރު ޝަފީއު އިންތިޚާބުކުރީ މިއަދު ކަމަށެވެ. އޭގެކުރިން އެ މަޖިލީހުގައި ހައި ކޯޓުގެ ފަނޑިޔާރުންގެ ތެރެއިން ހުންނެވީ ފަނޑިޔާރު މުހައްމަދު ނިޔާޒެވެ.
ކުރިން ފެމިލީ ކޯޓާއި ސިވިލް ކޯޓުގެ ފަނޑިޔާރު ކަން ކުރެއްވި ފަނޑިޔާރު ޝަފީއު ހައި ކޯޓަށް އައްޔަންކުރީ މިދިޔަ އަހަރު އެވެ.
ފަނޑިޔާރުންނާ މެދު އަޅާ ސުލޫކީ ފިޔަވަޅުތައް ފަނޑިޔާރުންގެ އިސްތިއުނާފް މަޖިލީހަށް ބެލުނަސް، ޖޭއެސްސީން އަޅާ ފިޔަވަޅު އެ ނޫން ގޮތަކަށް ބަދަލު ކުރުމާއި މައްސަލަ އަލުން ބެލުން ފަދަ ބާރުތަކެއް ގާނޫނު އޮންނަ ގޮތުން އެ މަޖިލީހަކަށް ނޯވެ އެވެ. އަދި ފަނޑިޔާރަކު ވަކިކުރަން ރައްޔިތުންގެ މަޖިލީހަށް ފޮނުވަން ޖޭއެސްސީން ނިންމާ ނިންމުންތައް ވެސް އެ މަޖިލީހަކަށް ނުބެލެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖައިސާމް
18 February 2021
ދެން ކީއްކުރާ މަޖިލީހެއްތީ؟
ގައުމީ ލޯބި
18 February 2021
ހުށަހަޅާ ހުށަހެޅުންތަކަށް ބަލައި ކޯޓުން ހުކުމް ކުރުމުން އެކުރި ޙުކުމުގެ ސަބަބުން ގާޒީން ނަށް އަދަބު ލިބޭނަމަ، ބިރުވެރިކަމުގައި ތިބެގެން ރަގަޅަށް ހުކުމް ނުކުރެވޭނެ ގާޒީން ކުރާ ހުކުމާއި ގުޅިގެން އަދަބު ދީ ހާޒިރުކޮށް މައްސަލަ ބެލުމަކީ މުޅި ކޯޓު ނިޒާމު ފުޑާލުން ކަމަށް ބެލެވެނީ ކުރާ ހުކުމާއި ގުޅިގެން އިރު އިރު ކޮޅާ ޑިސްޕްލިނަރީ މައްސަލަ އޭ ކިޔާފަ ބިރު ދެއްކުމަކީ ގާނޫ ނީ ނިޒާމާއި ބީރައްޓެހި އަދި އަދުލު އިންސާފު ފުޑަިއލުމުގެ ހަޑި ހުތުރު ޢަމަލެއް