ކޮވިޑް ކޭސްތަކެއް ފެނުމުން ތިނަދު އަށް އަރައިފޭބުން މަނާކޮށްފި

ގދ. ތިނަދޫ: އެރަށުން އަނެއްކާވެސް ކޮވިޑްކޭސްތަކެއް ވަނީ ފެނިފައި

މުހައްމަދު ނަސީމް، މިހާރު

27 މާޗް 2021 - 20:29

ގދ، ތިނަދޫން ކޮވިޑް-19 އަށް ޓެސްޓްކުރި ފަސް މީހަކު އެ ބައްޔަށް ޕޮޒިޓިވްވުމުން އެ ރަށަށް އަރައިފޭބުން އެޗްޕީއޭ އިން މިއަދު މަނާކޮށްފި އެވެ.

އެ އިދާރާ އިން މިރޭ ބުނީ ތިނަދޫން ފަސް މީހަކު ކޮވިޑަށް ޓެސްޓްކުރީ ރޯގާގެ އަލާމާތްތައް ހުރުމުން ކަމަށެވެ. އެ މީހުން ބައްޔަށް ޕޮޒިޓިވްވުމުން، ކޮންޓެކްޓްވެފައިވާ އެހެން މީހުން ދެނެގަތުމަށް މިހާރު އަންނަނީ މަސައްކަތް ކުރަމުންނެވެ.

ބޮޑު އާބާދީއެއް އޮންނަ ތިނަދޫން ކޮވިޑް ކޭސްތަކެއް ފެނިފައި މިވަނީ މާލެ ފިޔަވައި އެހެން ގިނަ ރަށްތަކަކަށް އެ ބަލި ފެތުރި، އަރައިފޭބުން މަނާކޮށްފައިވާ ވަގުތެއްގަ އެވެ. ރާއްޖޭގައި އެންމެ ފުރަތަމަ ކޮވިޑްގެ ކޮމިއުނިޓީ ސްޕްރެއް ފެށުނީ މާލޭގަ އެވެ. މާލޭގައި ކޮވިޑް ޖެހުނު މީހުންގެ އަދަދު އެތައް ހާހަކަށް އެރި އިރުވެސް އަތޮޅު ތެރެއަށް އެ ބަލި ނުފެތުރި ގިނަ ދުވަސްތަކެއް ވަންދެން ކޮންޓްރޯލް ކުރެވުނުވެ.

ކޮވިޑުގެ ކޭސްތައް ތިނަދޫގެ އިތުރުން އެންމެ ފަހުން ފެނުނީ ޅ. އަތޮޅުގެ ތިން ރަށަކުންނެވެ. އެއީ ނައިފަރާއި ހިންނަވަރު އަދި މަސް ފެކްޓަރީ ހިންގާ ފެލިވަރުންނެވެ. ފެލިވަރުން އެކަނިވެސް 60 އަށް ވުރެ ގިނަ މީހުން ވަނީ ކޮވިޑަށް ޕޮޒިޓިވްވެފަ އެވެ.

ރާއްްޖޭން މިހާތަނަށް ކޮވިޑް ޖެހުނު މީހުންގެ ޖުމުލައަކީ މިހާރު 23،237 އެވެ. އޭގެ ތެރެއިން 66 މީހަކު އެ ބަލީގައި ވަނީ މަރުވެފަ އެވެ. ކޮވިޑް ޖެހިގެން ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުން އަންނަ މީހުންގެ އަދަދަކީ މިހާރު 100 އެވެ.

ސިއްހަތު ގދ. ތިނަދޫ ޕަބްލިކް ހެލްތު ހެލްތު ޕްރޮޓެކްޝަން އެޖެންސީ ސިއްހީ ކުއްލި ނުރައްކަލުގެ ހާލަތު ބަލިތައް

4 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޕޮލިޓި

28 March 2021

ހޫ ތިޔައީ އަންނި ފަތުރާ އެއްޗެއް އޭނާއެއް ނުން ކެމްފެއިން ނުކުރެވެގެން އެއުޅެނީ. ދެން މީނާ މީތި ފަތުރާ ވަރަކުން ވައްކަން ކުރުމުގައި މެކުހައް ޖަހައިފައި އަނެއްގުރޫޕު. ދެފެކްޝަނު ހަދައިގެން މީ މިގަންނަ ގަނޑަކީ. ކަލޭމެންގެ ނެތް އެއްވެސް ކަމެއްގައި ހެޔޮ ނިޔަތެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަރުވާކުޑަ

28 March 2021

ހޫނ ކޮންމެ ކަމަކަށް އެޗްޕީއޭ ނޫނިއްޔާ ފިޔަވަޅެެއް ނޭޅޭ ލާމަރުކަޒީ ސިސްޓަމެއް. ވާސަރީވާ! ކުރިން ފަހަރުވެސް މީހަކު ޕޮޒިޓިވް ވެގެން ފިޔަވަޅު އެޅުނީ އަނެއް ދުވަހު އެޗްޕީއޭ ބޭފުޅުން އޮފީހަށް ވަޑައިގތީމާ. އޭރު ސްކޫލް ތަކަށް ކުދިން ފޮނުވައިފި. މިފަހަރު އަދި މާކަންތައް ފަރުވާ ކުޑަ މީހަކު މިރަށުގައި އެއްދުވަހު އުޅެފައި އެމީހާ އެފަތުރާފައި ޕްރައިމަރީ ކޮންޓެކްޓް ޓްރޭސް ނުކުރެވޭ ދަރަޖައަށް ފެތުރުނު ފަހުން ރޭކާލައިގެން މިއުޅެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަޅިކަލޭމެން

28 March 2021

ސަޅި މިމީހުން. ކޮވިޑް ޖެހުނު މީހަކު ތިނަދޫގައި އެއްދުވަހު ނިދާފައި ޑޮކްޓަރަށް ދައްކައި ހޮސްޕިޓަލުން ނެގި ސާމްޕަލް ތަކުގެތެރޭން އޭނާގެ ސާމްޕަލް ޕްޒިޓިވް މީގެ ހަފްތާއެއް ކުރިން ވީއިރު އިހުމާލުވެ އެއްވެސް ކަމެއް ނުހިނގާކަމަށް ހަދައި އޭނާ ބުނިބުނުމަކަށް އޭނާ ގެއިން ނޫން މީހަކާ ބައްދަލު ނުވާކަމަށް ނިންމައި އަޅާވެސް ނުލާތިބި ތިބުމަކީ ބޮޑުވެގެންވާ އިހުމާލެކެވެ