އެޗްޕީއޭގެ ޑިރެކްޓަަރު އަހުމަދު ނަސީރު--
22 އެޕްރީލް 2021 - 14:49
17 comments
ކޮވިޑުން ރައްކާތެރިވުމަށް ދޭ ކޮވިޑް ވެކްސިންގެ ދެ ބްރޭންޑެއްގެ ވެކްސިން ދިވެއްސެއްގެ ގަޔަށް ޖެހުނީ އޮޅުމަކުން ކަމަށް ހެލްތު އިމަޖަންސީ އޮޕަރޭޝަން ސެންޓަރު (އެޗްއީއޯސީ) އިން މިއަދު ބުނެފި އެވެ.
އެ ސެންޓަރުން މިހެން ބުނީ، ފުރަތަމަ ޑޯޒްގެ ގޮތުގައި ޗައިނާގެ ސިނަފޯމް ވެކްސިން ޖެހުމަށް ފަހު، އިންޑިއާގެ ކޮވިޝީލްޑް ވެކްސިން ދެވަނަ ޑޯޒްގެ ގޮތުގައި މީހެއްގެ ގަޔަށް ޖެހި މައްސަލައެއް ސޯޝަލް މީޑިއާގައި ފެންމަތިވުމުންނެވެ.
އަބްދުލްމަތީން މޫސާ ނަމަކަށް ކިޔާ އެ މީހާގެ ގަޔަށް ޖަހާފައި ވަނީ ދެ ބްރޭންޑެއްގެ ދެ ވެކްސިންކަން ސޯޝަލް މީޑީއާގައި އާންމު ކޮށްފައިވާ ވެކްސިން ކާޑުން ދައްކަ އެވެ. އޭނާ ވެކްސިން ޖެހީ، ވެލާނާ އިންޓަނޭޝަނަލް އެއާޕޯޓްގައި ގާއިމުކޮށްފައިވާ ވެކްސިން ސެންޓަރުންނެވެ.
މިއީ ފުރަތަމަ ޑޯޒްގެ ގޮތުގައި ޖެހި ބްރޭންޑް ނޫން އެހެން، ބްރޭންޑެއްގެ ވެކްސިންއެއް ރާއްޖޭގައި މީހެއްގެ ގަޔަށް ޖެހުނު ފުރަތަމަ ފަހަރެވެ.
އެޗްއީއޯސީން މިއަދު ބޭއްވި ނޫސްވެރިންގެ ބައްދަލުވުމެއްގަައި، އެޗްޕީއޭގެ ޑިރެކްޓަަރު އަހުމަދު ނަސީރު ވިދާޅުވީ، އެއީ ހިނގާފައިވާ ކަމެއް ކަމަށާއި އެކަމަކު އެކަން ދިމާވީ އެރި އޮޅުމަކުން ކަމަށެވެ.
އޭނާ ވިދާޅުވީ ދެ ބްރޭންޑެއްގެ ވެކްސިން ދެވުމުން، އެކަން ޑަބްލިއުއެޗްއޯއާ ވެސް މަޝްވަރާކޮށްފައިވާ ކަމަށެވެ. ވެކްސިން ޖެހި މީހާގެ ހާލަތު މޮނިޓަރު ކުރަމުން އަންނަ ކަމަށް ނަސީރު ވިދާޅުވި އެވެ.
"އެކަން އެގޮތަށް ހިނގާފައިވާ ކަމަށާއި އަޅުގަނޑުމެން ދެން މަސައްކަތް ކުރާނީ އިތުރަށް އެފަދަ ކަމެއް މެދުވެރި ނުވާނެ ގޮތަށް މަސައްކަތްތައް ބައްޓަން ކޮށްގެން ވަރަށް ބޮޑަށް ސަމާލުކަންދީގެން،" ނަސީރު ވިދާޅުވި އެވެ.
މިހާތަނަށް ހަދާފައިވާ ދިރާސާތަކާ ހަވާލާދީ އޭނާ ވިދާޅުވިގޮތުގައި، ފުރަތަމަ ޑޯޒްގެ ގޮތުގައި ޖެހި ބްރޭންޑްގެ ވެކްސިން ނޫން އެހެން ބްރޭންޑެއްގެ ވެކްސިންއެއް ދެވަނަ ޑޯޒްގެ ގޮތުގައި ދީގެން ސީދާ ގެއްލުމެއް ލިބޭ ކަމަކަށް ނުދައްކަ އެވެ.
"މިހާތަނަށް ހެދިފައި ހުރި ދިރާސާތަކުން ދައްކާ ގޮތުން އެއީ ދެ ޑޯޒް ލިބުމުން ލިބޭ ފައިދާ، އެގޮތަށް ދެ ޑޯޒް ދެވުމުގެ ސަބަބުން ލިބިގެން ދާނެ ކަމަށް މިވަނީ އެނގިފައި. ކަނޑައެޅިފައިވާ އުސޫލާ ހިލާފަށް ދިޔަ ކަމެއް މިއީ،" ނަސީރު ވިދާޅުވި އެވެ.
އޭނާ ވިދާޅުވީ، ކުރިއަށް އޮތް ތަނުގައި އެކަމަށް ވަރަށް ބޮޑަށް ސަމާލުވާނެ ކަމަށެވެ.
ޑޮކްޓަރުން މިހާތަނަށް ބުނަމުން އައީ ރާއްޖޭގައި ދެވަނަ ޑޯޒް ޖަހައި ދޭނީ، އެ މީހަކު ފުރަތަމަ ޑޯޒްގެ ގޮތުގައި ޖަހާ ބްރޭންޑްގެ ވެކްސިނުން ކަމަށެވެ. ވެކްސިން ދެމުން އައީ ވެސް އެގޮތަށެވެ.
ރާއްޖޭގައި މިހާތަނަށް 285،562 މީހަކަށް ކޮވިޑް ވެކްސިން ދީފައިވެ އެވެ. އޭގެ ތެރެއިން 56،817 މީހުންނަކީ ދެވަަނަ ޑޯޒް ފުރިހަމަ ކޮށްފައިވާ މީހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކެނެޑީ
23 April 2021
ދިރާސާއަކުން ނުދައްކާނެ. ތިޔަ ދިރާސާތައް ވަރަށް މޮޅު. މީހަކު މަރުވެއްޖެޔާ (ދިރާސާއަކާ ނުލާ) ހުކުމް:- އެއީ ކޮވިޑުގެ ސަބަބުން. އެހެން ގޮތެއް ވެއްޖެޔާ ހުކުމް: ވެކްސިންގެ ސަބަބުން ސާބިތުވާކަށްނެތް.
މިވަރެއްނެތް
22 April 2021
މަތިއޮމާންކޮށްލާ މަލަމަތި ރީތިކޮށްލީދޯ؟ މިހެން ބުނާއިރުވެސް އެނގޭނެ އެންމެނަށް ފްލޫކްލިނިކަށް ގޮސް އެކަންނުވާނެކަން. ގިނަބަޔަކު އަވަސްއަރާއިގެން އުޅޭއިރު ޖެހޭނީ ޕްރައިވެޓް ތަންތަނުން ޕީސީއާރު ޓެސްޓް ހަދަން. އެއިރުން ޓެގާއި އެޗްޕީއޭ ގެ ވެރިންބޭނުންވާ މަޤްޞަދު ހާސިލުވެ އެކަމުގައި އުޅޭމީހުންނަށް އެޅޭބައިވެސް އިތުރުވާނެތާ! ޓޫރިސްޓުން ދެޑޯޒްޖަހާއިގެން ޕީސީއާރު ޓެސްޓަކާނުލާ ރާއްޖެއާދެވޭއިރު ދިވެހިން ދެޑޯޒް ޖަހައިގެން ރަށަށް ނުދެވޭންވީ އަރައްތެއްދޯ!
ދޮންކަލޯބެ
22 April 2021
ފިލްމު އޮޅުކަމުން
އަޒްކާރޓ
22 April 2021
އޮޅޭ ސަރުކާރު!
ނޫސް ކިޔާމީހާ
22 April 2021
މި ސަރުކާރު ދެން އިސްތިއުފާ ދޭންވެއްޖެނު.އުފެއްދުންތެރިކަމެއްނެތި ފައިސާ ޗާޕް ކުރަނީ ، ރޭޕާއި ކުށްވެރިން ގިނަވެއްޖެ.އަދުލު އިންސާފެއްނެތް.ދެމީހުން ވެރިކަމާ ތޮޅެނީ ،ރައްޔިތުން މިސަރުކާރާ ކުރި އުންމީދުތައް ފެނަށް.އިސްތިއުފާދީބަލަ.ދެބްރޭންޑްގެ ދެ ޑޯޒް ޖެހި ބަޔަކު އިންސާފުގެ ކުރިމައްޗަށް ގެނެބަލަ.މި ސަރުކާރަކީ ރޔާމީނުގެ ވެރިކަމުގައި ބޭއިންސާފުން ހުކުމް ކުރާތީވެ ހަޅޭފަޅޭ ލެވި މީހުން.
އިބްނި
22 April 2021
ތިޔަށް ވުރެ ޒިންމާދާރުވާން ވެއްޖެ ނޫން ތިމީހުން. އޮޅިގެން ކިޔާފަ ނިއުން ކޮންފެރެންސް ބޭއްވީމަ ނިމުނީތަ؟ ތިކަމެއް ތަޙުގީގުކޮށް އިހުމާލުވެފައިވާ ފަރާތްތަކާއި މެދު ފިޔަވަޅު އެޅެންޖެހޭނެ. ނޫނީ މޭމޫނާ އިސްތިއުފާ ދެއްވާ. ކަމެއްވާއިރަށް ބުނާނެ މީ ލިބުނު ފިލާވަޅެކޭ. ޒިންމާވާނެ މީހެއް ނުހުރޭ. ވެކްސިން ކުއްވެރިވާނީ އެންމެ ފަހުން.
ތޮރުފި
22 April 2021
ލައްބަ...އޮޅިގެން މީހަކު ގަޔަށް އެއިޑްސް ހުރި ލޭވެސް އެޅި...އެމީހާއަކަށްވެސް އެއްވެސް ގެއްލުމެއް ނުލިބޭދޯ...މުޅި ދިރިއުޅުން ހަލާކުވީ....
އައްޑޫކަލޯ.
22 April 2021
ކަމެއް ހަމަ ދިމާވެދާނެ. ޖެހި އެތައް ލައްކަ ޑޯޒެއްގެ ތެރެއިން ފެންމަތިވި މިފަދަ ފުރަތަމަ މައްސަލަމީ. މުހިންމީ މިކަން ތަކުރާރު ނުވާނެ ފަދަ ގޮތަކަށް ސިސްޓަމް އޮތުން. ގަބޫލުކުރަންވީ ދިވެހީން މިކޮވިޑް ކާރިސާ އެއްވަނަ ދުނިޔޭގެ ގައުމުތަކާއި އެއްވަރަށް މެނޭޖްކުރިކަން. ދިވެހިން ޝުކުރުވެރިވާން ވެސް ދަސްކުރަން އެބަޖެހޭ
ހިނި އައްނަނީ
22 April 2021
ގާތަކަށް ވެސް މެނޭޖު ނުވޭ
1828
22 April 2021
ނިސްބަތުން ކުޑަކުޑަ އާބާދީތަކަށް ބެހިފައިވާ ރަށްތަކުގެ ތެރެއިން ނެތޭ 02 ޑޯޒް ވެކްސިން އެއްވެސް ރަށެއްގެ އާބާދީގެ 60%އަށް ދެވިފައެއް. އެކަމަކު އުސޫލު ހަދާ އާމްކުކޮށްފި އާބާދީގެ 60% މީހުންނަށް 02 ޑޯޒް ވެކްސިން ދީފައިވާ ރަށްތަކަށް ދަތުރުކުރެވޭނެ ވާހަކަ. ދެން ކޮބާތޯ ދުނިޔޭގެ އާބާދީ ބޮޑެތި ޤައުމަތަކާ އަޅާކިޔޭނެ ގޮތެއް؟ ރާއްޖޭގެ އާބާދީ ގާތްގަނޑަކަށް 450000 އަރާކަން އެއީ ދިވެހިންގެ ނަސީބު، އެހެން ނޫންނަމަ މިހާރު ލައްކައަކާ ގާތްކުރާވަރަށް މީހުން ނިޔާވީސް
ދޮންކަމަނާ
22 April 2021
އެޗްޕީއޭ ކިޔާ ތިޔަތަނަކީ ވަރަށް ޒިންމާދާރުކަން ކުޑަގޮތަކަށް މަސައްކަތްކުރާ ބަޔަކު ތިބިތަނެއް. ގޭގައި މީހަކު ކޮރަންޓީނު ކޮށްފިނަމަ ޖަހަންޖެހޭ ލިޔުން ޖަހާނީ ކޮރަންޓީނު މުއްދަތު ހަމަވާން ކާރިވާފަހުން. އެނެއްކާ މުއްދަތު ހަމަވުމުން އެލިޔުން ނައްޓާލާކަށްވެސް ނުދޭ. އެލިޔުމުގައި އޮވޭ އެހެންފަރާތަކުން އެ ލިޔުން ނައްޓާލުމަކީ ކުށެއްކަމަށް. މިއީ ތިޔަތަނުގެ ޙާލަތު.
އައްޔަ ބޮޑޭ
22 April 2021
ކޮބާ, އެވިދާޅުވީފަހުބަސް! އޮޅުމަކުން ވެކުުސިންކާޑޭ ކިޔާ ކާޑެއްވެސް އޮއޭދީފާ ދިވެހިބަހުން ދިފާއު ޖަހާފަ ކާޑައްވެސްބަލާނުލާ ޖެހީދޯ!