ޒިކުރާ މިސްކިތް. މި މިސްކިތް ތަޅާލުމަށްފަހު އެ ތަނުގައި 10 ބުރީގެ އިމާރާތެއް އެޅުމަށް އަންނަ އަހަރުގެ ބަޖެޓުގައި ވަނީ ހިމަނާފައި. - ފޮޓޯ: ފޭސްބުކް
16 ނޮވެމްބަރ 2016 - 20:53
12 comments
މާލޭ ޒިކުރާ މިސްކިތް ތަޅާލައި އެތަން 10 ބުރިއަށް އިމާރާތް ކުރާއިރު، އެ އިމާރާތުގެ ބޮޑު ބައި ބޭނުން ކުރާނީ ވަގުފު ފަންޑަށް ފައިސާ ހޯދަން ކަމަށް އިސްލާމިކް މިނިސްޓްރީން ބުނެފި އެވެ.
ޒިކުރާ މިސްކިތް ތަޅާލައި އެތަން 10 ބުރިއަށް އިމާރާތް ކުރުމަށް އަންނަ އަހަރުގެ ދައުލަތުގެ ބަޖެޓުގައި ވަނީ ހިމަނައިފަ އެވެ. މި ބޮޑު މަޝްރޫއަށް 115 މިލިއަން ރުފިޔާ ހަރަދުވާނެ އެވެ.
އިސްލާމިކް މިނިސްޓްރީގެ އޮފިޝަލަކު ވިދާޅުވި ގޮތުގައި ޒިކުރާ މިސްކިތުގެ 10 ބުރީގެ ތެރެއިން ތިން ބުރި ހާއްސަ ކުރާނީ ނަމާދު ކުރުމަށެވެ. އަދި ބާކީ ހަތް ބުރި ބޭނުން ކުރާނީ ވަގުފު ފަންޑަށް ފައިސާ ހޯދަން ކަމަށް އޭނާ ވިދާޅުވި އެވެ. ނަމަވެސް އެކަމާ ގުޅޭ ތަފްސީލެއް އޭނާ ނުދެއްވަ އެވެ.
"އެ ހަތް ބުރީގައި ކުރަން ރާވާފައިވަނީ ކޮން ކަމެއް ކަން އަދި ނިންމާފައެއް ނުވާނެ،" އޭނާ ވިދާޅުވި އެވެ.
ތިން އަހަރު ދުވަހަށް ބަހާލައިގެން ކުރިއަށް ގެންދާ މި މަޝްރޫއުގެ ދަށުން އަންނަ އަހަރު އެ އެ މިސްކިތުގެ ފައުންޑޭޝަނާއި ޕާކިންގް ފެސިލިޓީއާ އެކު ތިން ބުރި ނިންމުމަށް ވަނީ ހިމަނައިފަ އެވެ. އެ މަސައްކަތަށް ހަރަދުވާނެ ކަމަށް ލަފާކޮށްފައި ވަނީ 17.2 މިލިއަން ރުފިޔާ އެވެ. މީގެ އިތުރުން 2018 ވަނަ އަހަރު އެ މަޝްރޫއަށް 43 މިލިއަން ރުފިޔާ، 2019 ގައި ފަސް މިލިއަނަށް ވުރެ ގިނަ ރުފިޔާ ހަރަދުވާނެ ކަމަށް ވެސް ލަފާކޮށްފައިވެ އެވެ. މަސައްކަތް ނިމޭއިރު ޒިކުރާ މިސްކިތް ވާނީ މިހާތަނަށް ހަދާ، ޖާގަ އެންމެ ބޮޑު މިސްކިތަށެވެ.
ޒިކުރާ މިސްކިތުގެ އިތުރުން 25 މިލިއަން ރުފިޔާ ހަރަދުކޮށްގެން މަސްޖިދުލް ބަހާއުއްދީން ފަސް ބުރިއަށް އިމާރާތް ކުރުމަށް ވެސް ބަޖެޓުގައި ވަނީ ހިމަނައިފަ އެވެ. އިސްލާމިކް މިނިސްޓްރީގެ އޮފިޝަލަކު ވިދާޅުވީ އެ މިސްކިތުގެ ފަސް ބުރި ބޭނުން ކުރާނީ ނަމާދު ކުރުމަށް ކަމަށެވެ.
މި ދެ މިސްކިތުގެ އިތުރުން ރާއްޖޭގެ އެކިކަންކޮޅުތަކުގައި މިސްކިތްތައް ބިނާކުރުމުގެ މަޝްރޫއުތައް ހިންގުމަށް ބަޖެޓުގައި ވަނީ ހިމަނައިފަ އެވެ. ބަޖެޓުގައިވާ ގޮތުން މި ހުރިހާ މަޝްރޫއަށް ވެސް ހަރަދުވާނެ ކަމަށް ލަފާކޮށްފައި ވަނީ 451.8 މިލިއަން ރުފިޔާ އެވެ.
މަޖީދީ މަގުގައި ހުންނަ ޒިކުރާ މިސްކިތުގެ ފާހާނާ ހޮޅިއެއް މިދިޔަ މަހު ބެދި، ނަޖިސްތައް ބޭރުވުމާ ގުޅިގެން އެ މިސްކިތް ބަންދުކުރި އެވެ. އިސްލާމިކް މިނިސްޓްރީން ކުރިން ބުނި ގޮތުގައި ޒިކުރާ މިސްކިތް ބަންދުކުރީ އެތަނުގެ ފާހަނާ އިތުރަށް ސާފު ކުރުމަށެވެ. ނަމަވެސް އެ ތަން އަލުން ހުޅުވޭނެ ތާރީހެއް އެ މިނިސްޓްރީން ނުބުނެ އެވެ.
ވަގުފު ފަންޑަކީ މާލެ އާއި ރަށްރަށުގައި މިސްކިތް އިމާރާތްކޮށް، އެތަންތަން މަރާމާތުކުރުމަށް ފައިސާ ހޯދަން އިސްލާމިކް މިނިސްޓްރީން ފެށި މަސައްކަތެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދދ
17 November 2016
ތިތާ ކުޑަ ޕާކެއް ހެދުން ރަގަޅު ތިހާ ކުޑަ ބިންކޮޅެއްގައި ރަގަޅުވާނީ ފިނި މައިޒާނެއް!
އަޙްމަދު
17 November 2016
ދުވަސް ކޮޅަކުން ތިނަދުއަށް ތިޔަ މިސްކިތް ބަދަލު ކުރާނެ.އެރަށުގައި 10 ބުރީގެ މިސްކިތެއް ނުހުންނާތީ
އަމައްޔާއި
16 November 2016
10 ފަންގިފިލާ ހުންނަގޮތަށް މިސްކިތް ފަރުމާކުރުމަކުން އެއްވެސް މައްސަލާއެއްނެތް. ބައްޕާފުޅު މިސްކިތަކީ ރައީސް މައުމޫން ގެ ވެރިކަމުގައި ބިނާ ކޮށްފައިހުރި މިސްކިތަކަށް ވެފައި އެމަނިކުފާނުގެ ދައުރުގައި ކުރައްވާފައިވާ ކަންކަމަށް ވުރެ ރަނގަޅު އަދި ބޮޑެތި ކަންކަން ކުރައްވަން މިހާރުގެ ރައީސް ގެ ވިސްނުންފުޅު ހުރުމާއައެކު މިގޮތަށް މިކަންކުރަން ނިންމުން. ފަހަރެއްގައި މިނޫންގޮތަކަށް ބައެއްފަރާތްތަކުން ވިސްނުމަކީވެސް އެކަށީގެންވާކަމެއް!
ކަނީޖާ
16 November 2016
ށަދާގާތް ފައުންޑޭޝަނަށް ކުޑަ އަގެއްގައި ކުއްޔައްދިނުން ރަނގަޅުވާނެ
ބިތުފަންގެ
16 November 2016
ކުރާކޮންމެކަމަކުން ފައިސާ ލިބޭގޮތް ހަދާފަ ބައެއް ނަގާ ޖީބަށް.
ަހަަހަ
16 November 2016
ފަންޑުތަކާ އެއްޗެހި ހޯދާ ހޯދޭވަަރަކަށް. ދެން އޭގެން މާލޭގެ ކޮންމެސް މިސްކިތެއް އަނެއްކާވެސް ތަޅާލާފަ 100 ބުރިޔަށް ނަގާ. ޢަހަރެމެން ރާއްޖެތެރޭ މީހުން ތިބޭނަން ބަލަން. 400 ސަތޭކައެއްހާ މީހުންގެ ޖާގައެއްގެ މިސްކިތެއްހަދަންފަށާފަ އެބަހުރި ބ ކިހާދޫގަ. 4 އަހަރު ވިއިރުވެސް ނަމާދު ކޮށްލެވޭވަރު ނުވެ އެތާ. މި ވާއެއްޗެއް ނޭނގެ.
ނިދާލާ
16 November 2016
ޒިކުރާ މިސްކިތުގެ ތިން ފަންގިފިލާ މިސްކިތުގެ ބޭނުމަށް ނަގާ ދެން ހުރި ފަންގިފިލާ ތައް އަމިއްލަ އޮފީސް އިމާރާތް ތައް ހަދަން ކުއްޔަށް ދިނަސް އޭގެ ސަބަބުން ވަރަށް ބޮޑު އާމްދަނީ އެއް ސަރުކާރަށް ވަންނާނެއެވެ. ހަމަ މިވަގުތުން ފެށިގެން މިކަން ކުރަންވީ މިވަގުތުން ފެށިގެން ކުރަން ނިޔަތް ގަންނަންވީ އެވެ. މީ މަމެން އަބަދުވެސް އިންތިޒާރު ކުރަމުން އަންނަ ދަނޑިވަޅު ތަކަކީ. މިވަގުތުން ފެށިގެން މިކަން ކުރާނެ ކަމަށް މަމެން އުއްމީދު ކުރަމުން އޮތްތާލާ ނިދައިފޫމެވެ. ނިދާލާ ނިދާލާ ދެން.
ވަގުފު
16 November 2016
ތިކަމުން ވަގުފުގެ މަގްސަދު ގެއްލޭ. ވަގުފަކީ މީހުން ﷲއަށްޓަކައި ކުރާހޭދައެއް. ވިޔަފާރި އުސޫލުން ހޯދާއެއްޗެއްނޫން
ގުޑް
16 November 2016
ޒިކުރާ މިސްކިތުގެ ގިނަ ފަންގިފިލާ ތައް ފްލެޓްސް ތައް ހަދާ ކުއްޔަށް ދޭންވީ ސަރުކާރުގެ ސިޔާސީ މަގާމް ތަކުގައި ތިއްބަވާ ބޭފުޅުންނަށް ވެސް. އެއިރުން ވެސް ދެން މާލޭގައި ގެދޮރު ކުއްޔަށް ހިފައިގެން އުޅޭ މީހުންނަށް ނިމުމެއް އަންނާނެ ނޫންތޯއެވެ. ގުޑް. ކީޕް އިޓް އަޕް..
GAN Island
16 November 2016
ކޮންމެ ސިފައެއްގައި ޙަރަދު ކުރި ކަމުގައި ވިޔަސް ތިޔަ ހަރަދު ކުރަނީ ''ދައުލަތުގެ ފައިސާ ނުވަތަ ދައުލަތުގެ މުއްސަނދިކަން'' ކަމަށް ވާއިރު ތިއީ ވަރަށް ބޭއިންސާފު ހަރަދު ތަކެއް. . . ރާއްޖޭގެ އަތޮޅު ތަކުގެ ރައްޔިތުން ސާފު ބޯފެނާއި ނަރުދަމާގެ ހިދުމަތުން ބޭރުކޮށް ''މަޖުބޫރީ ހާލަތެއްގައި'' އުޅެން ބައިތިއްބާފައި ދައުލަތުގެ މުޅި މުއްސަނދިކަން މާލޭގެ ބިންވެރިންގެ އުފަލަށްޓަކައި ހޭދަކޮށް ''ވަގުފު ފަންޑާއި'' ފެން ފަންޑު އަދި ވެށީފަހި ފަންޑާއި އަނެއް ފަންޑެއް ހަދައި ތިޔަފަދަ ގޮތަކަށް ރައްޔިތުން ގެ ތެރޭގައި ބައިބައިވުން އުފައްދާކަށް ނުވާނެ.