ކޮވިޑަށް ޕޮޒިޓިވްވެ މަންމަ އާއި ބައްޕާ އެކު [މިޝްކާ] ކަރަންޓީނު ކޮށްފައި ހުރީ ގޭގައި. ބަލިޖެހުނު ފަހުން ހުން އައި ނަމަވެސް މިކްޝާގެ ހާލު އިއްޔެއާ ހަމައަށް ރަނގަޅު.
02 ޖޫން 2021 - 10:49
181 comments
ކޮވިޑް ބަލީގައި މާލޭގައި ރޭގައި ނިޔާވި އުމުރުން އެންމެ 10 އަހަރުގެ ފާތިމަތު މިޝްކާ މުހައްމަދުގެ ހާލު މާ ބޮޑަށް ދެރަވެ، އެމްބިއުލާންސްގެ އިންތިޒާރުގައި ތިން ގަޑިއިރު ތިބެން ޖެހުނު ކަމަށާއި އެހެން ތިއްބާ އޭނާ ހޭނެތުނީ ކަމަށް އާއިލާ އިން ބުނެފި އެވެ.
މީގެ ދުވަސްކޮޅެއް ކުރިން ކޮވިޑަށް ޕޮޒިޓިވްވި މިޝްކާ ނިޔާވީ ކުއްލިއަކަށް މާ ބޮޑަށް ހާލު ދެރަވެ، ރޭ އައިޖީއެމްއެޗުގެ އައިއާރަށް ގެންދިޔަތާ އިރުކޮޅެއް ފަހުންނެވެ.
އެމްބިއުލާންސަށް ގުޅީ ރޭ ނުވައެއް ޖަހާކަން ހާއިރު ކަމަށާއި އެކަމަކު އެމްބިއުލާންސް ދިޔައީ ގާތްގަނޑަކަށް ތިން ގަޑިއިރު ފަހުން 11:40 ހާއިރު ކަމަށް އާއިލާގެ މީހަކު ކުރި ޓުވީޓެއްގައި ވެ އެވެ. އެޗްޕީއޭގެ ހޮޓްލައިން 1676 އަށް ތަކުރާރުކޮށް ގުޅުމުން ވެސް، "އެމްބިއުލާންސް މިހާރު ހިނގައްޖެ" ކަމަށް ބުނި ކަމަށާއި އަދި ދިއުން ލަސްވާތީ އައިޖީއެމްއެޗްގެ އެމްބިއުލާންސަށް ވެސް ގުޅި ކަމަށް އޭނާ ބުންޏެވެ.
"ކޮވިޑަށް ޕޮޒިޓިވްވެ މަންމަ އާއި ބައްޕާ އެކު [މިޝްކާ] ގޭގައި ކަރަންޓީނު ކޮށްފައި ހުރީ. ބަލިޖެހުނު ފަހުން ހުން އައި ނަމަވެސް މިކްޝާގެ ހާލު އިއްޔެއާ ހަމައަށް ރަނގަޅު،" އާއިލާގެ މީހަކު ޓުވިޓާގައި ލިޔެފައިވެ އެވެ.
"ނޭވާ ލާން އުނދަގޫވެ ރޭ ނޭފަތުން ލޭ ވެސް އައި."
ކުއްޖާ ބަލާ އެމްބިއުލާންސް ދިޔައިރު ކުއްޖާ އޮތީ ހޭނެތި، ހާލު ވަރަށް ބޮޑަށް ސީރިއަސް ވެފައި ކަމަށް އާއިލާ އިން ބުނެ އެވެ.
އެޗްޕީއޭއާ ސުވާލު ކުރުމުން އެ އިދާރާ އިން ބުނީ، މައްސަލަ ބަލަމުން އަންނަ ކަމަށާއި މި ވަގުތު އިތުރު މައުލޫމާތު ދެވެން ނެތް ކަމަށެވެ.
ހެލްތު މިނިސްޓްރީން ކުރި ޓުވީޓެއްގައި ބުނީ އިމަޖެންސީގައި ގުޅި މީހަކު ބަލާ ދިއުމަށް އެމްބިއުލާންސް ދިއުން ލަސްވި މައްސަލައެއް ރިވިއު ކުރަމުން އަންނަ ކަމަށާއި މިކަން ހިނގި ގޮތް ބަލައި ތަކުރާރު ވިޔަ ނުދިމަށް ވަގުތުން ފިޔަވަޅު އަޅަމުން އަންނަ ކަމަށެވެ. އެ މިނިސްޓްރީން ނެރުނު ބަޔާނެއްގައި ވެސް ބުނީ، އެ މައްސަލަ ބަލަމުން އަންނަ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝާހިދު އަލީ.....
03 June 2021
ތިކަން ރަގަޅަށް ބަލަން ޖެހޭނެ...ހިތައް އަރާ ތި އާއިލާގެ ޒިންމާއެއްވެސް ހަމަނެތީބާއޭ...އެމީހުންގެ އިހުމާލެއްވެސް ވޭތޯ ބަލަން ޖެހޭނެ...
ށުހައިލު
03 June 2021
އެޗްޕީއޭގެ ހޮޓްލައިން ޢަށް ގުޅާލީމަ ތަޖުރިބާ ކުރެވޭނެ ސަރުކާރުގެ ސުޕީޑް.. ނުވާވަރުން އަދިވެސް ފޫގަޅާތި މިއުޅެނޫ ފަސްލައްކަ މީހުން ނުބެލިހެއްޓިގެން ވެރިމީހާ އަރާފަ ދުނިޔޭގެ ގައުމުތަކާ ވާދަކުރަނީ...
މިއަދު
02 June 2021
ކޮބާ ވަޢުދުފުއްދަން ލެއްވި މިނިސްޓަރ ހާދަ ސްލޯކޮށް މިއީތަ ސަރުކާރުގެ ވައުދުފުއްދުމުގެ ސްޕީޑްފެނޭނު
އޯގާތެރި ސަރުކާރު
02 June 2021
ކޮވިޑްގެ އިމަރޖެންސީ ހާލަތުގައި މުޅި މާލެ ސަރަހައްދަށް ޖުމްލަ 05 (ފަހެއް) އެމްބިއުލަންސް؟؟؟ ސަރުކާރުގެ ކޮންމެ ބޮޑަކަށް އަދި މަޖްލިސް މެންބަރުންނާއި ފަނޑިޔާރުންނާ އެނޫން ވެސް ފަރާތްތަކަށް ރައްޔިތުންގެ ފައިސާއިން ކާރުކޮޅާ ޑްރައިވަރު ހަމަޖައްސައިދެއްވުމުގައި ފިނޭންސް މިނިސްޓްރ އަވަދި ނެތި. މިއަށްވެސް ކިޔަނީ އޯގާތެރިކަން؟؟؟؟
ހުޅުލޭ ބޮޑުމީހާ
02 June 2021
ކޮބާތަ މާ ހިންގާލާކަމަށް ހެދިގެން އުޅޭ ބޮޑު މުސާރަ ނަގައިގެން އުޅޭ އެޗްއާރުސީއެމް. ތަހުގީގުކުރާ މައްސަލައަކަށް ދުވަހަކުވެސް ހައްލެއް ނުލިބޭ. ދެން ގާތުން ބަލަބަލާ ތިބޭ ދައުރު ހަމަވަންދެން.
އިކުލީލް
02 June 2021
ކެރަފާ ނަސީމް އިސްތިއުފާ، ކޮވިޑް އޮތީ ނަސީމުގެ ނަސީބު ރަގަޅުކަމުން ކަމަށްވެދާނެ! އެހެން ނޫންނަމަ ގޭދޮށަށްއެއްވެ އިސްތިއުފާއަށް ގޮވާނީ..
ބެއްޔ
02 June 2021
ހަރަދުކުރިމީހާނުފެނިގެން އެމީހާހޯދަން މުޅިދައުލަތްއުޅެނީ.
ހިޔާލ
02 June 2021
މިކުއްޖާގެ މައިންބަފައިން ކީއްވެތޯ މިހާލަހުން، މިވަރުވަންދެން އެމްބިއުލެންސައް ނުގުޅއްވައި މަޑުކުރެއްވީ....
ބިނާ
02 June 2021
ތި ބޭފުޅާއަށް އެނގުނަސް އެމީހުންނަކަށް ނޭނގޭ ދެން ހަމަ ކުރިއަށް އޮތް މިނިޓްގައިވެސް އެމްބިއުލާންސް ނާންނާނެކަމެއް. އަދި އެހެން މަޑުކޮށްގެން ތިއްބާ ކުއްޖާ މަރުވެދާނެ ކަމެއްވެސް އެމީހުންނަކަށް ނޭނގޭ. އެމްބިއުލަންސް ފޮނުވުމުގައި އެހާ އިހުމާލެވާނެއޭ ހިތަށްވެސް ނޭރީ. ތިކަހަލަ އެނގޭ ބޭފުޅުންނަށް އެނގުނަސް ނޭނގޭ މީހުންނަކަށް ނޭނގޭނެ. ކަމެއް އެއްގޮތަށް ދިއައިމަ އަނެއް ގޮތަށް ނުކުރީ ކީއްވެހޭ ކިއުމަކީ ދިވެހިންގެ ވަރަށް ބޮޑު އާދައެއް.
ބޮޑުރިޔާ
02 June 2021
މިހާރުހެލްތުމިނިސްޓަރގެމައްސަލައެއްނޯންނާނެ
2021
02 June 2021
ޤަވައިދަށް އުޅުނަަސް މިރާއްޖޭގަ ވާނީ މިވަރު، ޕޮޒިޓިވް ވެފަ ތިއްބަސް ދެވުނު ގޮތަކަށް ދިޔަނަމަ ކުއްޖާ ލިބުނިސް. ޢިންޝާ ﷲ. ވާކަމެއް ވާނީ އޭގެ ފަހުން. ޑރ. ޢިޔާޒްގެ މާބަނޑު ދަރިފުޅަށްވެސް މިހެން ނުވީ ހަމަ ކިރިޔާ. އެންބިއުލެންސް ލަސްވާތީ އަމިއްލަ އަށް ދިޔުމުން