ޚަބަރު / މަރު

ކޮވިޑް-19: އައިޖީއެމްއެޗަށް ގެންދިޔަ 37 އަހަރުގެ ބިދޭސީއަކު މަރުވެއްޖެ

ކޮވިޑް ޖެހިގެން މަރުވި މީހަކު ހުޅުމާލޭ ސަހަރާގައި ވަޅުލަނީ-- ފޮޓޯ؛ ނިޝާން އަލީ/ މިހާރު

އިފްރާޒް އަލީ، މިހާރު

04 ޖޫން 2021 - 20:24

1 comments

އައިޖީއެމްއެޗުގެ އިމަޖެންސީ އަށް ގެންދިޔަ އުމުރުން 37 އަހަރުގެ ބިދޭސީއަކު ކޮވިޑް ބަލީގައި މިއަދު މަރުވެއްޖެ އެވެ.

އެޗްޕީއޭ އިން ބުނީ ސްރީ ލަންކާގެ އެ މީހާ މަރުވީ ރޭ ފަތިހު 4:24 ގައި ކަމަށެވެ. މިއީ ރާއްޖެ އިން ކޮވިޑްގައި މަރުވި 176 ވަނަ މީހާ އެވެ.

ރޭ ފަތިހު މަރުވި ލަންކާގެ މީހާ އަކީ ރާއްޖޭގައި ކޮވިޑް ޖެހިގެން މަރުވި ތިން ވަނަ ބިދޭސީ އެވެ. މީގެ ކުރިން އއ. ރަސްދޫގައި އިންޑިއާގެ މީހަކު އަދި ކ. މާފުށީގައި ބަންގުލަދޭޝްގެ މީހަކު މި ބަލީގައި މަރުވެފައިވެ އެވެ.

އެ މީހުން ވަޅުލާފައި ވަނީ ހުޅުމާލޭ އާސަހަރާގަ އެވެ. މިއަދު މަރުވި މީހާ ވެސް ވަނީ އެ ސަހަރާގައި ވަޅުލައިފަ އެވެ.

ރޭ ފަތިހުގެ މަރާ އެކު މި މަހު މަރުވި މީހުންގެ ޖުމުލަ އަދަދު 12 އަށް އެރީ އެވެ.

ކޮވިޑް ބަލީގައި ފުރަތަމަ ފަހަރަށް ރާއްޖެ އިން ކުޑަކުއްޖެއް ވެސް ވަނީ މި ހަފުތާގައި މަރުވެފަ އެވެ. އެންމެ 10 އަހަރުގެ އެ ކުއްޖާ މަރުވީ މާ ބޮޑަށް ހާލު ދެރަވެ، ފަރުވާ ނުދެވި ލަސްވެގެންނެވެ.

ކޮވިޑްގެ ހާލަތު ރާއްޖޭގައި ވަރަށް ބޮޑަށް ގޯސްވެ އެޅި ރައްކާތެރިކަމުގެ ފިޔަވަޅުތަކާ އެކު ކޭސްތައް މިހާރު ވަނީ މަޑުމަޑުން ދަށްވާން ފަށައިފަ އެވެ.

ސްރީ ލަންކާ މަރު ހެލްތު ޕްރޮޓެކްޝަން އެޖެންސީ ސިއްހަތު ބަލިތައް ރާއްޖެ-ލަންކާ

1 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނަސީމްބެ

04 June 2021

އާދަމްގެ ފާނުން ފެށިގެން މިޔަދާ ހަމައަށް ދުނިޔެއިން މަރުވި އެންމެންވެސް މަރުވެ ގޮސްފައިވަނީ ކޮވިޑޭ ކިޔުނު ވަގު ބަލީގައެވެ. ދަންނައޭ މީކީ އާދައިގެ ބައްޔެއްވެސް ނުނޭ. ޖެހޭމީހާއަށް ނުވެސް އެނގިވެސް މިބަލި ޖެހި ރަނގަޅުވެސް އެބަވެޔޭ. ހަމަ މިގޮތައް މިބަލި ޖެހޭކަން މަރުވާފަހުންވެސް އެބަ އެނގިދެއެވެ. މިބަލި އެންމެ ބޮޑަށް ދެނެލައްވަނީ ނޭފަތުގެ ފަސް އިންޗި އެތެރެއަން ބާނާ ކަފަބުރަކަށެވެ އިސާހިތަކު މިކަފަބުރުގެ ވެރިން ބޮޑެތި މަހުޖަނުންނަށް ވާތަން ދިރިތިބީން ދެކޭނޫއެވެ. މި ކަމަކީ ފަސޭހައިން ފިލައިގެން ދާނެ ބައްޔެއް ހެނެއް އަމުދުން ހިޔެއް ނުވެއެވެ. ދުނިޔޭގެ ގައުމު ތަކުގަ ތިބި ނުލަފާވެރިން އެބައި މީހުންގެ ވެރިކަން ދިފާއު ކުރާ އައްޑަނަ އަކައް ކޮވިޑު ހަދައި ފޫއެވެ. މީޑިޔާ ބޭނުންކޮއްގެން ރައްޔެތުން ގުއިރެވޭ ވަރައް ބިރު ގަންނަވާ ގޭބަންދުކޮށް އެންމެ އަސާސީ ހައްގު ކަމުގައިވާ ނޭވާލުމުގެ ހައްގައްވެސް އަރައިގަނެ, ދަތުރުކުރުމާ އެއްވެ އުޅުން މަނާކޮއްފޫ އެވެ. އެހެންޏާ ފަހެ އެކްސިޑެންޓުވެ ކަރުބުރިވި މީހާވެސް މަރުވި ކަމައްވީ ކޮވިޑުގަ ޔޯލައެވެ. އ.ހ