އައިޖީއެމްއެޗް: ކޮވިޑަށް ޕޮޒިޓިވް މީހުންނަށް އަމިއްލައަށް ހޮސްޕިޓަލަށް ގޮސްގެން ފަރުވާ ލިބޭނެ އިންތިޒާމު ހަމަޖެއްސުމުގެ މަސައްކަތް އަންނަނީ ކުރަމުން.-- ފޮޓޯ: އަހުމަދު އަވްޝަން/ މިހާރު
05 ޖޫން 2021 - 09:28
20 comments
ކޮވިޑު-19 އަށް ޕޮޒިޓިވް މީހުންނަށް 24 ގަޑިއިރު އޯޕީޑީގެ ހިދުމަތް ލިބޭނެ އިންތިޒާމު ހަމަޖައްސަން ފަށައިފި އެވެ.
ފަރުވާ ލިބުން ލަސްވެ ކޮވިޑުގައި 10 އަހަރުގެ މިޝްކާ މުހައްމަދު ނިޔާވުމާ ގުޅިގެން ހެލްތު މިނިސްޓްރީން ހެދި ރިވިއުގައި ބޮޑެތި މައްސަލަތަކެއް ފާހަގަކޮށްފައި ވެ އެވެ. އެއާ އެކު، އެ ފަދަ ދެ ވަނަ ހާދިސާއެއް ތަކުރާރުނުވާނެ ގޮތަށް ގެންނަ ބަދަލުތަކެއް ވެސް ހާމަކޮށްފައިވެ އެވެ.
އޭގެ ތެރެއިން، މާލެ ސަރަހައްދުގައި ކޮވިޑަށް ޕޮޒިޓިވްވާ މީހުންނަށް އައުޓް ޕޭޝަންޓް ބޭސިސްގައި ފަރުވާ ލިބޭނެ އިންތިޒާމު ހަމަޖައްސައި އެ ތަންތަނަކީ 24 ގަޑިއިރު ހިދުމަތްދޭ ތަންތަނަށް ބަދަލުކުރުން ހިމެނެ އެވެ. އޭރުން ކޮވިޑަށް ޕޮޒިޓިވް މީހުންނަށް އަމިއްލައަށް ގޮސްގެން ހިދުމަތް ލިބޭނެ އިންތިޒާމު ހަމަޖެހޭނެ ކަމަށް ރިވިއުގައި ވެ އެވެ. މި އިންތިޒާމް ހަމަޖައްސާ ގޮތުގެ ތަފްސީލެއް އަދި ހާމައެއް ނުކުރެ އެވެ.
އެ ކަންކަމުގެ އިތުރުން ވަކި ހިދުމަތެއްގެ ގޮތުގައި އިމަޖެންސީ މެޑިކަލް ސާވިސް (އީއެމްއެސް) ގާއިމްކޮށް އިމަޖެންސީ ހާލަތްތަކުގައި ގުޅާނެ ވަކި ހާއްސަ ނަމްބަރެއް ހަމަޖެއްސުން ހިމެނެ އެވެ.
ކޮވިޑަށް ޕޮޒިޓިވް މީހުންނަށް 24 ގަޑިއިރުގެ އޯޕީޑީގެ ހިދުމަތްދިނުމުގެ މަސައްކަތް ފެށިއިރު، ހެލްތު މިނިސްޓްރީން މިދިޔަ މަހު ވަނީ ކޮވިޑުގެ ބަލި މީހުންނަށް ފަރުވާ ދިނުމަށް އަމިއްލަ ކްލިނިކްތަކާއި ހޮސްޕިޓަލުތަކަށް ހުޅުވާލައިފަ އެވެ. އެއާއެކު، އެ ބަލީގެ މީހުންނަށް އޭޑީކޭ ހޮސްޕިޓަލަށް ދައްކައި އެޑްމިޓުކޮށްގެން ފަރުވާދޭން ފަށާފައި ވެ އެވެ.
މިދިޔަ ބުދަ ދުވަހުގެ ރޭ ނިޔާވި ކުއްޖާއަށް ފަރުވާ ދިންގޮތުގެ ރިވިއުގައި ބުނީ ސިއްހީ ހިދުމަތް ފޯރުކޮށްދިނުމުގައި އެއީ އިމަޖެންސީ ހާލަތެއް ކަމެއް ބެލިފައެއް ނެތެވެ. އަދި އެފަދަ ހާލަތެއްގައި އަމަލުކުރަންޖެހޭ ގޮތަށް އަމަލުކޮށްފައި ވެސް ނުވާ ކަމަށާއި އެމްބިއުލާންސް ޓްރިގާކުރަންޖެހޭ ވަގުތު އެކަން ވެސް ކޮށްފައި ނުވާ ކަމަށް ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެޑްމިޓް
05 June 2021
އޮކްސިޖަން ބޭނުންވާ ހިސާބަށް ގޮސްފަތިބި ބަލި މީހުންނަށް އޭ.ޑީ.ކޭ އިން އެމްބިޔުލާންސް ފޮނުވައިދޭތަ؟ އަޑުއެހިން ކޮވިޑް ބަލި މީހުން އެޑްމިޓެއް ވެސް ނުކުރެއޭ އޭ.ޑީ.ކޭ އަކު؟ މިކަން ތެދުތޯ ބަލާލަ ބަލަ!
ފަހީމު
05 June 2021
އަމިއްލަ ކުލިނިކު ތަކަށްވެސް ދެވެން އޮއްވަ ކީއްވެބާ ހަމަ އެކަނި އެޗް ޕީ އޭ އަށް ބަރޯސާވެ އެތަނުން އެމްބިއުލަންސް ހޯދަން އެމީހުން މަޑުކުރީ. އޭޑީކޭ އިންވެސް އެބުނީ ކޮވިޑްގެ ކޭސްތަކަށްވެސް އެމީހުން އެމްބިއުލަންސް ފޯރުކޮށްދެމޭ. ވ ހިތާމަ އެމްބިއލަންސާ ގުޅަގުޅާ ތިއްބަ އެކުއްޖާގެ ފުރާނަ ދިޔަކަން. އެއްގޮތަކުން ނުވިއްޔާ އަނެއްގޮތަކުންވެސް އެކަހަލަ ކޭސްތަކުގަ ސިއްހީ ޚިދުމަތް ދޭތާކަށްގެންދަންވާނެ.
ދިވެހިބިން
05 June 2021
ތަންފުކެއް އަވަސް! މިކަމުންވެސް އިނގެނީ ހެލްތު މިނިސްޓަރު އިސްތިއުފާ ދޭން ޖެހިއްޖެކަން!
ދުރުމި
05 June 2021
މަސައްކަތް ކުރަންތިބޭ މީހުންގެ ފަރުވާކުޑަވުމުގެ ސަބަބުން ގެއްލުން ވުމާއި ހިތާމަވެރި ކަންކަން ހިނގަން މެދުވެރިވަނީ ކަންކަމުގައި އިސްކޮށްތިބޭ މީހުންގެ ފަރުވާކުޑަކަމާ ދޯހަޅިކަމުން. އެސްކޮށްތިބޭ މީހުން ފެއިލް ވުމުން. ފެއިލްވެފައި ތިބި ބަޔަކަށް ރަގަޅެއްވެސް ނުކުރެވޭނެ.
ބޮޑުމީހާ
05 June 2021
މިހާރު ތިދައްކާ ވާހަކަތަކަށް އިތުބާރެއް ނުކުރެވޭ! ފްލޯޓިންގ ހޮސްޕިޓަލާއި، ވެކްސިނާއި، ވެންޓިލޭޓަތަކާެި ޓެސްޓްކުރެވޭނެ ނިޒާމުގެ ފުރިހަމަކަމުން ރައްޔިތުން އުފަލުން ފޮޅެނީ
އަބްދުﷲ1
05 June 2021
ވާނެހާ އެއްޗެއްވީމަތަ ތަންތަން ހަދަން އިނގެނީ. ހާދަ ހާލެއްގައޭ ބަލިވެގެން އުޅެންޖެހުނީ. ފޯނެއް ނަގަނީ އެއްނޫން. ދައްކަންދާނެ ހޮސްޕިޓަލެއް ހުންނަނީ އެއްނޫން.
އައްޔަ ބޮޑޭ
05 June 2021
ޚިދުމަތްތައް ހަމަޖެހިފަ ނެތިގެންތަ އެމްބިއުލާންސް ލަސްވަނީ! ކިތަންމެ މޮޅައްގަވާއިދު ތަކެއްހެދިޔަސް އެއައް އަމަލުނުކުރަންޏާ އެއީކީއްކުރާ އެއްޗެއް!
ދުރުމި
05 June 2021
ކޮންމެ ބައްޔެއްގެ މީހުންނަށްވެސް 24 ގަޑިއިރު އޯޕީޑީގެ ޚިދުމަތް ލިބެން ޖެހޭނެ. ފަންވަރު ވަގުތެއްގައި ބޮލަށް ތަދުވާތީ ނުނިދިގެން ހޮސްޕިޓަލަށް ދިޔައިމާ ތަދު ކަނޑުވަން އިންޖެކްޝަނެއް ޖަހާފަ ފޮނުވުމަކުން ނުފުދޭނެ. ފަހަރުގައި އެއީ ސްޓްރޯކެއްގެ ޢަލާމާތަކަށްވެސް ވެދާނެ.
ބޯޅަބެ
05 June 2021
ވަރަށް ބޮޑު ތެދެއް ތި ބުނީ. ރާއްޖޭގައި ގިނަ ޑޮކްޓަރުންނަކީ (ހުރިހާ ޑޮކްޓަރުންނެއް ނޫން) ޕޭޝަންޓުންގެ މައްސަލަތައް އެ ބަލަން ޖެހޭ ސީރިއަސްމިނުގައި ނުބަލައި މާ ބޮޑު ކަމަކަށް ނުބަލައި ޑައުން ޕްލޭ ކޮށްލާފައި ޕެނަޑޯލް ނުވަތަ އެހެން ޖެނެރިކް އޯވަރ-ދަ-ކައުންޓަރ ބޭސް ކާޑަކަށް ބޭސް ސިޓީ ޕްރިސްކްރިޕްޝަން ލިޔެލާފައި ޕޭޝަންޓު ގެއަށް ފޮނުވާލާ ބައެއް. ދެން ރާއްޖޭން ބޭރަށް ހާލު ބޮޑުވެގެން ދިޔައިމާ ގިނަފަހަރު އޮންނަނީ ވާނެ އެއްޗެއް ވެފައި. ހިތާމަ ހުރި ކަމެއް މީ.
އިބިލީސް
05 June 2021
އެތައްބަޔަކު ފަނާވެދިޔަފަހުން އަދިވެސް މިކިޔަނީ ހަމަޖައްސަނީއޭ. ދެންބުނާނެ އަންނަ ހަފުތާގައި ނޫނީ މާދަމައޭ، ދެން އެ މާދަމައަކާ ހަފުތާއެއް ނައިސްގެން އުޅެންޖެހޭނީ. ނިކަން ކަމެއްކޮށްފަ ދައްކަބަލަ. ވެރިން އުޅޭހެން ރައްޔިތުންވެސް އުޅެނީ، ފަރުދީ ޒިންމާވެސް އަދާކުރާނެއޭ އެންމެންވެސް!
ފަހީމާއިބުރޭ
05 June 2021
177 މީހުން ކޮވިޑްގައި ނިޔާވި ފަހުން މިއޮތް ހަމަޖައްސަނީ އެންމެ ފުރަތަމަވެސް ކުރަންޖެހޭ ކަންތައް މީހުންގުމުގެ ނުކުޅެދުންތެރިކަނ ނޫން ކޮންކަމެއް ، ޑރންނާ ގުޅޭ ހޮޓްލައިންއަކާ ސަރުކާރުގެ ހުރިހާ ކާރުތަކާ ވެހިކަލްތަކެއް ކޮވިޑްގައި ބޭނުންކުރަން ނިންމާފަ އޮތްނަމަ ، ޓްރާންސްޕޯޓަށް ދަތިވީސްތޯ މާރުކޭޓުގަ ކުނިމަސް ވިއްކާތޯ ނުބެލޭ ބަޔަކަށް ކޮވިޑް މެނޭޖް ކުރެވިދާނެ ކަމަކަށް ބުއްދި ޤަބޫލެއް ނުކުރޭ،ސިފައިންނަށް މެނޭޖްކުރަން ހަވާލުކުރިނަމަވެސް މިއަށްވުރެ އޯކޭވީސް