ކާފިއު ގަޑި ހަވީރު 6 އިން ފަތިހު 4 އަށް ބަދަލުކުރުމުގެ އިތުރުން މާލެ ސަރަހައްދުގެ ޖިމްތައް ހުޅުވުމުގެ ހުއްދަ ވެސް މިހާރު ވަނީ ދީފައި.
ކާފިއު ގަޑީގައި މާލޭގައި ދުއްވާފައި ދިޔަ މީހަކު ހުއްޓުވައި ފުލުހަކު އޭނާގެ ފާސް ޗެކް ކުރަނީ.---ފޮޓޯ: އަހުމަދު އަވްޝަން/މިހާރު
22 ޖޫން 2021 - 22:12
47 comments
ކޮވިޑް-19 ފެތުރުން ކޮންޓްރޯލް ކުރުމަށް މާލެ ސަރަހައްދުގައި ކާފިއު ގަޑި ކޮންމެ ދުވަހެއްގެ ހަވީރު 6 އިން ފަތިހު 4 އަށް މާދަމާ އިން ފެށިގެން ބަދަލުކޮށްފި އެވެ.
ރައީސް އޮފީހުގައި ބޭއްވި މީޑިއާ ބްރީފިންގައި އެ އޮފީހުގެ ތަރުޖަމާން މުހައްމަދު މަބްރޫކް އަޒީޒް އެކަން އިއުލާން ކުރެއްވިއިރު، މިހާރު މާލެ ސަރަަހައްދުގައި ކާފިއު ހިންގަނީ ކޮންމެ ދުވަހެއްގެ ހަވީރު 4 އިން ފަތިހު 4 އަށެވެ.
ކާފިއު އަށް ކުޑަވަރެއްގެ ލުޔެއް ދިން ނަމަވެސް އަދިވެސް ބޭރުގައި އުޅެވެނީ ފުލުހުން ދޫކޮށްފައިވާ ފާސް އޮންނަ މީހުންނަށް އެކަންޏެވެ. ކާފިއު ނޫން ވަގުތުތަކުގައި ވެސް ކޮންމެހެން ބޭރަށް ނުކުންނަން ޖެހޭ މީހުންނަށް ބޭރުގައި އުޅެވޭނީ އެފަދަ ހުއްދައެއް އޮވެގެންނެވެ.
މާދަމާ އިން ފެށިގެން ކާފިއު ގަޑި ހަވީރު 6 ޖަހާއިރު ފަށާ ގޮތަށް ނިންމިއިރު، މެންދުރު 12 އިން ހަވީރު 4 އަށް ބޭރަށް ނުކުމެ އުޅުމަށް ފުލުހުން ދޫކޮށްފައިވާ ފާސް ހަވީރު 6 އާ ހަމައަށް ބޭނުން ކުރެވޭނެ ކަމަށް މަބްރޫކް ވިދާޅުވި އެވެ.
އޭނާ ވިދާޅުވި ގޮތުގައި، ކާފިއު ގަޑި ފަށާ ވަގުތު ދެ ގަޑިއިރަށް ލަސްކުރުމުން ފިހާރަތައް ހުޅުވައި ވިޔަފާރި ކުރުމާއި ކެފޭ/ރެސްޓޯރަންޓުތަކުން ޓޭކްއަވޭގެ ހިދުމަތް ވެސް ހަވީރު ހައެއް ޖެހުމާ ހަމައަށް ދެވޭނެ އެވެ. އެކަމަކު، މިހާރެކޭ ވެސް އެއްގޮތަށް ވިޔަފާރި ކުރުމަށާއި ޓޭކްއަވޭގެ ހިދުމަތް ހޯދަން ނުކުމެވޭނީ ވެސް ފުލުހުންގެ ހުއްދަ އޮންނަ މީހުންނަށެވެ.
މީގެ އެއް ހަފުތާ ކުރިއެކޭ އެއްގޮތަށް އަދިވެސް މާލެ ސަރަހައްދުގައި އަޅާފައިވާ ފިޔަވަޅުތަކަށް މާ ބޮޑު ލުޔެއް ސަރުކާރަކުން ނުދެ އެވެ. މާދަމާ އިން ފެށިގެން ހަމައެކަނި ދިން ލުޔަކީ ކާފިއު ފަށާ ގަޑި ދެ ގަޑިއިރަށް ދަންމާލުމާއި ޖިމްތައް ހުޅުވުމެވެ. ޖިމްތައް ހުޅުވުމުގެ ހުއްދަ ދިނީ ކޮންމެ ދުވަހެއްގެ ފަތިހު 5 އިން ހަވީރު 6 އަށެވެ. ނަމަވެސް ކޮންމެ ޖިމަކުން ހިދުމަތް ދޭނެ ޕްލޭނެއް އަދި އެޗްޕީއޭގެ ގައިޑްލައިނަށް ތަބާވާން ޖެހޭނެ ކަމަށް މަބްރޫކް ވިދާޅުވި އެވެ.
މިރޭގެ މީޑިއާ ބްރީފިންގައި މަބްރޫކް ނޫސްވެރިންނާ ވާހަކަ ދައްކަވަނީ.
"ޖިމްތައް ހުޅުވިފައި ހުންނަ ވަގުތުގެ ތެރޭގައި ޖިމަށް ވަޑައިގަންނަވާ މެމްބަރުން ޖިމަށް ވަޑައިގަންނަވާނީ އެޕޮއިންޓްމަންޓް ބޭސިސްގައި. މާނައަކީ ޖިމްގެ ތެރޭގައި އެއް ވަގުތެއްގައި ތިބޭނެ މީހުންގެ އަދަދު ކޮންޓްރޯލް ކުރެވިފައި ހުންނާނީ. އެ ބޭފުޅަކު [ޖިމަށް] ވަޑައިގަންނަވާ ގަޑިއަށް އެ ބޭފުޅަކު ކުރިއާލައި އެޕޮއިންޓްމަންޓް ހައްދަވައިގެން ވަޑައިގަންނަވާނީ،" އޭނާ ވިދާޅުވި އެވެ.
މަބްރޫކް ވިދާޅުވި ގޮތުގައި ޖިމްތައް ހުޅުވަން ހުއްދަ ދިނަސް ގުރޫޕްތަައް ބައިވެރިކޮށްގެން ހިންގާ ކަސްރަތު ކްލާސް ހިންގުން އަދިވެސް މަނާވާނެ އެވެ.
މާދަމާ އިން ފެށިގެން ސަރުކާރުން ދިން ތިންވަނަ ލުޔަކީ މޮނިޓަރިންގައި އޮންނަ ރަށްރަށް ފިޔަވައި، އެއް ރަށުން އަނެއް ރަށަށް ހުއްދަ ނެތި ދިއުމުގެ ހުއްދަ ދިނުމެވެ.
ކޮވިޑް ފެތުރުން ކޮންޓްރޯލް ކުރުމަށްޓަކައި، ފިޔަވަޅުތައް ހަރުކަށިކޮށް، ލޮކްޑައުންއެއް އިއުލާން ކޮށްފައި ވަނީ މިދިޔަ މޭ 26 އިން ފެށިގެންނެވެ. އޭގެ ފަހުން ސަރުކާރުން އަންނަނީ ކޮންމެވެސް ވަރެއްގެ ލުޔެއް ދެމުންނެވެ. އެކަމަކު، އަދިވެސް ކާފިއު އުވާލައި، ކެފޭ/ރެސްޓޯރަންޓުތައް ހުޅުވުން ފަދަ ބޮޑު ލުޔެއް ނުދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދުން999
23 June 2021
ކާފިއުނޫން ގަޑިއަކީ ކޮބާ؟ އެއްވެސް ގަޑިއެއްގައި ބޭރަށް ނުނިކުމެވޭ.
އެފް
23 June 2021
ތިޔަ ކާފިއު ކޮންމެ ގަޑިއަކަށް ހެދިއަސް އިއްޔެ ރަހުމުކުޑަކޮށް ގެއްލިގެން އެ ދިއައީ ކުޑަ ފުރާނައެއް. އެހާ ރަހުމު ކުޑަ އަމަލު ހިންގާ އެކަން ފޮރުވަން މަސައްކަތްކުރުމުގެ މިނިވަންކަން އެބަ އޮވޭ ތިޔަ ކާރފިއު ހިންގިއަސް. އާއްމު މީހާ ބަސްއަހައިގެން އެއްޗެއް ގަނެލަން ނިކުމެލަން ނުކެރިފަ އޮންނައިރު އެއް ބަޔަކު ކުއްޖަކަށް އެހުރީ ދިން އަނިޔާ. އަދި އެހާ ދުރު ސަރަހައްދަކަށް ގެންގޮސް ކުރާނެ ކަމެއްކުރިއިރު އެ ހިސާބު ބަލަހައްޓާލާނެ މީހެއް ނެތް. އަދިވެސް ކާރފިއު
އައްޑޫ ކޮއިޔާ
23 June 2021
ކާފިއު އޭ ކިޔައިގެން ރައިޔަތުން ލޮލުގައި އަނދުން ތިޔަޅުވަނީ. ކޮން ކާފިއު އެއްތަ މިތާ އޮތީ. މި މާލޭގައި ފުލުހުން ދޫކުރާ ފާސް ނެތް ހަމަ އެކަކުވެސް ނެތް. ކޮންމެވެސް ގޮތަކުން ރައިޔަތުން ގާނޫނީ ބާރު ހޯދައިގެން ތިޔަ އުޅެނީ މަގުމަތީގައި އިދިކޮޅުން މުޒާހިރާ ކޮށްފާނެތީ. އިންޑިއާ އައުޓް އާއި ލާދީނީ ބިލާ ހެދި ރައިޔަތުން މަގުތައް މައްޗަށް އެކަމަކު ނުނިކުމެ ނުތިބޭނެ.
ބަސް
23 June 2021
މާލެ - ހުޅުމާލެ ދަތުރު ކުރާ ބަސް ދަތުރުގެ އަދަދު ކޮވިޑް ގެ ހާލަތާ ގުޅިގެން މަދު ކުރުމަށްފަހު އަދިވެސް އެކަމަށް ބަދަލެއް ނާދޭ. މިސާލަކަށް ހަވީރު 4 ޖަހާއިރު ބަހެއް އޮވެފަ، ދެން އޮންނަނީ ރޭގަނޑު 10:30 ގައި. އެދެމެދު ދަތުރު ކުރަންވީ ޓެކްސީގައި. މިކަމާ ހެދި އާންމު މީހާ މިޖެހެނީ ކޮންމެ ދުވަހަކު 75 ރުފިޔާ ހަރަދުކޮށްގެން ޓެކްސީގައި ދަތުރުކުރަން. މިއީ ވަރަށް ދަތި އުނދަގޫ ކަމެއް. ޕަބްލިކް ސާރވިސް އެއް ގޮތަށް ދެވޭ ހިދުމަތެއް ނޫން މިހާރު މިއީ.
ރަދީފް ހުސޭނު
23 June 2021
ގޭގަ އިނދެ އިނދެ ފޫހިވެގެން ސިނގިރޭޓެއް ބޯލަން ދޮރުމައްޗައްނުކުމެ ހުންނައިރުވެސް ލޮލުކޮޅައްވެސް މަގުމަތިން މީހެއްގެ ހިލަމެއްނުވެ. މަގުމަތީގަ މިހާ މީހުންމަދުވެ ދުއްވާއެއްޗެހި މަދުވީމަ މާލެ ހެންވެސް ހީނުވެ, ވަރައް ފޫހި
ކޮންހިސާބެއް
23 June 2021
ތީގެ އިދިކޮޅު އެހެން ބައެއް ހިސާބުތައް އެއީ.
މާމިނގިލީ ޒާހިރު
23 June 2021
ކޮވިޑުގެ ކަންތައްތައް ފެށުނީއްސުރެ ވަރަށް ރަނގަޅަށް ކުރިޔަށް ގެންދަވާތީ އެކަމުގެ ބައިވެރިވާ އެންމެ ބޭފުޅުންނަށް ވަރަށް ޝުކުރު. މިގޮތަށް ލޮކްޑައުން 3މަސް ދުވަހަށް ބޭއްވުމަކީ މުހިންމު ކަމެއް.
ރައްޔިތު ސޮރު
23 June 2021
ރައްޔިތުންވާނުވައްދަ "ކާފިއު" ގަޑިއާ "ކާފިއު ނޫން" ގަޑީގެ ތަފާތު ބުނެދީބަލަ. މިމީހުންނާހެދި އިނގިރޭސިބަހުގަ "ކާފިއު"ގެ މާނަވެސް ބަދަލުކުރަންޖެހޭ ހިސާބައް މިދިޔައީ!
ޖެން
23 June 2021
ކަރފިއު ގަޑިއާ ރެސްޓްރިކްޓެޑް ގަޑި ކިޔާފަ ނަމަވެސް 2 ގަޑި ހަދާލިނަމަ އެހާ ބޮޑަށް އޮޅުވާނުލާ. ބައެއް ހިސާބުތަކުން މާ ބޮޑު ތަފާތެއް ނުފެނޭ އެ ދެ ގަޑީގަވެސް. އެއްބަޔަކު ކޮފީ ބޯން ތިބޭ މަގުމަތީ ކާރފިއުއެއް އެހެން ގަޑިއެއް ނޭނގެ ވަކިކުރާކަށް. ޕޮލިސް ކާރުވެސް އެމީހުން ކައިރިން ދޭ އަޅާނުލާ.
ވަހުތާން
23 June 2021
ހެދޭ ނެހެދޭއެއް އެނގޭތޯ؟ މަަގުމަތީގައި ތޮއްޖެހުން ކުޑަތޯ؟ ބާޒާރުމަތީގައިވެސް، މިވެރިން މިސްކިތްތަށް ދެކެ ހައުދަ ބިރެއް ގަނެއޭދޯ!
ސަލުލލ
23 June 2021
މިވަގުތު ލުއިތައް ދެވެން ނެތީ ވެރިކަން ވައްޓާލަން ބަޔަކު މުޒާހަރާކޮށްފާނެތީ ހަމަ އެނގޭތީ މިބުނީ ސަރުކާރުން މުސާރަ ލިބޭ މީހުން ބޭނުން ވަނީ މުޅި އުމުރަށް ކާފިއު ހިންގައިގެން ގޭގައި ތިބެން އަހަރުމެން މީ ތި ނުލިބޭމީހުން އަހަރުމެން މީ އެލަވެސް އެއްވެސް އެކައްޗެއްވެސް ނުލިބޭމީހުން ހުރިހާ ހައިރިސްކު އެންމެ އެހެން ރިސޯޓްއަކަށް ބަދަލުކޮށްފަ ވެސް ވެއްޖެއްނު މީހުންނަށް ދިރިއުޅެވެވަރު ކޮށްދެން
މަންޑޭލާ
23 June 2021
އެމެރިކާ އަދި ޔޫރަޕު މީހުން ތިސަކަރާއްޖެހުން ހުއްޓާލައިފި. ވެކްސިން ޖަހާ އެއްހަފްތާއިން ވެސް ނިއްމިދާނެ މިކަހަލަ ކުޑަގައުމަކަށް. ނުފެނޭ ބަޔަކު ސަރުކާރުން ވެކްސިން ހޯދައި މިކަން ނިއްމަން އުޅޭތަނެއް.ސްލޯއީ އިންތިހާއަށް.
ސަމީމާ
23 June 2021
މިމީހުން މިކަން މިހާރު ދިގުދައްމަނީ ދައުލަތް ދަރަނި ކުރުވާފައި ހައެކަނި ވައްކަން ކުރަން އަދި ގާތްތިމާގެ ރައްޓެހިންނަށް ޕްރޮޖެޓްތައް ދޭން.
ސަރާ
23 June 2021
އެހެނެއްނޫންވީ އަކީ އިންޑިޔާއިން ވެކްސިން ހަދިޔާކުރަމުން ދަނިކޮށް މެދުކަޑުވާލީ އިންޑިޔާ އައުޓޭ ކިޔައިގެން. އެހެންވީމާ ރަގަޅަށް ލަޑުލިބިފައި މިތިބީ.
ބައި
23 June 2021
ސަރާ ކަލޭމެން ގެ ރޫހާނީ ބޮޑުވަޒީރުގެ ގޮތް ކޮންމެ މީހަކު ގައިގަވެސް ހުރޭދޯ. އިންޑިޔާ ވެކްސިންހުއްޓުނީ ބަޔަކު އިންޑިޔާ އައުޓޭގޮވައިގެނެއްނޫން. ޚުދު އިންޑިޔާ ވެކްސިނަށް ޖެހިގެން. ވެކްސިންއާއި މާސްކާއި އޮކްސީޖަންވެސް އިންޑިޔާއަށް އެހެން ގައުމުތަކުން ހަދިޔާކުރި ހަނދާނެއް ކަލޭމެންގެ ނެތްތަ.
އިންޑިޔާ ސަރާ
23 June 2021
ބަލަ އިންޑިޔާ އައުޓޭ ހަމަ ބުނެލާ ބަހަކަށް ވެކްސިން ހުއްޓާލަންޖެހޭތަ ސަރާދައްތާ؟؟ އިންޑިޔާއިން ވެކްސިން ގަންނަން ފައިސާ ދައްކާފަ ހުރި ވެކްސިން އިންޑިޔާ އައުޓޭ ގޮވިޔެކޭކިޔާފަ ހިފެހެއްޓިގެން ނުވާނެ.. ދެއްކި ފައިސާ އަނބުރާ ދީ ވެކްސިން ފޯރުނުކޮށްދެވެންޏާ
އަރާ
23 June 2021
ސަރާއަށް ނޭނގޭތަ އިންޑިއާގެ ވެކްސިން ބޭރަށް ފޮނުވުން ހުއްޓުނީ އެގައުމަށް ރާޅު އަރައިގެން ވެކްސިން ހެދުން ހުއްޓި އެގައުމަށް އެކަނި ބޭނުންވާ ވަރަށްވެސް ވެކްސިން ނެތިގެންކަން. އަމިއްލަ ގައުމުގެ ރައްޔިތުންނަށް ހަމަވާ ވަރަށްވެސް ވެކްސިންކޮޅު ނުބަހައްޓާ ދެއްކުންތެރިކަމުގެ ގޮތުން އެހެން ގައުމުތަކަށް ބެހީ އިންޑިއާއިން.