ޕީޕީއެމްގެ ޕްރައިމަރީ މުއްދަތެއް ނެތް ގޮތަށް ފަސްކޮށްފި

"އަސްލު" ނަމުގައި ޕީޕީއެމްގެ މުސްތަޝާރު ރައީސް ޔާމީންގެ ފެކްޝަނުން ބޭއްވި ޖަލްސާއެއް: ޕީޕީއެމްގެ ޕްރައިމަރީ މުއްދަތެއް ނެތް ގޮތަށް ވަނީ ފަސްކޮށްފައި.--- ފޮޓޯ: މުހަންމަދު ޝަރުހާން/މިހާރު

މުހައްމަދު ޔާމީން، މިހާރު

24 ނޮވެމްބަރ 2016 - 16:56

7 comments

ލޯކަލް ކައުންސިލްތަކުގެ އިންތިހާބަށް ޕީޕީއެމްގެ ޓިކެޓް ލިބޭ މީހުން ކަނޑައެޅުމަށް ބާއްވާ ޕްރައިމަރީ މުއްދަތެއް ނެތް ގޮތަށް ފަސް ކުރުމަށް އެ ޕާޓީގެ މުސްތަޝާރު، ރައީސް އަބްދުﷲ ޔާމީންގެ ފެކްޝަނުން ނިންމައިފި އެވެ.

އެ ފެކްޝަނުން މިއަދު ނެރުނު ބަޔާނެއްގައި ބުނީ ޕްރައިމަރީ ބޭއްވުމަށް ޕާޓީގެ ހުރިހާ މެމްބަރުން ހިމެނޭ ސައްހަ ދަފްތަރެއް އޮންނަން ޖެހޭނެ ކަމަށެވެ. އެކަމަކު ޕާޓީ ހިންގުމަށް ބޭނުންވާ މުހިންމު ތަކެތި ހޯދުމަށް ކުރި މަސައްކަތުން މިއަދާ ހަމައަށް ދަފްތަރު ލިބިފައިނުވާ ކަމަށް ބަޔާނުގައިވެ އެވެ. އެހެންވެ، ޕީޕީއެމް އިން އެހެން ގޮތަކަށް ކަނޑައަޅަން ދެން، ޕާޓީގެ ޕްރައިމަރީ ވަކި މުއްދަތެއް ނެތް ގޮތަށް ފަސް ކުރަން ނިންމީ ކަމަށް ރައީސް ޔާމީންގެ ފެކްޝަނުން ބުންޏެވެ.

މީގެ ކުރިން ޕީޕީއެމް ޕްރައިމަރީ ބާއްވަން ކަނޑައަޅާފައި އޮތީ މާދަމާ އެވެ.

ޕީޕީއެމްގެ ތެރޭގައި ބައިބައިވުން އުފެދި ރައީސް ޔާމީނަށް ތާއީދުކުރާ ފެކްޝަނަކާއި އެ ޕާޓީގެ ރައީސް މައުމޫން އަބްދުލްގައްޔޫމްގެ ފެކްޝަނެއް އުފެދި ރައީސް ޔާމީންގެ ފެކްޝަނުން ވަނީ، ތެމާގައި ހިންގި އޮފީހުގައި ހުރި ތަކެތި އެހެން ތަނަކަށް ގެންގޮސްފަ އެވެ.

ރައީސް ޔާމީންގެ ފެކްޝަނުން ބުނި ގޮތުގައި ކޯޓު އަމުރު ތަންފީޒު ކުރުމަށް ފުލުހުންގެ އެހީތެރިކަމާ އެކު، ޕީޕީއެމްގެ އޮފީހަށް ވަދެ ތަކެތި ގެންދިޔައިރު، ބައެއް ކޮމްޕިއުޓަރުތަކުގައި ހާޑް ޑްރައިވެއް ނެތެވެ. އަދި ހާޑްޑްރައިވް ހުރި ކޮމްޕިއުޓަރުތަކުގައި ހުރި އެއްޗެހި ފޮހެލާފައިވާ ކަމަށް އެ ފެކްޝަނުން ވަނީ ބުނެފަ އެވެ. އެގޮތުން ޕީޕީއެމްގެ ހިސާބުތަކާއި ޖަލްސާތަކުގެ ޔައުމިއްޔާތަކާއި އެކި ފަރާތްތަކާ އެކު ހަދާފައި ހުރި އެއްބަސްވުންތައް ފަދަ މުހިންމު ލިޔެކިޔުންތައް ގެއްލިފައިވާ ކަމަށް އެ ފެކްޝަނުން ތުހުމަތުކުރެ އެވެ. އެ މައްސަލައިގެ ތަހުގީގު ފުލުހުން ފަށާފައިވާއިރު، ޕީޕީއެމް އޮފީހުގައި މަސައްކަތް ކުރި މީހުން ވަނީ ފުލުސް އޮފީހަށް ހާޒިރުކޮށްފަ އެވެ.

ރައީސް މައުމޫން އަބްދުލްގައްޔޫމް ޕީޕީއެމް ރައީސް އަބްދުﷲ ޔާމީން ޕީޕީއެމްގެ ކޯޅުން ސިޔާސީ ޕާޓީ ލޯކަލް އިންތިހާބު ލޯކަލް ކައުންސިލްތައް

7 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހުސައިން

24 November 2016

ޕީޕީއެމް މެންބަރަކަށް އަހަރެންލައްވާ ވޯޓްލާން ގެންދަން ޖެހޭނީ ހޭނައްތާގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންޓަލިސްޓް

24 November 2016

ރާއްޖެއަކަށް ކައުންސިލް ތަކެށްބޭނުމެށްނުވޭ ،، އެތަންތަން އުވާލަންވީ ،، ރައްޔަތުންގެ ކަންކަމުގައި ގޮތްނިންމާނީ ރައްޔަތުން ފޯނުގެ ޒަރިއްޔާއިން ވޯޓްލައިގެން ، ދެން ރަށުގައި ސަރުކާރުން އައްޔަންކުރާ ، ނޫނީ ރައްޔަތުން ހޮވައިގެން ކަތީބަކު ބެހެއްޓީމައި ނިމުނީ ،، އޭރުން ސަރުކާރުގެ ބަޖެޓުން އެތަށް މިލިއަން ރުފިޔާއެއް ސަލާމަތް ކުރެވޭނެ ،،، ވަރަށްވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

24 November 2016

ކޮންމެންބަރުންގެ ދަފްތަރެއްހޭ ނެތިގެން ތިއުޅެނީ. ތިބުނަނީ 30 އެތައްހާސްމީހުންނެއް ތިޕާޓީގަ އެބަތިއްބޭ ދެން ތިބުނާ އެއްޗެއް އިލެކްޝަންގަވެސް އޮންނާނެއެއްނުންތަ އެމީހުންއެބަބުނޭ ތިމީހުން ފިންގަޕްރިންޓާއެކު 30 އެތައްހާސްމީހުންގެ ނަން ހުށަހެޅިވާހަކަ އަނެއްކާ އިލެކްޝަނުން އެލިސްޓުދޭން ދެކޮޅުހަދަނީތަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯޑު

24 November 2016

ހޯދުނު ކާމިޔާބީތައް ގިނަކަމުން އެކަމާ އުފާކުރާ މީހުން ގިނަކަމުން ހަބޭސް ޖަލްސާއަށް ސަރުކާރު މުވައްޒަފުން ދާންޖެހޭނެ ކަމަށް މިނިސްޓްރީ ތަކުގެ ޕީއެސް އިން މުވައްޒަފުންނަށް އަންގަމުންދަނީ. މިޖަލްސާއަށް ސިވިލް ސާވިސް މުވައްޒަފުން ދިއުމަށް މަޖުބޫރު ކުރަނީ ކީއްވެގެން ކަމެއްނޭނގެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިދީދީއައްޑޫސިޓީ

24 November 2016

ވަކި މުއްދަތެއް ނެތްގޮތަށް ކައުންސިލް ތައް ސަސްޕެންޑު ކުރަންވީނުން. އަދި މިނިސްޓްރީ އޮފް އެޓޯލްސް އެޑްމިނިސްޓްރޭޝަން އުފައްދާ، އަތޮޅުވެރިން ކަތީބުން ލައްވަންވީނުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮކިފަތި 3 އަހަރު

24 November 2016

ހިތަށް އަރާ ކީކުރަންބާވާ އިންތިހާބެއްބާއޭ. އިލެކްޝަންވެސް އުވާލާ އޭރުންއެމީހުންނަށް ދޭފައިސާވެސް ރައްކާވީ. ކޯޓުން ހުރިހާކަމެއް ނިމޭއިރު ބޮޑު ޚަދަރުކޮށް އިންތިހާބު ބާއްވާނެކެމެއްނެތެއްނުން. އެހެންބަޔަކަށް ޖަލްސާއެއްބާއްވަން ތަނެއްދޭންވެސް ބިރުގަނޭ. އެކަމު ގަޓްހުރިވަރު މިއެގެނީ