ފެނާއި ނަރުދަމާގެ ނިޒާމް ހަރުދަނާ ކުރުމަށް ގާނޫނެއް ހަދަނީ

އެންވަޔަރްމެންޓް މިނިސްޓްރީގެ ކާމިޔާބީ ފާހަގަ ކުރުމަށް އިއްޔެ ބޭއްވި ހަފުލާގައި ކޭކެއް ފަޅަނީ.--- ފޮޓޯ: އެންވަޔަރްމެންޓް މިނިސްޓްރީ

އާސިމާ ނިޒާރު، މިހާރު

25 ނޮވެމްބަރ 2016 - 07:13

13 comments

ފެނާއި ނަރުދަމާގެ ނިޒާމް އިތުރަށް ހަރުދަނާ ކުރުމަށް ބިލެއް އެކުލަވާލާފައިވާ ކަމަށް ތިމާވެއްޓާ ބެހޭ މިނިސްޓަރު ތޯރިގް އިބްރާހިމް ވިދާޅުވެއްޖެ އެވެ.

ރާއްޖޭގައި ފެނާއި ނަރުދަމާގެ ނިޒާމު ގާއިމް ކުރުމުގައި އެންވަޔަރުމެންޓް މިނިސްޓްރީން މިހާތަނަށް ހޯދާފައިވާ ކާމިޔާބީތައް ފާހަގަ ކުރުމަށް އިއްޔެ ބޭއްވި ރަސްމިއްޔާތުގައި މިނިސްޓަރު ވިދާޅުވީ، ފެނާއި ނަރުދަމާގެ ބިލް އެކުލަވައިލައި އެޓާނީ ޖެނެރަލް މުހައްމަދު އަނިލްގެ ލަފައަށް ފޮނުވާފައިވާނެ ކަމަށެވެ. އަދި މަސައްކަތް ކުރައްވަނީ އެ ބިލް ގާނޫނަކަށް ހެދުމަށްޓަކައި ރައްޔިތުންގެ މަޖިލިހަށް އަންނަ އަހަރު ފޮނުވުމަށް ކަމަށް ތޯރިގް ވިދާޅުވި އެވެ.

މިނިސްޓަރު ވިދާޅުވީ ފެނާއި ނަރުދަމާގެ ގާނޫނެއް ހެދުމުން އެކަށީގެންވާ ގޮތެއްގައި އެކަން ރެގިއުލޭޓް ކުރެވޭނެ ކަމަށެވެ.

ރައްޔިތުންނަށް ފެނާއި ނަރުދަމާގެ ޔަގީންކަން ފޯރުކޮށްދިނުމަށް ގިނަ މަސައްކަތްތަކެއް ކުރަމުން އަންނަ ކަމަށް މިނިސްޓަރު ވިދާޅުވި އެވެ. އެގޮތުން ރައީސް އަބްދުﷲ ޔާމީންގެ ސަރުކާރު އައި ފަހުން 12 ރަށެއްގައި ފެނުގެ ނިޒާމް ގާއިމް ކޮށްފައިވާ ކަމަށާއި 15 ރަށެއްގައި ފެނުގެ ނިޒާމް ގާއިމް ކުރުމުގެ މަސައްކަތް ކުރަމުން އަންނަ ކަމަށް ވެސް މިނިސްޓަރު ވިދާޅުވި އެވެ. މީގެ އިތުރުން އެހެން 16 ރަށެއްގެ މަސައްކަތް ވެސް ހަވާލުކުރުމުގެ ކަންކަން އަންނަނީ ކުރަމުންނެވެ.

އެންވަޔަރްމެންޓް މިނިސްޓްރީގެ ކާމިޔާބީ ފާހަގަ ކުރުމަށް އިއްޔެ ބޭއްވި ރަސްމިއްޔާތުގައި މިނިސްޓަރު ތޯރިގް ނޫސްވެރިންނާ ވާހަކަ ދައްކަވަނީ.--- ފޮޓޯ: އެންވަޔަރްމެންޓް މިނިސްޓްރީ

މިހާރު ފެނުގެ ނިޒާމް ގާއިމް ކޮށްފައިވާ ރަށްރަށަށް ދައުލަތުގެ ބަޖެޓުން 300 މިލިއަން ރުފިޔާ އެ މަޝްރޫއަށް ހަރަދު ކޮށްފައިވާ ކަމަށް މިނިސްޓަރު ވިދާޅުވި އެވެ.

މި ސަރުކާރު އައުމުގެ ކުރިން ޒަމާނީ ނަރުދަމާ ނިޒާމެއް ގާއިމް ކޮށްފައިވަނީ މިނިސްޓަރު ވިދާޅުވި ގޮތުގައި، މާލެ ހިމަނައިގެން 31 ރަށެއްގަ އެވެ. ނަމަވެސް 2013 ވަނަ އަހަރުން ފެށިގެން މިހާތަނާ ހަމައަށް 10 ރަށެއްގައި ނަރުދަމާގެ ނިޒާމް ގާއިމްކޮށް ނިމިފައިވާ ކަމަށާއި އެ މަޝްރޫއުތަކަށް 500 މިލިއަން ރުފިޔާ ހަރަދުކޮށްފައިވާ ކަމަށް ވިދާޅުވި އެވެ.

"ޓާގެޓަކީ 2018 ވަނަ އަހަރު ނިމުމުގެ ކުރިން އާބާދީގެ 75 ޕަސެންޓަށް ސާފު ބޯފެނާއި ރައްކާތެރި ނަރުދަމާގެ ނިޒާމެއް ގާއިމް ކޮށްދިނުން. އެ މަސައްކަތް އަޅުގަނޑުމެން އިރާދަކުރެއްވިއްޔާ ކުރާނަން،" މިނިސްޓަރު ވިދާޅުވި އެވެ.

އެންވަޔަރްމެންޓް މިނިސްޓްރީގެ މުވައްޒަފަކަށް، މިިނިސްޓަރު ތޯރިގް (ކ) ސެޓްފިކެޓް އިއްޔެ ހަވާލުކޮށްދެއްވަނީ-- ފޮޓޯ: އެންވަޔަރްމަންޓް މިނިސްޓްރީ

ނަރުދަމާގެ ނިޒާމް ގާއިމް ކުރުމުގެ މަސައްކަތް މިހާރު ވެސް 21 ރަށެއްގައި ކުރިއަށް ދާ ކަން ތޯރިގް ފާހަގަކުރެއްވި އެވެ. އަދި 11 ރަށެއްގައި އެ މަޝްރޫއު ފެށުމަށް ތައްޔާރުވަމުން އަންނަ ކަމަށް ވެސް އޭނާ ވިދާޅުވި އެވެ.

މިނިސްޓަރު ވިދާޅުވި ގޮތުގައި އެކި ރަށްރަށް ފެނަށް ޖެހުމަކީ ވެސް ވަރަށް ބޮޑުވެފައިވާ މައްސަލަ އެކެވެ. އެހެންވެ އެކަމަކަށް ހަލެއް ހޯދުމަށް ވެސް މަސައްކަތް ކުރަމުން އަންނަ ކަމަށް ވިދާޅުވި އެވެ. އެގޮތުން 24 ރަށެއްގައި ރައްކާތެރި ގޮތެއްގައި ބޯފެން ބޭނުން ކުރެވޭނެ ނިޒާމް ގާއިމް ކޮށްފައިވާއިރު، އިތުރު 15 ރަށެއްގައި އެ މަޝްރޫއު ކުރިއަށް ގެންދާ ކަމަށް ވެސް މިނިސްޓަރު ވިދާޅުވި އެވެ. އަދި އެެހެން 57 ރަށެއްގައި ވާރޭފެން ރައްކާތެރިކުރުމުގެ މަޝްރޫއު ފަށާނެ ކަމަށް މިނިސްޓަރު ވިދާޅުވި އެވެ.

ތިމާވެށި ދިވެހި ސަރުކާރު އެންވަޔަރްމެންޓް މިނިސްޓްރީ ތޯރިގް އިބްރާހިމް (އެންވަޔަރުމެންޓް މިނިސްޓަރު) ބޯފެން ފެން ސަޕްލައިކުރުން އެންވަޔަރްމެންޓް މިނިސްޓަރު

13 ކޮމެންޓް, 23 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮކިފަތި 3 އަހަރު

26 November 2016

އަތާއަތާލާ ނިޒާމެއްނު ތީ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަލަޑޭ

26 November 2016

މިނިސްޓަރުކަން ލިބުނުފަހުން ހާދަ ފަލަފުޅު ވެއްޖެއޭ ދެއްތޯ؟ މާގިނައިން ކުޅުޅު ފައި ކާންލިބެނީ ދެއްތޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮކިފަތި 3 އަހަރު

26 November 2016

ހިތްހަމަޖެހެންޏާ ވާނެދޯ އެހެން. ބްރޯއަށް ވީގޮތްބަލާ އެސޮރުހާދަ ހިތްކޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

26 November 2016

މިލިއަން ރުފިޔާގެ މަޝްރޫއުތަކަށް ހަރަދު ކުރާވާހަކަ ދައްކާ ކަލަގޮވޭ އިރު ދައުލަތުގެ ބަޖެޓަށް ފައިސާވަންނަނީ ކިހިނެއްކަން މިނިސްޓަރަށްވެސް ވަރަށް ސާފުވާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާރިދޯޅު

25 November 2016

ފައުބެވެސް މިހާރު ޕީ.ޕީ.އެމަށް ވަނީތޯ؟ ކުރިން އެމް.ޑީ.ޕީ އެކްޓިވިސްޓެއް. އައިމް ޝޮކްޑް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަލޮޅު އަލީ

25 November 2016

ކޮންމެ ފާޚާނާ އަކުން މަހަކު ނަންގަވަނީ 150 ރުފިޔާތޯ؟.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަނދަރު ކާޅު

25 November 2016

ކޭކުފަޅަން ގާނޫނެއް ހަދަންވީނު. ގާނޫނެއް ހަދާއިރަށް ހުރިހާކަމެއް ވަންޏާ. ތީ ކޮންމެހެންވެސް ކުރަންޖެހޭކަމެއް. ކުރަން ޖެހޭ ކޮންމެ ކަމަކަށް ގާނޫނެއް ހަދާފަ، ކޭކުފެޅީމަ ރަގަޅުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮކިފަތި 3 އަހަރު

26 November 2016

ކުޑަ 10 ރުފިޔާ އަށް ބޮޑު 20ރ އަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕްރޮޕޭސް

25 November 2016

ފެނާއި ނަރުދަމާގެ ނިޒާމް ހަރުދަނާ ކުރަން ގާނޫނެއް ހަދާއިރު ރާއްޖޭގައި އުފައްދާ ފެން ޕްލާންޓް އުފައްދާ ކުންފުނި ތަކުން އެފެން ޕްލާންޓް އުފައްދާ އަދި ފެކްޓަރީގައި ފެން ޕްލާންޓް ތައް ޓެސްޓް ކުރެވޭނެ ގޮތްހުންނަން ޖެހޭނެއެވެ. އަދި އޭގެ އެންމެ ކުޑަ ވެގެން މޮޑެލް ނަމްބަރެއް އަދި ސީރިއަލް ނަމްބަރެއް ވެސް ހުންނަން ޖެހޭނެއެވެ. ސްޕެއަރ ޕާރޓްސް ވެސް އެވެއިލެބުލް ވާން ޖެހޭނެއެވެ. ކަން މިހެން ހުރުމުން މިއިން އެއްވެސް ކަމެއް ނުކޮށް މިހާރު މާލެ ސަރަހައްދުގައި އުފައްދާ ފެންޕްލާންޓް ތަކުގެ ކޮލިޓީ މިނިސްޓްރީން ބަލަހައްޓަނީ އެއީ ކިހިނެއްތޯއެވެ. ދެން އަނެއްކޮޅުން ލަންކާ ކުންފުނި ތަކުން ގެންނަ ފެން ޕްލާންޓް ފެތެނީ އެއީ ދުނިޔޭގެ ކޮން މިންގަޑަކަށް ތޯއެވެ. ލަންކާ އަކީ އެއީ ފެން ޕްލާންޓް އުފައްދަން ދުނިޔޭގެ ކޮން ލެބޯރޓްރީ އަކުން ސެރޓިފައިޑް ކޮށް ފައިވާ ގައުމެއް ތޯއެވެ. މިކަން ކަން ވެސް މިނިސްޓްރީން ނުހުރޭ ދޯ ބެލިފައި. ތަމެން ކުރާ ކަމެއް މަމެންނަށް ވިސްނާ ވިސްނާ ބޮލުގައި ރިއްސާ އިރު ވެސް ނޭގެއެވެ. ޕްރޮޕެގެންޑާ ދޯ ބޮޑީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބުޅޯ

25 November 2016

ސިވިލް ސާރވަންޓުން ލައްވާ ޔާމީންގެ 3 އަހަރު ފާހަގަ ކުރުވާތީ ދެރަވަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިދީދީއައްޑޫސިޓީ

25 November 2016

ހުޅުމާލޭ ގައި 165،000 މީހުން އާބާދުކުރީމަ، މިހުރިހާ ރަށެއް ފަޅުވާނެ ނޫންތޯ؟ އެހެންވީމަ، މިއީ ކަނޑައެޅިގެން ބޭކާރު ކަމެއް ނޫންތޯ؟ ކޮންމެ ވެސް އެއްގޮތަކަށް މިވާހަކަ ދައްކަބަލަ. ސައުދީ ފަންޑުން ލޯނު ހުޅުމާލޭގެ މަގާ ފާލަން ތަރއްގީ ކުރަން ލޯނު ނަގަންވީމަ، އެ ޖަމްޢިއްޔާ އަށް މަޢްލޫމާތު ދެއްވާފައިވަނީ، ކަނޑުގެ ލޮނުގަނޑު އުސްވުމާއެކު، ކުދި ރަށްރަށުގައި ދިރިއުޅޭ މަދު އާބާދީތައް އެއްތަނަކަށް ޖަމާކުރަން ކުރާކަމެކޭ. ދޮގުހަދައިގެން ލޯނު ހޯދައިގެން ދައުލަތް އިތުރަށް ދަރަނިވެރިކުރުވުމަކީ، މުސްތަގުބަލަށް ވަރަށް ނުރައްކާތެރިކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހަންމަދު

25 November 2016

ޤާނޫނުހެދުމަކީ މިސަރުކާރަށް ފެންބޮއިފަ ވައިލުންފަދަކަމެއްކަން އަހަރުމެން ދަންނަމެވެ. ޝައްކެއްނެތެވެ! އެކަމަކު ޤާނޫނެއްނޫން ކޮންމެއެއްޗެއް ހެދިނަމަވެސް، ކަންވާނީ ކުރީމައެވެ. ޤާނޫނުވެސް ހެދިދާނެއެވެ. އަދި ބަޖެޓުގަ ހިމެނިވެސްދާނެއެވެ. އެކަމަކު ކަންވާނީ ހަމަކުރީމައެވެ. ކުރިޔަށްއޮތް ދެތިން އިންތިޚާބަކަށް ރައްޔިތުންނަށް ހުވަފެން ދެއްކުމަށް ތިހުރިހައިކަމެއްވެސް ކުރާނެކަމަކީ، އޮޅިފަވާކަމެއްނޫނެވެ. އަދިދުވަސްގާތްވި ގާތްވިހެން އުޑުން ތަރިވެސް ބާލަދޭނެއެވެ! އެކިރަށްރަށަށް ކަންތައްކޮށްދޭން ބަޖެޓުގައި އަހަރު ދެއަހަރު ހިމަނާފަ، އެކަންކަން ނުކުރެވި، ނުހިންގައިވަނީ ޤާނޫނަކާއި ބަޖެޓު ނެތިގެންހެއްޔެވެ؟ ކަންވާގޮތް ވަރަށްސާފެވެ. ވެރިކަމަށް ސަޕޯޓުނުދީ، އެޅިހައިބަތަކަށް ރިހަވެ، ވޯޓުނުދޭތީ ނިކަމެތިކޮށް ގަނަތަޅުވަނީއެވެ.