ބުޝްްރާ ޝާހު، ހައްޖުގެ އަޅުމަކަށް ފުރުން- މަހްރަމަކާ ނުލައި ހައްޖަށް ދެވުމަކީ ލިބުނު އުފަލެއް ކަމަށް އޭނާ ބުނޭ-- ފޮޓޯ؛ އޭއެފްޕީ
20 ޖުލައި 2021 - 12:46
އަންހެނުންނަށް މަހްރަމަކާ އެކުގައި ނޫނީ ހައްޖަށް ނުދެވޭ ގޮތަށް އޮތް އޮތުން، ސައުދީ ސަރުކާރުން އުވާލުމާ އެކު މިފަހަރު އެތައް އަންހެނުންނެއް މަހްރަމަކާ ނުލައި ހައްޖުގެ އަޅުކަން އަދާކޮށްފި އެވެ.
ކޮންމެ އުމުރެއްގެ އަންހެނަކަށް ވެސް މަހްރަމަކާ ނުލައި ހައްޖަށް ދެވޭ ގޮތަށް ސައުދީގެ ހައްޖު މިނިސްޓްރީން ހުއްދަ ދިން ނަމަވެސް ޝަރުތަކީ އަންހެނުންގެ ގްރޫޕެއްގެ ގޮތުގައި ހައްޖުގެ އަޅުކަމުގައި ބައިވެރިވުމެވެ.
މި ބަދަލުގެ ދަށުން ހައްޖުކުރި ޕާކިސްތާނުގެ އުމުރުން 35 އަހަރުގެ ބުޝްރާ ޝާހު ބުނީ، ހައްޖުގެ އަޅުކަމަށް މައްކާ އަށް ދިއުމަކީ އޭނާ ކުޑައިރުއްސުރެ ދެކެމުން އައި ހުވަފެނެއް ކަމަށެވެ. އެ ހުވަފެން ހަގީގަތަކަށްވީ މަހްރަމަކާ ނުލައި ހައްޖަށް ދެވޭ ގޮތަށް ބަދަލުކުރުމުން ކަމަށް އޭނާ ބުންޏެވެ.
ސައުދީ ސަރުކާރުން މި ބަދަލު ގެނައީ އިޖުތިމާއީ ކަންކަން ރަނގަޅުކުރުމަށް އެ ގައުމުގެ ވަލީ އަހުދު މުހައްމަދު ބިން ސަލްމާން ކުރައްވަމުން ގެންދަވާ މަސައްކަތުގެ ތެރެއިންނެވެ. މުހައްމަދު ވަނީ އަންހެނުންނަށް ކާރު ދުއްވުމުގެ ހުއްދަ ނުދޭ ގޮތަށް އޮތް އޮތުން ވެސް އުވާލައްވައިފަ އެވެ. އަދި އަންހެނުން އެކަނި ދަތުރުކުރުމުގެ ހުއްދަ ވެސް ވަނީ ދެއްވައިފަ އެވެ.
އިއްޔެ އަރަފާތު ބިމުގައި އަންހެނަކު ގުރުއާން ކިޔަވަނީ-- ފޮޓޯ: އޭއެފްޕީ
ކޮވިޑް-19 އާ ހެދި މި އަހަރުގެ ހައްޖުގެ އަޅުކަމުގައި ބައިވެރިވުމުގެ ފުރުސަތު، ބުޝްރާ ޝާހު ހިމެނޭ ގޮތަށް ލިބުނީ 60،000 މީހަކަށެވެ. މިއީ ކޮވިޑާ ހެދި މި ގޮތަށް މަދު ބަޔަކާ އެކު ހައްޖުގެ އަޅުކަން ކުރިއަށް ގެންދަން ޖެހުނު ދެވަނަ އަހަރެވެ. މި އަހަރުގެ ހައްޖުގައި ވެސް ބައިވެރިވުމަށް ފުރުސަތު ދިނީ ސައުދީގެ މީހުންނާއި އެ ގައުމުގައި އުޅޭ މީހުންނަށް އެކަންޏެވެ.
އޮފިޝަލުން ވިދާޅުވި ގޮތުގައި މި އަހަރުގެ ހައްޖުގެ އަޅުކަމުގައި ބައިވެރިވި މީހުންގެ ތެރެއިން 40 ޕަސެންޓަކީ އަންހެނުންނެވެ.
އޭއެފްޕީ އަށް ދިން އިންޓަވިއުގައި ބުޝްރާ ބުނީ، އޭނާއާ އެކު ގިނަ އަންހެނުންތަކެއް ހައްޖަށް ދިޔަ ކަމަށެވެ.
ބުޝްރާ ބުނީ މި އަހަރުގެ ހައްޖުގެ އަޅުކަމުގައި ކުޑަކުދިން ބައިވެރިވުން މަނާކުރުމާ އެކު، އެކަނި ހައްޖަށް ދިއުމަށް އޭނާގެ ފިރިމީހާ އަލީ މުރްތަޟާ ވަރަށް ބޮޑަށް ބާރުއެޅި ކަމަށެވެ. ބުޝްރާ ހައްޖު ފުރިހަމަކުރަންދެން ޖިއްދާގައި ދަރިފުޅު ބަލަން ހުރީ ފިރިމީހާ އެވެ.
"އަހަރެމެން ނިންމީ މި އަހަރު ކޮންމެވެސް އެކަކު ދާން ވާނެއޭ. ފަހަރެއްގައި އަންނަ އަހަރު އަންހެނުން ބަލިވެ އިނދެދާނެ. ނޫނީ ފަހަރެއްގަ ހަމަ ކުޑަކުދިންނަށް ބައިވެރިނުވެވޭ ގޮތަށް އޮވެދާނެ،" ބުޝްރާގެ ފިރިމީހާ މުރްތަޟާ 38، ބުންޏެވެ.
މަހްރަމަކާ އެކު ހައްޖަށް ދާންޖެހޭ ގޮތަށް އޮތް އުސޫލު، ހައްޖު މިނިސްޓްރީން އުވާލި އިރެއް ސާފެއް ނުވެ އެވެ. ބައެއް އަންހެނުން ބުނާ ގޮތުގައި ޓްރެވެލް އެޖެންސީތަކުން ވެސް އަންހެނުން މަހްރަމަކާ ނުލައި ހައްޖަށް ގެންދަން ދެކޮޅު ހަދަ އެވެ. ކުރިން 45 އަހަރުން ދަށުގެ އަންހެނުނަށް މަހްރަމަކާ ނުލައި ދަތުރުނުކުރެވޭ ގޮތަށް އޮތުމުން ދުނިޔޭގެ އެކި ކަންކޮޅުތަކުގައި ތިބި މުސްލިމު އަންހެނުންނަށް އެކަނި ގޮސް ހައްޖުގައި ބައިވެރިވެވޭކަށް ނޯވެ އެވެ. އެއީ ސައުދީގެ ރިޔާޟްގައި އުޅެމުން އައި މިސްރުގެ މަރްވާ ޝަކަރްގެ ވެސް ދިމާވި ގޮތެވެ.
އަންހެނަކު އިއްޔެ އަރަފާތު ބިމުގައި-- ފޮޓޯ: އޭއެފްޕީ
ތިން ރައްޓެހިންނާ އެކު މައްކާ އަށް ދަތުރުކުރި ތިން ކުދިންގެ މަންމައެއް ކަމަށްވާ މަރްވާ ބުނީ، ކޮވިޑްގެ ކުރިން ވެސް ހައްޖަށް ދިއުމަށް އެތައް ފަހަރަކު އޭނާ މަސައްކަތްކުރި ކަމަށެވެ. އެއީ އޭނާގެ ފިރިމީހާ ހައްޖަށް ގޮސްފައި ވާތީ ފިރިމީހާ އަށް އަވަސް ފުރުސަތެއްގައި އެ ތަނަށް ދިއުމުގެ ހުއްދަ ލިބެން ނެތުމުންނެވެ.
"އަހަރެންނަށް ކުރެވެނީ ވަރަށް އުފާވެރި އިހުސާސެއް. އެތައް ހުރަހެއް މެދުވެރިވިޔަސް މާތްﷲ މި ވަނީ ހައްޖަށް ދެވޭނެ މަގު އަހަރެންނަށް ތަނަސް ކޮށްދެއްވައިފައި،" އޭނާ ބުންޏެވެ.
އިނގިރޭސި ވިލާތާއި ޕާކިސްތާނަށް ނިސްބަތްވާ ޑރ. ސަދަފު ގަފޫރު ވެސް ހުރީ އޭނާގެ ތިން ދަރިން ދޫކޮށްލާފައި ދާންޖެހޭތީ ހައްޖަށް ނުދެވިފަ އެވެ. އެކަމަކު މަހްރަމަކާ ނުލައި ދެވޭ ގޮތަށް ހެދުމުން، ދަރިން ފިރިމީހާއާ ހަވާލުކުރުމަށް ފަހު، އަވަށްޓެރިއަކާ އެކު އޭނާ ވެސް މި އަހަރުގެ ހައްޖުގައި ބައިވެރިވި އެވެ.
"ފަސޭހަ ކަމެއް ނޫން މިއީ އަމިއްލަ އަށް ހައްޖަށް ދިއުމަށް ނިންމުން. އެކަމަކު ލިބުނު މި ފުރުސަތު ބެލީ ލިބުނު ނިއުމަތެއްގެ ގޮތުގައި،" އުމުރުން 40 އަހަރުގެ އެ އަންހެން މީހާ ބުންޏެވެ.
މި އަހަރު ވެސް ހައްޖުގެ އަޅުކަން ކުރިއަށް ގެންދިޔައީ ކޮވިޑް ދެކޮޅު ރައްކާތެރިކަމުގެ ފިޔަވަޅުތަކާ އެކު ހާއްސަ އެތައް ކަމެއް ހިމެނިގެންނެވެ. ކޮންމެ އަހަރަކު އެތައް މިލިއަން މީހުންނެއް ހައްޖުގެ އަޅުކަމަށް ދިޔަ ނަމަވެސް މި ދެ އަހަރު ވެސް ހައްޖުގެ އަޅުކަމުގައި ބައިވެރިކުރީ 60،000 މީހެކެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
އެކްސިސް
25 July 2021
ދިވެހިން ތިކަން ކުރާތާ ކިތަންމެ ދުވަހެއް. މުޅިން ވެސް ހައްޖު އުމްރާ ގުރޫޕު ތަކުން މަހުރަމުން އޮޅުވާލައިގެން ދާނީ.
ހށނ
21 July 2021
މުސްލިމު އަންހެނުންނަށްއަނެއްކާވެސް އިތުރު މިނިވަންކަމަކާ ހިތްހަމަޖެހުމެއް.
މިނިސްޓްރީ އޮފް ޖާހިލުން
21 July 2021
ވަރައް ސަޅިކޮއް ކޮންމެ މީހަކު އެބަބުނޭ ވިސްނާ ފިކުރު ކުރާ މީހަކައް އިބްރަތެކޭ! ބަލަ، ކުރިއަރާފަ ހުރި ގައުމުތަކައް ވިސްނާލީމަ އެބައިގެޔޭ ވިސަނާމީހުންނާ ގަމާރު، ޖާހިލު މީހުންނާ!
މަޑުކޮއްލާ
21 July 2021
ތިޔެއް އިނގޭނީ ޤިޔާމަތް ދުވަހު
ޓިޕިކަލް
22 July 2021
ވިސްނާ ފިކުރު ކުރާ މީހުންނާއި އެފަދަ ސިސްޓަމްތަކާއި އިންސްޓިޓިއުޝަންތައް އެދަނީ ދުވަހެއް ދުވަހަކަށް ކުރިއަރަމުން. ވެކްސިންވެސް މިޖަހާލެވުނީ އެވެރިންގެ މަސައްކަތުން. ވިސްނާ ފިކުރުކުރަން ނޭނގޭ މީހުން އުޅެނީ މަމެންނީ 'ޢިލްމުވެރިން'ނޭ ކިޔައިގެން ވަރަށް ރެލިވެންޓް ބަޔަކަށް ވާންވެގެން. ގެންގުޅޭނެ ޓިޕިކަލް ޢިލްމުވެރި ޓެކްނިކްތައް. ވިސްނާ މީހުންނަށް ޢިބްރަތެއް.
އަބްޑޫޅް
21 July 2021
އައްދެ އައްދޭ، އައު އާޔަތެއް އައީތަ؟
ކަލަނިކުރާޒް
21 July 2021
ވަރަށް ރަގަޅު ކަމެށް. ދީނަކީ ކުރިއަރަންޖެހޭ އެއްޗެއް. ޒަމާނަށް ފެތެންޖެހޭ. އިންޓަނެޓާ ކަރަންޓުނެތް ޒަމާނުގަކަންތައް ކުރިގޮތަށް ކުރަން ގޮވާނީކަނޑުކޮހުން. އަންހެނުންނަކީ ކޮންމެހެން މަހުރަމުން ގޮވައިގެން އުޅެންޖެހޭބައެއްނޫން. ދީނީކަންކަން ފިރިހެނުން އޮޅުވާލަމުން ލަމުން އަންހެނުން ފިއްތަންކޮށްފަ ހުރި ކަންކަން އެއީ. ޕުރޫފް ނުކުރެވޭ ބުނިބުންޏަށް ކިޔާ ކަންކަން ދޫކޮށްލާ ވިސްނުމަށް ޖާގަދޭންޖޭހޭ. ސާބަހޭ ސައުދީ!
އާދަނު2
21 July 2021
މަރްހަމަކާނުލާ ދަތުރު ދެވޭނެތޯ؟!
ސަލީމު އިދުރީސް
21 July 2021
މިނަސީދު ބުނެގެން ކުރިކަމަކައް ވާނީ! މިގައުމުގަ އުޅޭ މީގެމީހުން ޑިމޮކުރސީ ބޭނުމެއްނޫން އެކަމަކު ސަރުކާރައް ބެވެން ވެސްޖެހޭ ޑިމޮކުރަސީނެއް ތާގަ ވެރިންނައް ފާޑުކިޔާމީހަ ކުކުޅު ކޮށާ މެސެނުން ކުދިކޮއް ކޮށާލަނީ!
މުންނާރު
20 July 2021
ދީންހުއްދައެއް ނޫން މިކަމަކަށް!!
ހައްޕު
20 July 2021
ޒަމާނާއި ގުޅޭ ގޮތުން ހުންނަ ކަންކަމާ , ޒަމާން ބަދަލުވީމަ ބަދަލުގެނައުން ރަނގަޅު ކަންކަންވެސް ހުންނާނެ.މީ އެގޮތުން ގެނެވުނު ބަދަލެއް.ބަދަލު ގެނައުން ގޯސްކަންކަންވެސް ހުންނާނެ.މީ އެކަހަލަ ކަމެއްނޫން. ސައޫދީން ގެންނަ މިފަދަ ބަދަލުތަކަށް މަރުހަބާ ނުކިޔާނީ އެބުނާ ހރކށ ފކރ ގެ މީހުން. ސިކުނޑީގައި ތެތްކަމެއް ހުރި ކޮންމެ މީހަކު މިކަމަށް ތާއީދުކުރާނެ.
ސަލީމު އިދުރީސް
21 July 2021
ތިހެންވިއާ އަމިއްލަޔައް ގަވައިދުހަނިއޭ ހަތްއުޑުމަތިން އުޅެއްވީގޮތް ބާލައްފަ އެބޯތޭކިއައި ގައުމުގަ ނޫވޭވަރައް ދަތިކުރަނީކީއްވެތޯ
ލޯބި އައިޝާ
20 July 2021
އަލްހަމުދުﷲ ވ.ވެސް އުފާވެރި ޚަބަރެއް. ބަދަލުވަމުން އަންނަ ތަޚްޒީބާ އެއްގޮތަށް ކަންކަން އަބަދުވެސް އިސްލާޚްކުރަންވާނެ.