މާލެ ސިޓީ ކައުންސިލުން ރޭ ބޭއްވި ނިއުސް ކޮންފަރެންސްގައި މޭޔަރު ޑރ. މުއިއްޒު ވާހަކަދައްކަވަނީ.-- ފޮޓޯ: ސިޓީ ކައުންސިލް
20 ޖުލައި 2021 - 21:58
26 comments
ހުޅުމާލޭގެ ދެވަނަ ފިޔަވަހީގައި އިމާރާތްކޮށްފައިވާ ހިޔާ ފްލެޓްތައް ލިބުނު މީހުން، އެ ތަންތަން ނިންމަން މާލޭ ސިޓީ ކައުންސިލުން އެދިފައިވާ ގޮތަށް ނުވަ މަސް ދުވަހުގެ މުއްދަތެއް ދޭން އެޗްޑީސީން އަދިވެސް ނުނިންމާތީ މާލޭގެ މޭޔަރު ޑރ. މުހައްމަދު މުއިއްޒު މިއަދު ކަންބޮޑުވުން ފާޅުކުރައްވައިފި އެވެ.
ކުރީގެ ރައީސް އަބްދުﷲ ޔާމީންގެ ވެރިކަމުގައި އިމާރާތް ކޮށްފައިވާ 7،000 އަށް ވުރެ ގިނަ ފްލެޓްތަކުގެ ފިނިޝިންގެ ކަންކަން ނިންމަން ޖެހެނީ އެ ތަންތަން ލިބޭ މީހުން ކަަމަށް ވާއިރު، އެޗްޑީސީން އެ މަސައްކަތަށް ދޭން ނިންމާފައި ވަނީ ތިން މަސް ދުވަހެވެ. އެކަމަކު، ސިޓީ ކައުންސިލުން ބުނަމުން އަންނަނީ ތިން މަހަކީ އެފަދަ މަސައްކަތަކަށް ވަރަށް ކުރު މުއްދަތެއް ކަމަށާއި އެންމެ މަދުވެގެން ވެސް ނުވަ މަސް ދޭން ވާނެ ކަމަށެވެ. އަދި އެ ކަމަށް މީގެ މަހެއްހާ ދުވަސް ކުރިން ސިޓީ ކައުންސިލުން ވަނީ އެޗްޑީސީގައި ވެސް އެދިފައި ކަމަށް އެ ކައުންސިލުން ބުނެ އެވެ.
ހިޔާ ފްލެޓްގެ ފިނިޝިން އަށް ދީފައިވާ މުއްދަތު ގުނަން ފަށާނެ ތާރީހު އަންނަ ހަފުތާގައި އިއުލާން ކުރާނެ ކަމަށް މީޑިއާގައި އެޗްޑީސީން ބުނުމުން އެކަމާ ހިތްހަމަޖެހިވަޑައިނުގެން މޭޔަރު ޑރ. މުއިއްޒު މިއަދު ކުރެއްވި ޓުވީޓެއްގައި ވަނީ ފާޑުވިދާޅުފަ އެވެ.
ހިޔާ ފްލެޓްތަކުގެ ފިނިޝިން އަށް ތިން މަސް އިތުރު ކޮށްދޭން އަދިވެސް ނުވިސްނާތޯ ސުވާލު ކުރައްވަމުން މޭޔަރު ވިދާޅުވީ، "ރައްޔިތުންގެ އާދޭހަށް މިހާ ބީރު ކަންފަތް މިދެނީ ކީއްވެ ބާއޭ" ކަމަށެވެ.
"މަދުވެގެން ނުވަ މަސް ދުވަސް ފިނިޝިންގެ މަސައްކަތަށް ދިނުމަށް މާލޭ ސިޓީ ކައުންސިލްގެ ފަރާތުން އަދިވެސް ސަރުކާރުގައި އެދެން،" ޑރ. މުއިއްޒު ވިދާޅުވި އެވެ.
އޭނާ ވިދާޅުވިގޮތުގައި އެކަމާ ގުޅޭ ރަސްމީ ލިޔެކިޔުންތައް ވެސް ވަނީ ފޮނުވައިފަ އެވެ.
"ޚަބަރެއް ނުވޭ،" އިދިކޮޅު ޕީޕީއެމްގެ ނައިބު ރައީސްގެ މަގާމު ވެސް ފުރުއްވާ ކުރީގެ ހައުސިން މިނިސްޓަރު ވިދާޅުވި އެވެ.
އެޗްޑީސީން މިހާރު ކަނޑައަޅާފައިވާ ގޮތުން ފްލެޓްތައް ނިންމަން ދޭ ތިން މަސް ދުވަހުގެ ތެރޭގައި ކުލި ވެސް ދައްކާކަށް ނުޖެހޭނެ އެވެ.
ޖުމުލަ 25 ބުރީގެ 16 ޓަވަރު ހިމެނޭ ހިޔާ ފްލެޓްގެ ކުލީގެ އަގަކީ 8،500ރ. ކަމަަށް ވާއިރު، ކުލި ބަހާލައިފައި ވަނީ 25 އަހަރަށެވެ.
މުއިއްޒު ވަނީ ފްލެޓްގެ ކުލި ކުޑަ ކުރުމަށް ވެސް މަސައްކަތްތަކެއް ކުރައްވައިފަ އެވެ. ނަމަވެސް މިހާތަނަށް ވެސް އެ އަގަށް އިތުރު ބަދަލެއް ގެންނާކަށް މި ސަރުކާރަކުން ނުނިންމަ އެވެ.
ހިޔާ ފްލެޓް ލިބިފައިވާ މީހުންނަށް ލިބޭ ފްލެޓް ގުރުއަތުން ނަގައި، ފްލެޓްގެ އެއްބަސްވުންތައް ހަދައި މިހާރު ވަނީ ތަޅުދަނޑިތައް ވެސް ހަވާލުކޮށްފަ އެވެ. ފްލެޓުގައި ފެނާއި ކަރަންޓުގެ ބައެއް މަސައްކަތްތައް މިހާރު ވެސް ކުރިޔަށް އެބަދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފާތުމަ ބަބުރު
23 July 2021
15 އަހަރު ދޭން ވީ ފިނިސިން ނިންމަން. ދެން ކަރަންޓް، ފެން، ފޯނު ، އިންޓަނެޓް އަދި ކެއުން ވެސް ހިލޭ ކުރަން މުއިޒް ގޮވާލާނެ ކަމަށް އުއްމީދު ކުރަން
އަރުތަ
21 July 2021
ފިތުނަ މޭޔަރު ކަންބޮޑު ނުވާނެ އެއްވެސް ކަމެއް މިސަރުކާރުން ކުރާކަށް ނުކެރޭނެ، މަހިތަށް އަރާ ކިހާވަރަކުން ދާނެބާއޭ!
އެމެރިކާ
21 July 2021
ކީކޭ މިކިޔަނީ ޕިޕީއެމްމުން ކަލޭ ވަކިވެބަލަ
ހަޑިގިއްލާ
21 July 2021
ފައްކާ މީހެއް މުއިއްޒަކީ.... 9 މަހެއްނޫން 9 އަހަރު ދޭންވެސް ބުނެވިދާނެ... މުއިއްޒައް މިހާރު ކީއްތަ.. ބޭނުމަކީ މާ ހެޔޮއެދޭކަމަށް ހަދައި ސަރުކާރާއި އާއްމުންނަ ޖެހެއްސުން ވިއްޔާ...
މ އަސްލު
21 July 2021
9 މަސް ކީއްކުރަން 12 މަސްވެސް ދެވޭނެ އެހެން މީހުންނަށް ވުރެ 100 މިލިއަން ޑޮލަރު އަގުބޮޑުކޮށް މަސައްކަތް ނުކުރުވި ނަމަ، ހަމަ އަގުގަ ކުރުވި ނަމަ،............
ފައިރޫޒު
21 July 2021
ފްލެޓްތައް ލިބުނު މީހުންނާޢި މެދު ހަމްދަރުދީ ވުމެއް ސަރުކާރުގެ ތެރޭގަ ނެތް ނުނިންމާ ހުރި ތަނެއް ދިނުން ގަރުނުގެ އެންމެ ބޮޑު ގޯސް
މުހައްމަދު.
21 July 2021
ކަލޭމެން މާލޭ މީހުނަށް ރަނގަޅު އެއްވެސް ގޮތެއްނެތް ދޯ ؟ ފުލެޓް ހަދާފަ ދިނީމާ ބުނީ ކޮތަރު ކޮއްޓޭ. ތިމަންނާމެން ބޭނުމީ ބިމޭ. މާލޭ މީހުން 25 ހާހަށް ކުއްޔަށް ދޭ ވަރުގެ ފުލެޓެއްގެ އަދު 15 ހާހަށް ހެދީމާ ކުލި ބޮޑުވެގެން 8 ހާސް ރުފިޔާއަށް ހެދީމަވެސް އަދިވެސް ކުރަނީ ޝަކުވާ. މީގެ ހެއްވާ ކަމަކީ މިތަންތަނުގައި މިމީހުން ދިރިއުޅެނީ އެއްވެސް ނޫން. ހުރިހާ ތަނެއް ދެނީ އެހެން މީހުނަށް ކުއްޔަށް. މޫސާގެ ފާނު ޤައުމުގެ މީހުނެކޭ އެއްވަރު ބައެއް.
އަރުތަ
21 July 2021
ނިންމާފަ ދިނީ، މިބުނީ ހިޔާ މަޝްރޫޢުގެ ބިންގާ އެޅީވެސް މިހާރު ފްލެޓްތައް ދިންއިރު ހުރި މިންވަރަށް ނިންމާ ދޭގޮތަށް، އެއީކީ ފަހުން ނިންމި ގޮތެއް ނޫން، އެންމެ ފުރަތަމަ ދުވަހުވެސް އެކަން އޮތްގޮތް. ދެން އެއީ ޤަރުނުގެ ބޮޑު ޖޯކަށް ވަންޏާ ވީ.
އޮނަރަބްލް އަފީފު ދީދީ
21 July 2021
ޓޯކިއޯ، މޮސްކޯ، ވޮޝިންގޓަން ޑީސީ އާއި ލަންޑަން ފަދަ ސިޓީތަކުގައި އަގުހެޔޮ ދިރިއުޅުން ނޫޅެވޭނެކަން އިޤިރޭސިވިލާތުގެ ޔޫނިވަރސިޓީއަކުން ޕީއެޗްޑީ ހެއްދެވި ބޭފުޅަކަށް އޮޅިވަޑައިގެންފައި ނުވާނެ. # މުޅި ދައުލަތުގެ ޙަޒާނާ ވޭތުވެދިޔަ 60 އަހަރު އަދި މިހާރުވެސް ތަޅާ ހުސްކުރަނީ ތިޔަ މުޤައްދަސް ރަށަށް. އަދި ކ. ދައުލަތުގެ ވަޒީފާ ތަކުގެ %95 އޮތީ ކ. އަތޮޅު މާލޭގައި. އެކަމަކު ތިޔަ ހުރިހާ ލުއިތަކާއި ސަބްސިޑައިޒް އަދި ސޯޝަލް ހައުސިންގވެސް މާލެއަށްތޯ؟!
ހަދި ހާވާ
21 July 2021
މީ ކޮން ސަކަރާތެއް. ފުރަތަމަވެސް ނުނިންމާ ހަވާލު ކުރަން ނިންމީ ވެސް މީނަ. އޭރު ކޮން ވިސްނުމެއް ގަ ތަ ހުރީ. 9 މައް ވެސް މަދުވާނެ ތިތަން ނިންމަން. އެވަރައް މަސައް ކަތް ކުރާ މީ ހުނެއް ނުތިބޭނެ. މި ކަމުގަ އެންމެ ބޮޑު ޒިންމާ އެއް ވާން ޖެހޭ ފަރާތަކީ ހަމަ ތީ. މީއެއްވެސް ބަޔަކު ކުރާކަހަލަ ކަން ތަކެއް ނޫން ވިއްޔާ.
ނުވަމަސް
21 July 2021
ފިނިޝިންއައް ނުވަމަސްވެސް ދޭންވީ އެކަމަކު ހަދަންވީގޮތަކީ އެއީ އެންމެ ދިގުކޮއް ފިނިޝިންއައްދޭ މުއްދަތުކަމައް. 3 މަސްފަހުން އެތަނެއްގަ ދިރިއުޅެން ފަށާދުވަހަކީ ފިނިޝިންގެ މަސައްކަތް ނިމުނު ދުވަސްކަމައްހަދާ އަދި ތަނުގެ ކުލިދައްކަން ފަށަންޖެހޭނެދުވަސްކަމައް. މަށައްހީވަނީ ތިންމަސްތެރޭ ތަނުގަ އުޅެވޭވަރައް ފިނިޝިންގެ މަސައްކަތް ނިންމޭނެހެން ދެން ހުރި ބައެއްކަންކަން އެތާއުޅެމުންވެސް ނިންމިދާނެ އޭރުން މިހާރުދައްކާ ބޮޑުކުލިދައްކާކައްނުޖެހޭނެ.
އަހުލިހަ
21 July 2021
މިއަދު މުއިއްޒުވެސް ފިނިޝިންއައް 9 މަހޭ، 6 މަހޭ، 3 މަހޭ ކިޔާކައްނުޖެހުނީސް މުއިއްޒުގެ ހައުސިން މިނިސްޓަރުކަމުގައި މި މަޝްރޫއު ޕްލޭންކޮއް، ފްލެޓުތައް ޑިޒައިންކޮއް، ބަޖެޓުކޮއް، އެގްޒެކިއުޓު ކުރިއިރު ފްލެޓުތައް ފިނިޝިންއާއެކު ނިއްމާފައި ހަަވާލުކުރާގޮތައް ޕްރޮޖެކްޓު ޕްލޭންކުރިނަމަ. އެދުވަހުގެ ވިސްނުން ހުރީ ތިމާމެނައް 2 ވަނަ ދައުރެއްލިބޭނެކަމައް. އެއައްފަހުގައި ދެން ގްރޭސް ޕީރިއޑެއް ދީ ރައްޔިތުން ހިތްހަމަޖައްސާލާގޮތައް. މިއަދު ދެން ސަރުކާރާއެކު އުޅެ.