މި ސަރުކާރުގެ ތިން އަހަރުގެ ތެރޭގައި ފިނޭންސް މިނިސްޓްރީ އަށް ހާސިލް ކުރެވުނު ކަންކަން ފާހަގަކުރުމަށް މިއަދު ބޭއްވި ހަފުލާގައި ނައިބު ރައީސް ޖިހާދު ވާހަކަފުޅު ދައްކަވަނީ.---ފޮޓޯ: މުހައްމަދު ޝަރުހާން/މިހާރު
27 ނޮވެމްބަރ 2016 - 17:11
39 comments
ރައީސް އަބްދުﷲ ޔާމީނަކީ ވައުދުވެ، އެ ވައުދު ފުއްދަވާ ރައީސެއް ކަމަށް ނައިބު ރައީސް އަބްދުﷲ ޖިހާދު މިއަދު ވިދާޅުވެއްޖެ އެވެ.
މި ސަރުކާރުގެ ތިން އަހަރުގެ ތެރޭގައި ފިނޭންސް މިނިސްޓްރީ އަށް ހާސިލްވި ކަންކަން ފާހަގަކުރުމަށް އެ މިނިސްޓްރީގައި ބޭއްވި ހަފްލާއެއްގައި ވާހަކަފުޅު ދައްކަވަމުން ނައިބު ރައީސް ޖިހާދު ވިދާޅުވީ ރައީސް ޔާމީނަކީ ހުރިހާ ރައްޔިތުންގެ ރައީސް ކަމަށެވެ. އެ މަނިކުފާނު ވެވަޑައިގެންފައިވާ ވައުދުތައް ފުއްދަވަމުން އަންނަ ކަމަށާއި ކުރިއަށް އޮތް ތަނުގައި ވެސް އެކަން ރައްޔިތުންނަށް ފެންނަމުން ދާނެ ކަމަށް ނައިބު ރައީސް ވިދާޅުވި އެވެ.
ނައިބު ރައީސް ކަމަށް ވަޑައިގަތުމުގެ ކުރިން ފިނޭންސް މިނިސްޓަރުކަން ކުރެއްވި ޖިހާދު ވިދާޅުވި ގޮތުގައި، ސަރުކާރުން ހިންގާ އެއްވެސް މަޝްރޫއެއް ފިނޭންސް މިނިސްޓްރީގެ ބައިވެރިވުމެއް ނެރި ކުރިއަކަށް ނުގެންދެވޭނެ އެވެ.
"ގޫގްލް ސްޕީޑެއް ނޫން. ރޮކެޓް ސްޕީޑަށް ވުރެ ވެސް ބާރު ސްޕީޑެއްގައި ކުރިއަށް ގެންދަން މިނިސްޓަރުގެ ފަހަތުގައި ތިއްބަވާށޭ،" ފިނޭންސް މިނިސްޓްރީގެ މުވައްޒަފުންގެ ކިބައިން ޖިހާދު އެދިވަޑައިގަތެވެ.
މިއަދުގެ ރަސްމިއްޔާތުގައި ވާހަކަ ދައްކަވަމުން، ޔޫތު މިނިސްޓަރު އިރުތިޝާމް އާދަމާއި ފޮރިން މިނިސްޓަރު މުހައްމަދު އާސިމް ވެސް ވާހަކަ ދެއްކެވި އެވެ. އެ ދެ ބޭފުޅުން ވެސް ވަނީ ސަރުކާރުން މިދިޔަ ތިން އަހަރުގެ ތެރޭގައި ބޮޑެތި ކާމިޔާބީތަކެއް ހޯދާފައިވާކަން ފާހަގަކުރައްވައި ރައީސް ޔާމީނަށް ޝުކުރު އަދާކުރައްވައިފަ އެވެ.
މި ސަރުކާރުގެ ތިން އަހަރުގެ ތެރޭގައި ފިނޭންސް މިނިސްޓްރީ އަށް ހާސިލް ކުރެވުނު ކަންކަން ފާހަގަކުރުމަށް މިއަދު ބޭއްވި ހަފުލާގައި ޔޫތު މިނިސްޓަރު އިރުތިޝާމް ވާހަކަ ދައްކަވަނީ.---ފޮޓޯ: މުހައްމަދު ޝަރުހާން/މިހާރު
މިއަދުގެ ހަފުލާގައި، ފިނޭންސް މިނިސްޓްރީން މިދިޔަ ތިން އަހަރުގައި ކޮށްފައިވާ ކަންކަން ލިޔެފައިވާ ލިޔުންކޮޅުތަކެއް ހަރުކޮށްފައިވާ ކުދި ކަޕްކޭކުތަކެއް ބަހައްޓާފައި ހުއްޓެވެ. އަދި އެ މިނިސްޓްރީގެ މުވައްޒަފުން ވަނީ ބެކްޑްރޮޕެއްގައި، ކޮންމެ މުވައްޒަފަކު ވެސް ކޮށްފައިވާ މުހިންމު ކަމެއް ލިޔެފަ އެވެ.
ރައީސް ޔާމީން ވެރިކަމަށް ވަޑައިގެންނެވިތާ މި މަހުގެ 17 އަށް ތިން އަހަރު ފުރިފައިވާއިރު، 10 ދުވަހުގެ މުއްދަތަކަށް ހަރަކާތްތަކެއް ކުރިއަށް ގެންދިއުމަށް ސަރުކާރުން ވަނީ ނިންމައިފަ އެވެ. އެ ގޮތުން، މާދަމާ ރޭ މާލޭގައި ބޮޑު ޖަލްސާއެއް ބާއްވާނެ އެވެ. އަދި ސަރުކާރުގެ މިނިސްޓްރީތަކާއި އޮފީސްތަކުން ކޮށްފައިވާ ކަންކަން ހިއްސާކުރުމުގެ އިތުރަށް، ސަރުކާރުގެ ކުންފުނިތަކުން ވެސް އަންނަނީ ތަފާތު ޕްރޮގްރާމްތައް ހިންގަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަބާލާ
28 November 2016
ރައީސް ޔާމިން ވައުދު ފުއްދިއްޖެއްޔާ ދެން އަވަހަށް ވެރިކަމުން ފައިބާށެވެ. ދެން އިތުރަށް ކުރާނޭ ކަމެއްނޯންނާނެއެވެ. އެބަހީ ވީ ވައުދު ފުއްދުނީމާ އެ ނިމުނީއެވެ. ނައިބް ރައީސް ވެސް އަވަހަށް އިސްތިޢުފާ ދޭށެވެ.
ރޯޒް
28 November 2016
އެހެން ވީމަ ފޯމިއުލާއަކީ ވައުދު ފުއްދުނުވަރަކަށް ކޮރަޕްޝަން ބޮޑުވުން ދެއްތޯ؟
މަރީ
28 November 2016
ވައުދުވެ ވައުދު ނުފުއްދިޔަސް، މިސަރުކާރުގެ ބޮޑުންނަކަށް ހަމަ ލާހިކެއްނޫން، ވައުދު ނުފުއްދިއޭ ބުނާކަށް. އޭރިން އަނުއްދުވަހު ތިބޭނި ޓެރަރިޒަމްގެ ތުހުމަތުގައި ޖަލުގަ. ވަރަށް ބޮޑަށް ތާށިވެފަ ބިރުން ތިބޭފާޑު ޖަހަނީ.
ސައްތާރު /މހއ
28 November 2016
ނައިބުރައީސް ޖިހާދުއަކަށް އެގިވަޑައިނުގަންނަވާނާނެ ރައީސްވީ ވައުދުތަކެއް. ވީ ވައުދު އެގޭނަމައީ މިސަރުކަރުތެރޭ ވައުދޭކިޔަން ނުވެސް ހުންނާނެކަން ކަށަވަރު. މިސަރުކަރުން ވީ ވަޢުދުތަކުގެ ވާހަކަ ދައްކާ ކޮޅުންވެސް ނުލާނެ.ފުއްދުން ވަޢުދެއް ހަތްހަރާމުން ހަރާމް. ހައްތަހާވެސް ފެނިގެން މިދަނީ ބޮޑެތި މީހުންގެ ޖީބަށް ބައި އެޅޭގޮތަށް ހިންގާ ޖަރީމާތަކެއް. ނުއުފަންނަ ކުންފުންޏަކަށް ޖިހާދު އިސްވެ ހުންނަވައިގެން ރައްޔިތުންގެ ބޮލުގައި ދަރަނިއަޅުވަން ބޮޑެތި ސްވެރިން ގެރެންޓީ ދިނުންކަހަލަ މުޑުދާރު ކަންތައް ކުރަމުން ގެންދާތަން ފެނިގެން މިދަނީ.
އަހުމަދު
28 November 2016
މޑޕ ޑައިލޮގު ކޮޕީނުކުރޭ ޕަޕެޓު. ނޭނގުނީތަ ރ.ޔާމީނަށް ތާއީދު ކުރަން ބުނާނެ އެއްޗއްވެސް
ކުރުކޮށްލާ
28 November 2016
ރޮކެޓް ސްޕީޑެއްވެސް ނޫން. ސްޕީޑް އޮފް ލައިޓުގަ ކޮރަޕްޝަން ފެތުރިގެން ދިޔައީ. ތިގޮތައް ތަރައްގީ ނުކުރުން އެންމެ ރަނގަޅީ
ބަކުރުބެ
28 November 2016
ރަޢިސްޔާމީނަކީ ވައުދު. އެބޭފުޅާ ހުންނެވީމަ އެހެރީ ވައުދު ފުއްދިފަ.
ރަބަރޭ
28 November 2016
ވަރައް ފުޅާދާއިރާއެއްގަ ކޮރަޕްޝަންވެސް މިސަރުކާރުން ވަނީ ހިންގާފަ.
އަބޫބަކުރު
28 November 2016
ތިހެން އާރާ ތިބެ އަދި ހާސަރު ތަކެއްދެމިޔަސް ރައްޔިތުން ތިކަމެއް ބަލައެއް ނުގަނޭ. ކާކު އެއީ ކީއްކުރާ މީހެއްކަން ރައްޔިތުންނަށް އެގޭ. އެމްއެމް ޕީއާރުސީގެ 1.2 ބިލިއަނަށް ވީގޮތް ވެސް ރައްޔިތުންނައް ެއގޭ ރައްޔިތުންގެ ފައިސާ ހުސްވާގޮތް ވެސް ރައްޔިތުންނައް އެގޭ. ވަރައްސަލާމް
އަލިދީދީއައްޑޫސިޓީ
28 November 2016
ވެރިކަމަށް އަންނަން ރައްޔަތުންނަށް ވިއްކި މެނިފެސްޓޯގައި ހުރި ކަންކަން ހަނދާން ނެތުނީތޯ؟ ކޮބައިތޯ އެމެނިފެސްޓޯ ގައިވާ ކަންކަން. އެކަންކަން އިހަށް ފުރިހަމަކޮށްދެއްވާ. ރިސޯރޓް ގައި މަސައްކަތްކުރާ ކުދިންނަށް އެތަންތަނުގެ ހިއްސާ ހަމަޖައްސަން އަދި ކިތައް އަހަރު ބޭނުންވޭތޯ؟ އަލަތު ކައިވެނިކުރާ ކުދިންނަށް ކިތައް ދަރިން ލިބުނީމަތޯ ފުލެޓެއް ދެއްވާނީ. ބެޔަސް ނުބެޔަސް 10،000ރ. ދޭނީ މަސްވެރިޔާ ކަށްވަޅަށް ދިޔައިމަ ދަރިންނަށްތޯ؟ ދަނޑުވެރިޔާގެ 8،000.00ރ. ދޭނީ ރުކުންވެއްޓި ދެފައި ބިދި ނުކުޅެދުން ތެރިޔަކަށް ވީމަތޯ؟ ކިތަންމެ ގިނަ ކޭކެއްފަޅާފަ ޕާޓީ ބޭއްވިޔަކަސް ނިކަމެތިންގެ އުދާސްތަކެއް ނުފިލާނެ. އެމީޙުންގެ ފަގީރުހާލަތު ރަނގަޅެއް ނުވާނެ.