ބެންޖަމިން.
20 އޯގަސްޓް 2021 - 06:49
5 comments
އިނގިރޭސިވިލާތުގެ މީހަކު މާސްކް ނާޅައި އުޅުމުން ހަ ހަފުތާ އަށް ޖަލަށްލާން ސިންގަޕޫރުގައި ބުދަ ދުވަހު ހުކުމްކޮށްފި އެވެ.
މީޑިއާތަކުން ބުނީ މިދިޔަ މެއި މަހު އެ ގައުމަށް ޒިޔާރަތްކުރި އިނގިރޭސިވިލާތުގެ މީހެއް ކަމަށްވާ ބެންޖަމިން ގްލީން، 40، އަށް ޖަލު ހުކުމެއް އައީ ރޭލުގައި ދަތުރުކުރި އިރު މާސްކް ނޭޅުމާއި އެކަން ކުރަން އިންކާރުކުރި މައްސަލައިގައި ކަމަށެވެ. މިކަމާ ގުޅިގެން އޭނާގެ މައްޗަށް ދައުވާކުރީ ކޮވިޑް-19 ކޮންޓްރޯލްކުރަން ލާޒިމުކުރާ އުސޫލަކާ ހިފާވުމާއި އެހެން ބައެއްގެ ސިއްހަތު ނުރައްކަލަށް ހުށަހެޅި މައްސަލައިގަ އެވެ.
ކޯޓުން ބެންޖަމިން އަށް ހަ ހަފުތާގެ ޖަލު ހުކުމެއް އިއްވި އިރު ވެސް އޭނާ ބުނީ ކުށެއް ކުރި ކަމަށް ގަބޫލުނުކުރާ ކަމަށެވެ. އަދި ޕާސްޕޯޓް ދޫކޮށްދޭން އެދޭ ކަމަށާއި ބޭނުންވަނީ އެނބުރި ގައުމަށް ދާން ކަމަށް އޭނާ ބުންޏެވެ. ކޯޓުގައި ބެންޖަމިން ވަކާލާތުކުރީ ވަކީލަކާ ވެސް ނުލައި އަމިއްލައަށެވެ. ކޯޓުގައި ކުރިން ވެސް އޭނާ މިފަދަ ވާހަކަތަކެއް ދައްކާފައިވާތީ ސިކުނޑީގެ އެއްވެސް މައްސަލައެއް ހުރިތޯ ޓެސްޓު ވެސް ކޮށްފައިވެ އެވެ. ނަމަވެސް ބެންޖަމިންގެ އެފަދަ އެއްވެސް މައްސަލައެއް ހުރި ކަމަކަށް ނުދައްކަ އެވެ.
އޭނާ އަށް ހުކުމް އިއްވި ފަނޑިޔާރު ވިދާޅުވީ ކޯޓަށް ހާޒިރުކޮށްފައި އިނީ ސިންގަޕޫރުގައި އަމަލުކުރަން ޖެހޭ އުސޫލަކާ ހިލާފުވެގެން ކަމަށާއި ކުށެއްކޮށްފައި، އެކަމަކުން ރެކެވޭނެ ގޮތެއް އެ ގައުމުގައި ނޯންނާނެ ކަމަށެވެ.
ބެންޖަމިން ކޯޓްގެ އޮފިޝަލުންތަކަކާ އެކު.
މިދިޔަ ފެބްރުއަރީ މަހު ކަރަންޓީނާ ހިލާފުވި އިނގިރޭސިވިލާތުގެ ފިރިހެނަކު ވެސް ސިންގަޕޫރުގައި ދެ ހަފުތާ އަށް ޖަލަށްލި އެވެ. އަދި މިދިޔަ އަހަރުގެ މެއި މަހު ކަރަންޓީނާ ހިލާފުވި އެމެރިކާގެ ޕައިލެޓަކު ވެސް ހަތަރު ހަފުތާ އަށް ސިންގަޕޫރުގައި ޖަލަށްލި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އާއިދާ
20 August 2021
އެމީހަކު ބޭނުންވާހައި ގޮތަކަށް އުޅެން ބޭނުމިއްޔާ އަވަހަށް މޯލްޑިވްސްއަށް އާދޭ! މިތާގައި ބިރެއްނެތި ކުރާނެހައި ކަމެއް ކުރެވޭނެ. ފަހަރެއްގައި ކުޑަވަގުތު ކޮޅަކަށް ބަންދުކޮށްފާނެ ނަމަވެސް މިނިވަންކަމާއެކު ހުރަހެއްނެތި އުޅެވޭނެ
ނުވާނެތި
20 August 2021
ކަލޭމެން ބޭނުންހާ ގޮތަކަށް އުޅެވި ބޭނުންހާ އެއްޗެއް ތިކިޔެނީ މިތާ އެމިނިވަންކަން އޮންނާތީ، ސިންގަޕޫރުގަ ތިހެން ބޭނުންހާ އެއްޗެއްކިޔާފަ ނޫޅެވޭނެ.
ތޯއްޗެ
20 August 2021
ސިންގަޕޫރަކީ ގާނޫނު ހިނގާ ގައުމެއް. ޜާއްޖޭގަ ގާނޫނު ހިނގާނީ އެއިރެއްގަ އޮންނަ ސަރުކާރުން އެދޭ ބައެއްގެ މައްޗަށް. މިހާރު މާލެތެރެއަށް ގިނަވެގެންއުޅޭ ޑެލްޓާވޭރިއަންޓު ބޭކަލުން އެއްގޮތަކަށްވެސް މާސްކް އަޅަންނުޖެހެނީ އެބޭކަލުންނަކީ ކޮވިޑް ފްރީ ބޭކަލުންނަށްވީމަ ތޯއްޗެ
ކުޗީ
20 August 2021
" ޜާއްޖޭގަ ގާނޫނު ހިނގާނީ އެއިރެއްގަ އޮންނަ ސަރުކާރުން އެދޭ ބައެއްގެ މައްޗަށް. " މީހަމަ ކަންހިނގާ ގޮތް. ރާއްޖޭގެ ގާނޫނުތަށް ހެދި ފުލުހުންނަށް ވަނީ ވަރަށް ގިނަ ބާރަތަކެއް ދީފަ. ހަތުރު ފުރޮޅުލީ ދުއްވާއުޅަނދު ކިރިޔާދެވޭ ބަޔެއް މަގުތަގުގައި ޒުވާނުން އެމީހުންގެ ސައިކަލް ޕާކްކުރަނީ ހިތުހުރިގޮތަކަށް ދެން ވެހިކަލަށް ނުދެވިގެން މަގުބާރުވާއިރު އުނދަގޫވަނީ ފަހަތުން އަންނ ވެހިކަލަ ތަކާ ހިނގާ މީހުންނަށް. ފުލުހުންނަށް މިތަނެއް ނުފެނޭ.
ސަރުކާެނު
20 August 2021
ސަރުކާރަކީ މަތިން ފައިބާ އެއްޗެއްނޫން، އެއީ ކަލޭމެންވެސް ވޯޓްލާގެން ގެންނަ ބަޔެއް، ކަލޭމެންގެ މައްސަލައެއްދޯ ކަލޭމެން ބޭނުންހާބަޔެއް ވެރިކަމަށް ގެނައުން.