4،000 ފްލެޓު އިމާރާތްކުރަން އެގްޒިމް ބޭންކުން 227 މިލިއަން ޑޮލަރުގެ ލޯނެއް، އަމަލީ މަސައްކަތް މި އަހަރު ފަށަނީ

ހުޅުމާލެ ދެ ވަނަ ފިޔަވަހީގައި 4،000 ފްލެޓު އެޅުމުގެ އެއްބަސްވުމުގައި ސޮއިކުރަން މިއަދު ބޭއްވި ރަސްމިއްޔާތުގައި، އެފްޑީސީގެ މެނޭޖިން ޑިރެކްޓަރު ސަލްފިއްޔާ އަދި އެ ކުންފުނީގެ ޗެއާޕާސަން މުހައްމަދު އާޒިމް (ކ) ބައިވެރިވެވަޑައިގަންނަވަނީ.-- ފޮޓޯ: އެފްޑީސީ

އާސިމާ ނިޒާރު، މިހާރު

23 ސެޕްޓެމްބަރ 2021 - 14:06

24 comments

ހުޅުމާލޭގެ ދެ ވަނަ ފިޔަވަހީގައި 4،000 ފްލެޓު އިމާރާތް ކުރުމަށް އިންޑިއާގެ އެގްޒިމް ބޭންކާއެކު 227 މިލިއަން ޑޮލަރުގެ ލޯނު އެއްބަސްވުމެއްގައި މިއަދު ސޮއިކޮށްފި އެވެ.

އެ އެއްބަސްވުމުގައި ސޮއިކުރުމަށް ވާޗުއަލްކޮށް ބޭއްވި ރަސްމިއްޔާތެއްގައި، އެ މަޝްރޫއު ކުރިއަށް ގެންދާ ފަހި ދިރިއުޅުން ކޯޕަރޭޝަން (އެފްޑީސީ)އާ އެގްޒިމް ބޭންކާއި ދިވެހި ސަރުކާރުގެ ކަމާ ގުޅޭ އިސްވެރިން އަދި ރާއްޖޭގައި ހުންނަ އިންޑިއާގެ އެމްބަސީގެ ބައެއް އިސްވެރިން ބައިވެރިވެވަޑައިގަތެވެ.

ސޯޝަލް ހައުސިންގެ ތެރޭގައި ހިމެނޭ އެ ފްލެޓުތަކުގެ މަސައްކަތް ކުރިއަށް ގެންދަން އެފްޑީސީން މީގެ ކުރިން ވަނީ އިންޑިއާގެ ދެ ކުންފުންޏަކާއެކު ސޮއިކޮށްފަ އެވެ. އެއީ ނޭޝަނަލް ބިލްޑިންސް ކޮންސްޓްރަކްޝަން ކުންފުނި (އެންބީސީސީ) އަދި ޖޭއެމްސީ ޕްރޮޖެކްޓްސް އެވެ.

އެންބީސީސީއާއެކު މަޝްރޫއު ކުރިއަށް ގެންދަން ފެބްރުއަރީ 2، 2021 ގައި އަދިި ޖޭއެމްސީ ޕްރޮޖެކްޓްސްއާއެކު މާޗު 8، 2021 ގައި ވަނީ ސޮއިކޮށްފަ އެވެ. އެ ކޮންމެ ކުންފުންޏަކަށް ދީފައި ވަނީ 2،000 ފްލެޓު އަޅާށެވެ.

ފަހި ދިރިއުޅުން ކޯޕަރޭޝަނުން ބުނީ އެގްޒިމް ބޭންކުން ދެ ލޯނެއްގެ ގޮތުގައި 227 މިލިއަން ޑޮލަރު ހަމަޖެހުނީ ސަރުކާރުން ސޮވެރިން ގެރެންޓީ ދީގެން ކަމަށެވެ. އެއީ 116.45 މިލިއަން ޑޮލަރު އަދި 110.5 މިލިއަން ޑޮލަރުގެ ލޯނެކެވެ.

ރާއްޖޭގައި ހުންނަ އިންޑިއާ އެމްބަސީން ބުނީ އެ ލޯނު ދީފައި ވަނީ ހިޔާ ފްލެޓްތައް އިމާރާތްކުރަން ކުރީގެ ރައީސް އަބްދުﷲ ޔާމީންގެ ސަރުކާރުން ނެގި ލޯނަށް ވުރެ ކުޑަ އިންޓަރެސްޓެއްގައި ކަމަށެވެ.

ޔާމީންގެ ސަރުކާރުން އޭރު ލޯނު ނަގާފައިވަނީ އަށް ޕަސެންޓް އިންޓްރެސްޓް ރޭޓެއްގައި 20 އަހަރުން އަނބުރާ ދައްކާ ގޮތަށެވެ.

ހުޅުމާލޭގެ ދެ ވަނަ ފިޔަވަހީގައި އިމާރާތްކުރާ 4،000 ހައުސިން ޔުނިޓުގެ މަޝްރޫއުގެ ދަށުން ހަމަޖައްސާފައިވަނީ ދެ ކޮޓަރި އާއި ތިން ކޮޓަރީގެ ތަންތަން ހަދާށެވެ. އޭގެ ތެރޭގައި ދެ ކޮޓަރީގެ ޔުނިޓުތަކުގެ ބޮޑު މިނުގައި 650 އަކަފޫޓު ހުންނާނެ އެވެ. އަދި ތިން ކޮޓަރީގެ ޔުނިޓުތަކުގެ ބޮޑު މިނަކީ 900 އަކަފޫޓެވެ.

އެފްޑީސީން ބުނިގޮތުގައި، މަޝްރޫއު ކުރިއަށް ގެންދަން ފައިސާ ހަމަޖެހުމުން، މި އަހަރުގެ ތެރޭގައި އަމަލީ މަސައްކަތް ފެށުމަށް އަންނަނީ ތައްޔާރުވަމުންނެވެ.

މާލޭގެ މީހުންނަށް ހާއްސަ ކޮށްގެން 4،000 ފްލެޓު އެޅުމަކީ މިދިޔަ ރިިޔާސީ އިންތިހާބާއި މަޖިލިސް އިންތިހާބުގެ ކެމްޕެއިން ވައުދެކެވެ. ނަމަވެސް މި ފަހަރު ސޮއިކުރި އެއްބަސްވުމުގެ ދަށުން އަޅާ ފްލެޓުތައް ބަހާނެ ގޮތެއް އަދި ނުނިންމަ އެވެ.

ހުޅުމާލެ ތަރައްގީގެ މަޝްރޫއުތައް ބޯހިޔާވަހިކަން އެޗްޑީސީ ރާއްޖެ-އިންޑިއާ ހުޅުމާލޭ ދެ ވަނަ ފިޔަވަހި ފަހި ދިރިއުޅުން ކޯޕަރޭޝަން އިންޑިއާ

24 ކޮމެންޓް, 28 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

24 September 2021

މިކަން ހައްލުކޮށް ކ.އަތޮޅު މާލޭ މީހާއަށްވެސް ބިން ދިނުމަށްޓަކާ ރަނގަޅު ޕްލޭނެއްގެދަށުން ކެލާ، ފިއްލަދޫ، ހަނިމާދޫ، ކާށިދޫ، ކުޑަހުވަދޫ، ތުލުސްދޫ، ތ. ގުރައިދޫ، ތިމަރަފުށި، ވިލުފުށި، ލ. ގުޅިފައިވާ ހުރިހާރަށްތައް، ހުވަދުއަތޮޅު ތިނަދޫ، ކޮލަމާފުށި، ވާދޫ، ފަރެސްމާތޮޑާ އަދި އައްޑޫ ހިއްކެންއޮތްއެންމެބޮޑަށްހިއްކާ 30 އަހަރު ފަހުންނޫނީ ރެޖިސްޓްރީއަށް ބަދަލު ނުގެނެވޭގޮތަށް އުމުރުން 18 އަހަރާއި 50 އަހަރާއި ދެމެދު ކޮންމެ މީހަކަށް 1000 އކފ ބިމެއް ދޭންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބޫ

24 September 2021

ނި ނިއުސްއަކީ އެމްޑީޕީއިން މޮޑޭނެ ގޮތަކަށް މޮޑެން އޮތް ފުއްގަނޑެއް. ވަރަށް ޕްރޮމޯޓް އެބަ ކޮށްލައެއްނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަކުރާ

24 September 2021

4000 ފުލެޓް އަޅަން ނަގަނީ 227 މިލިއަން ޑޮލަރު. އެހެންވީމާ ފްލެޓްއެއް ތިޖެހެނީ އެވްރެޖްކޮށް 875،000 ރުފިޔާއަށް. އެހެންވީމާ ރައްޔިތުންނަށް ތިތަންތަން ދޭންޖެހޭނީ 1 މިލިއަނަށް ވުރެ ކުޑަކޮށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝިރާނީ

23 September 2021

ސިރީލަންކާ މިގޮތައް ލޯނު ދިން އިންޑިޔާއިން. ފްލެޓުތައް ނާޅަ އިންޑިޔާއައް 1 ބިލިޔަންޑޮލަރުގެ ލޯނުދައްކަ ދައްކާ ލަންކާ އެއުޅެނީ. ތައްގީ ނުވެ ލޯނުގެ ދަންތޫރާގަ ޖައްސަނީ ރައްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

23 September 2021

ދައުލަތުގެ ވެލްތް ޑިސްޓްރިބިއުޓު ކުރުމުގައި "ތަފާތު ނުކުރުމަށާއި" އަދުލުވެރިކަމާއިއެކު ދައުލަތް ހިންގުމަށްޓަކާ ލާމަރުކަޒީ ބާރުވެރިކަން ދެއްވާނެކަމަށް ވައުދުވުމުން އަހަރުމެން ވޯޓުދީގެން އިންތިޙާބުކުރިމީހާ މިވަގުތު ބޭރުގައި ހުންނަވޢިގެން ދެއްވާ ތަޤުރީރު ތަކުގައިވެސް ވިދާޅުވަނީ "ނަސްލީ ތަފާތު ކުރުމާއި ބޭއިންސާފު ކަންތަކުން ދުރުހެލިވެގަތުމަށް" އެކަމަކު އަމަލު ކުރައްވަމުން ދަނީ ރޭސިސްޓް ސިޔާސަތު ފުޅާކޮށް ރައްޔިތުންގެ ތެރެގައި ތަފާތު ބޮޑުކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރާހީމު.

23 September 2021

ތެދުފުޅެއް. ދައްކާ ވާހަކަ އާއި އަމަލު ދިމާ ނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަ އަހާލި

23 September 2021

ބަލި މީހުން ބޭސްސިޓީއައް ބޭސް ނަގާހެން އިންޑިއާގެ އެގްޒިމް ބޭންކުން އިންޑިޔާއައް ފައިދާ ވާގޮތައް ލޯނު ނެގުމަކީ ގޮއްރީންދޫ ހުންޖެހިފަ ތިބި މީހުނައް އޮތް ފަރުވާލަކީ ތޯޗެކެވެ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝިއަލް

23 September 2021

އެހެންވީމަ މިލޯނުގެ ދަށުން އިމާރާތްކުރާ އެޕާޓްމަންޓްތައް މިލިއަނަކަށްވުރެ އަގުހެޔޮވާންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބާ

23 September 2021

ޗައިނާވީމަ ޑެޓްޓުރެޕް. އިންޑިޔާ ވީމަ ލޯބިގަނޑު؟ އެވެސް އަނބުރާ ގިނައިން ދައްކާގޮތައް. މިހާރުވެސް ކޮރެއާ ބަޔަކު އެދުވަނީ ކޮރަޕްސަންނޭ ގޮވަމުން. އެއްކޮޓަރި ތަކުގެ ފުލެޓައް ހިޔާނާތްވި ސަރުކާރު މިއީ. ސިފައިންގެ ފުލެޓް ވެސް ހަމަ ހުރީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިތަދޫ 2

23 September 2021

ޗައިނާއިން ލޯން ނެގީމަ މައްސަލަ އެކަމަކު މިވީހާ ތަނަށް ތިކިޔާ ޕްރޮޖެކްޓް ތަކުން އެކްޒިމް ބޭންކް ނޫން އަޑެއް ނީވެ.. އަދި ޝަރުތު ތަކުގެ ތެރޭ އެ ގައުމުގެ ކޮންޓްރެކްޓާސް އަދި ވޯކާސް ބޭންނު ކުރަން... ނެތް ދެން ބުނާނެ އެއްޗެއް.