ކުރީގެ ހައުސިން މިނިސްޓަރު ޑރ. މުހައްމަދު މުއިއްޒު މީގެކުރިން "މިހާރު"އާ ވާހަކަ ދައްކަވަނީ. --ފޮޓޯ: ނިޝާން އަލީ/މިހާރު
22 ސެޕްޓެމްބަރ 2019 - 11:04
80 comments
މާލޭގައި މީހުންނަށް އުނދަގޫވާ ގޮތަށް ހުރި ތަންތަން ބަދަލުކުރަން ހިއްކި އިންޑަސްޓްރިއަލް ޒޯންގައި ގުދަން އަޅަން ކުރަންޖެހޭ ހުރިހާ ކަމެއް ކުރީގެ ސަރުކާރުން ފުރިހަމަކުރި ކަމަށައި މި ސަރުކާރު އައި ފަހުން ގުދަންތައް ބަދަލުކުރާހާ ދުވަސް ވެއްޖެ ކަމަށް ހައުސިން މިނިސްޓަރު ޑރ. މުހައްމަދު މުއިއްޒު ކަންބޮޑުވުން ފާޅުކުރައްވައިފި އެވެ.
މިދިޔަ ހުކުރު ދުވަހުގެރޭ ހިނގި އަލިފާނުގެ ބޮޑު ހާދިސާއާ ގުޅިގެން އިދިކޮޅު ޕީޕީއެމް އާއި ޕީއެންސީން ރޭ ބޭއްވި ނޫސްވެރިންގެ ބައްދަލުވުމުގައި މުއިއްޒު ވިދާޅުވީ ކުރީގެ ސަރުކާރުން މާލޭގެ ހުޅަނގު ދެކުނު ފަޅުން ގާތްގަނޑަކަށް ހަތް ހެކްޓަރުގެ ބިން ހިއްކީ މާލޭގައި ހުންނަން ނުޖެހޭ ތަންތަން ބަދަލުކުރަން ކަމަށެވެ.
ސަރުކާރުގެ ބަޖެޓުން ހަރަދުކޮށްގެން ގުދަންތައް އެޅުމުގެ ބަދަލުގައި އެކަން މޯލްޑިވްސް ޕޯޓްސް ލިމިޓެޑާ ހަވާލުކޮށްފައި ވާނެ ކަމަށާއި ސަރުކާރު ބަދަލުވި އިރު، އެކަން ކުރާނެ ބަޔަކު ހޯދައި، އެއްބަސްވުމުގައި ސޮއިކޮށް މަސައްކަތް ފަށަން ވެސް އޮތީ ތައްޔާރުވެފައި އޮތް ކަމަށް މުއިއްޒު ވިދާޅުވި އެވެ.
"އެހެންވީމަ އެ ހިސާބަށް ގޮސްފައި އޮތް ކަމެއް. މި ދެންނެވީ ކުރެހުންތައް ހަދައި ފައިސާ ހަމަޖެހި، ކުންފުނި ހަމަޖެހި ދެން އޮންނާނީ މަސައްކަތް ފެށުން ނޫންތޯ؟ އެ ހިސާބަށް ގޮސްފައި އޮއްވައި ވެރިކަން ބަދަލުވީ،" ދިހަ މަސް ވެގެން ދިޔައިރު ވެސް، ގުދަން ހެދުމުގެ މަސައްކަތް ނުފެށި އޮތުމާ ބެހޭ ގޮތުން ސުވާލު އުފައްދަވައި މުއިއްޒު ވިދާޅުވި އެވެ.
ކުރީގެ ސަރުކާރުން ހެދި ހުރިހާ ދިރާސާތަކެއްގެ މައުލޫމާތު ވެރިކަން ބަދަލުވުމުގެ މަރުހަލާގެ ތެރޭގައި މި ސަރުކާރުގެ އިސް ބޭފުޅުންނާ ހިއްސާ ވެސް ކުރެއްވި ކަމަށް މުއިއްޒު ވިދާޅުވި އެވެ. އޭނާ ވިދާޅުވި ގޮތުގައި އެ ދިރާސާތަކުން، މާލޭގައި ހުރި ގުދަންތަކުގެ ތަފްސީލްތައް އެނގޭނެ އެވެ.
ކުރީގެ ސަރުކާރުން ރާވާފައި އޮތީ ކެމިކަލް ގުދަންތަކާއި ލަކުޑި ގުދަންތަކާއި ފިޔާ ގުދަންތައް ފަދަ ތަންތަން ވެސް އިންޑަސްޓްރިއަލް ޒޯނަށް ބަދަލުކުރާށެވެ. އަދި އާންމު ދިރިއުޅުމަށް އުނދަގޫވާނެ ހުރިހާ ވޯކްޝޮޕްތަކާއި ގުދަންތައް ބަދަލުކުރާ ގޮތަށް ކުރެހުންތައް ހަދާފައި އޮތް ކަމަށް ވެސް މުއިއްޒު ވިދާޅުވި އެވެ. އޭނާ ވިދާޅުވި ގޮތުގައި އެ ތަން ދޭނެ ގޮތުގެ އުސޫލު ހަދައި އެމްޕީއެލްއާ ހިއްސާކޮށްފައިވާނެ އެވެ.
"ސަރުކާރަށް 10 މަސް ވެގެން ދިޔަ އިރު، އެ މަސައްކަތް ކުރައްވާފައި ނޫންތޯ އޮންނަން ވާނީ؟" މުއިއްޒު ވިދާޅުވި އެވެ.
މީގެ އިތުރުން މުއިއްޒު ވިދާޅުވި ގޮތުގައި ކުރީގެ ސަރުކާރުން މަޖީދީމަގު އަލުން ހެދި އިރު ފަޔަ ހައިޑްރަންޓް ނިޒާމު ގާއިމުކުރަން އަޅަން ޖެހޭ ހޮޅި ވެސް ވާނީ އަޅައިފަ އެވެ. އޭނާ ވިދާޅުވީ މަޖީދީ މަގުގެ އެކި ހިސާބުތަކުން ފެން ނެގޭ ގޮތަށް ނިޒާމު ގާއިމުކޮށްފައި އޮއްވައި، އެ ބޭނުން ނުކުރި ސަބަބުން ކަމާ ބެހޭ ފަރާތްތަކުން ބަލަން ޖެހޭނެ ކަމަށެވެ.
މުއިއްޒު ވިދާޅުވީ އެފަދަ ހިތާމަވެރި ހާދިސާއެއް ހިނގުމުން ކުރީގެ ސަރުކާރުގެ ބޮލުގައި ކަންކަން އެޅުވުމުގެ ބަދަލުގައި މިހާރު ސަރުކާރުން އިސްކަން ދޭންޖެހޭނީ ހާލުގައި ޖެހިފައިވާ މީހުންނަށް އެހީތެރިވެ، އެފަދަ ހާދިސާއެއް ތަކުރާރުވިޔަ ނުދޭން ކަމަށެވެ.
ނޫސްވެރިންގެ ބައްދަލުވުމުގައި މަޑުއްވަރީ ދާއިރާގެ ޕީއެންސީގެ މެމްބަރު، ކުރީގެ ޑިފެންސް މިނިސްޓަރު އާދަމް ޝަރީފް ވިދާޅުވީ އަލިފާނުގެ ހާދިސާ ހިނގަން މެދުވެރިވީ ކިހިނެެއްކަން ބަލައި، އިހުމާލެއް އޮތްތޯ ބެލުމަށް ތަހުގީގުކުރަން ޖެހޭނެ ކަމަށެވެ. އަދި މިފަދަ ހާދިސާއެއް ތަކުރާރުވިޔަ ނުދިނުމަށް ސަރުކާރުން އިތުރު ފިޔަވަޅުތައް އަޅަން ޖެހޭނެ ކަމަށް ވެސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ެައަޖާއިބް
23 September 2019
ހަމަ ރަގަޅަށް ތިބުނީ. ބޮޑު އަގުގަ އިންޑަސްޓްރިއަލް ވިލެޖެއް ހެދީ، ގަރާޖް ތަކާ ގުދަންތައް ހަދަން. އެކަމަކު ޖެއްސުން ކުރަންކަމެއް، ނޫނީ ވާނުވާ ނޭނިގެން ނަމަވެސް، މިހާރު އެތަން އެއީ ޓެކްސީ ޑްރައިވަރުން ވެހިކަލް ޕާކް ކުރާ، ޒުވާނުން ލޯބީގެ ކުޅިވަރު ކުޅޭ މައިދާނަކަށް ހަދާފަ. އަސްލަމް ކިތަންމެ އަނގަ ފޮނިއެއް ކެޑިއަސް މިފަހަރު ބުނެވޭނީ ތީތި ހަމަ ކަޑައޭ
ކަނާ އަތު ތިލަފަތް
22 September 2019
ނަމުން ޑޮކްޓަރު؛ ކަމުން ، ތިބުނާ ޒޯނުވެސް ފައިބައިގެން ދިޔައިރު އޮތީ ހަމަ މުއިއްޒުވެފަ!!!!
ހަމާރު
22 September 2019
ފެންހޮޅި ވަޅުލާފަ އޮތްތޯ ބަލާލަން އެނގޭވަރަށްވުރެ ކަންކަން ނޭނގޭ ބައެއްތިބީ. ކަމެއް ހައްލުކުރަން ކިޔައިދޭ މީހުންނާ ދިމާކޮށްލީމަ އޮންނާނީ ގައުމުގެ ކަންކަން ރަގަޅަށް ހައްލުވެފަ. މާދަން މިސަރުކާރު މީހުން އަރާ ބުނާނެ ފެންހޮޅިއެއްނެތޭ ވަޅުލާފައެއް. ހޯދައިގެން ފެނިއްޖެއްޔާ ބުނާނެ ހޮޅި ފެޅިފައޭ އޮތީ..
އޭޑީ
22 September 2019
ދިވެހިރާއްޖެދުއް އެންމެ ނާގާބިލް ހައުސިން މިނިސްޓަރު މީނައަކީ! މީނާ ކުރިކަމެއް 2 ފަހަރު 3 ފަހަރު ކުރަން ނުޖެހޭ ހަމަ އެއްވެސް ކަމެއްނެތް! މީނާ ކުރިހާވެސް ކަމަކީ މިނިސްޓަރުކަމުގައި ހުރެ އަމިއްލަގޭ 14 ބުރިއަށް ހެދުން! ބޮޑު ފެއިލިއަރެއް! ބަސްގިނަ، ރޯނު އެދުރެއް!
ހާސަރު
22 September 2019
މި މުއިއްޒާހެދި ހަމަ އަންތަރީސްވޭ ލަދެއް ހަޔާތެއް ހުރިނަމަ އަނގަމަޑުންލައިގެން ހުރީސް! މުއިއްޒުކުރިއެއްކަމެއް އެބަހުރިތަ މުއިއްޒު ނުވެ!؟ މިހާރު ވާރޭކޮޅެއް ވެހިލާއިރަށް މުޅިމާލެ މިއޮންނަނީ ފެނުއަޑީގަ! ނަސީބެއް ތިވެރިކަން ނިމުނު އިރު ބޭރުމަގުގެ ދެބައި ކުޅަ އެއްބައިގަ ތާރުއެޅުނުކަން! އެއްފަޅީގަ އެޅީމަވެސް ވެހިލާއިރަށް މާލޭ ފެނުއަޑީގަ މިއުންނަނީ! އެއްކޮށް އެޅިނަމަ ވާނެގޮތް ވިސްނާލާ!
ބޮޑުމީހާ
22 September 2019
ރަގަޅަށް ތިބުނީ މިގައުމުގަ އަބަދުވެސް ވެރިކަންކުރާނީ ޕީޕީ މީހުންނާއި އެމްޑީޕީ މީހުން. ރައްޔިތުންނޭ ކިޔައިގެން އުޅޭ އެއްބަޔަކުވެސް ނެތް. ވޯޓް ހޯދަންވީމަ ރައްޔިތުން ހަދާންވަނީ.
ބޮޑު ބަންޑާރަ
22 September 2019
މި ދެންނެވީ ކުރެހުންތައް ހަދައި ފައިސާ ހަމަޖެހި، ކުންފުނި ހަމަޖެހި ދެން އޮންނާނީ މަސައްކަތް ފެށުން ނޫންތޯ؟ *** ތެދެއް. ޢޯކޭ. ވިދާޅުވެދެއްވަބަލާ މަސައްކަތްހަވާލުކުރީ ކޮން ކުންފުންޏަކާތޯ އަދި ހަމަޖެހުނީ ކިހާފައިސާއްއެއްތޯ. ކޮން ބަޖެޓަކުންތޯ ޚަރަދު ކުރަނީ.
ފަރީދާ
24 September 2019
ހަވާލުކުރި ޗައިނާގެ ކުންފުންޏަކާ. ފައިސާ އޮތީ އެކުންފުނިން ޗައިނާގެ އެގްޒިމް ބޭންކުން ހަމަޖައްސާފައި.
އަބްދޫ
22 September 2019
ބަލަގަ ކުރިން ލިބެން އޮތް ތަކެތީގެ ވާހަކަ ނުދައްކާ މިހާރު ލިބެމުންދާތަކެތީގެ ވާހަކަދައްކާ 32 ބިލިއނާ 1.7 ބިލިއަން ހުއްދަކުރީ ފައިސާ އެއަދަދަށް ލިބޭނެގޮތްހަދާފަ ނޫނަބާ އެހެންވީއިރު 33.7 ބިލިއަން ރުފިޔާ އިން ކުރާނެކަންކަންވެސް ހުންނާނީ ކަނޑައެޅިފަ ސާކް ގައުމު ތަކުންނާ އީޔޫ އިންނާ އދ ންނާ އެމެރިކާއިން ވަފުދުތައް ގެނެސް ހަރަދުކޮށް ހުސްކޮށްލާ ބޭރުގެ ފުޓްބޯޅަ މުބާރާތްބާއްވާ ހދުކޮށް ހުސްކުރީމަ ގައުމަށް ކުރީ ކޮންފައިދާ އެއް . އައީ ކޮންކުރިއެރުމެއް.
ފަހަރި
22 September 2019
މުުއިއްޒު ބުނަންވީ އެހެނަކުން ނޫނޭ، ބުނަންވީ ތިމަންނާމެން ވެރިކަމުގެ ފަސް އަހަރު ނިންމާލީ ގުދަންތައް ބަދަލުކޮށްފައޭ، މިހާރުގެ ސަރުކާރު އައިސް އަލުން ގުދަންތައް މާލެއަށް ބަދަލު ކުރީއޭ، ތާހިރު ވާހަކަ ދޯ ދައްކާ. އިންޑަސްޓިރިއަލް ޒޯނެކޭ ކިޔައި އެތަންވެސް ވެރިކަމުން ފޭބިއިރު އޮތީ ބާދަނގަޑު އުކާ ތަނަކަށް ހަދާފަ
ލާމަސީލު
22 September 2019
މަށަށް ހައްގު ފްލެޓް މަށަށް ނުދީ ވަގަށް ބަހާނުލިނަަމަ އަހަރެންނަށްވެސް ބޯހިޔާވަހި ކަމެއް ލިބުނީސް. މުއިއްޒު އަކަށް ދުވަހަކުވެސް މާފު ނުކުރާނަން.