ސައުދީގެ ވެރިރަށް ރިޔާޒުގައި ކޮރޯނާވައިރަހަށް ޓެސްޓް ކުރަން ސާމްޕަލް ނަގަނީ. --ފޮޓޯ:އޭއެފްޕީ
ރިޔާޒް (މެއި 15) - އަންނަ ފިތުރު އީދު ބަންދާ ދިމާކޮށް ސައުދީ އަރަބިއާ ފަސް ދުވަހަށް ފުލް ލޮކްޑައުނަކަށް ދާން ނިންމައިފި އެވެ.
ދާޚިލީ ވުޒާރާ އިން ބުނީ ސައުދީ ފުލް ލޮކްޑައުންގައި އޮންނާނީ މެއި 23-27 އަށް ކަމަށެވެ. އެއީ ރޯދަ މަހަށް ފަހު އަންނަ ފިތުރު އީދުގެ ދުވަސްތަކެވެ. ކަލަންޑަރުގައިވާ ގޮތުން ފިތުރު އީދު ދިމާވަނީ މެއި 24 ވަނަ ދުވަހަށެވެ.
ކޮރޯނާވައިރަސް ފެތުރެން ފެށުމާ އެކު ސައުދީގެ ބޮޑު ސަރަހައްދެއްގައި ކުރިން ވަނީ ކާފިއު ހިންގައިފަ އެވެ. ނަމަވެސް މިދިޔަ މަހުން ފެށިގެން ވަނީ ހެނދުނު 9 އިން ހަވީރު 5 އާ ދެމެދު ބޭރަށް ނުކުތުމުގެ ހުއްދަ ދީފަ އެވެ.
ކޮރޯނާވައިރަހުގެ ބިރުވެރިކަން ބޮޑުވުމުން ސައުދީން މާޗު މަހު ވަނީ އުމްރާގެ އަޅުކަން ސަސްޕެންޑްކޮށްފަ އެވެ. އަދި މިސްކިތުގައި ޖަމާއަތުގައި ނަމާދުކުރުން ވެސް ވަނީ މެދުކަނޑާލައިފަ އެވެ. ސައުދީން ވަނީ މި އަހަރުގެ ހައްޖުގެ ތައްޔާރީތައް ވެސް އަދި ނުވުމަށް މުސްލިމް ގައުމުތަކަށް އަންގައިފަ އެވެ. މިދިޔަ އަހަރުގެ ހައްޖުގެ އަޅުކަމުގައި 2.5 މިލިއަން މީހުން ބައިވެރިވި އެވެ. އަރަބި ދުނިޔޭގެ އެންމެ ބޮޑު އިގްތިސާދު އޮތް ސައުދީން ވަނީ ވައިގެ ދަތުރުތައް ވެސް ހުއްޓާލައިފަ އެވެ.
ސައުދީން މިހާތަނަށް ވަނީ ކޮރޯނާވައިރަހަށް 46,869 މީހުން ޕޮޒިޓިވްވެ 283 މީހުން މަރުވެފަ އެވެ. ގަލްފުގެ ގައުމުތަކުން އެންމެ ގިނަ މީހުން ޕޮޒިޓިވްވެފައި ވަނީ ވެސް ސައުދީންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Important Links
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕަވިޔަނި
15 May 2020
މިއީ ޒަޔަނިސްޓުންނާ ކޮމިއުނިސްޓުން ރާވައިގެން އިސްލާމުންނާ ދެކޮޅަށް ހިންގާ ބޮޑު ޖަރީމާއެއް.
އެއީކިހިނެއް؟
16 May 2020
ދެން 'އިލްމުވެރިން' ގާތު ބުނެގެން ވެކްސިންއެއް ހޯދޭތޯ ބަލަމާ. ގައިމު ސައުދީގަ މަދެއް ނުވާނެ. ރާއްޖޭގަވެސް.
ެއިކޮނޮސިސްތް
16 May 2020
އެޔޯ؟؟؟؟.ސައުދީ ލޮކްޑައުން ކުރުންތަ
ފަސްމަންޒަރު
15 May 2020
ޒަމްޒަމް ފެނަކީ ހުރިހާބައްޔަކަށް ޝިފާއެކެވެ.
ބަރުގިސް
16 May 2020
ސައުދީ މީހުންނަށް ޒަމްޒަމް ނިލިބިގެން ތަ ކޮވިޑުގަ މަރުވަނީ.
ކަށަވަރު1
16 May 2020
މިހާރު މިއޮތީ އެކަން ޔަގީންވެފައި.
ެއިކޮނޮސިސްތް
16 May 2020
ޑަބްލިއުހެޗްއޯ ކައިރީ ނުބުނާތި