އެޗްޑީސީގެ ފްލެޓުތަކަށް ކުލި ނުދައްކާ ނަމަ ލޯނު ލިބުން ދަތިވާ ގޮތް ހަދައިފި

ހުޅުމާލޭގެ ސޯޝަލް ހައުސިން ބައެއް ފްލެޓްތައް --- ފޮޓޯ: މިހާރު

ފާތިމަތު ޝަނާ މުހައްމަދު، މިހާރު

17 ޖުލައި 2025 - 16:27

ސަރުކާރުން ހިންގާ އިޖުތިމާއީ ބޯހިޔާވަހިކަމުގެ މަޝްރޫއުތަކުގެ ދަށުން އިމާރާތް ކޮށްފައިވާ ފްލެޓްތަކުގައި އުޅޭ މީހުން ކުލި ދައްކާ ގޮތުގެ މައުލޫމާތު މަރުކަޒީ ބޭންކު، އެމްއެމްއޭގެ "ކްރެޑިޓް އިންފޮމޭޝަން ސިސްޓަމް" އަށް އަރާ ގޮތް ހަދައިފި އެވެ.

އެޗްޑީސީން މިއަދު ނެރުނު ބަޔާނުގައި ބުނީ، އެމްއެމްއޭގެ "ކްރެޑިޓް އިންފޮމޭޝަން ސިސްޓަމް" ގައި މިދިޔަ މާޗު މަހު އެ ކުންފުނިން ބައިވެރިވެފައިވާ ކަމަށެވެ. އެ މަހުން ފެށިގެން އެ ކުންފުންޏަށް ފައިސާ ދައްކަން ޖެހޭ ކަސްޓަމަރުންގެ މައުލޫމަތު އެ ސިސްޓަމަށް އަޕްޑޭޓު ކުރަމުން އަންނަ ކަމަށް އެޗްޑީސީން ބުންޏެވެ.

އެޗްޑީސީން ބުނީ، އެކަން ކުރީ އެ ކުންފުނީގެ ހިންގުން ހަރުދަނާ ކުރުމާއި ކުންފުނީގެ މާލީ ގާބިލުކަން އިތުރު ކުރުމަށާއި އާންމު ރައްޔިތުންނަށްދޭ ހިދުމަތުގެ ފެންވަރު ރަނގަޅު ކުރުމުގެ ގޮތުން ކަމަށެވެ.

އެމްއެމްއޭގެ ކްރެޑިޓް އިންޕޮމޭޝަން ސިސްޓަމަށް އެ މައުލޫމަތު އަޕްޑޭޓްވާން ފެށުމުން ފައިސާ ދައްކަން ޖެހޭ ކަސްޓަމަރުންނަށް އެހެން އެއްވެސް މާލީ އިދާރާއަކުން ކްރެޑިޓް ދޫކުރުމުގެ ކުރިން ނުވަތަ ރީސްޓަކްޗާ ކުރުމުގެ ކުރިން ނުވަތަ ލޯނު އެއްބަސްވުން އާ ކުރުމުގެ ކުރިން ނުވަތަ ލޯނުގެ މުއްދަތު އިތުރު ކުރުމުގެ ކުރިން ކުލި ނުދެއްކުމުގެ ހިސާބުތައް ވެސް އިވެލުއޭޓު ކުރާނެ އެވެ. އެހެންވެ، އެޗްޑީސީން ދޫކޮށްފައިވާ އެއްވެސް ފްލެޓެއްގެ ކުލި ނުދައްކާ ނަމަ އެ މީހެއްގެ ކްރެޑިޓް ރޭޓިން ދަށްވުމުގެ ފުރުސަތު އޮންނާނެ އެވެ.

އެޗްޑީސީން "މިހާރު" އާ ހިއްސާކުރި މައުލޫމާތުން އެނގޭ ގޮތުން މިދިޔަ ޖޫން މަހުގެ ނިޔަލަށް އެ ކުންފުންޏަށް ކުލީގެ ގޮތުގައި ނުލިބި 894 މިލިއަން ރުފިޔާ އެބަހުއްޓެވެ. އެ ހިސާބުތައް ދައްކާ ގޮތުން ސަރުކާރުން ހިންގާ ސޯޝަލް ހައުސިން މަޝްރޫއުތަކުގެ ތެރެއިން އެ ކުންފުނިން މެނޭޖްކުރާ ޕްރޮޖެކްޓްތަށް ބަލާއިރު އެންމެ ބޮޑު އަދަދެއް ނުލިބި ހުރީ ހިޔާ މަޝްރޫއުއިންނެވެ.

ހަތް ހާސް ފްލެޓް ދޫކުރި އެ މަޝްރޫއުގެ ދަށުން ނުލިބި ހުރި ފައިސާގެ އަދަދު 628 މިލިއަން ރުފިޔާ އަށް އަރަ އެވެ. އެއީ ކުލީގެ ގޮތުގައި އެޗްޑީސީ އަށް ނުލިބި ހުރި ފައިސާގެ 70 ޕަސެންޓެވެ. ހުޅުމާލެ 1 ގައި ހުރި ފްލެޓްތަކުން ނުލިބި ހުރީ 230 މިލިއަން ރުފިޔާ އެވެ. އެއީ ޖުމްލަ އަދަދުގެ 26 ޕަސެންޓެވެ. ބާކީ 37 މިލިއަން ރުފިޔާ ނުވަތަ ހަތަރު ޕަސެންޓް ނިސްބަތް ވަނީ ވިނަރެސް ފްލެޓްތަކުން ނުލިބޭ ފައިސާއަށެވެ.

އެޗްޑީސީން ބަލަހައްޓާ ހުޅުމާލޭގެ ހައުސިން ޔުނިޓުތަކުގެ ޖުމްލަ އަދަދަކީ 8،511 އެވެ. އޭގެ ތެރެއިން ގަވާއިދުން ކުލި ދައްކަނީ 3،219 ފްލެޓަކުންނެވެ. މާނައަކީ 5،099 ފްލެޓަކުން ކުލި ނުދައްކަ އެވެ. އެހެންވެ، ކުލި ނުދައްކާ މީހުންގެ އަދަދު 60 ޕަސެންޓަށް އަރަ އެވެ.

މީގެ ކުރިން 2022 ގައި އެޗްޑީސީގެ ހިސާބުތަކުގައިވާ ގޮތުން ކުލި ނުދައްކާ މީހުންގެ އަދަދު އުޅުނީ 30-40 ޕަސެންޓާ ދެމެދުގެ އަދަދެއްގަ އެވެ. އެހެންވެ، ހަމައެކަނި މިދިޔަ ތިން އަހަރުގެ ތެރޭގައި ވަނީ ކުލި ނުދައްކާ ނިސްބަތް ގާތްގަނޑަކަށް ދެ ގުނަ ވެފަ އެވެ.

ހުޅުމާލެ އެޗްޑީސީ ބޯހިޔާވަހިކަން ފްލެޓް އެމްއެމްއޭ

60 ކޮމެންޓް, 46 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޝިޔާމްބެ

19 July 2025

ތިގޮތަށް ކުލި ނުދައްކައިގެން ލޯނު ނުލިބިފަ ތިބި ހުރިހާ އެއްމަނަށް އިންތަހާބާ ކައިރިކޮށް ރައީސް ގެ ހެޔޮ ފުޅުކަމުން ސީދާ ރައީސްގެ އިރުޝާދުފުޅުގެ ދަށުން އެހެން އެންމެނަށްވުރެ ކުޑަ އިންޓްރަސްޓެއްގައި ލޯނު ލިބޭނެ. އެހެން ވީމަ ހާސް ކަނޑާލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫މިސްބާ

18 July 2025

‫ރަގަަޅު ބަރާބަރު, ކަރަންޓުވެސް ކަނޑާލަންވީ, ފެން ވެސް ކަނޑާލަންވީ. އެޕާޓްމަންޓް އެކްސެސް ވެސް ކަނޑާލަންވީ. ކުލި ނުދެއްކެންޏާ ރަށުގަ ތިބޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަނު33

18 July 2025

ކުލިނުދައްކާނަމަ އަތުލެވޭނެގޮތެއްނޯވޭދޯ؟؟ ތިޔާ ކޮންޖަހަކަލަ އެއްބަސްވުމެއްގެދަށުންދީފައިހުރިފްލެޓްތަކެއް؟!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޛަނާހު

18 July 2025

އެއްބަސްވުމުގަ އެހެން އޮވޭ. ތަންފީޒު ކުރަން ބޭނުން ނުވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިލޭ ފްލެޓްލިބޭ؟

18 July 2025

ވެމްކޯއިން އެއޮތީ ކަރަންޓްބިލުން ކެެޑޭގޮތް ހަދާފަ. އެޗްޑީސީ އަކަށް ނުކެރުނޭ މިއޮށްހުރިހާ ދުވަހުވެސް އެކަހަލަ މޮޅުއެއްޗެއް ހަދާކަށް. ތަންކޮޅެއް ކެރިގެން ކަންތައްތައްވާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބުރާހިމުބެއްޔާ

18 July 2025

އިބުރާހިމު ވެރިކަމުގެ ދަހިވެތިކަމުގަ ހިލޭބަހާލި ގޯތިތަކުން ދައުލަތަށް ލިބުނު ގެއްލުމުގެ ބަދަލު 50 ބިލިޔަން. މިފައިސާ އެންމެ ފުރަތަމ ހޯދާފަ ދެން ހިޔާ ފުލެތު މީހުންގެ ފަހަތުން އާދޭ އިނގޭ. 600 އަކަފޫޓު ހަމަނުވާ ދެކޮޓަރީގެ ހިޔާ ފުލެޓަކަށް ދައްކަންޖެހޭ ޢަދަދު މިލިޔަނަކަށްވުރެ ބޮޑުވާންވީ ކީއްވެ؟ ހިލޭ 10 މިލިޔަންރުފިޔާގެ ގޯތި ދެވޭ ދައުލަތަކަށް މިތަންތަން ހިލޭ ދެވޭނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޯތި

18 July 2025

އިބުރާހީމު މާލޭ މީހުންނަށް ގޯތި ބޭހީމަ ދައުލަތައް ގެލުން ވަނީ ހަމައެކަނި... ރާއްޖެތެރޭ މީހުންނަށް 3000 އަކަ ފޫޓު ހިލޭ ބެހީމަ ދައުލަތަށް 100% ފައިދާވާ ކަހަލަ... އަޖައިބު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފައިސަލ

18 July 2025

ފްލެޓަށް ވަތްއިރު ނޭނގޭތަ ފައިސާ ދައްކަން ޖެހޭނެކަމެއް. ތިބޭފުޅާގެ ގޯތި އޮންނާނެ ރަށުގަ. އިތުރަށް ހޯދައިގެން ތިހުރި ފްލެޓަށް ޖެހޭނީ ލާރި ދައްކަން. ކޮން ގޯއްޗެކޭ ކިޔާކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫އިއްސެ

18 July 2025

ރަށުގެ ތިބެންވީނު މިތަނުން ފުލެޓަށް އެޕްލައި ނުކޮށް. ކަލެއަށް ރަށުން ގޯތި ދިނީ ސަރުކާރަށް ފައިސާ ދައްކައިގެން ގަނެގެންތަ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލިމާ

18 July 2025

ލޯނު ނުނެގީމަ ބެންކަށް ދޯ ގެއްލުންވާނީ. މީހުން ލޯނުނަގަނީ ބޮޑެތި އިންޓަރެސްޓް ބެންކަށް ދީގެން. ލޯނު ނަގަނީ ވެސް މަޖްބޫރު ކަމެއް އައީމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަންވަތް

18 July 2025

ރަނގަޅު ނިންމުމެއް. ކޯޓަށް ވެސް މައްސަލަ ލާން ޖެހޭ. އެއްވެސް މީހަކު ގާނޫނުތަކާއި ގަވައިދު ތަކުގެ މަތީގައި އުޅެން ފުރުސަތެއް އޮވެގެން ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

18 July 2025

ޤާނޫނީގޮތުން ހަދާފައިވާ އެއްބަސް ވުމާއި އެއްގޮތަށް ފުލެޓަށް އަގު ނުދައްކާ މީހުނާއި ދެކޮޅަށް އަޅާންޖެހޭ ޤާނޫނީ އެއްވެސް ފިޔަވަޅެއް ނާޅާ މާލޭސަރުކާރުން މިދައްކަނީ ފަލަސްތީނު ނައްތާލަން ހަނޤުރާމަކުރާ އިޒްރާއީލް ސަރުކާރު އެމީހުނަށް ވާގިވެރިވާ ބާޢީ ޖަމާއަތް ތަކާއި ދެކޮޅަށް އިންޒާރުދޭކަން ދައްކަން ދައްކާ އުޅޭ ފަދަ މަކަރުވެރި ހީލަތް ތެރި ވާހަކަ ތަކެއް. ތިކަމުގެ އެއްވެސް އަސަރެއް ފުލެޓްގެ މިލްކްވެރި މާލޭމީހާ އަކަށް ނުކުރާނެކަން މާލޭ ސަރުކާރަށް އިގޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުލިނުދެއްކުން

18 July 2025

ކުލިނުދައްކާ މީހުން އެއަރައިގަންނަނީ ދެންތިބި ރައްޔިތުންގެ ހައްގަކައް. އެއީ ކުލިނުދައްކާނަމަ އެތަންތަން ހަދަންނެގި ލޯނުތައް ދައްކަންޖެހެނީ ހުރިހާ ރައްޔިތުންއަތުން ނަގާ ޓެކްސްތަކުންކަމައްވާތީ. އަދި ކުލިނުދެއްކުމަކީ ޑޮލަރުގެ އަގުއުފުލެންވެސް މެދުވެރިވާނެ ސަބަބަކައްވާތީ. ޑޮލަރުގެ އަގު އުފުލޭވަރަކައް މުދަލުގެ އަގުވެސް ބާޒާރުގަ އުފުލޭނެ އެތަކުލީފު އުފުލަންޖެހެނީ ހުރިހާ ރައްޔިތުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަލިޔަ

18 July 2025

ބަލަ ހަމަ ތި ޓެކްސް ފައިސާ ވާހަކަ އޮއްވާ ހިލޭ ބިން ދިނީ.. އެ ގެއްލުން ވެސް ހަމަ ފޫބައްދަން ޖެހެނީ ރައްޔިތުންގެ އަތުން.. ރިސޯޓު ކުލި ނުދައްކާ މަހުޖަނުންނަށް ލިބޭ އެއްވެސް އަދަބެއްވެސް ނެތް... ހަމަހަމަ ވާން ޖެހޭނެ.. ހަމަހަމަ ނުވެ ވަކި ބަޔަކަށް ވަކި ގޮތެއް ހަދަން ދޯ ބޭނުން ވަނީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަމްޕު

18 July 2025

ފަޔަރ އެލާމު ނުކުރޭ މަސައްކަތެއް. ޏެތް މެއިންޓަނަންސް ކޮށްފައެއް..ލިފްޓެއް ވެސް ނެތް.. ޓައިލްސް އަރާ.. ހާދަހާ އަގު ވެސް ބޮޑޭ ..މަގުމަތީ ނިދާށޭ ދެން ބުނާނީ. ޥެރީ ސަބްޖެކުޓިވް