ކޯޓު މަރުހަލާތަކާ ހެދި އެއް ބިލިއަން ނުލިބި އެބަހުރި: ޒަރީރު

ކޮމިޝަނާ ޖެނެރަލް އޮފް ޓެކްސޭޝަން ޒަރީރު ވާހަކަ ދައްކަވަނީ: ކޯޓު މަރުހަލާތަކާ ހެދި އެއް ބިލިއަން ރުފިޔާ ނުލިބި އެބަހުރި ކަމަށް އޭނާ ވިދާޅުވި --- މިހާރު ފޮޓޯ/ނިޝާން އަލީ

ފާތިމަތު ޝަނާ މުހައްމަދު، މިހާރު

15 ނޮވެމްބަރ 2025 - 14:28

11 comments

ކޯޓު މަރުހަލާތަކާ ހެދި ދައުލަތަށް ނުލިބި ތާށިވެފައި ހުރި ބިލިއަނެއްހާ ރުފިޔާ އެބަހުރި ކަމަށް ކޮމިޝަނާ ޖެނެރަލް އޮފް ޓެކްސޭޝަން ހަސަން ޒަރީރު މިއަދު ވިދާޅުވެއްޖެ އެވެ.

ރައްޔިތުންގެ މަޖިލީހުގެ ބަޖެޓް ދިރާސާކުރާ ކޮމިޓީގެ މިއަދު ބައްދަލުވުމުގައި ޒަރީރު ވިދާޅުވީ ޓެކްސް އެޕީލް ޓްރައިބިއުނަލް މަރުހަލާއިން ފެށިގެން ސުޕްރީމް ކޯޓާ ހަމައަށް ޓެކުހާ ގުޅޭ އެންމެ މައްސަލައެއް ނިމެން ގާތްގަނޑަކަށް 10 ވަރަކަށް އަހަރު ނަގާ ކަމަށެވެ. އެހެންވެ، އެއީ ޓެކްސް ފައިސާ ހޯދަން އޮތް ބޮޑު ގޮންޖެހުމެއް ކަމަށް އޭނާ ވިދާޅުވި އެވެ. އަދި އެ މުއްދަތުގައި ލިބެންޖެހޭ ފައިސާ ހުންނަނީ ބްލޮކްވެފައިވާ ކަމަށް ޒަރީރު ވިދާޅުވި އެވެ.

އޭނާ ވިދާޅުވީ މިހާރު ވެސް ޓެކްސްގެ 200އެއްހާ މައްސަލަ މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ގެންގުޅޭއިރު، އެ މަސައްކަތް ކުރަނީ ފަސް ވަރަކަށް ވަކީލުން ކަމަށެވެ. އަދި ކުރިން މައްސަލަތަކުގައި ކޯޓުތަކަށް އެކްސްޕާޓުންނަށް ދެވުނަސް، މިހާރު އެ ފުރުސަތު ނެތް ކަމަށް އޭނާ ވިދާޅުވި އެވެ.

"ރަނގަޅު ލޯޔަރުން ރީޓެއިން ކުރެވޭކަށް ނޯވޭ. އެއީ މީރާގައި މަސައްކަތް ކުރަންޏާ އެހެން އެއްވެސް ލީގަލް މަސައްކަތެއް ނުކުރެވޭ. ޓްރައިބިއުނަލް ލެވެލްގައި ދުނިޔޭގެ އެހެން ގައުމުތަކުގައި، އީޔޫގައި ވެސް ޓެކްސްގެ ކޭސްއެއް ހޭންޑްލް ނުކުރެވޭނެ ޓެކްސޭޝަންއިން މާސްޓާސް ހަދާފައި ނެތިއްޔާ،" އޭނާ ވިދާޅުވި އެވެ.

ބަޖެޓް ކޮމިޓީގައި ޒަރީރު ވާހަކަ ދައްކަވަނީ --- މިހާރު ފޮޓޯ/ނިޝާން އަލީ

ޒަރީރު ވިދާޅުވީ އެހެން ގައުމުތަކުގައި ޓެކްސްގެ މައްސަލަތައް ބަލާ ފަނޑިޔާރުންނަކީ ޓެކްސް ލޯއިން ވަކި ހާއްސަ ކޮލިފިކޭޝަނެއް އޮތުން ލާޒިމްވާ ބަޔަކަށް ވިޔަސް، ރާއްޖޭގައި އެފަދަ އުސޫލެއް ނެތުމުން ހުކުމް ކުރުމުގައި ބައެއް ގޯސްތައް ހަދާތަން ފެންނަ ކަމަށެވެ.

"ޓެކްސްގެ ދެލިގަނޑަށް ބަލައިގެން ހުކުމްތައް އަންނާތީ، މީރާގެ މުޅި ޕްރޮސެސް ދަނީ. ޓެކްސްއަކީ ވެސް ވަކި ޕްރޮފެޝަނެއް. ފަނޑިޔާރުން ވެސް އަދި ޓްރައިބިއުނަލްގައި މައްސަލަތައް ހޭންޑްލްކުރާ ފަރާތްތަކަށް ވެސް އެބަޖެހޭ ޓެކްސް އެނގެން މައްސަލަ ނިންމާއިރު،" އޭނާ ވިދާޅުވި އެވެ.

ދައުލަތަށް ވަންނަ އާމްދަނީގެ 85 ޕަސެންޓް ބަލައިގަންނަނީ މީރާއިންނެވެ. މިދިޔަ ސެޕްޓެމްބަރު މަހުގެ ނިޔަލަށް މީރާއަށް ނުލިބި 13 ބިލިއަން ރުފިޔާ ހުރިއިރު، އޭގެ ތެރެއިން އެންމެ ބޮޑު އަދަދެއް ނުލިބި ހުރީ ރިސޯޓް ކުލީގެ ގޮތުގަ އެވެ. އެއީ ފަސް ބިލިއަން ރުފިޔާ އެވެ.

ދައުލަތުގެ ބަޖެޓް މީރާ ބަޖެޓް ދިރާސާކުރާ ކޮމިޓީ ދައުލަތުގެ ބަޖެޓު 2026 ދައުލަތުގެ އާމްދަނީ ކޯޓް ޖުޑީޝަރީ ހަސަން ޒަރީރު (ޓެކްސް ކޮމިޝަނަރު)

11 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަދާލަތު

16 November 2025

ކޯޓްތަކުގެވާހަކަ ރަނގަޅީ ނުދެއްކިއްޔާ. ޚާއްޞަކޮށް ސިވިލްކޯޓް. މަކަރާޙީލަތުން އެގްރީމެންޓްހަދައި، ދިރިއުޅުނު ޢިމާތަޅައި ހުސްބިމަކަށްހެދުމަށްފަހު ކުލިވެސްނުދީ އެތައްމަހެއްނިމުމަށްފަހު މި އަންގަނީ ތަން ދޫކޮށްލަނީކަމަށް. އެއިރު ޢުމުރުން ދުވަސްވެފައިވާމީހުންތިބީ މަގުމަތިވެފައި. ސިވިލްކޯޓަށް މައްސަލަ ހުށަހެޅުމުން މަސްދުވަހަށްވުރެ ގިނަދުވަސްވާއިރުވެސް މައްސަލަ ރަޖިސްޓަރީވެސްކޮށްނުދޭ. ކޮންޓެކްޓަރބުނަނީ އެއްކަމެއްވެސްނުކުރެވޭނޭ. މިއޮތީޢަދުލުވެރިނިޒާމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބޫ

15 November 2025

އަޑުއެހުންތައް ނިންމާ 1 އަހަރުވާއިރުވެސް ހުކުމްނީއްވާ.... މިފަދަ ކަންކަން އެއްވެސް އިދާރާއަކުން ނުބަލާ ... ބުނާނެ ކޯޓުތަކާ ބެހެނީއޭ ... މިނިވަން ވުމަކީ މައްސަލަތައް ދިގުދަންމާލަން އޮތް މިނިވަންކަމެއްބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކީކޭ ބުނާނީ

15 November 2025

ދެން ބުނާނޭ ކޯޓު ފުރާޅުގެ ޓިނު ނެތިގެންނޭ ޝަރީއަތް ލަސް ވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިނބިރާ

15 November 2025

ކޮރަޕްޝަނުގެ ސަބަބުން ދައްލަތައް ގެއްލޭވަރު ހާމަ ނުކުރީ ކީއްވެ، އެކަން ނޯމަލައިޒް ވީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަތަރެސްކަން

15 November 2025

ރައީސަކު އެބަހުރި މިގައުމުގެ ރައުސުލްމާލުގެ އެއްބިލިއަން ކާލި މީހަކު އޭނާގެ ކުށުގެ ވަން ޕަސަންޓް ހަމަނުވަނީސް ޖަލުން މިނިވަން ކޮށްފައި މިއާމެދު ބުނަނީ ކީކޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމާއްތަ

15 November 2025

އެއްމެ މޮޅުގޮތަކީ އަލުން 0 އިން ފެށުން. ޓެކުސް ނުދައްކާ ހުރި ވިޔަފާރިވެރިންނާއި ވާހަކަ ދައްކައިގެން މިއަހަރު ނުވަތަ މިއައްނައަހަރު ދައްކަން ޖެހޭ އަދަދުން އެއްމެ ގިަނއިން ދެވޭނެވަރު ކަޑައަޅާ ދެން ނުދެއްކި ހުރި އަދަދު މައާފްކޮއްދީ ހަދާނީ. މިހެން ހަދަމުން ގޮސް ފައިސާ ނުދައްކާ އެއްމެން ބަނދުކޮއްގެން ދެއްކޭނެ އަދަދު ކަޑައަޅަންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަމެންދޯ

15 November 2025

އެއް ބިލިއަން ރުފިޔާ މީރާ އަށް ނުލިބި އޮތްއިރު ކޮބާތޭ އޭޖީ އޭނާ ކިއެއްތޭ ކުރަނީ މިފައިސާ ހޯދާދޭން މީގަިއ ގިނައީ ރޭގައި ޕީއެންސީ އަށް ސޮއިކުރި ބޮޑުންނޭ އެގޮތުން ޖާބިރު އަކީ މީރާ އަށް ވަރަށް ގިނަ އަދަދަށް ފައިސާ ދޭން ޖެހޭ މީހެކޭ އެކަމަކު އޭނާ ފައިސާ ނުދައްކާ ހުރެފައި ދުވެފައި ގޮސް ޕީއެންސީ އަށް ސޮއިކުރީއޭ ދެން އޭނާ ފައިސާ ނުދެއްކި ނަމަވެސް މުއިއްޒު އެކަމާއި އަޅާ ނުލާނެއޭ އެކަމަކު އޭނާ ކޯޓަށް އަތް ނުބާނާދޯ މުޅިން ވެސް އޮޅުވާލުމާއި މަކަރާއި ހީލަތޭ