ޚަބަރު / ރައީސް އިބްރާހިމް މުހައްމަދު ސޯލިހް

ކޮރޯނާވައިރަހަކީ ރާއްޖޭގެ އިގުތިސޯދަށް އޮތް ބޮޑު ގޮންޖެހުމެއް: ރައީސް

މި އަހަރުގެ ރިޔާސީ ބަޔާން އިއްވެވުމަށް ރައީސް އިބްރާހިމް މުހައްމަދު ސޯލިހު ރައްޔިތުންގެ މަޖިލީހުގެ އިދާރާ އަށް މިއަދު ވަޑައިގަންނަވަނީ.---ފޮޓޯ: ރައްޔިތުންގެ މަޖިލިސް

އަހުމަދު ހަމްދޫން، މިހާރު

03 ފެބުރުއަރީ 2020 - 09:34

14 comments

ޗައިނާ އިން ފެތުރެން ފެށި ކޮރޯނާވައިރަހުގެ ނުރައްކާ ރާއްޖެ އަށް އެބައޮތް ކަމަށާއި އަދި އެއީ ރާއްޖޭގެ އިގުތިސޯދަށް ވެސް އޮތް ބޮޑު ގޮންޖެހުމެއް ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.

ރައްޔިތުންގެ މަޖިލީހުގެ މި އަހަރުގެ ފުރަތަމަ ޖަލްސާ އަށް ރިޔާސީ ބަޔާން އިއްވަވަމުން ރައީސް ވިދާޅުވީ، އެ ރޯގާގައި މިހާތަނަށް 300 އަށް ވުރެ ގިނަ މީހުން މަރުވެފައިވާއިރު، އެއީ އިގްތިސޯދީ ގޮތުން ވެސް ރާއްޖެ އަށް ކުރިމަތިވެފައިވާ ވަރަށް ބޮޑު ގޮންޖެހުމެއް ކަމަށެވެ. އެކަން އެނގި ތިބެ ވެސް، ބައިނަލްއަގްވާމީ ގޮތުން ކުރެވޭ ބައެއް ދަތުރުތައް މެދުކަނޑައިލީ އެމަނިކުފާނު ވިދާޅުވި ގޮތުގައި، ސަރުކާރުގެ އެންމެ އިސް ސިޔާސަތަކީ ރައްޔިތުންގެ ސިއްހީ ރައްކާތެރިކަން ކަށަވަރު ކުރުން ކަމަށް ވާތީ އެވެ.

"އަދި މި ނުރައްކާތެރި ވަބާއިން ރައްކާތެރިވުމަށްޓަކައި އަޅަންޖެހޭ ހުރިހާ ފިޔަވަޅުތަކެއް ސަރުކާރުން މި އަންނަނީ އަޅަމުން،" މުޅި ދުނިޔެ އަށް ކުރިމަތިވެފައިވާ މި ރޯގާއާ ގުޅޭ ގޮތުން ރައީސް އިބްރާހިމް މުހައްމަދު ސޯލިހު ވިދާޅުވި އެވެ.

ކޮރޯނާވައިރަސް އިން ރައްކާތެރިވުމުގެ ގޮތުން އަޅާ ފިޔަވަޅެއްގެ ގޮތުން، ޗައިނާ އިން އަންނަ އެއްވެސް މީހަކު މިއަދުން ފެށިގެން ރާއްޖެ އެތެރެވުން ސަރުކާރުން މިހާރު ވަނީ މަނާކޮށްފަ އެވެ. އަދި ރާއްޖެ-ޗައިނާގެ ސީދާ ފްލައިޓްތައް ވެސް މިދިޔަ ހަފުތާގައި ވަނީ ހުއްޓާލައިފަ އެވެ.

ރައީސް އިބްރާހިމް މުހައްމަދު ސޯލިހުގެ ދެވަނަ ރިޔާސީ ބަޔާނުގައި ވިދާޅުވީ، ކޮރޯނާވައިރަހުގެ ސަބަބުން ރާއްޖޭގެ ޓޫރިޒަމަށް ވެސް ވަނީ ވަރަށް ބޮޑަށް ހިޔަނި އެޅިފައި ކަމަށެވެ. އެގޮތުން، އެ ރޯގާ އާންމުވި ދުވަހުން ފެށިގެން އިއްޔެގެ ނިޔަލަށް 13،287 ބުކިން ކެންސަލް ވެފައިވާ ކަމަށް އެމަނިކުފާނު ވިދާޅުވި އެވެ.

"މިކަމުން ލިބޭ ގެއްލުން ފޫބެއްދުމަށްޓަކައި، ފަތުރުވެރިކަން އިޝްތިހާރު ކުރުމަށް، މި އަހަރުގެ ތެރޭގައި ވަރަށް ގިނަ މަސައްކަތްތަކެއް ކުރަންޖެހޭނެ ކަމަށް އަޅުގަނޑު ދެކެން،" ރާއްޖެ އިޝްތިހާރު ކުރުމަށް މިދިޔަ އަހަރު ވެސް ގިނަ ހަރަކާތްތަކެއް ހިންގިކަން ފާހަގަ ކުރައްވަމުން ރައީސް ވިދާޅުވި އެވެ.

ކޮރޯނާވައިރަހާ ގުޅިގެން، މިނިސްޓްރީތަކާއި ކުންފުނިތަކުގެ ޚަރަދު ކުޑަކުރަން ފިނޭންސް މިނިސްޓްރީން މިހާރު ވަނީ އަންގައިފަ އެވެ. އެކަމަކު، އޭގެ ތަފްސީލެއް އަދިއެއް ނުލިބެ އެވެ.

ރައީސް އިބްރާހިމް މުހައްމަދު ސޯލިހުގެ ދެވަނަ ރިޔާސީ ބަޔާނުގައި ވިދާޅުވީ، ކޮރޯނާވައިރަހުގެ ސަބަބުން ރާއްޖޭގެ ޓޫރިޒަމަށް ވެސް ވަނީ ވަރަށް ބޮޑަށް ހިޔަނި އެޅިފައި ކަމަށެވެ. އެގޮތުން، އެ ރޯގާ އާންމުވި ދުވަހުން ފެށިގެން މިހާތަނަށް 13،287 ބުކިން ކެންސަލް ވެފައިވާ ކަމަށް އެމަނިކުފާނު ވިދާޅުވި އެވެ.

ރާއްޖެ އިން މިހާތަނަށް ކޮރޯނާވައިރަހަށް ޝައްކު ކުރެވުނީ އެންމެ މީހެކެވެ. ޗައިނާ އަށް ދަތުރުކުރި، އުމުރުން 20 އަހަރުގެ އެ ދިވެހި ފިރިހެން މީހާ މިދިޔަ ބުރާސްފަތި ދުވަހުގެ ރެ އިން ފެށިގެން އެކަހެރި ކޮށްގެން، ފަރުވާ ދެމުން އަންނައިރު އޭނާގެ ޓެސްޓުގެ ނަތީޖާ ނެގެޓިވް ވެފައިވާ ކަމަށް ރައީސް އިބްރާހިމް މުހައްމަދު ސޯލިހުގެ ރިޔާސީ ބަޔާންގައި މިއަދު އިއުލާން ކުރެއްވި އެވެ. އެ ޒުވާނާއާ އެކު، އިތުރަށް ބަލަން ބޭނުންވި ބައެއް މީހުންގެ ޓެސްޓުތައް ވެސް ނެގެޓިވް ކަމަށް ރައީސް އިއުލާން ކުރެއްވި އެވެ.

މުޅިން އަލަށް ފެނުނު ކޮރޯނާވައިރަހުގެ ޓެސްޓު ރާއްޖެ އިން ހެދެން ނެތުމުން އެކަން ކުރީ އިންޑިއާގެ ޕޫނޭ އަށް ސާމްޕަލް ފޮނުވައިގެންނެވެ.

އިގްތިސާދު ރައްޔިތުންގެ މަޖިލިސް ރާއްޖޭގެ އިގްތިސާދު ރައީސް އިބްރާހިމް މުހައްމަދު ސޯލިހް ބަލިތައް ރިޔާސީ ބަޔާން ޓޫރިޒަމް ޓޫރިސްޓުން

14 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ާއުނިމާ

04 February 2020

މިސަރުކާރަކީ މިގައުމުގެ މުސްތަޤުބަލަށް އޮތް ވަރަށް ބޮޑު ގޮންޖެހުމެއް، ބޮޑު ބަދުނަސީބެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

03 February 2020

މިގައުމުގެ އިގްތިސާދީ ވައިރަހަކީ ސިޔާސީ މީހުން. މައުމޫން ދައުރުގަ އެފްޕީއައިޑީ، ގައުމީ އެއަރލައިން، ޝިޕިންގް ކުންފުނި ވަގަށްނެގީ، ނަޝީދު ދަތުރުފަތުރޭ ކިޔައިގެން ކަރުދާސް ކުންފުނިތަކަަކަށް ރަށްތައް ދީ ހުސްކުރީ، ޔާމީން އެމްއެމްޕީއާރުސީގެ ޚިޔާނާތް، އިބޫ ޕާޓީ ކުދިންނަށް ބަދަލުދެނީ، ނަންވާނީ ކޮރޯނާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮހޮދަބެއްޔާ

03 February 2020

ސާސް ވައިރަސް ފެތުރުނު އިރު ދިނިޔެ އަށް މާ ނުރައްކާވި. މަރވާމީހުންގެ ރޭޓް ސާސް ވައިަރހުގަ 10 އިން ސައްތަ ހުރި އިރު މި ކޮރޯނާ ވައިރަސްގަ މަރުވާ ރޭޓަކީ 4. އޭރުގެ ސަރުކާރު ގާބިލްވީމަ އިގްތިސާދަކަށް މާބޮޑު ލޮޅުމެއް ނުގެނަސް އެ އަޑިގަޑު ހުރަސްކުރީ. މިއަދު ތިބި ނާގާބިލު ވެރިންގެ ސަބަބުން މިދަނީ ގޯހުނަ ގޯހަށް. އެންމެ ފަހުން ކޮރޯވާ ވައިރަސް ރާއްޖެ ޓުއަރިސްޓެއް ގެ ގޮތުގަ އަންނާތީ މިއަދު އެކަންތައް ބަލަހައްޓަން ޓްއަރިޒް މިނިސްޓަރާއި ހަވާލު ކޮށްފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެލިމާރީ

03 February 2020

މަނިކުފާނުގެ ހެލިކޮޕްޓަރ ގެންގުޅުމުގެ ގާބިލުކަން ނެތްކަމަށް އެއްބަސްވާ ސަރުކާރަކީ، ސޯޝަލް މީޑިއާގައި އެކްޓިވިސްޓުން ލިޔާ ސްޓޭޓަސްތަކަށް ބަލައިގެން އެކްސްޕާރޓް ރޯނުއެދުރު އޮޕީނިއަން އަށް ރިއެކްޓު ކުރާ ސަރުކާރެއް! މިފަދަ ސަރުކާރެއް އޮތުމަކީ އިގްތިސާދަށް އޮތް ވަރަށް ބޮޑު ގޮންޖެހުމެއް އަދި ގައުމުގެ މުސްތަގްބަލަށް އޮތް ނުރައްކަލެއް ރޯނު އެދުރުވިއުސް އަށް ބަލައިގެން ބައްޔެއް އުޅޭ އެެއްވެސް ގައުމަކުން ގައުމުތަކުން ރާއްޖެއެތެރެ ނުވެވޭގޮތަށް ހަދައިފި!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕެޓްރައިސް

03 February 2020

ޕެނިކްވެގެން ގޮސް ގައުމުތަކަށް ރާއްޖޭގެ ދޮރު ބަންދުކުރީމަ ވާނީ ތިހެން! އޭގެ ބަދަލުގައި ހަރުދަނާ ކުރަންޖެހެނީ ބަލި ބައްޔަށް ސްކްރީން ކުރެވޭނެ ނިޒާމާއި އެންމެ ރަނގަޅު ފަރުވާ ދެވޭނެ ނިޒާމް އަދި ރައްޔިތުން ހޭލުންތެރިކަށް ބަލިތަކުން ރައްކާތެރިވުމަށް އާދަކާދައަށާއި ވައްޓަފާޅިއަށް ގެންނަންޖެހޭ ބަދަލުތައް ގެނައުމަށް ހިތްވަރު ދޭންވީ! ޓޫރިޒަމަށް ބަރޯސާވާ ގައުމަކުން ބައްޔެއް ފެތުރޭ އެއްވެސް ގައުމަކުން މީހުންނަށް ނާދެވޭނެ ގޮތް ހެދުމަކީ ހައްލެއް ނޫން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެލިކޮޕްޓަރެއް ނުގެންގުޅެވޭ

03 February 2020

ދުނިޔޭގެ ކަންކޮޅުގައި ކްރޯނާ ވައިރަސް ފެތުރެމުންދާ ކަރިސާއާއި ގުޅިގެން ސަރުކާރަކުން ކުރަންޖެހޭ އެންމެ މުހިއްމު މަސައްކަތަކީ، އެ ވައިރަސް ހުރިތޯ ނުވަތަ ނެއްތޯ ޔަގީންކުރެވޭނެ ވަސީލަތްތައް ގާއިމްކުރުން. އަދި އެބަލި ސްކްރީންކޮށް ފަރުވާދެވޭނެ ނިޒާމެއް ގާއިމްކޮށް ހަރުދަނާކުރުން. މިތުރާ ގެ ގައުމަށް ޓެސްޓް ހަދަން ފޮނުވައިގެން ނަތީޖާއަށް މިތުރުންނަށް ބަރޯސާވެ ތިބުމަކީ 21 ގަރުނުގައި ކުރަން ލަދުގަަންނަން ޖެހޭނެ ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިމާރު

03 February 2020

ނުވާނެ އެހެނެއް، ޗައިނާމީހުން ނާންނަންޏާ އިންޑިއާމީހުން އެތަން ފޫބައްދާނެއެއްނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދުރާލާ

03 February 2020

ދުނިޔޭގެ އިގްތިސާދަށް ކޮންމެ ފަދަ ހީނަރުކަމެއް ކޮންމެ ވަގުތަކުވެސް އައިސްދާނެ. އެކަހަލަ ކަންކަމަށް ދުރާލާ ތައްޔާރުވެ ތިބެން އެނގޭ ވެރިން ގައުމަށް ހޮވަންވާނީ. އެކަމު ފެންނަ މަންޒަރަކީ އަހަރަކަށް ކަނޑައެޅި ބަޖެޓް އަހަރު ނިމުމުގެ 3 މަސް ކުރިން ހުސްވިތަން. އެއެއް މިއެއް ނުބަލާ ސަރުކާރު އެންމެން އަގުބޮޑު ދަތުރުކުރިތަން. ސަރުކާރުގެ މަތިބަރު ކުރިކުރީނުން ވެއްޓެން ކައިރިވެފައި އޮތްތަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޮކްތެރަޕީ

03 February 2020

ރައިސް ޔާމިންގެ ވެރިކަމުގަ ޓުއަރިސްޓުން ނައުމަ ގޮވިހަދާން ވޭތޯ؟ އިގުތިސޯދު ހަލާކޮއްލަން ކުރި މަސައްކައް ހަދާން ވޭތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮންދު

03 February 2020

ޗޯޅޯ ޔާމީން. ޔާމީން އިޒް ނޯމޯ. ހީ އިޒް ނައު އޯމޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާނިމް

04 February 2020

ޔާމީން އިސް ގްރޭޓް، ޔާމީން ބިލްބީ ބެކް އިންސާ ﷲ. ވީ ޕްރޭ ... މާތްﷲ މި ނުބައި މަކަރުވެރި ވެރިކަމުން އަހަރުމެން ސަލާމަތް ކުރައްވާށި، އެމީހުންގެ ނުބައި އަމަލުތަކުން ނިކަމެތި ރައްޔިތުން ރައްކާތެރިކުރައްވާށި