"ދަ ކަޕިލް ޝަރުމާ ޝޯ" އިން ނަވްޖޯތު ސިންގް ސިދޫ ބޭރުކޮށްލައިފި

ސިދޫ "ދަ ކަޕިލް ޝަރުމާ ޝޯ" ގެ އެޕިސޯޑެއްގައި.

އަހުމަދު އަދްޝަން، މިހާރު

18 ފެބުރުއަރީ 2019 - 07:33

ބުރާސްފަތި ދުވަހު ކަޝްމީރުގެ ޕުލްވާމާގައި ޕާކިސްތާނުގެ ހަނގުރާމަވެރިން ދިން ހަމަލާގައި އިންޑިއާގެ 40 އަށް ވުރެ ގިނަ ސިފައިންގެ އޮފިސަރުން މަރައިލި ހާދިސާއާ ބެހޭ ގޮތުން، ސޮނީގެ "ދަ ކަޕިލް ޝަރުމާ ޝޯ" ގައި ބައިވެރިވާ ނަވްޖޯތު ސިންގް ސިދޫ މީޑިއާތަކުގައި ދެއްކި ވާހަކަތަކާ ގުޅިގެން އޭނާ އެ ޝޯއިން ވަކިކޮށްފައިވާ ކަމަށް ރިޕޯޓްތައް ބުނެފި އެވެ.

ވަކިވަކި ފަރުދުންތަކެއްގެ ފަރާތުން ކުރިމަތިވާ ކަންކަމާ ގުޅިގެން މުޅި ގައުމަށް އަދަބު ދިނުމަކީ އިންސާފެއް ނޫން ކަމަށް ބުނެ ސިދޫ ޕާކިސްތާން "ދިފާއު ކުރާ" މޭރުމަކުން ވާހަކަ ދެއްކުމުން ވަރަށް ގިނަ ބަޔަކު ރުޅިގަދަވެ، އޭނާ ޝޯ އިން ވަކިކޮށް، ކަޕިލްގެ ޝޯ ވެސް ބޮއިކޮޮޓްކުރަން ގޮވާލައިފައިވެ އެވެ.

ގިނަ ބަޔަކު ބުނެފައިވާ ގޮތުގައި ސިިދޫ ހިމަނައިގެން ކަޕިލްގެ ޝޯ ކުރިއަށް ގެންދާ ނަމަ އޭނާއާ ދެކޮޅަށް އެ މީހުން ނުކުންނާނެ އެވެ.

We must discontinue watching #TheKapilSharmaShow because of #Sidhu. I am going to discontinue watching this Show.. You introspect yourself and do the same until the #sidhubhagao. Today our nation is demanding #KapilSharma...please do without #NavjotSinghSidhu, praising #pakistan
— Pawan (@etpawan1) February 16, 2019

"ދަ ކަޕިލް ޝަރުމާ ޝޯ" ގައި "ތަހުތަކަށް ވެޑުވިގެން ހިނިގަނޑު ޖަހަން" އިންނަ އަދި އިދިކޮޅު ކޮންގްރެސް ޕާޓީގެ މެމްބަރު ސިދޫއަކީ ޕަންޖާބްގެ ލޯކަލް ސަރުކާރުގެ ޓުއަރިޒަމް، ކަލްޗަރަލް އެފެއާޒް އެންޑް މިއުޒިއަމް މިނިސްޓަރު ވެސް މެ އެވެ. ބައެއް މީހުން ވަނީ ކުރީގެ މަޝްހޫރު ކްރިކެޓް ތަރި މިނިސްޓަރުގެ މަގާމުން ވެސް ވަކިކުރަން ގޮވާލައިފަ އެވެ.

Kindly remove that pakistani dog #sidhu from your cabinet as earliest possible. It will be great honour sir.
— Soubhagya Swain (@soubhagyaodisha) February 15, 2019

"ދަ ކަޕިލް ޝަރުމާ ޝޯ" އިން ސިދޫ ވަކިކޮށްފައިވާ ކަމަށް ބުނާ އިރު، މި ހަފުތާގެ ދެ އެޕިސޯޑުން އޭނާ ފެނިފައިވެ އެވެ.

Dear #SonyTV, I promise if you don't kick out #Sidhu I will not just unsubscribe your channel but will ask my friends and family to do so. We don't want anti nationals and anit-national channels promoted. Loud and clear. #unsubscribeSonyTv
— dewendra kumar (@dewendrakumar5) February 17, 2019

ދި އިންޑިއަން އެކްސްޕްރެސް އިން ބުނި ގޮތުގައި ޝޯ އިން ސިދޫ ވަކިކޮށް، އޭނާ ހޫނު ކުރަމުން ދިޔަ ގޮނޑި އަށް މިހާރު ނަގާފައި ވަނީ ސޮނީން ސީޒަންތަކަކަށް ގެނެސްދޭ "ކޮމެޑީ ސާކަސް" ގެ ޖަޖުންގެ ތެރޭގައި ހިމެނޭ ބަތަލާ އަރްޗަނާ ޕްރާން ސިންގެވެ. އަދި އޭނާއާ އެކު "ދަ ކަޕިލް ޝަރުމާ ޝޯ" ގެ ކުރިއަށް ހުރި އެޕިސޯޑްތަކެއް ޝޫޓް ވެސް ކޮށްފައިވާ ކަމަށް މީޑިއާތަކުން ބުންޏެވެ.