މުނިފޫހިފިލުވުން / ސޮނީ އެންޓަޓެއިމަންޓް ނެޓްވޯކް

ރާއްޖޭން އަހަރަކު ތިން ހަތަރު ދަތުރު ހިލޭ ލިބޭ: އަދިތިޔާ

އަދިތިޔާ ރާއްޖޭގައި ނަގާފައިވާ ފޮޓޯއެއް.

އަހުމަދު އަދްޝަން، މިހާރު

06 ޑިސެމްބަރ 2020 - 07:39

މި މަހުގެ އެކެއްގައި ކައިވެނިކޮށްފައިވާތީ ހަނީމޫނަށް ދިވެހިރާއްޖެ އަށް ދާން ޕްލޭންކޮށްފައި ނެތްތޯ ސުވާލުކުރުން، ރާއްޖޭން އަހަރަކު ތިން ހަތަރު ދަތުރު ހިލޭ ލިބޭ ކަމަށް ލަވަކިޔުންތެރިޔާ އަދިތިޔާ ނާރަޔަން ބުނެފި އެވެ.

ސޮނީ ޓީވީން މިހާރު ގެނެސްދޭން ފަށާފައިވާ "އިންޑިއަން އައިޑޮލް" ސީޒަން 12 ގެ ހޯސްޓާ ރާއްޖެއާ ބެހޭ ގޮތުން ބޮލީވުޑް ހަންގާމާ އިން ސުވާލުކުރުމުން ބުނީ ހަނީމޫނަށް މި ވަގުތު އިންޑިއާ އިން ބޭރަށް ދެވެން ނެތް ކަމަށެވެ. އެއީ އައިޑޮލްގެ ޝޫޓިންތަކާ ހެދި އެވެ.

އެހެންވެ ހަނީމޫންގެ ފުރަތަމަ ދުވަސްތައް އަންހެނުން ޝްވޭތާ އަގަރްވާލާ އެކު ހޭދަކުރާނީ އިންޑިއާގެ ޝިއްލިމް އާއި ސުލާ ވައިން ޔާޑްގެ އިތުރުން ގުލްމަރްގްގައި ކަމަށް އަދިތިޔާ ބުންޏެވެ.

"ރާއްޖެ އަށް މި ވަގުތު ހަނީމޫނަށް ދެވެން ނެތަސް އެތަނުން އަހަންނަށް އަހަރަކު ތިން ހަތަރު ޗުއްޓީ ދަތުރު ލިބޭ. އަހަންނަކީ ރާއްޖޭގެ ނުރަސްމީ [ޓޫރިޒަމް] އެމްބެސެޑަރު،" އޭނާ ބުންޏެވެ.

View this post on Instagram

A post shared by Aditya Narayan (@adityanarayanofficial)

މަޝްހޫރު ލަވަކިތުންތެރިޔާ އުދިތު ނާރަޔަންގެ ދަރިފުޅު އަދިތިޔާގެ ދެ ވީޑިއޯ ލަވައެއް ވެސް ރާއްޖޭގައި ޝޫޓްކޮށްފައިވާ އިރު، މިދިޔަ އަހަރުގެ ބޮޑު އީދުގައި އޭނާ ވަނީ ފުވައްމުލަކުގައި ޝޯ ވެސް ދީފަ އެވެ.

އަދިތިޔާ ކައިވެނިކުރި ޝްވޭތާ އަކީ އެ ދެ މީހުން އެކީގައި 2010 ގައި ކުޅުނު ފިލްމު "ޝާޕިތު" ގެ ބަތަލާ އެވެ. ލަވަކިޔުންތެރިއެއްގެ ގޮތުގައި އަދި މާ ބޮޑު މަޝްހޫރުކަމެއް އަދިތިޔާ އަށް ލިބިފައި ނުވާ އިރު، އަލަތު ފިލްމުގެ ފަހުން އޭނާ އަށް ކުޅޭނެ ފިލްމެއް ވެސް ނުލިބެ އެވެ.

View this post on Instagram

A post shared by Aditya Narayan (@adityanarayanofficial)

އަދިތިޔާ، 33، ބޮޑަށް ފެންނަނީ ޓީވީ ހޯސްޓެއްގެ ގޮތުގަ އެވެ. އޭނާ ހޯސްޓްކޮށްފައިވާ ޝޯތަކުގެ ތެރޭގައި "އިންޑިއަން އައިޑޮލްގެ އިތުރުން ޒީ ޓީވީގެ "ސާރެގަމާޕާ" އާއި ކަލާޒްގެ "ރައިޒިން ސްޓާ" ފަދަ ޝޯތައް ހިމެނެ އެވެ.

މިހާރަކަށް އައިސް އިންޑިއާގެ ވަރަށް ގިނަ ތަރިން ރާއްޖެ އަށް ޗުއްޓީ އަށް އަންނާތީ އެ ގައުމުގެ ބައެއް މީޑިއާތަކުން ބުނެފައި ވަނީ އެހާ ގިނަ އަދަދެއްގެ ތަރިން ރާއްޖެ ދަނީ ހިލޭ ދަތުރާއި ދަތުރުގެ ހަރަދު ބޮޑު ބައެއް ރާއްޖޭގެ ރިސޯޓްތަކުން އުނިކޮށްދޭތީ ކަމަށެވެ. އަދި އެގޮތަށް ހަމަޖައްސައި ދެނީ ރާއްޖޭގެ ޓޫރިޒަމް އިޝްތިހާރުކޮށްދޭ މަތިން ކަމަށް ވެސް ބުނެ އެވެ.

ދިވެހިރާއްޖެ ބޮލީވުޑް އިންޑިއާ ޗުއްޓީ ދުވަސްވަރު ޓޫރިސްޓުން ޓޫރިޒަމް ސޮނީ އެންޓަޓެއިމަންޓް ނެޓްވޯކް

8 ކޮމެންޓް, 44 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙަސަން އަޙްމަދު

06 December 2020

އިންޑިއާގެ މީޑިއާ އަކީ ބައެއް ފަހަރު ރާއްޖެއަށް ވަރަށް ނެގެޓިވްކޮށް ޕްރޮޕަގެންޑާ ފަތުރާ ބައެއް. އިންޑިއާ ސެލެބްރިޓީން ރާއްޖެ އަންނަންފެށީ ހޮލީވުޑް ސެލެބްރިޓީންނާ ޔޫރަޕްގެ މަޝްހޫރު ކުޅުންތެރިންނާ އަރަބި ޕްރިންސުންގެ އިތުރުން ދުނިޔޭގެ ބޮޑެތި ބިލިޔަނަރުންގެ މާ މަގުބޫލުތަނެއް ގޮތުގައި ދުނިޔެއަށް މަޝްހޫރުވީމާ ތިމާމެންނަކީ ވެސް އެފަދަ މީހުންކަމަށް ހެދި ކަންދެއްކުމަށް. މީގެ ކުރިން އިންޓަވިއުތަކުގައި އެމީހުން ސްވިޒަލޭންޑަށް ދާ ވާހަކަ ފޮނިކެނޑުން އޮންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަޓޭ

06 December 2020

ކޮބާތަ މައްސަލައަކީ.. އިސްތިހާރު ކުރުމަކީ މިކަހަލަ ކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުންއަސަރު

06 December 2020

ރާއްޖޭގެ ޓުރިޒަމް އިޝްތިހާރުކުރުން ކަމުގާހަދާ ދެއުޅިއެއްނުވާމީހުން ގެނައުމުގެ މާބޮޑު ބޭނުމެއް އޮތްކަމަކަށް ނުފެނޭ. އެކަމަކުވެސް ވިސްނާލަން ޖެހޭނެ ހަގީގަތަކީ ކަމެއްކުރިޔަސް ނުކުރިޔަސް އެބަޔަކު ގެންނަންބޭނުންވާ ބަޔަކު ގެންނާނެކަމާ، މަމެންފެންވަރުގެ މީހުންށް ތިފާޑުގެ ދޮރުތައް ބަންދުވއެފާވާކަން.!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅަބޭ

06 December 2020

ރާއްޖެއައް ލައްކަލައްކައިން ޓޫރިސްޓުން އައީމަ ދިވެހިނައް ހީވެފައޮންނަނީ އެހުރިހާ ލާރިޔެއް ވައްނާނީ ދިވެހިރާއްޖެއަށޭ. ހަގީގަތަކީ، އެހުރިހާ ލާރިޔަކުން ރާއްޖެ ވަންނާނީ %30 ހާކައްވަރު. އެއީ ރިސޯޓުތަކުގެ ބިމު ކުއްޔާއި ތަފާތު ޓެކްސްތައް. ބާކީ %70 ދާނީ ބޭރުގެ އިންވެސްޓަރުންނާއި ބޭރުގެ ސަޕްލަޔަރުންގެ ޖީބަށާއި، ރާއްޖޭގަ މަސައްކަތް ކުރާ ގިނަ އަދަދެއްގެ ބިދޭސީ މުއަޒަފުންނައް. އެހުރިހާ ލާރިއެއްވެސް އެމީހުން ފޮނުވާނީ އެމީހުންގެ އަމިއްލަ ގައުމައް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަށަފަރު މީހާ

06 December 2020

މި ދޯ މި ވެރިން މާ ގިނައިން މި އަންނަ ކަމަކީ ހިލޭ ލިބޭ ދަތުރުވީމަ ތަނަކަށް ވިޔަފާރި ކުރަން ވަނަސް އަގުހެޔޮ ކުރަން އުލޭ ވަރުން ފިހާރައިން ވެސް ނެރިލާ ބައެއް މި އެހެން ވީމަ މިވަރުގެ ހަރަދެއް ޖީބަކުން ކުރާނެ ބައެއް ނޭން މި އިންޑިއާ މީހުންނަކީ. (އަވަރު ޕީޕަލް ނެވަރު ގޯ އެއަރު ޕޯޓު) ޙެއް ހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

06 December 2020

މަ މާކުރިންވެސް ހިތަށްއެރި މިއީ އިންޑިޔާ އެމްބަސީ އަޑީގައި އޮވެގެން އިންޑިޔާގެ ފޭނުންނަށް ހިލޭ ދިން ދަތުރުތަކެކޭ. ރާއްޖެއަށް ބައިސެންޓްވެސް އިންޑިޔާއިން ހިލާ ދޭކަށް ބޭނުމެއްނުވާނެ. އެމީހުން ދޭ އެއްޗެއް ދެނީ އެމީހުންނަށް ބައިއަޅާގޮތަށް ނުވަތަ ދެބައި މޮޅު ލިބޭގޮތަށް. މި ދަތި ދުވަސްވަރު ވެސް ތިޔަ ތަރިންތަށް އައިސް ފިޔަޖަހާފަ އޮށްސުނީ އެންމެކުޑަމިނުން އެ ތަރިންގެ އަލިކަންވެސް ރާއްޖެއަށް ނުލިބި. ދެރަދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަނބަރު

06 December 2020

މާކެޓިން އަކީ މުހިއްމު އެއްޗެއް. މިލިއަނުން މީހުން ފޮލޯ ކުރާ ސްޓާރުން ރާއްޖެ އައިމަ ކަލޭ އަށްވެސް މަށަށްވެސް ޑޮލަރުގެ އަސަރު ރަގަޅަށް ކުރާނެ. ސިކުޑި ބާއްވާފައި އިގިލި ކޮޅުން އުދާސް ބޭރު ވާތި ތިޔަހެން ތިވަނީ.