ޔޫރޯ 2020ގެ ފައިނަލްގައި އިންގްލެންޑާ ދެކޮޅަށް ކުޅެ އިޓަލީ ވަނީ ޗެމްޕިއަންކަން ހޯދާފައި. ލަންޑަންގެ ވެމްބްލީ ސްޓޭޑިއަމްގައި ކުޅުނު މެޗުގެ ފުރިހަމަ ވަގުތާއި އިތުރު ވަގުތު 1-1 އިން އެއްވަރުވުމުން ނަތީޖާ ނެރެން ޖެހި ޕެނަލްޓީ އިޓަލީ ކާމިޔާބު ކުރީ 3-2 އިން. މިއީ އިޓަލީން ޔޫރަޕުގެ މުބާރާތުގެ ޗެމްޕިއަންކަން ހޯދި ދެ ވަނަ ފަހަރު. ޔޫރޯ މުބާރާތުގެ ތަށި އިޓަލީ އެންމެ ފަހުން އުފުލާލީ 1968 ވަނަ އަހަރު. މިއީ ޔޫރޯ ފައިނަލްގައި އިންގްލެންޑް ކުޅުނު ފުރަތަމަ ފަހަރު.

ޔޫރޯ 2020 ސެމީ ފައިނަލްގައި ޑެންމާކް އަތުން 2-1 އިން މޮޅުވެ އިންގްލެންޑް ވަނީ މުބާރާތުގެ ފައިނަލުން ޖާގަ ހޯދާފައި. ބޮޑު މުބާރާތެއްގެ ފައިނަލަށް އިންގްލެންޑް އެންމެ ފަހުން ދަތުރުކުރީ މީގެ 55 އަހަރު ކުރިން. އެ ފަހަރު، އަމިއްލަ ގައުމުގައި 1966 ގައި ބޭއްވި ވޯލްޑް ކަޕުގެ ޗެމްޕިއަންކަން އިންގްލެންޑް ވަނީ ހޯދާފައި. މިއީ ޔޫރޯގެ ފައިނަލަށް އިންގްލެންޑް ދަތުރުކުރި ފުރަތަމަ ފަހަރު. އާދިއްތަ ދުވަހުގެ ރޭ ރާއްޖޭ ގަޑިން 12 ޖަހާއިރު ކުޅޭ ފައިނަލްގައި އިންގްލެންޑާ ދެކޮޅަށް ނުކުންނާނީ އިޓަލީ.