ކޮކެއިންއާ ހަވާލުވާ މީހުން ހޯދަން ބްރެޒިލް ދެ މީހުން އެހީއެއް ނުވި، އެދުނީ ވަކީލަކަށް

ރާއްޖެ އައި ބްރެޒިލްގެ ދެ މީހުންގެ އަތުން އަތުލައިގަތް މަސްތުވާތަކެތި: އެ ދެ މީހުން ފަސް ދުވަހަށް ބަންދުކުރަން ވަނީ އަމުރު ކޮށްފައި --- ފޮޓޯ/ކަސްޓަމްސް

މުއިއްޒު އިބްރާހިމް، މިހާރު

06 ފެބުރުއަރީ 2022 - 13:00

30 comments

ރާއްޖެއަށް ހަތަރު ކިލޯއަށް ވުރެ ގިނަ މަސްތުވާތަކެތި އެތެރެ ކުރަނިކޮށް އަތުލައިގަތް ބްރެޒިލްގެ ދެ މީހުން އެ މީހުންގެ އަތުން އެ ތަކެއްޗާ ހަވާލުވާން އަންނަ މީހުން ހޯދަން ކޮންޓްރޯލްޑް ޑެލިވަރީ އޮޕަރޭޝަން ހިންގަން އެހީނުވާން ނިންމައި ވަކީލެއްގެ ފުރުސަތަށް އެދެފި އެވެ.

ވައިގެމަގުން 4.2 ކިލޯގެ ކޮކެއިން ރާއްޖެ އެތެރެކުރަނިކޮށް މިދިޔަ ހުކުރު ދުވަހު އަތުލައިގަތީ ބްރެޒިލްގެ 21 އަހަރުގެ މީހަކާއި 24 އަހަރުގެ މީހެކެވެ. އެ ދެ މީހުންގެ ލަގެޖުން ފެނުނު މަސްތުވާތަކެތީގެ މަގުމަތީ އަގު 21 މިލިއަން ރުފިޔާއަށް އަރާނެ ކަމަށް ކަސްޓަމްސްއިން ބުނެފައިވެ އެވެ.

އެ މީހުންގެ ބަންދާ މެދު ގޮތެެއް ނިންމަން ކްރިމިނަލް ކޯޓަށް އިއްޔެ ގެންދިއުމުން ނިންމީ ވަކީލަކު އައްޔަންކުރަން ބޭނުންވާ ކަމަށް ބުނުމުން އެ ފުރުސަތު ދީ ފަސް ދުވަހަށް ބަންދުގައި ބޭތިއްބުމަށެވެ. އެއީ އެ ދެ މީހުން ވެސް އެދުނީ ދައުލަތުގެ ޚަރަދުގައި ވަކީލަކު ހަމަޖައްސާށެވެ.

ކޯޓުގެ ނިންމުމުގައިވަނީ މަސްތުވާތަކެތި ފެނުނު ކަމަށް އެ ދެ މީހުން އިންކާރުކޮށްފައި ނުވިޔަސް، އެ މަސްތުވާތަކެއްޗާ ހަވާލުވާން އަންނަ މީހުން ހޯދުމަށްޓަކައި ކޮންޓްރޯލް ޑެލިވަރީ އޮޕަރޭޝަނަށް އެއްބާރުލުން ދޭން އެދުމުން އެ ދެ މީހުން އެކަމަށް ދެކޮޅުހަދާފައިވާ ކަމަށެވެ.

މަމިދިޔަ އަހަރު ވެސް 18 ކިލޯގެ މަސްތުވާތަކެތި ރާއްޖެ އެތެރެކުރަނިކޮށް ބްރެޒިލްގެ މީހަކު ހައްޔަރުކުރި އެވެ. އޭނާގެ ޝަރީއަތް މިހާރު ދަނީ ކުރިއަށެވެ.

ކުށްކުރުން ފުލުހުން ކްރިމިނަލް ކޯޓް މަސްތުވާތަކެތި ކަސްޓަމްސް

30 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފާސްޓް

07 February 2022

ސްޕޯޓް ކާރުގަ އަހަރުން އުޅެނީ، ކޮން ކޮންޓްރޯލެއް ޖެއްސޭނީ. ދިސް އިސް ބްރާޒީީލްލްލް އިގިއްޖޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިޙްސާސް

07 February 2022

ކީއްވެތަ މަރުގެ އަދަބު ނުދެވިގެން ތިއުޅެނީ. މަރަން ޙުކުމް ކުރިމީހުންވެސް އެތިބީ ޖަލުގަ ކާލާ ނިދާލައިގެން. ދެން މަސްތުވާއެއްޗެހި ގެންނަ މީހުނާ ޙަވާލުވާ މީހުނާ ވެސް އަރާމުގަ. ވަރުގަދަ އަދަބެއް މިކަމުގަ މިރާއްޖެއަކުނެތް. އެކަމު ދަންނާތި މިނޫނަސް ދުވަހެއްވާކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާބިތު

07 February 2022

މިހިރަ ސާބިތުވަނީ ތިޔަކަމަކީ ރޭވިގެންހިނގާކަމެއްކަން! މާޝާﷲ! ތިގޮތަށް ވަކީލުންހޯދަން އެދޭނީ ވަކީލުންހޯދައިގެން ސަލާމަތްވާނެކަމުގެ ޔަގީންކަން އޮތީމަދޯ! އެހެންނޫނީ ލުއިހޯދަން ހަވާލުވާމީހުން ބުނެދިނީސްނު! ކަމެއްގެ ޙަޤީޤަތް ސާބިތުވާންވެއްޖެނަމަ، އެކަން ސާބިތުވާނީ މިކަހަލަގޮތްގޮތަށް! މާޝާﷲ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުލް

06 February 2022

އެއީ “ޕްލޭން ބީ” ކުރިއަށް ގެންދަން ރާވާފައި އޮތްގޮތް ކަމަށް ވާނީ. ތިމީހުންނާއި ވަކީލާއި ދެމެދު ދެކެވޭ ވާހަކަ ސިއްރުކުރެވިގެން ނުވާނެ!! ވަރަށް ހީވޭ “ރީލޯޑެއް” ކޮށްލައިގެން ސަލާމަތްވާން އުޅޭހެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

06 February 2022

ރާއްޖޭގެ ގާނޫނުގައިވާ ގޮތުގެމަތީން އުމުރަށް ޖަލަށްލައި 1 ލައްކަ ރުފިޔާއިން ޖޫރިމަނާ ކޮށްލަ ބަލަ އެއިރުން ފިލާވަޅެއް ލިބޭނެ ދުރު ތިބީންނަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޫބެ

06 February 2022

ކޮން ކޮންޓްރޯލެއް ޖެއްސޭނީ އެވާހަކަ ނޫސް ތަކުގަ ޖަހާފަ. ފުނާ އަޅަން ދޯ ބޯ ހުންނަނީ ކަލޭމެންގެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަރަށް މޮޅު

07 February 2022

ކޮންޓްރޯލްޑް ޑެލިވަރީ ޖައްސަން އުޅެފަ ނުޖެއްސުނީމަ އޭ ނޫސްތަކުގަ އެ ޖެހީ. ޖައްސަން ވެގެން އިއުލާންކުރީ އެއް ނޫނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިމް

06 February 2022

ފިލުމުތަކުގަވެސް ފެންނަނީ ސުވާލަށް އަމިއްލަޔަށް ޖަވާބުދީ ސެލްފްއިންކްރިމިނޭޓް ނުކޮށް ވަކީލެއް ހޯދަން ގޮވާތަން. ރާއްޖެގަ އާންމުކޮށް ފެންނަނީ އެެއްބަސްވެފަ އެއްބަސްނުވެފަ އަނެއްކާ އެއްބަސްވެފަ އަނެއްކަ އެއްބަސްނުވާތަން. ޢެއަށްވުރެ ރަނގަޅުދޯ ވަކީލަކަށް ގޮވުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރަންގޯރު

06 February 2022

ދައުލަތުން ވަކީލުން ހަނަޖައްސާ ދިނީމާ އަރިމަތިން އެ ވަކީލުންނަށް އިތުރު ބޯނަހެއްގެ ގޮތުގައި ފަންޑުކުރި މީހުން ލާރި ދޭނީ ދޯ. ވަރަށް ދަސްކޮށްފަ ހުރީ ކަންކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

06 February 2022

އެމީހުންނަކަށް ނޭގޭ އެމީހުންގެ ލަގެޖުގައި މަސްތުވާ ތަކެތި ހުރިކަމެއް. ދައުލަތުން ޖެހޭނީ އެމީހުންނަށް އެނގޭކަން ސާބިތުކޮށްދޭން. އެކަން ދައުލަތަކަށް ނުކުރެވޭނެ. އެމީހުންނަށް އެނގޭކަން ދައުލަތުން ދައްކާނެ ހެއްކެއްނެތް. އެމީހުންގެ ދަބަހުން ފެނުނޭ ބުނުން ފިޔައި. އަދި އެތަކެތިހުރީ އެމީހުންގެ ލަގެޖުގަޔޭ ބުނުން ފިޔަވައި. ޝަރީޢަތަށް ސާބިތުނުވެގެން ކުރިންވެސް ދޫކުރި ގޮތަށް ދޫކޮށްލަން ޖެހޭނީ. މިލިއަނެއް ދެ ބަޔަށް ބަހައި ދެމީހުންނަށް ހަމަކޮށްލާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިމީ

06 February 2022

އެމީހުންގެ ލަގެޖުގަ އެތަކެތި ހުރިކަން ސާބިތުކޮށްދިނީމަ ފުދޭނެ. ކޮންމެހެން އެމީހުންނަށް އެނގޭކަށް ނުޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިތަދޫ 12

06 February 2022

ބްރެޒިލްގަނަމަ އެމީހުން ޗެކްއިން ކުރި ފޮށިންފެނުނު ނަމަ އިތުރުހެއްކެއް ބޭނުން ނުވާނެ އަދި އެއްބާރުލުން ނުދެންޔާ ބޮޑު އަދަބެއް އަންނާނެ، އެއްބާރުލުން ދިނިއްޔާ ލުއި އަދަބެއް. މިތާނގަ ގޮއްމުށުން ނަގާ އެތިވެސް އޭނާ އެއްޗެއްކަން ސާބިތުކޮއްދޭން ޖެހޭ، ރަސީދެއްތަ ބޭނުންވަނީ އޭނަގެ އެއްޗެއްކަން އެވަރުން ސާބިތުކޮއްދޭން؟ ފަނޑިޔާރުން ބޭނުން ގޮތަކަށް ގާނޫން ފަހުމް ވަނީ؟؟