ސިވިލް ކޯޓަށް އައްޔަންކުރި އާ ދެ ފަނޑިޔާރުން މަގާމު ހުވާކުރައްވަނީ: ފަނޑިޔާރު ޒުލައިހާ ޝީޒާ އާއި ފަނޑިޔާރު އަހްމަދު ނިމާލް ޖުނައިދު.-- ފޮޓޯ: ފަޔާޒް މޫސާ / މިހާރު
15 މާޗް 2022 - 11:36
8 comments
ސިވިލް ކޯޓަށް އާ ދެ ފަނޑިޔާރުން ޖުޑީޝަލް ސާވިސް ކޮމިޝަން (ޖޭއެސްސީ) އިން މިއަދު އައްޔަންކޮށްފި އެވެ.
އެ ކޯޓުގެ ފަނޑިޔާރުން ކަމަށް އައްޔަންކޮށްފައި ވަނީ ސ. ފޭދޫ، ފިތިރޯނުގެ، ޒުލައިހާ ޝީޒާ އާއި ގއ. މާމެންދޫ، ފެހިގެ، އަހްމަދު ނިމާލް ޖުނައިދެވެ.
ޖޭއެސްސީގައި ހެނދުނު ބޭއްވި ރަސްމިއްޔާތެއްގައި އެ ދެ ފަނޑިޔާރުން ވަނީ މަގާމު ހުވާކުރައްވައިފަ އެވެ. ޖޭއެސްސީގެ ރައީސް ހިސާން ހުސެއިންގެ ކުރިމަތީގައި އެ ދެ ފަނޑިޔާރުންނަށް ހުވާލައިދެއްވީ ހައިކޯޓްގެ އިސް ފަނޑިޔާރު ހާތިފް ހިލްމީ އެވެ.
އެ ރަސްމިއްޔާތުގައި ޖޭއެސްސީގެ އިސްވެރިންނާއި ސުޕްރީމް ކޯޓާއި ހައި ކޯޓުގެ ފަނޑިޔާރު ވެސް ބައިވެރިވެވަޑައިގެންނެވި އެވެ.
ޖޭއެސްސީގެ ރައީސް ހިސާން ހުސެއިން، ސިވިލް ކޯޓަށް އަލަށް އައްޔަންކުރި ފަނޑިޔާރު ޒުލައިހާ ޝީޒާއާ މަގާމުގެ ފަތްކޮޅު ހަވާލުކުރައްވަނީ.-- ފޮޓޯ: ފަޔާޒް މޫސާ / މިހާރު
އެޓާނީ ޖެނަރަލް އޮފީހުގެ އެކި މަގާމުތައް ކުރިން އަދާކުރެއްވި ޒުލައިހާ ޝީޒާ ވަނީ މެލޭޝިއާގެ ހެލްޕް ޔުނިވާސިޓީން ބެޗްލާސް އޮފް ލޯސް (އޮނާސް) ހާސިލްކުރައްވައި، ބަކްބެކް ކޮލެޖް، ޔުނިވާސިޓީ އޮފް ލަންޑަން އިން މާސްޓަ އޮފް ލޯސް އިން ކޮންސްޓިޓުޝަނަލް ޕޮލިޓިކްސް، ލޯ އެންޑް ތިއަރީ ވެސް ހާސިލްކުރައްވައިފަ އެވެ.
އޭނާ ވަނީ އެޖީ އޮފީހުގައި ސްޓޭޓް ކައުންސެލް ކަމާއި ސީނިއާ ސްޓޭޓް އެޓާނީ ކަމުގެ އިތުރުން ސްޓޭޓް އެޓާނީގެ މަގާމުގައި ތިން އަހަރަށް ވުރެ ދިގު މައްދަތަކަށް ހިދުމަތްކުރައްވައިފަ އެވެ.
ޖޭއެސްސީގެ ރައީސް ހިސާން ހުސެއިން، ސިވިލް ކޯޓަށް އަލަށް އައްޔަންކުރި ފަނޑިޔާރު އަހްމަދު ނިމާލް ޖުނައިދުއާ މަގާމުގެ ފަތްކޮޅު ހަވާލުކުރައްވަނީ.-- ފޮޓޯ: ފަޔާޒް މޫސާ / މިހާރު
އަހްމަދު ނިމާލް ވަނީ ވިލާ ކޮލެޖުން ބެޗެލާސް އޮފް ޝަރީއާ އެންޑް ލޯ (އޮނާސް) ހާސިލްކުރައްވައިފަ އެވެ. އޭނާ ވަނީ ލޯ ފާމެއް ކަމަށްވާ ފަރްހާން ޒަމީލް އެންޑް ނިމާލްގެ މެނޭޖިން ޕާޓްނާރެއްގެ ގޮތުގައި އެއް އަހަރަށް ވުރެ ގިނަ ދުވަހު މަސައްކަތް ކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވީލް
16 March 2022
މަދު ދުވަސްކޮޅަކު ވަކީލަކަށް އުޅެފަ ގޮސް ރައްޔުތުންނަށް ހައްޤު ހޯދާދެން ހުކުމް ނެރެން ބޭތިއްބީމަ ވާގޮތް، ރާއްޖޭގެ ޖުޑިޝަރީން މި ފެންނަނީ. ޑިގްރީ ގަނޑަކާ 2 އަހަރުގެ ތަޖުރިބާ. އެހެންވީމަ ހައްޤު ގެއްލިގެން ދަށު ކޯޓުގައި މައްސަލަ ހިފާގެން ރައްޔިތުން 2-3 އަހަރު ގަނަ ތެޅެން ޖެހެނީ.
ބޯގަޅި
16 March 2022
40 އަހަރު އަހަރު ވީ މީހުނައް އިންސާފު އެބަ ހޯދަ ދެވޭތަ.މޮޅު ވާހަކަ ދައްކާތި އަނގަ އެއް އޮތީމަ.
ފަނޑިޔާރު ކަލޭގެ
15 March 2022
ލޯ ޑިގްރީއަކާއި އެއް އަހަރުދުވަހުގެ ތަޖުރިބާއާއެކު ފަނޑިޔާރުކަމަށް....ސާބަހޭ ހިސާނުމެނަށް
ޖުމާ
15 March 2022
ކޮންތާކު އޮތީ ނުވެވޭނެއޭ؟
ވާންޗޯސް
16 March 2022
މި ޤައުމުގެ މެމްބަރުކަންކުރަން ވެސް ކުރެވެޔޭ އަސާސީ ތަޢުލީމު ލިބިފައި ހުރިއްޔާ. ނަތީޖާ ފެނެއެއްނުން އެކަހަލަ މީހުން ހޮވީމާ. އެހެން ވާނެޔޭ ޖުޑިޝަރީއަށް ވެސް. ފައިގެ ކުޑައިނގިލިން ވިސްނުން ހުއްޓާލަބަލަ.
ފޮޅި
16 March 2022
ދެން ކަލޭ ދާންވީނު.
ބުރުގާ
15 March 2022
މިހާރު ތިކޯޓުތަކަކީ ވެރިކަންކުރާ ސިޔާސީ ޕާޓީން މޮޑޭ މަސްހުނިގަނޑެއް. މަޖިލިހުން ކުރާކަމަކީ ފަރަންޖީ ގާނޫނުތައް ދިވެހިބަހައް ތަރުޖަމާކޮއްލައިގެން ރަބަރު ތަތްގަނޑުޖަހަން ރައީސް އޮފީހައް ފޮނުވުން.
ކުރު
15 March 2022
ހާދަކަންކަން އިނގޭ ފަރާތެއް! އާދެބަ ކިޔަވަދޭން