ކުލި ނުނަގާ ގޮތަށް އޮތް ފިނިޝިންގެ މުއްދަތު އިތުރުނުކޮށްދީގެން ހިޔާ ފްލެޓްތައް ކައިރީގައި ކުރިން ކުރި މުޒާހަރާއެއްގައި ފްލެޓް ލިބުނު މީހުން ބައިވެރިވަނީ--
22 މާޗް 2022 - 11:03
87 comments
ކުލި ދެއްކުން މިހާރު ވެސް ހަތް މަސް ދުވަހަށް ފަސްކޮށްދީފައިވާ ހިޔާ ފްލެޓްތަކުގެ ކުލި އަނެއްކާ ވެސް ކުޑަކޮށްދޭން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގައި އެދެން ފްލެޓް ލިބުނު މީހުން ސޮއި ހޯދަން ފަށައިފި އެވެ.
ހިޔާ ފްލެޓްތަކަށް މަހު ކުލީގެ ގޮތުގައި ސަރުކާރުން ކަނޑައަޅާފައި ވަނީ 7،500ރ. އެވެ. އަދި ސާވިސް ފީގެ ގޮތުގައި 1،000 ވެސް ކޮންމެ މަހަކު ދައްކަން ޖެހޭއިރު އެ ކުލި ބޮޑުވެގެން އެ މީހުން ޝަކުވާކުރަނީ ފްލެޓްތަކުގެ މަސައްކަތް އެކީ ނުނިންމާ ހަވާލުކުރުމަށް ފަހު އެހާ ބޮޑު އަދަދެއް ކުއްޔަށް ނަގާތީ އެވެ.
ފްލެޓް ލިބުނު މީހުންގެ މައިގަނޑު ޝަކުވާއަކީ ފިނިޝިން ނިންމައި ކުރިން ހަވާލުކުރި ފްލެޓްތައް ވެސް ހިޔާ ފްލެޓަށް ވުރެ ހެޔޮވުމެވެ.
ހިޔާ ޔޫނިއަނުންގެ އޮފިޝަލަކު، "މިހާރު" އަށް ވިދާޅުވީ އެ ޔޫނިއަނުން އިސްވެ، ފްލެޓްތަކުގެ ކުލި ކުޑަކޮށްދޭން މިފަހަރު އެދޭނީ ފްލެޓްތަކުގެ ބެލެނިވެރި ފަރާތް، އެޗްޑީސީގައި ކަމަށެވެ.
"އަޅުގަނޑުމެން ކުލި ކުޑަކޮށްދޭން އެދުމަށް ތައްޔާރުވަމުން މިދަނީ. ކޮންމެ ޔުނިޓް އޯނަރެއް އެ މަސައްކަތް ކުރަމުންދަނީ އެ ޔުނިޓެއްގެ މީހުންގެ ސޮއި ހޯދުމަށް،" ހިޔާގެ 16 ޓަވަރުގައި އުޅޭ މީހުންގެ ސޮއި ހޯދުމަށް އިއްޔެ ފެށި މަސައްކަތާ ގުޅިގެން އޮފިޝަލް ވިދާޅުވި އެވެ.
އޭނާ ވިދާޅުވި ގޮތުގައި އިއްޔެ ވެސް 600 އެއްހާ މީހުން ވަނީ ފްލެޓްގެ ކުލި ކުޑަކޮށްދޭން އެދޭ ސިޓީގައި ސޮއިކޮށްފަ އެވެ. ކުރިން ފްލެޓް ކައިރީ ފްލޫ ކްލިނިކް ހިންގި ސަރަހައްދުގައި ޔޫނިއަނުން ކުލި ކުޑަކުރުމަށް ސޮއި ހޯދަމުން އަންނައިރު މިއަދު މި ހަރަކާތް ކުރިއަށް ދާނީ ހަވީރު 4 އިން ރޭގަނޑު 11 އަށެވެ.
"އަޅުގަނޑުމެން މަސައްކަތް މިކުރަނީ މާދަމާ އެޗްޑީސީއަށް މި ސިޓީ ހުށަހެޅުމަށް."
އޮފިޝަލް ވިދާޅުވި ގޮތުގައި ފްލެޓްތަކުގެ ކުލި ކުޑަކޮށްދޭން އެދެނީ ދިރިއުޅުމަށް ބޮޑު ހޭދައެއްކޮށްފައި އޮތުމުންނެވެ.
ޔޫނިއަނުން އެޗްޑީސީގައި އެދެނީ ކުރީ ސަރުކާރުގައި ވެސް ފްލެޓަށް ކަނޑައެޅި ކަމަށް ބުނާ 5،600ރ. އަށް ބަދަލުކޮށްދޭށެވެ.
ކުރިން އެޗްޑީސީން ބުނީ މިހާރު ކަނޑައަޅާފައިވާ އަގަށް ވުރެ ފްލެޓްތަކުގެ ކުލި ކުޑަކޮށްދެވެން ނެތް ކަމަށެވެ. އެއީ ކުރީގެ ރައީސް އަބްދުﷲ ޔާމީންގެ ވެރިކަމުގައި ހިޔާ މަޝްރޫއު ކުރިއަށް ގެންގޮސްފައިވަނީ ސަރުކާރުން ކޮމާޝަލް ރޭޓެއްގައި ލޯނެއް ނަގައިގެން ކަމަށްވާތީ އެވެ. ސަރުކާރުން އޭރު ލޯނު ނަގާފައިވަނީ އަށް ޕަސެންޓް އިންޓްރެސްޓް ރޭޓެއްގައި 20 އަހަރުން އަނބުރާ ދައްކާ ގޮތަށެވެ. އެހެންވެ އެ އަގަށް ކުލި ނަގައިގެން ނޫން ގޮތަކަށް ލޯނު އަނބުރާ ނުދެއްކޭނެ ކަމަށް އެޗްޑީސީން ބުނެފައިވެ އެވެ.
ހިޔާ ފްލެޓްތަކުން މިދިޔަ ސެޕްޓެމްބަރުގައި ކުލި ނަގާ ގޮތަށް އޮތަސް އެ ތަންތަނުގެ ފިނިޝިން މަސައްކަތްކުރަމުން ކުލި ނެގުން ބުރަޔަކަށްވާނެ ކަމަށް ބުނެ ފްލެޓް ލިބުނު މީހުން ކަންބޮޑުވުން ފާޅުކުރުމުން ސަރުކާރުން ވަނީ ތިން މަސް ދުވަހަށް ކުލި ފަސްކޮށްދީފަ އެވެ. އޭގެ ފަހުން ޑިސެމްބަރުގެ ނިޔަލަށް ކުލި ދައްކަން ނުޖެހޭ ގޮތަށް ހެދިއިރު ފަހުން ވަނީ މާޗު މަހުގެ ނިޔަލަށް ކުލި ފަސްކޮށްދީފަ އެވެ.
މިހާރު އޮތްގޮތުން އަންނަ މަހުން ފެށިގެން އެތަނުން ކުލި ނަގަން ފަށާނެ އެވެެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަގޭ ގައުމު!
23 March 2022
ކަލޭމެން ކިހިނެތް ތަ ވެގެން ތިއުޅެނީ؟ ބަލާލަބަލަ އަރަބިއްޔާ ޖެއްސި ގޭމް! ޓެކްސީ ކުޅުނު ކުޅިގަނޑު! މމޕރސ ދަވާލި ގޮތް! ަތަމާ ހައްޖު ގްރޫޕް ދަވާލި ގޮތް! ގުޅީފަޅު ދަވާލި ގޮތް! އަލްހާން ގެ ކުޅިބައި! ދަސްކޮއްބަލަ! ދަސްކޮއްބަލަ! ފްލެޓް ބިންވަޅުވެސް ކަޓުވާލެވޭނެ!
ފާނަކޮށި
23 March 2022
ނޫން ކުދޚޮށްދޭނި ކަމެއްނެތް…… ތިޔަހާކުޑަ ކުލި ނުދެއްކެންޏާ ތިޔަފްލެޓް ދޫކޮށްލާ……
ފިކުރު
23 March 2022
މިގައުމަކީ ސިޔާސީ މީހުން ބޭނުންވާ ގޮތަށް މޮޑޭފުއްގަޑެއްތޯ ؟ ހިޔާފުލެޓްގެ މިހާރުގެ ކުއްޔަކީ އެކަށީގެންވާ އަގެއްކަމަށް ގަބޫލު ކުރެވެއެވެ. މިހާރު ވެސް އެތަނުގައި ދިރިއުޅޭ ގިނަމީހުންނަކީ ތި އަދަދު ކުލި ދެއްކޭނެ ވަރު މީހުންނެވެ. އެކަން ސާބިތުވަނީ އެހަދާލާފައި ހުރި ފެންވަރަކީ އެތައްލައްކަ ރުފިޔާ ޚަރަދުކޮށްގެން އާދައިގެ މީހަކަށް ހެދޭނެ ވަރެއްނޫނެވެ. ދެން ހަދަންޖެހޭނީ ފުލެޓްތަށް ބެލުމަށްފަހު ކުލި ނުދެއްކޭނެހެން ހީވާ ރައްޔިތުންނަ ކުލި ކުޑަކޮށްދިނުމެވެ.
އޮނަރަބްލް އަފީފު ދީދީ
23 March 2022
އެތައްސަތޭކަ މިލިޔަން ޑޮލަރުގެ މިލްކިއްޔާތުގެ މުއާމަލާތެއް ކޮންޓްރެކްޓް ޤާނޫނާއި ފުށުއަރާފަދަގޮތަކަށް ނުވަތަ ޙަޤީގަތުގައި ހިންގާފައިވާ މުއާމަލާތާއި ހިފާލުބަސްތަކެއް ނުވަތަ ޓާރމްސް ހިމަނައި "ފްލެޓް ގަތުމަށް ދައްކާންޖެހޭ އަގު އަދާކުރަން" ކަދުރު އުސޫލުން ނުވަތަ އިންސްޓޯލްމަންޓް ބޭސިސްއަށް މަހުންމަހަށް ދައްކާންޖެހޭ ފައިސާއަށް "ކުލި" މިބަސް ބޭނުންކުރާއިރު މިކަންއިސްލާހްކުރަން ދައުލަތުގެ ބަންޑާރަނައިބާއި އޮޑިޓަރ ޖެނެރަލް ލަފާނާރުވަނީ ކީއްވެގެންތޯ!؟
ދިދަ ދަނޑި
22 March 2022
މިދެން ބޮޑުވަރު.. މިހާރުވެސް ކިހާ ދުވަހަކު ކުލި ނުދައްކާ އުޅެވިއްޖެތަ؟؟؟ ކުލި ބޮޑީޔާ ތަން ދޫކޮށްލާ.. ކުލި ދެއްކޭވަރު މީހުނަށް އެފުރުސަތު ދޭންވީނު..
ހަސީ
22 March 2022
ސިނަމާލެ ފްލެޓުން ފެށިގެން ވެސް ފްލެޓް އަޅައި ދެމުން އެދަނީ. އެއިރަކަށް ބަލާއިރު އަގުވެސް ހެވެއްނޫން. މީގެ 8 އަހަރުކުރިން ފްލެޓް ދިން އަގަށް މިހާރު ނުދެވޭނެ. ހިދުމަތާއި ތަކެތީގެ އަގު ކުރިއަށްވުރެ އެތައްތަނެއްބޮޑު. އަމިއްލަ އަށް އިންޓީރިއާ ހަދަންޖެހޭކަން ހަވާލުވިއިރުވެސް އިނގޭ. އެހަރަދު ބޮޑުކޮށް ވެސް ކުޑަކޮށްވެސް ވަރަށް ބޮޑުކޮށްވެސް ކުރެވިދާނެ. ހުރިހާ ރައްޔިތުންގެ ފައިސާއިން އަޅާ ތަންތަންތީ. ވިސްނާލާ..
އޮނަރަބްލް އަފީފު ދީދީ
22 March 2022
މިފަ ނާތަހުޒީބު ވިސްނުން ހުރިމީހުން ހަމައަކަށް އެޅުވޭނީ "އަމިއްލަ ބާލީހަށް ބަންޑާރަ ކަފަ ލުން ހުއްޓުވަން" ޤާނޫނާއި ޤަވާއިދު ހަދާ އަދި އެފަދަ ގޮތަކަށް ސިޔަސަތުވެސް ކަޑައަޅައިގެން. # ހުޅުމާލޭގައި (ސަރުކާރުން) ސޯޝަލް ހައުސިން ހެދުން ހުއްޓާލާފައި ރިއަލްއެސްޓޭޓް ކުންފުނިތަކަށް މިކަން ދޫކޮށްލާފައި ސަރުކާރުން ރެގިއުލޭޓް ބޮޑީއެއްގެ ދައުރު އަދާކުރުމުން މިފަދަ ދުއްތުރާތަކުން ދައުލަތް ސަލާމަތްވާނެ. މިއީ މިހާރު ދައުލަތަށް ޖެހިފައިވާ މުސީބާތެއްކަމަށް ވެއްޖެ.
ޥަސް
22 March 2022
ކީއްކުރަން ކުލި ކުޑަކުރަން އެދެނީ. ޢެދެންވީ އެއްގޮތަކަށްވެސް ކުލި ނުނަގަން. ޢަދި މިމާލޭގެ ކުއްޔަށް އުޅޭ އެންމެންވެސް ތިކަހަލަ ޕެޓިޝަން ހަދައި ގޭގެ ވެރިމީހާ ކައިރިޔަށް ދާންފެނޭ.
ބޮޑުމީހާ
22 March 2022
މިސަރުކާރަށް 5 އަހަރު ނިމިގެންދާއިރު ފްލެޓެއް އެޅުމުގެ ކޮޅުމަތިވެސް ނުފެނޭ. އެމްޑީޕީގެ މެމްބަރުން ޗެއަރޕާސަން އިންތިހާބު ބޯއިކަޓްކުރަންވީ. ރައްޔިތުންގެ ބޭނުން ނުފުއްދައިދޭބަޔަކަށް ވޯޓް ދިނުމުގެ ބޭނުމެއް ނެތް
އަސުރޭ
22 March 2022
ތިއީ އަސުރުމާކުދިން އަޑީގަ ތިބެގެން އަނބުރާ ގޭސްގަނޑެއް.
އޯޕޯ
23 March 2022
ކޮބާ މައްސަލަޔަކީ؟ އެއީ އަސުރުމާ ސަރުކާރުން އަޅައިދިން ފުލެޓު.
ދަތުރު
23 March 2022
ތިބުނަނީ ކޮތަރުކޮށި އާއްމު ޖަމިއްޔާ ވާހަކައެވެ. އެއީ ޕީޕީއެމް ޔަމީނު ވެރިކަމުގައި ނުހައްގު ފުލެޓް ދޭން ލިޔުން ހަވާލުކުރި މީހުންނެވެ. އެމީހުންނަ ވެރިކަށް ލިބުނީމާ ތިއަގައެއް ނުތަޅާނެއެވެ. ކުރީން ޟޮދަގައި ފައުންޑޭޝަން ނަމުގައި ސަރުކާރުގެ ބަޖެޓުން ނާއި ކަރެޕްޝަން ހިންގުމަށް ފަހު ވެރިކަށް ބަދަޅުވީމާ އުޅޭބަޔަކަށްނުވެ ވަގުތުން ގައިބުވީ ފައުންޑޭޝަން ނޫންތޯ ؟ އިޚުލާސްތެރިނަމަ 2018 ފެށިގެން ވެސް ރައްޔިތުންނަށް އެހީވާންވީނުންތޯ ؟
ކޯޕޯ
23 March 2022
އެއީ އަސުރުމާ ކުދިންގެ ވާރުތަ މުދަލުން ހަދާފަހުރި ތަންތަންތަ؟ އަދި އޭގެތެރެއިން ކަޓުގެ ގޮތުގައި ބައްނުކޮށްލިނަމަ އަގުބޮޑު ނުވީސް. އެއީ މައްސަލައަކީ. ގެޓުވެއްޖެތަ؟