"އިންޑިއާ އައުޓް" އިން ގައުމީ ސަލާމަތަށް ނުރައްކާވާ ކަމަށް ސަރުކާރުން ކަނޑައަޅައިފި

ކުރީގެ ރައީސް ޔާމީންގެ ގެކޮޅުގައި "އިންޑިއާ އައުޓް" ބެނާ އިއްޔެ ދަމާފައި.---ފޮޓޯ: ނިޝާން އަލީ/ މިހާރު

އަހުމަދު ހަމްދޫން، މިހާރު

21 އެޕްރީލް 2022 - 11:50

އިދިކޮޅު ފަރާތްތަކުން މިހާރު ފަށާފައިވާ "އިންޑިއާ އައުޓް" ހަރަކާތަކީ ގައުމީ ސަލާމަތަށް ހުރި ނުރައްކަލެއް ކަމަށް ގައުމީ ސަލާމަތާ ބެހޭ މަޖިލީހުން ރޭ ކަނޑައަޅައިފި އެވެ.

އެ މަޖިލީހުގެ ބައްދަލުވުމުގައި އެ ގޮތަށް ކަނޑައެޅުމާ ގުޅިގެން، އިންޑިއާ އައުޓް ހަރަކާތް ހުއްޓުވުމުގެ ގަރާރެއް ވެސް ރައީސް އިބްރާހިމް މުހައްމަދު ސޯލިހު މިއަދު ވަނީ ނެރުއްވައިފަ އެވެ.

އެ ގަރާރުގައި ރައީސް ވިދާޅުވީ، އިންޑިއާއާ މެދު ނަފްރަތު އުފެއްދުމަށް ހިންގާ އެ ހަރަކާތަކީ ގައުމީ ސަލާމަތަށް ނުރައްކާވާ ހިސާބަށް ގޮސްފައިވާ ހަރަކާތެއްކަން ސާފުކޮށް އެނގޭ ކަމަށެވެ. އަދި އެ ހަރަކާތުގެ ސަބަބުން ރާއްޖޭގެ އެކި ސަރަހައްދުތަކުގައި އޮތް އަމާންކަމާއި ދާހިލީ ހަމަޖެހުން ނަގާލައި، ސަރަހައްދީ ސަލާމަތާއި ރައްކާތެރިކަން ވެސް ގެއްލުވައިލާ ކަމަށް ގަރާރުގައި ރައީސް ވިދާޅުވި އެވެ.

ގަރާރުގައި ރައީސް ވިދާޅުވީ، ގައުމީ ސަލާމަތަށް ނުރައްކާވާ ފަދަ ކޮންމެ ހަރަކާތަކީ ދިވެހި ސަރުކާރުން އެ ކަމެއް ހުއްޓުވަން ޖެހޭނެ ކަމެއް ކަމަށެވެ.

އިދިކޮޅު ޕާޓީ ޕީޕީއެމް ހިންގާ އިމާރާތުގައި ނެގި ބެނާ ނަގައިގެން ފުލުހުން މިއަދު ދަނީ.---ފޮޓޯ: ނިޝާން އަލީ/ މިހާރު

"... އެއްވެސް ޖާއިޒު މަގުސަދެއް ނެތި ސިޔާސީ ބޭނުމެއްގައި ވަކި ގައުމަކާ ދެކޮޅަށް ރާވައިގެން ހިންގާ ކެމްޕޭންތަކަކީ، ގައުމީ ސަލާމަތާ ގުޅުން ހުރި އަދި ނުރައްކާ އޮތް ކަމެއް ކަމަށާއި ވަކިވަކި ގައުމުތަކާ ދެކޮޅަށް ނަފްރަތު އުފެއްދުމަށް ހިންގޭ މިފަދަ ހަރަކާތްތަކަކީ ގާނޫނު ތަންފީޒު ކުރާ އިދާރާތަކުން ހުއްޓުވަން ޖެހޭނެ ހަރަކާތެއް ކަމުގައި ކަނޑައެޅުމަށް ގައުމީ ސަލާމަތާ ބެހޭ މަޖިލީހުން ނިންމާފައިވާ ހިނދު، ދިވެހިރާއްޖޭގެ ޖުމްހޫރިއްޔާގެ ގާނޫނުއަސާސީގެ 115 ވަނަ މާއްދާގެ (ނ) އާއި (ރ) އާއި (މ) އިން ރައީސުލްޖުމްހޫރިއްޔާ އަށް މަތިކޮށްފައިވާ ބާރުތަކާއި މަސްއޫލިއްޔަތުތަކުގެ ދަށުން، ބަޔާންވެދިޔަ ފަދަ ހަރަކާތްތައް ހުއްޓުވުމަށް ކަނޑައަޅައި، މިކަން މި ގޮތުގެ މަތިން ތަންފީޒު ކުރުމަށް ދައުލަތުގެ ކަމާބެހޭ އެންމެހައި އިދާރާތަކަށް އަންގައި، މި ގަރާރު އެކަށައެެޅީމެވެ،" ރައީސް އިބްރާހިމް މުހައްމަދު ސޯލިހުގެ ގަރާރުގައި ވެ އެވެ.

އެ ގަރާރު ނެރުއްވިއިރު، ރާއްޖޭގައި ތިބޭ އިންޑިއާގެ ސިފައިން އަނބުރާ ދިއުމަށް ގޮވާލައި އިދިކޮޅު ލީޑަރު އަދި ކުރީގެ ރައީސް އަބްދުﷲ ޔާމީން ގެންދަވަނީ ވަރުގަދަ ކެމްޕެއިނެއް ފައްޓަވައިފަ އެވެ. މާލެ އާއި އެކި ރަށްރަށުގައި އިންޑިއާއާ ދެކޮޅު މުޒާހަރާތަކާއި އެއްވުންތައް މިހާތަނަށް އިދިކޮޅުން ވަނީ ބާއްވައިފަ އެވެ.

ޔާމީންގެ ގެކޮޅުގައި އިއްޔެ ވަނީ "އިންޑިއާ އައުޓް" ބެނާއެއް ވެސް ނަގައިފަ އެވެ. ނަމަވެސް ކޯޓް އަމުރެއްގެ ދަށުން އެ ބެނާ ނެގުމުގެ ކަންކަން ފުލުހުން މިހާރު ވަނީ ފަށައިފަ އެވެ.

އިންޑިއާ ރާއްޖެ-އިންޑިއާ ފުލުހުން ރައީސް އިބްރާހިމް މުހައްމަދު ސޯލިހް އިދިކޮޅު ފަރާތްތައް ޕީޕީއެމް ޕީޕީއެމް/ޕީއެންސީ އިއްތިހާދު

71 ކޮމެންޓް, 59 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މީމުޝީން

22 April 2022

މިސަރުކާރަކީ ހުދުމުހުތާރު ސަރުކާރެއްކަމުގެ ނިޝާންތައް މިފެންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

22 April 2022

އިންޑިޔާ އެމްބަސީއަށް ވަދެއޮތްއިރު އިންޑިޔާ އައުޓް ނުވީމަ މިހާރު އައުޓްވޭތަ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

22 April 2022

އެހެން މިހުންގެ އައިޑީ ބޭނުންނުކޮށް 2023 އަށް ދޭބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

22 April 2022

އިންޑިޔާ އައުޓް ގޮވީމަ ނުރައްކާވާގޮތް އަދި ފެންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރ

21 April 2022

އިންޑިއާ ސިފައިން ރާއްޖޭގައި ބައިތިއްބޭނެ އެއްވެސް ޤާނޫނެއް ޤަވައިދެއް ދެއްކުމެއްނެތި މިއަދު މިއޮތް ސަރުކާރުން އިންޑިއާ ސިފައިން ރާއްޖޭގައި ބައިތިއްބަން ހާދަފޯރިއެކޭ މިހުރީ. ނުވާނެ މިކަމެއް ﷲއިރާދަކުރެއްވިއްޔާ. އިންޑިއާ އައުޓް ޖެހީމާ ޤައުމީ ސަލާމަތަށް ނުރައްކާވަނީ ކިހިނެތްތޯ؟ ކޮންބައެއްގެ ފަރާތުންތޯ ނުރައްކާ އަންނަނީ؟ ރާއްޖޭގައި އިންޑިއާގެ 30000 (ތިރީސްހާސް) ރައްޔިތުން ބޮޑުމުސާރައިގެ ވަޟީފާތަކުގައި އެބަތިބި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޭޑީ

21 April 2022

މިކަން ކުރަންވެއްޖެތާ ކިތަންމެ ދުވަހެއް! ގަމާރުކަމުގެ ހައްދެއްވެސް ނެތް! ގޮތެއްފޮތެއް ނެތިގެން ދިވެހިންގެ ގިނަބަޔަކު އިންޑިޔާގައި، ލަންކާގައި، މެލޭޝިޔާގައި އެބަ ދިރިއުޅޭ، އެގައުމުތަކުގެ ރައްޔިތުން ނުކުމެ މޯލްޑިވްސް އައުޓް ގޮވާންފެށީމާ ނިކަން ތާހިރުވާނެ. ދިވެހިރާއްޖޭގައި ތިބި އިންޑިޔާގެ ޙިދުމަތްތެރީން ރާއްޖެދޫކޮށް ދިޔައިމާ ނިކަން ތާހިރުވާނެ. ދިވެހިރާއްޖެއަށް އަންނަ ފުލައިޓުތަކަށް ނޯ ފްލައި ޒޯން ހަދާލީމާ ނިކަން ރީތިވާނެ. ގަމާރަސް ބޮޑުވަރު އިނގޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަލަސްތީން

21 April 2022

ތި ކޯޑަކީ އެމްޑިޕީގެ ހަރުގެ މިހާރު. ދެރަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމެރިކާ

21 April 2022

އިންޑިޔާ އައުޓް ހުރިހާކަމެ ސިއްރުކޮއްގެން އެމްޑިޕީ ސަރުކާރު ރާއްޖެ ފުނޑާލަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މ‫ުޙުއްމާ

21 April 2022

އ‫ިންޑިއާ އައުޓް ކީމަ އިންޑިއާއަތުން ރިޝްވަތު ނަގައިގެން ރާއްޖެ ވިއްކަން އުޅޭމީހުން ވަރަށް ކަންބޮޑުވާނެ. 2023 ވަރަށް ކައިރިވެއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާވެރިބެ

21 April 2022

ރަޝިޔާއިން ޔޫކްރެއިން އަށް އަރައިގަތީ އެގައުމަށް ނުރައްކަލަކަށް ވެގެންނޯ. އިންޑިއާ ރުޅި އަރުވައިފިއްޔާ ރާއްޖެ އަށް ކުރާނީ ކޮންވަރެއް ކޮން ގޮތަކަށް ކަން ޔާމީނަށް އެގޭބާ؟ އިންސާފު އޮތްތާ ބާއްވާ! މީމިއަދުގެ ހަގީގަތް. ރައީސް ސޯލިހު މިނިންމެވީ ވަރަށް ދުރަށް ވިސްނަވާފަ. ސަލާމަތުން ތިބެވޭނީ ސިންގާ ރުޅިނާރުވާ. އަހަރުމެންނަކަށް ނުފުއްޕޭނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާދިރީ ސޯ

21 April 2022

ޔޫޓީއެފް އެގްރިމެންޓް ދައްކާލަބަލަ ކޮންމެ ޕާޓީއެއް ގެ ވެރިއްނަށް... އޭރުން ތިކަން ނިމުނީ ނު... ހަމަ ގައްޑާވާން ވެގެން ...މައްސަލައިގެ ބޭސް އަތުގަ އޮވެމެ.. އެކަން ނުކުރާން ތި އުޅެނީ ގައިމު ނުބައި ހަދައިގެން ތިބީމަ ތާ ދޯ..