ޔޯގާ އިވެންޓް ހުއްޓުވަން ދިޔަ މީހުން ފަހަތަށް ޖައްސަން ފުލުހުން ހަރަކާތްތެރިވަނީ: ހައްޔަރުކުރި ހަ މީހުންގެ ބަންދަށް މިހާރު ވަނީ މުއްދަތު ދީފައި.
22 ޖޫން 2022 - 12:39
16 comments
ބައިނަލްއަގުވާމީ ޔޯގާ ދުވަސް ފާހަގަކުރުމަށް އިއްޔެ ގަލޮޅު ދަނޑުގައި ބޭއްވި ހަރަކާތް ކުރިއަށް ގެންދަނިކޮށް އެ ތަނަށް ވަދެގަނެ، ހަމަނުޖެހުން ހިންގި މައްސަލާގައި ހައްޔަރުކުރި ހަ މީހުންގެ ތެރެއިން ހަތަރު މީހަކު ދެ މަސް ދުވަސް ވަންދެން ބަންދުގައި ބައިތިއްބައިގެން ތަހުގީގު ކުރަން ކްރިމިނަލް ކޯޓުން އަންގައިފި އެވެ.
ފުލުހުން މިއަދު ބުނީ ޔޯގާގެ ހަރަކާތުގައި ހަމަނުޖެހުން ހިންގައިގެން ހައްޔަރުކުރި ދިވެހި ހަ ފިރިހެނުންގެ ބަންދާ މެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން އޭގެ ތެރެއިން ދެ މީހެއްގެ ބަންދަށް ފަސް ދުވަސް އަދި އަދި ހަތަރު މީހެއްގެ ބަންދަށް ދެ މަސް ދީފައިވާ ކަމަށެވެ.
ގަލޮޅު ދަނޑުގައި އެ އިވެންޓް ފެށިތާ ކުޑައިރުކޮޅެއްގެ ތެރޭގައި ބަޔަކު "ﷲ އަކްބަރު" އޭ ގޮވަމުން، ދުވަމުން ގޮސް އެ ތަނުން އެ މީހުން ބޭރަށް ނުކުތުމަށް ގޮވައި ހަޅޭލެވި އެވެ. އެ ހަރަކާތް ކުރިއަށް ގެންދިޔައިރު، ސަލާމަތީ ކަންކަން ބަލަހައްޓަން ދަނޑުގެ ބޭރުގައި ތިބީ ހައެއްކަ ފުލުހުން ކަމަށް ވެ އެވެ. ނަމަވެސް އެ ހަރަކާތް ބާއްވާތީ އޭގެ ކުރިން އެކި ފަރާތްތަކުން އިންޒާރުދީ، އަދި އެއީ އިސްލާމްދީނާ ހިލާފު ކަމަކަށް ވާތީ އެ ކަން ނުކުރަން ވެސް އޮތީ އެދިފަ އެވެ.
ޔޯގާ ހަރަކާތް ކުރިއަށް ގެންދަނިކޮށް، ދަނޑަށް ވަދެ ބައެއް މީހުންނަށް ހަމަލަދީ، ތަކެއްޗަށް ގެއްލުން ދިން މީހުން ކޮންޓްރޯލް ކުރެވުނީ ފުލުހުންގެ ފައުޖެއް ފަހުން ގޮސް ޓިއާ ގޭސް ވެސް ޖަހައިގެންނެވެ.
ފުލުހުން ބުނެފައި ވަނީ ޔޯގާގެ ހަރަކާތުގައި ބައިވެރިވި ބޭރުގެ ގައުމުތަކުގެ ސަފީރުންނާއި ޑިޕްލޮމެޓުންނާއި އާންމުންނާ ދެކޮޅަށް، ބިރުވެރިކަން އުފެދޭ ގޮތަށް ގަލޮޅު ދަނޑަށް ވަދެ، "ބައެއް މީހުންނަށް ހަމަލަދީ، ތަކެއްޗަށް ގެއްލުން ދީފައިވާ މައްސަލަ" ސީރިއަސް ކަމެއްގެ ގޮތުގައި އެ އިދާރާގެ ސީރިއަސް އެންޑް އޮގަނައިޒްޑް ކްރައިމް ޑިޕާޓްމަންޓުން ތަހުގީގު ކުރަމުން އަންނަ ކަމަށެވެ.
އެ ހަމަނުޖެހުން ހިންގި މީހުންގެ މައްސަލަ ބަލަން ވަޒީރުންގެ މަޖިލީހުގެ ސަބް ކޮމިޓީއެއް ވެސް އިއްޔެ ވަނީ އެކުލަވާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަނު
23 June 2022
މަގުމަތީ ފަސާދަ ކުރާ މީހުންނަށް އިސްލާމް ދީނުގާ ވެސް ވަރަށް ބޮޑެތި އަދަބު ހުރޭ ބާވާލައްވަވާފަ..
ޢާދަނުބެ
22 June 2022
ޙާދަ ތަފާތޭ ދޯ ސަރުކާރުގެ އޯގާތެރިކަން މި ފެންނަނީ ވަކި ބަޔަކުވީމަ ތަފާތު ކޮށްލާވަރު މި ފެންނަނީ
އުސްމާނުބެ
22 June 2022
މި މީހުން ވަކި ރަގަޅު ނުވަތަ ގޯސްކުރަނީ ވެސްނޫން. އެކަމަކު އެއްކަލަ އެތިކޮޅު އެތެރެ ކުރާކުދިން ކޮޅު ، 1 ނުވަތަ 2 ހަފްތާއައް ބަންދުކުރެވެނީ ، ދެން އޮން ނަނީ ދޫވެފަ ކޮންމެވެސް ބާގަޑަކުން. އެހެން ވުމުން އިންސާފުގެ މިންގަޑު ވަރައް ފުރިހަމަޔޭ ބުނެވޭ ތިކުރާ ބުރަ މަސްކަތައް ފުލުހުންނާ އި ކޯޓުތަކުން. މިހާރު ނޭންގޭ މިވީއެއްވެއް ބަރަބޮލަކައްވެސް ނުވި ފަޅޮލަކައްވެސް ނުވި އަދި ކަރަޔަކައްވެސް ނުވި...... ކީކޭ ބުނާނީ
އަލިބެގެބޯ
23 June 2022
ބޭފުޅާ، ޓެރަރިޒަމާއި ގުޅޭ ގާނޫނުގެ ދަށުން ހިންގާ ތަހުގީގާއި ކުރާ ހުކުމްތައް ތަފާތު.
އަރި ތިލަފަތް
22 June 2022
ޖީލުތައް ފަނާކޮށް ހަލާކުކުރާ މަސްތުވާ ތަކެތީގެ ޓަނެއް އެތެރެކޮށްލާ މީހުނަށްވެސް ގިނަވެގެން 15 ވަރަކަށް ދުވަސް. އަނެއްކޮޅުން އޭގެފަހުން އޮންނަނީ ކޮންމެވެސް އުންސުރެއްތޯ، ފަންސުރެއްތޯ އެއްޗެއް މަދުވެގެން މިނިވަންވެފަ. އެ ވަރިހަމަ ބޮކްސާތެރެއިން، ކީއްތޯ ދިރުވާލައިގެން ހުއްޓަސް. އެކަމަކު މިކަމުގަ.........!!!!!؟؟؟؟ މިހެންވެ ދޯ ބުނަނީ ކޮބާހޭ އިންސާފު. ހަމަހަމަކަން. މި ޒާތުގެ ތިލަފަތް ހަމަނުވާ ކަންކަމަކީވެސް ހަމަ އިތުރަށް އުފެދޭ ހަމަނުޖެހުން.
ރަދީފްއޮފިޝަލް
22 June 2022
`. ގައުމުގެ ހައްގުގަ މަސައްކަތަކުރާ އިހްލާސްތެރިން މިގައުމުގަ ނެތް.އެފަދަ ބަޔަކަށް މިގައުމު މިދަނީ އާދޭސްކުރަމުން.މުޅިންވެސް ތިބީ ޖަހާއި މަންސަބަށް އުޅޭ މީހުން.ވ.ވެދުން
އޮރިބޯ
23 June 2022
ގާނޫނު ނޭނގުމަކީ އުޒުރެއް ނޫން. ޓެރަރިޒަމަށް ވަކި ޚާއްސަ ގާނޫނެއް އޮވޭ.
ރަދީފްއޮފިޝަލް
22 June 2022
އެމީހުންނަށް ޓެރަރިޒަމްގެ ދައުވާ ނުކުރެވެންވީ ކީއްވެ؟ އަހަރެންމީ ބީބީސީ އަށާ ޑެއިލީ މެއިލްއަށްވެސް ކޮމެންޓްކުރާމީހެއް. ބޭރު ގައުމުތަކުގަ ތިކަހަލަ ކަމެއްކޮއްފިއްޔާ ދައުވާކުރަނީ ޓެރަރިޒަމަށް.
ރަދީފްއޮފިޝަލް
22 June 2022
ދޮގުނަހަދާ.ބީބީސީގަ ކޮމެންޓްކުރެވޭ ލެވެލްގެ މީހުން އެހެން މީހުންގެ ޔޫޒާނޭމުން ވައްކަމެއް ނުކުރާނެ.އިނގިރޭސި ބަހުން ޖުމްލައެއް ވެސް ލިޔެލަން ނޭނގޭ މީހުން ތިހެން އެހެން މީހުންގެ ހިޔަނީގަ އުޅޭނީ.ވ.ވެދުން
ފޭކްރަދީފް
22 June 2022
މީގަ ނޭގުނު ކާކުކަމެއް ނަމުން ވައްކަންކުރަނީ. ދެމީހުން އެއްނަމެއްގަ ލިޔަނީތަ، ނޫނީ އެކަކު ދެފަހަރު ދެއިބާތާތުން ލިޔަނީތަ. އެހެންވީމަ ފޭކް ރަދީފެއްކަމަށް ނިންމާ ސިއްކަ ޖަހައިފިން.
1828
22 June 2022
ދެމަސް؟ އޯނޯ. ތިއަށްވުރެއް ބޮޑެތި މައްސަލަތަކުގައިވެސް ފުރަތަމަ ފަހަރަށް ވަރަށް ނުދޭ 07 ދުވަހަށްވުރެއް ގިނައިންނެއް. މިކަމުގައި ގޯހެއް އުޅޭހެން ވަރަށް ބޮޑަށް ހީވޭ. ސަރުކާރުން ކުރީ ގޯސްކަމެއް. އެކަން ހުއްޓުވަން އާއްމުންވެސް ކުރީ ގޯސްކަމެއް. ގޯހަކުން ރަނގަޅެއް ނުނިކުންނާނެ. އެކަން ސަރުކާރުވެސް ދަންނަންވާނެ. އެކަން ހުއްޓުވަން އުޅުނު މީހުން އުމަރަށް ޖަލަށްވެސް ލެވިދާނެ. އެކަމަކު ތިޔަ ޔޯގާ ހަރަކާތް ރާވާ ހިންގި މީހުން ތިބޭނީ މިނިވަންކަންމަތީގައި.
8281
23 June 2022
ތިހިރީ ވާނުވާގަ. ޓެރަރިޒަމަށް ވަކި ގާނޫނެއް އޮވޭ.
އެމްސް
22 June 2022
މިޤައުމު 2 ވަނަ އަފްޣާންއަކަށްނުވެ ސަލާމަތް ކުރައްވާށި!
ސައޫ77
22 June 2022
ރާކަނިމަސް ކެވިފަ ހުންނާނީ. 1) ހުއްދީ ފަހުން ކެންސަލް ކުރީ މުއިއްޒުގެ ޕީޕީ ކައުންސިލުން 2) އިވެންޓު ސައުންޑް ލައިޓިން ޕީޕީ ކައުންސެލަރ ސުޖާ ކުންފުނިން. 3) އިވެންޓާ ދެކޮޅު ޕުރޮމޯޓް ކުރީ ސަލަފް 4) އެއްވުމައް ދިދަޔާ ބެނާ ނެރުނީ ޕީޕީ އޮފީހުން ކުދިން ހައްޔަރު ކުރިއިރު ޒިންމާނަގާނެ އެކަކުވެސް ނުވި. ޖަޒުބާތުގަ ޖެހިގެން ނިކުތް ޖުއްބާލީ މީހުން ގޮޅިއަކައް ފެތި ނިމުނީ. ފިނިކޮޓަރީގަ ތިއްބެވި ބޭފުޅުން ބުނީ ނުދެނެ ހުރީމޯ.
ރަދީފު ބިން ރަފައިދާ
22 June 2022
ޑުރަގު ޓަނުޓަނުން ގެންނަ މީހުންނަށްވެސް ޖަހަނީ 15. މިދައްކަނީ ޖީލުތައް ހަލާކުކުރާބައެއްގެ ވާހަކަ. ހަމަނުޖެހުން ހިންގިމިހުންނަށް 60 ދުވަސް. މީ އިންސާފެއްތަ؟ ދިއްލީ ހައިކޯޓުންތަ އަމުރު އައީ؟
ރޮދީފުބުނިރޮދިފަށް
23 June 2022
ކަލެއަށް ގާނޫނު ނޭނގުނީމަ އެހެން މީހުން ގޯސްނުކުރޭ. ޓެރަރިޒަމްގެ ގާނޫނުން ހިންގާ ޝަރީއަތްތައް ތަފާތުވާނެ.