ގދ. ތިނަދޫގައި ގެއެއްގެ ތެރޭގައި ބިދޭސީއަކު މަރުވެފައި އޮއްވާ ފެނިއްޖެ އެވެ.
ފުލުހުން ބުނި ގޮތުގައި ތިނަދޫގެ ގެއެއްގެ ތެރޭގައި މަރުވެފައި އޮތީ 48 އަހަރުގެ ބިދޭސީ ފިރިހެނެކެވެ.
އެ މައްސަލަ ފުލުހުންނަށް ރިޕޯޓު ކޮށްފައި ވަނީ މިއަދު 1:30 ހާއިރު ކަމަށާއި ފުލުހުން މިވަގުތު ވެސް ސީންގައި ހަރަކާތްތެރިވަމުން އަންނަ ކަމަށް ފުލުހުން ބުންޏެވެ.
އޭނާގެ މަރާ ގުޅޭ އިތުރު ތަފްސީލެއް އަދި ނުލިބެ އެވެ.
ތިނަދޫ ކައުންސިލުން ބުނި ގޮތުގައި އެކަމާ ގުޅޭ އެއްވެސް މައުލޫމާތެއް އަދި ނުލިބޭ ކަމަށެވެ.