އިދިކޮޅުން އެޗްއާރުސީއެމްއާ ބައްދަލުކޮށްފި، މެމްބަރު ވަކިކުރާނެ ކަމުގެ އިންޒާރު ދިން

އިދިކޮޅުގެ ލީޑާޝިޕުން އެޗުއާރުސީއެމްގެ މެމްބަރުންނާ ބައްދަލުކުރައްވަނީ.-- ފޮޓޯ: ޕީޕީއެމް

އިފްރާޒް އަލީ، މިހާރު

15 ޖޫން 2023 - 13:53

އިދިކޮޅު ޕީޕީއެމް/ޕީއެންސީ ކޯލިޝަންގެ ލީޑަޝިޕުން އެޗްއާރުސީއެމްގެ މެމްބަރުންނާ އެންމެފަހުން މިއަދު ބައްދަލުކޮށް، މެމްބަރުން ވަކިކުރާނެ ކަމުގެ އިންޒާރު ދީފި އެވެ.

ދެ ދުވަހުގެ މަތިން އެޗްއާރުސީއެމްގެ މެމްބަރުންނާ ބައްދަލުކުރަން މަސައްކަތްކޮށް މިއަދު ހެނދުނު ވަނީ އެ ބައްދަލުވުން ބާއްވައިފަ އެވެ. އެ ބައްދަލުވުމަށް ފަހު ނޫސްވެރިންނަށް ދިން އިންޓަވިއުގައި އިދިކޮޅުން ބުނީ އެޗްއާރުސީއެމްގައި އޮތީ ސިޔާސީ ނުފޫޒު ކަމަށާއި ކޮމިޝަންގެ މެމްބަރުން ވަކިކުރަން ރައްޔިތުންގެ މަޖިލީހަށް ހުށަހަޅާނެ ކަމަށެވެ.

އިދިކޮޅުގެ އިސް ބޭފުޅުން އެޗްއާރުސީއެމް އަށް ވަޑައިގަތީ، މިހާރު ޖަލުގައި ހުރި އިދިކޮޅުގެ ލީޑަރު އަދި ކުރީގެ ރައީސް އަބްދުﷲ ޔާމީނަށް މި ސަރުކާރުން އަނިޔާކުރާ ކަމަށް ބުނެ އެކަމުގެ ތަފުސީލު އެ ކޮމިޝަނާ ހިއްސާކުރުމަށެވެ.

އިދިކޮޅުގެ ލީޑާޝިޕުން އެޗުއާރުސީއެމްގެ މެމްބަރުންނާ ބައްދަލުކުރެއްވުމަށް ފަހު ނޫސްވެރިންނަށް އިންޓަވިއު ދެނީ.-- ފޮޓޯ: ޕީޕީއެމް

ޕީއެންސީގެ ނައިބު ރައީސް އަދި މާވަށު ދާއިރާގެ މެމްބަރު މުހައްމަދު ސައީދު ވިދާޅުވީ ރ. ފުއްގިރި މައްސަލާގައި ޔާމީންގެ ޝަރީއަތްތައް 13 ގަޑިއިރަށް ކުރިއަށް ގެންދިއުމަކީ އެއްވެސް ހަމަޔަކުން ކުރެވޭނެ ކަމެއް ނޫން ކަމަށެވެ. އެހެންވެ، ރާއްޖޭގެ ކަމާބެހޭ އިދާރާތަކުގެ އިތުރުން އދ. އަށް ވެސް މިހާރު އެ މައްސަލަ ހުށަހަޅާފައިވާ ކަމަށް އޭނާ ވިދާޅުވި އެވެ.

ސައީދު ވިދާޅުވި ގޮތުގައި، ޔާމީންގެ ޝަރީއަތް ކުރިއަށް ދަނީ އުސޫލުތަކުގެ ބޭރުން ކަމަށް އެޗްއާރުސީއެމްގެ މެމްބަރުން ވެސް ގަބޫލުކުރެ އެވެ. އެކަމަކު، ވަކި ބައެއްގެ ސިޔާސީ ނުފޫޒުގެ ސަބަބުން އެ ކޮމިޝަނުން ފާޅުގައި އެކަމުގެ ކަންބޮޑުވުން ފާޅުނުކުރަނީ އެވެ.

ފަރެސްމާތޮޑާ ދާއިރާގެ މެމްބަރު ހުސެއިން މުހައްމަދު ލަތީފު ވިދާޅުވީ ރައްޔިތުންގެ މަޖިލިސް ކުރިން ހިނގާ ގޮތަށް ހިނގަމުން އަންނަ ނުވަތަ ކޮމެޓީތަކުގެ މަސައްކަތް ހިނގާ ނަމަ އެޗުއާރުސީއެމްގައި މިހާރު ތިބި ފަސް މެމްބަރުން އެ މަގާމުގައި ނުތިބޭނެ ކަމަށެވެ.

Commission ge memberunnaa bahdhalu nuvee Idhikolhun gadi jehigen dhiyumun: HRCM

The most trusted news source in the Maldives

Mihaaru

"އަޅުގަނޑުމެން މި ދަންނަވަނީ މަޖިލިސް ފަންކްޝަން ކުރާއިރަށް މި ބޭފުޅުން [އެޗްއާރުސީއެމްގެ މެމްބަރުން] މިތަނުން ބޭރުކުރާނަން،" އޭނާ ވިދާޅުވި އެވެ.

އިދިކޮޅުން އެޗްއާރުސީއެމްގެ މެމްބަރުންނާ ބައްދަލުކުރަން އިއްޔެ އެތަނަށް ގޮސް ފަސް ގަޑިއިރު މަޑުކުރި އެވެ. އެކަމަކު، އެ ކޮމިޝަނުން ބުނި ގޮތުގައި، އިއްޔެ މެމްބަރުންނާ ބައްދަލުނުވީ އިދިކޮޅަށް އެޕޮއިޓްމަންޓް ހަމަޖައްސައިދިން ގަޑިއަށް އިއްޔެ ހާޒިރުނުވުމުންނެވެ.

އިދިކޮޅު ފަރާތްތައް ޕީޕީއެމް ރައީސް އަބްދުﷲ ޔާމީން އެޗްއާރުސީއެމް ޕީޕީއެމް/ޕީއެންސީ އިއްތިހާދު

16 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައްޑޫ ބެއްޔާ

17 June 2023

ހެހެހެ! ނުވާނެ ތިޔަކަމެއް! ކަލޭމެންގެ ބާރެއްނެތް! ތިތިބީ ފޫގޮސްފަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެެރަކަމެއްނު

15 June 2023

ކިހާ ދެރަކަމެއް. ހަމަ ހިތަތް އަންނަހާ އެއްޗެއް ގޮވަނީއޭ. މަޖިލީހުގައި ތިމާމެންގެ މެމްބަރުންގެ އަދަދު ތިއުޅެނީ 5 ހަމަނުވެގެން. ދެން މިނިވަން މުއައްސަސާއެއްގެ މެމްބަރުން ވަކިކުރެވޭތަ. ދަނޑި މުކޮސް ގުރޫޕަކާއި ބައިއަތު ހިފައިގެން ބޮޑުތަޅު އަޅުވައިގެން ތިބެންޖެހޭނީ. އެމީހުންވެސް ގުރޫޕު ހަދައިގެން ތިއުޅެނީ ގޮނޑިން ނުވެއްޓި އިރުކޮޅަކަށް ނަމަވެސް ހިފަހައްޓާލެވޭތޯ. އެކަމުން ތިމީހުންނަށް ވާނެ ފައިދާއެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަޒް

15 June 2023

ކިހާ ދެރަކަމެއް.. އަޅެ ޔާމީނު ދިވެހިންނަށް ދިން އަނިޔާ ކުޑަތަ؟ ބޮޑު ސިންގާހާ ވައްކަމެއް ވިއްޔަ ކޮއްގެން އެޔޮތީ އެތަނަށް ލާފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޔަ ބޮޑޭ

15 June 2023

ކޯޓުތަކުގަ ހިނގާޝަރީއަތް ދިގުވުމާ ކުރުވުމާ އަދި ފަލަވެފަ ހިމަވިޔަސް އެއީކޯޓުތަކުގެނިންމުން,ދެންތިބުނީ އެޗުު އާރު ސީ އެމްގެ މެމްބަރުން ވަކިކުރާނެވާހަކަ އަވަހައް ވަކިކޮއްލާ އޭރުން ތިގޮތައް ކޮސްހިނގުން ހިނގާކަށް ނުޖެހޭނެނުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަކަމެއް

15 June 2023

މި ފެންވަރުގެ މީހުން މަޖިލީހުގެ ތިބެވޭތީ ދެރައީ! މަޖިލީސް މެންބަރުންވެސް އެ ދާއިރާއެއްގެ ރައްޔިޔުންނަށް ވަކިކިރެވޭނެ ގޮތެއް ޤާނޫނު އަސާސީއަށް ގެންނަން އެބަޖެހޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޗް އެމް

15 June 2023

ޕީޕީއެމްގެ ބައެއް އިސްވެރިން ވަރަށް އެކްޓިވް ދުވަސްކޮޅެއް. ޔާމީނުއަށް ފުރުސަތުގެއްލޭތޯ އެދިއެދި ތިބެ ވަރަށް ބުރަކޮށް ޔާމީނު ސަލާމަތް ކުރަން މަސައްކަތް ކުރާކަން ސަޕޯޓަރުންނަށް ދެއްކަނީ ކަމަށް ފާހަގަ ކުރެވޭ. މުއިއްޒު މިދުވަސްކޮޅު ފެންނަނީ ފަހަތު ބަރިން ވަރަށް ހަމަހިމޭންކޮށް ހުންނަތަން. ރާހީމްބެ ފިޔަވައި ހިތާއި ރޫހުން ޔާމީނަށްޓަކައި ޕާޓީ ދޮރުފާރަވެރިކަން ކުރާ ތެދުވެރިއެއް ނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތީރު

16 June 2023

އޭނައަށް އެނގޭ ޔާމީނު ނެތިއްޔާ ސެކަންޑް ޗޮއިސްއަށް ނުވާތަނުގަ ބީރުބޮލުކަން ވެސް ގެރެންޓީ ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަ

15 June 2023

މާކުރިންވެސް ވަކި ކުރަން ޖެހޭ ބައެއް ތިއީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯޑޭ

15 June 2023

އިދިކޮޅު ޖެހޭނި ތިހެން ބޭކާރު ވަގުތު ދުށްވާލަ ދުށްވާލަ ތިބެށް. ތި އުޅެނި ރިޔާސީ ކެންޓިޑޭޓަކު ނުދެށްކި އަދިވެސް ޖަލުގަ އޮތް މީހަޔަށް ބަލާގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރިކާ

15 June 2023

މިނިވަން މުއައްސަސާތައް ސަރުކާރުގެ އަޅުންނަށް ވެގެން އުޅުން ބަލައި ނުގަނވޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޫލި

15 June 2023

ފުރަތަމަ މެމްބަރުންނަށް ބިރުދައްކައި ވަކިގޮތަކަށް އަމަލުކުރުމަށް މަޖުބޫރު ކުރުވާ މައްސަލައެއް ނޫންތޯ ބަލަންވީ. ޔާމީނު ވެރިކަމުގައި ހުރިނަމަ މިހާރު ތިގޮތަށް އެޗްއާރުސީއެމްގެ މެމްބަރުންނަށް ބިރުދައްކައި ނުފޫޒުފޯރުވާނަމަ މެމްބަރުކަމުގެ ގޮނޑިވެސް ގެއްލުވާލީހެވެ. ސައީދާއި ހުސެންނަށް ތި ދެއްކޭ ވާހަކަ ރަގަޅަށް ފަހުމުވޭބާ؟؟ މިނިވަން މުއައްސަސާއެއްގެ މެމްބަރުންނަށް ނުފޫޒު ފޯރުވުމުގެ ދައުވާ މި މީހުންނަށް އުފުލަންޖެހެވެ.