މަގުތަކުގައި ހުރި ބާ އުޅަނދުތައް ނައްތާލުމުގެ މަސައްކަތް މާދަމާ ފަށަނީ

ހުޅުމާލެ އިންޑަސްޓްރިއަލް ސަރަހައްދުގައި ބާއްވާފައި އޮތް ހަލާކުވެފައިވާ ވެހިކަލެއް: މާލެ އާއި ހުޅުމާލޭގެ މަގުތަކުގައި ހުރި ބާ އުޅަނދުތައް ނައްތާލުމުގެ މަސައްކަތް މާދަމާ ފަށަން ވަނީ ނިންމައިފައި.-- ފޮޓޯ: ފަޔާޒް މޫސާ | މިހާރު

އިފްރާޒް އަލީ، މިހާރު

16 ފެބުރުއަރީ 2024 - 21:03

8 comments

މާލެ އާއި ހުޅުމާލޭގެ މަގުތަކުގައި ބޭނުންނުކޮށް ގިނަދުވަސްވަންދެން ބަހައްޓާފައި ހުރި އެއްގަމު އުޅަނދުތައް ޓޯކޮށް، ނައްތާލުމުގެ މަސައްކަތް މާދަމާ ފަށާނެ ކަމަށް ޓްރާންސްޕޯޓް މިނިސްޓްރީން މިއަދު ބުނެފި އެވެ.

ޓްރާންސްޕޯޓް މިނިސްޓްރީން ކުރި އިއުލާނެއްގައި ބުނީ މިއީ އެއްގަމު އުޅަނދު ތޮއްޖެހުމުގެ ސަބަބުން މާލެ ސަރަހައްދުގެ ޓްރެފިކް ފްލޯއަށް ދިމާވެފައިވާ މައްސަލަތަކަށް ހައްލު ހޯދުމަށް މިނިސްޓްރީން ކުރާ މަސައްކަތުގެ ދަށުން ފަށާ މަސައްކަތެއް ކަމަށެވެ.

މި މަސައްކަތުގެ ދަށުން މާލެ އާއި ހުޅުމާލޭގެ މަގުތަކުގައި ބޭނުންނުކޮށް ގިނަދުވަސްވަންދެން ގަވާއިދާ ހިލާފަށް ބަހައްޓާފައިވާ އުޅަނދުތައް ދެނެގަނެ ހަމަޖެހިފައިވާ އުސޫލުގެ ތެރެއިން އެ އުޅަނދުތައް މަގުމަތިން ނަގައި ނައްތާލުމުގެ މަސައްކަތް ކުރާނެ ކަމަށް އެ އިއުލާނުގައި ބުންޏެވެ.

މިނިސްޓްރީން ބުނި ގޮތުގައި، މި މަސައްކަތް ކުރާނީ މާލޭ ސިޓީ ކައުންސިލާއި އެޗްޑީސީ އާއި ވެމްކޯ އަދި ފުލުހުން ގުޅިގެންނެވެ.

މާލެ އާއި ހުޅުމާލޭގެ މަގުތަކަށް އުކާލާފައިވާ، ބާވެ، ގިނަ ދުވަހު ނުދުއްވާ ހުންނަ ވެހިކަލްތައް ނެގުމުގެ މަސައްކަތް މީގެ ކުރިން ވެސް ކޮށްފައިވެ އެވެ.

Amilla ah ulhandhu nahthaalan beynun vaa meehun ekamah edhen ministry Ministry in hulhuvaalaifi

The most trusted news source in the Maldives

Mihaaru

މަގުމަތީގެ ތޮއްޖެހުން ކުޑަކުރުމަށް އަމިއްލައަށް އުޅަނދުތައް ނައްތާލަން ބޭނުންވާ މީހުން އެކަމަށް އެދި ހުށަހެޅުމުގެ ފުރުސަތު ވެސް ޓްރާންސްޕޯޓް މިނިސްޓްރީން މިދިޔަ ހަފުތާގައި ވަނީ ހުޅުވާލައިފަ އެވެ. އެ ފުރުސަތު އަންނަ މަހު ތިނެއްގެ ނިޔަލަށް ވަނީ ހުޅުވާލައިފަ އެވެ.

މާލޭގެ މަގުތަކުގައި، ހާއްސަކޮށް ބޮޑުތަކުރުފާނުމަގުގެ ދެފަރާތުގައި ހަތަރު ފުރޮޅުލީ ގިނަ އުޅަނދުތައް ޕާކުކޮށްފައި ހުރުމުން ވަރަށް ބޮޑެތި ދަތިތަކާ ވަނީ ކުރިމަތިވެފަ އެވެ. އެ މަގުގެ ދެ ފަރާތުގައި ކާރާއި ވޭނުތައް ޕާކްކޮށްފައި ހުރުމުން، ހަތަރު ލޭނުގެ އެ މަގުން މިހާރު ދުއްވަން ބޭނުންކުރެވެނީ އެންމެ ދެ ލޭނެވެ.

ފުލުހުން ވެހިކަލްތައް ޓްރެފިކް އެޗްޑީސީ ޓްރާންސްޕޯޓް މިނިސްޓްރީ ވެމްކޯ

8 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލިފް ހ

17 February 2024

ތި ކަމަކީ އެތައް ފަހަރަކު ފެއިލްވެފައިވާ ކަމެއް! ފަށާ ދުވަހު ނޫން ކުރިން ދުވަހު ތިކަން ކޮށް ނިންމާފަ އޮންނަނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިލޯސުވިޗް

17 February 2024

ބޯޑު ބަދަލުކޮށްގެން އުޅޭ އުޅަންދުތައް ހޯދޭނެ ފެންވަރު މިހާރު ހުންނަންޖެހޭކަމަށް ގަބޫލުކުރަން. އެކަން ނުކުރަނީ ކީއްވެބާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

17 February 2024

މިސްކިތް ތައް ކައިރީ ގިނަ މަސްތަކެއް ވަންދެން އުޅަނދު ނުދުއްވާ ޕާކް ކޮށްފަ ހުރެ އެވެ. ގަރާޖް ތައް ކައިރީ އެތައް މަހެއް ވަންދެން ޕާކް ކޮށްފަ ހުރެ އެވެ. އަބަދުވެސް ދުވަނީ ސައިކަލް ފަހަތުންނެވެ. މިފަހަރު ރަނގަޅެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮޅުންސުވާލި

16 February 2024

ދެން ތިޔަ ނައްތާލައިގެން ބަޔަކަށް ބަދަލުދޭން ޖެހުނީމަކާ މާރީއްޗެއްނުވާނެ. ގެޒެޓުގައި އިއުލާންކޮށްފިތޯ މުއްދަތެއްދީ ތަކެތީގެވެރިން އެތަކެތި ނަގަން، އަދި މުއްދަތުގައި ނުނަގައިފިނަމަތާ ނައްތާ ލެވޭނީ. މިދުވަސްކޮޅު ކޮންމެތާކު ޕާކުކުރަން ހުއްދައެބައޮތް ދުއްވާތަކެއްޗަށް އުނދަގޫނުވާގޮތަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަސޮރު

16 February 2024

ގަވާއިދާ ޚިލާފަށް ހުރި އުޅަނދުތައްވެސް ޓޯ ކޮށްލަބަލަ... ރެޖިސްޓަރ ނުކޮށް ހުޅުމާލެ މަގުތަކުގަ ގަވައިދާ ހިލާފަށްހުރި އުޅަނދުތައްވެސް ނަގާބަލަ ޓްރެފިކް މައްސަލަ ހައްލު ކުރަންޔަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށަސި

16 February 2024

ދުވަސްކޮޅަކުން އިވޭނީ މަގޭގެ އާ ކާރު ނައްތާލައިގެން ބޮޑު ބަދަލެއްދޭން ހުކުމްކުރާއަޑު،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

16 February 2024

ހިރަފުސް އަރާފައިވާ ބައެއް ވެހިކަލަކީ ވެރިމީހާ މާލޭގައި ނެތުމުން ނުދުއްވާހުރި ވެހިކަލަށް ވެދާނެ. އެކަމަކު ބައިވަރު ވެހިކަލް ހުރީ ބޭނުންކުރާވަރަށްވުރެ ބޮޑަށް ބާވެފަ. އެހެންވީމާ ނައްތާލުމުގެ ކުރިން އިސްޓިކާއެއް ޖަހާފަ 2 މަސްދުވަހުގެ މުއްދަތެއް ދީފައި ވެހިކަލް ނުނަގާހުރިނަމަ ނައްތާލުން ރަގަޅުކަމަށް ދެކެން. އިސްޓިކާގައި ލިޔެފަ އިންނަންވާނެ 2 މަސްފަހުން ނައްތާލާނެ ވާހަކަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަރުސޮރު

17 February 2024

ނައްތާލަން ދާޚަރަދައި އަދި އެއަށް އިތުރު ޖުރިމަނާއަކާ ފައިދާއެއްލާފަ އުޅަނދުގެ ވެރިފަރާތުން އެފައިސާ ނަގަންޖެހޭނެ. ސަރުކާރަކީ މީހުންގެ އުޅަނދު ނައްތަންތިބޭ ބަޔަކަށް ވަންޏާ އަބަދުވެސް ތިކަމުގައި އުޅެންޖެހޭނީ. އުޅަނދެއްގަތެއްކަމަކު އެހެންމީހަކަށް އަދި ސަރުކާރަކަށްވެސް އުދަގުލެއްވެގެން ނުވާނެ. ފެންވަރު ނެތިއްޔާ ނުގަތީމާ ނިމުނީނު