ޚަބަރު / ކުށްކުރުން

މާލޭގައި މީހަކު ރަހީނުކޮށް އިނގިއްޔެއް ބުރިކޮށްލައިފި

ކްރިމިނަލް ކޯޓު: މާލޭގައި މީހަކު ރަހީނުކޮށް އިނގިއްޔެއް ބުރިކޮށްލި ތިން މީހަކު ވަނީ ހައްޔަރުކޮށްފައި --- ފޮޓޯ/މިހާރު

ނާޒިމް ހަސަން، މިހާރު

09 ޖުލައި 2024 - 11:33

28 comments

މާލޭގައި މީހަކު ރަހީނުކޮށް އިނގިއްޔެއް ބުރިކޮށްލާފައިވާ ކަމަށް ފުލުހުން ބުނެފި އެވެ.

މި މައްސަލައާ ގުޅިގެން ދިވެހި ތިން ފިރިހެނުން ވަނީ ހައްޔަރުކޮށްފަ އެވެ. އޭގެ ތެރޭގައި 18 އަހަރުގެ މީހަކު ވެސް ހިމެނެ އެވެ.

އެ ތިން މީހުންގެ ބަންދާ މެދު ގޮތެއް ނިންމަން އިއްޔެ ކްރިމިނަލް ކޯޓަށް ހާޒިރުކުރުމުން ޝަރީއަތް ނިމެންދެން ބަންދުކުރަން އަމުރުކޮށްފައިވެ އެވެ.

ފުލުހުން ކޯޓަށް ހުށަހެޅި މައުލޫމާތުތަކުން އެނގޭ ގޮތުގައި އަނިޔާ ލިބުނު މީހާގެ އެއް އިނގިލި ވަނީ ބުރިކޮށްލައިފަ އެވެ. އެކަން އެނގޭނެ ފޮޓޯތައް ފުލުހުން ހުށަހަޅާފައިވެ އެވެ.

އަނިޔާ ލިބުނު މީހާއަކީ ކުށުގެ ތުހުމަތުވާ ތިން މީހުންނާ އެކު އެއް ތަނެއްގައި މަސައްކަތް ކުރާ މީހެކެވެ. އޭނާ ރަހީނުކޮށް އަނިޔާ ދިން ސަބަބެއް ސާފެއް ނުވެ އެވެ.

ތިން މީހުން ވެސް ވަނީ ކުށަށް އިންކާރުކޮށްފަ އެވެ.

ކޯޓުގައި ތިން މީހުން ބުނެފައިވަނީ އެމީހާ ރަހީނު ނުކުރާ ކަމަށާއި ގަސްތުގައި އަނިޔާ ވެސް ދީފައިނުވާ ކަމަށެވެ. އަދި އޭނާގެ އިނގިލި ބުރިވެފައިވަނީ ޕަވާޓޫލެއް ބޭނުން ކުރަނިކޮށް ކަމަށް ވެސް ބުނެފައިވެ އެވެ.

ނަމަވެސް، ކޯޓު އަމުރުގައިވާ ގޮތުން އަނިޔާ ލިބުނު މީހާއަށް ގަސްތުގައި ޖިސްމާނީ އަނިޔާކޮށްފައިވާ ކަން ފުލުހުން ހުށަހެޅި ފޮޓޯތަކުން އެނގެ އެވެ.

ތިން މީހުންގެ މައްޗަށް ވެސް ތުހުމަތު ކުރަނީ ތޫނު އެއްޗެއް ބޭނުންކޮށްގެން މާރާމާރީ ހިންގުމާއި ޖެހުމާއި ހުއްދަ ނޫން ގޮތުގައި މީހުން ހިފެހެއްޓުމުގެ ކުށުގެ ތުހުމަތެވެ.

ކުށްކުރުން ފުލުހުން ކްރިމިނަލް ކޯޓް ކުށްވެރިން ޖިނާއީ އަދުލުގެ ނިޒާމު

28 ކޮމެންޓް, 22 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުކޮސް

10 July 2024

ތީ ދަރަންޏަށް ލާރިނަގާފަ ދަރަނި އަދާ ނުކުރީމަ ޗައިނާ ޑްރާމާތަކުގަ ކުރާކަމެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައިރާ

10 July 2024

މިހާރު މިރާއްޖޭގައި ހިނގާކަމުގަ ބެލެވެނީ މާފިޔާ ގާނޫނު. ފެންނަނީ ޑުރަގާއި އެއާއިގުޅިގެން ހިނގާ އެކިކަންކަމުގެ ފަލަސުރުޚީ. ހުއްޓުވަންކުރެވޭ އަދި އެކަންކުރާމީސްމީހުނަށް ވާގޮތުގެ އެއްވެސް ވާހަކައެއް ޚަބަރެއް ނުފެނޭ. ތިކަމަކީ އެތައް ޒަމާނެއްވަންދެން މީހަކަށް ނުވަތަ ބަޔަކަށް ދައްކަންއޮތް ފައިސާއެއް ނުދައްކައި ބަހަނާދައްކާތީވެ ހިތައް ބިރުވައްދާލަންދޭ ހަނދާނުންނުފިލާވަރުގެ ހަދިޔާއެއް. އިސްލާމީ ޝަރުޢު ހިންގައިގެންނޫނީ ތިކަމެއް ނުހުއްޓުވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުހުމީމް ނޫރު

09 July 2024

ރަހީނު ކޮށް ނިމޭ އިރު ރާއްޖޭގައި ގިނަފަހަރަށް ކުށްވެރިވަނީ ރަހީނު ކުރެވޭ މީހާ... ބިލެކްމެއިލް ކުރާ މީހާދެކެ ބުލެކްމެއިލްވާ މީހާ ބިރުގަންނަނީ ޤާނޫނުގެ ރައްކާތެރިކަން އޭނާއަށް ނުލިބޭތާ ސޯސަލްމީޑިޔާގައި ހަވަރަށްދޭތީ ... އާހިރުގައި އޭނާ ވަނީ ކުށްވެރިއަކަށް،،، ދައުވާ އުފުލި ކޯޓުގައި 7 އަހަރު 6 އަހަރު ވަޒީފާއެއް ނުލިބި އުޅެން އެބަޖެހޭ...މިއީ ހިތި ހަޤީޤަތް،،، ގިރި ކޭސްކަހަލަ ކިތަންމެ ކޭހެެއް މިހެން ހިނގާފައި އެބަހުރި...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުބެލޭނެ އެއްޗެއް ނެތް

09 July 2024

އިންޓަނެޓުން ނުބެލޭނެ ނުބައިކަމެއް ނޯވޭ. މަންޒަރު ބަލަން ކެތްކުރެވޭނެ މީހުންނަށް ނުބެލޭނެ ނުބައި އެއްޗެއް ނެތް. ކޮންމެ އެއްޗެއް ލޮލުން ބެލިއަސް އެއަށް އަމަލުނުކޮށް އެމީހަކު ހުންނާނީ އެމީހެއްގެ ދީނީ އަގީދާ ފުރިހަމަވެ އީމާންކަމެއް ހުރިނަމަ. ހެއްދެވި ފަރާތް ދެކެ ގަންނަ ބިރެއް ނެތްނަމަ އަދި އެމީހާއަށް އެމީހާ ކުރާ ކަމެއްގެ ބަދަލުޖެހޭނެކަން ގަބޫލުނުކުރާނަމަ ކޮންމެފަދަ ނުބައިކަމެއްވެސް ދުނިޔޭގަ ކުރެވިދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަހީނު

09 July 2024

ހާދަ ރަހީނު ކުރުން ގިނަ ވެއްޖޭ. ކިހިނެއް، ކޮންއިރަކު ފެށިގެން އުޅޭ ކަމެއްބާ؟ އެކެއް އަނެކެއްގެ ކިބައިން ހިއްވަރު ލިބިގަންނަނީބާ؟ ފިޔަވަޅު ރަނގަޅަށް ނޭޅެނީހެން ހީވަނީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަކީރު އަލީ

09 July 2024

ކުރީ ސަރުކާރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮޅާ އައްލޯ

09 July 2024

ތިތަނުން މީހެއް އެއްމެން ނަށް ފެންނަހެން މިއަދު އެއަރޕޯޓް ގައި ހުޅުވި މޮނިއުމަންޓް އަށް އަރުވާފައި ބަހައްޓަން ކޯޓް އަމުރެއް ހޯދަ ދީބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަރާބެ

09 July 2024

އެންމެ އިގިއްޔެއްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުު

09 July 2024

ކޮބާ ފަނޑިޔާރުންގެ އިންޝުރެންސް ބޮޑުކުރޭ، ގައުމުގަ މީހުން މެރުމާ، ވައްކަން ކުރުމާ، ޑްރަގާ، މިހާރު ރަހީނު ކުރުން ބާރު ސްޕީޑުގަ ކުރިއަށް، އެކަމަކު ފަނޑިޔާރުން އެއުޅެނީ އިންޝުރެންސް ބޮޑުނުވެގެއް ހިތުގަ ޖެހިގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

09 July 2024

މިވަރުކަމެއް ހިނގިއިރު ރައްޔިތަކަށް ރޭކާވެސް ނުލާ؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓަރ. ބަނާނާ

09 July 2024

ރަދީފުމެން ފަދަ ބޭފުޅުން ތިޔަފަދަ ކަންކަމާއި ކަންބޮޑުވި ނަމަވެސް މިހާރު ތިޔަޢީ މާ ބޮޑެތި ކަންކަމެއްނޫން! އަހަރުމެނަށް ތަރައްގީ ވެ މިނިވަންކަން ލިބި ޑިމޮކްރަސީ އިން ގެނެސް ދިން މޭވާ ދޮންވެ ފައްކާވެ ގަސްބުޑަށް ފައިބާ އިރު ތިޔާ ބާވަތުގެ ކަންކަން ހިގައިދާނެ ދެއްތޯ؟ "ތިޔައީ ޒައީމޭ ލޮބުވެތި މުޅި ގައުމު ފަހުރުވެރިވާ!" މިބައިތުން ނިންމާލާނަން. ވ ސަލާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުއިއްޒު

09 July 2024

ކުރީ ސަރުކާރުން ދޫކޮއްލިބައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮލަކަށް ލޮލެއް ދަތަކަށް ދަތެއް

09 July 2024

ދެން ތިތިންމީހުންވެސް 25 އަހަރުވަންދެން ދައުލަތުން ކާންދީގެން ނިންދަވައިގެން ގެންގުޅޭ. އެޔަށްވުރެ އެމީހުންނަށްވެސް އަދި ދައުލަތަށްވެސް ލުޔެއްނު ތައުރާތުގަ އޮތްގޮތަށް އެމީހުންގެވެސް އިނގިލި ބުރިކޮށްލާފަ ދޫކޮށްލިއްޔާ..