އަތުލައިގަތް ޑްރަގު ބޮޑުން މަސައްކަތެއް ނުކުރޭ، އެކަމަކު އުޅުނީ ވަރަށް މުއްސަނދިކޮށް!

ޑްރަގް ޓްރެފިކިންގެ މައްސަލައިގައި ފުވައްމުލަކުން ހައްޔަރުކުރި ދެ މީހުން.-- ފޮޓޯ: ޕޮލިސް

އާސިމާ ނިޒާރު، މިހާރު

10 ޑިސެމްބަރ 2024 - 15:27

މަސްތުވާތަކެތި ވިއްކައި މަނީ ލޯންޑާކުރާ ބޮޑު ނެޓްވޯކެއް ފުވައްމުލަކުން އަތުލައިގަނެ ގިނަ ބަޔަކު ހައްޔަރުކޮށްފައިވާ އިރު އޭގައި އިސްކޮށް ހިމެނޭ މީހުން އާމްދަނީ ހޯދަން އެއްވެސް މަސައްކަތެއް ނުކުރިއަސް އުޅެމުން ދިޔައީ ވަރަށް މުއްސަނދި ދިރިއުޅުމެއް ކަމަށް އެ ރަށުން ވާހަކަ ދެއްކި ބައެއް މީހުން ބުނެފި އެވެ.

ފުލުހުން މިއަދު ނެރުނު ބަޔާނުގައި ބުނީ، ފުވައްމުލަކުގައި މިދިޔަ ޖެނުއަރީ 14 ގައި ފެށި "އޮޕަރޭޝަން ވެށި ރައްކަލް" ގައި 58 މީހަކު ހައްޔަރުކޮށް، އެ މީހުންގެ މައްޗަށް 75 މައްސަލައެއް ތަހުގީގު ކޮށްފައިވާ ކަމަށެވެ. އޭގެ ތެރެއިން 65 މައްސަލައެއްގެ ތަހުގީގު ނިންމައި ދައުވާ ކޮށްދޭން އެދި ޕީޖީ އޮފީހަށް ވަނީ ފޮނުވައިފަ އެވެ.

އެ އޮޕަރޭޝަންގެ ތެރެއިން ބަޔަކު ހައްޔަރު ކުރަން ފެށުމުން މީގެ ކުރިން ފުލުހުންނާ ދެކޮޅަށް ހަމަނުޖެހުން ވެސް ހިންގި އެވެ.

އެ ނެޓްވޯކްގައި ހިމެނޭ، ޑްރަގް ޓްރެފިކިން އާއި މަނީ ލޯންޑަރިންގެ މައްސަލައިގައި ދެ މީހަކު އިއްޔެ ހައްޔަރުކޮށްފައިވާ ކަމަށް ފުލުހުން ބުންޏެވެ. އެއީ؛

- ފުވައްމުލަކު، ދޫޑިގަން، ކަރަންކާވިލާ އަހުމަދު ނިއުޝާދު، 34 އަހަރު

- ފުވައްމުލަކު، ދޫޑިގަން، ޒަމާނީވިލާ، ހަސަން އާޒިމް، 29 އަހަރު

ނިއުޝާދުގެ ބޭންކު އެކައުންޓުން ފާއިތުވި ފަސް އަހަރުގެ ތެރޭގައި 21 މިލިއަނަށް ވުރެ ގިނަ ރުފިޔާގެ މުއާމަލާތް ހިންގާފައިވެ އެވެ. އާޒިމްގެ ބޭންކު އެކައުންޓް މެދުވެރިކޮށްގެން ދެ އަހަރުގެ ތެރޭގައި ހަތް މިލިއަނަށް ވުރެ ގިނަ ރުފިޔާގެ މުއާމަލާތް ހިންގާފައިވާ ކަމަށް ފުލުހުން ބުންޏެވެ.

ފުވައްމުލަކުން "މިހާރު" އާ ވާހަކަ ދެއްކި ބައެއް މީހުން ބުނީ، ޑްރަގްގެ މައްސަލާގައި އެންމެ ފަހުން ހައްޔަރުކުރި މީހުން އާމްދަނީ ހޯދަން އެއްވެސް މަސައްކަތެއް ނުކުރާ ކަމަށެވެ. އެކަމަކު، އަގުބޮޑު ކާރު އެއްޗެހި އެ ރަށަށް ގެންގޮސް، މަހެއް ވަންދެން ދުއްވުމަށް ފަހު އެ ތަކެތި ފޮނުވާލައި، އަނެއްކާވެސް އާ އުޅަނދުތަކެއް ގެންދާ ކަމަށް ބުންޏެވެ.

Drug vikkai money launder kuraa bodu network eh Fuvammulakun athulaigenfi

The most trusted news source in the Maldives

Mihaaru

އެ މީހުން ތުހުމަތުކުރާ ގޮތުގައި، ފުވައްމުލަކަށް ކާރު ގެންދަނީ މަސްތުވާތަކެތި ފޮރުވައިގެންނެވެ.

"ކާރު އެއްޗެހި ގެންނަނީ އައްޑޫ ކޮޅުން. ވަރަށް މުއްސަނދިކޮށް އުޅެނީ އެކަމަކު ގެތައް ހުންނަނީ އާދައިގެ ގޮތަކަށް،" ނަން ނުޖަހަން ޝަރުތުކޮށް ވާހަކަ ދެއްކި މީހަކު ބުންޏެވެ.

އެ ދެ މީހުންނާ ގާތް ގުޅުން އޮންނަ ގްރޫޕެއްގެ ބަޔަކު މި ފަހުން އެ ރަށުގައި ދެ ކެފޭއެއް ހުޅުވި އެވެ. އެ މީހުން އެއްވެ އުޅެނީ ވެސް އެ ކެފޭ އަށެވެ.

ފުވައްމުލަކުގައި ގްރޫޕުތަކެއްގެ މެދުގައި ހިންގި ހަމަނުޖެހުމެއްގައި އާޒިމްގެ މައްޗަށް 2016 ގައި ދައުވާ އުފުލި އެވެ. އެކަމަކު، އެ ދައުވާ ސާބިތެއް ނުވެ އެވެ. ނިއުޝާދު ވެސް ވަނީ މީގެ ކުރިން އެކި މައްސަލަތަކުގައި ހައްޔަރުކޮށްފަ އެވެ.

ފުވައްމުލަކުން ވާހަކަ ދެއްކި މީހުން ތުހުމަތުކުރި ގޮތުގައި ނިއުޝާދާއި އާޒިމް ޑްރަގްސްގެ ވިޔަފާރީގައި އުޅޭތާ އަހަރުތަކެއް ވެއްޖެ އެވެ. މަސައްކަތެއް ނުކޮށް މުއްސަނދި ދިރިއުޅެއް އުޅޭތީ އަބަދު ވެސް ޑްރަގްގެ ވިޔަފާރިކުރާ ކަމުގެ ޝައްކު ކުރެ އެވެ.

ފުލުހުން މި ނެޓްވޯކް އަތުލައިގަތީ އެ ތުހުމަތުތައް އޮންނަތާ ވެސް އަހަރުތަކެއް ވެފައި ވަނިކޮށެވެ.

ފުވައްމުލައް ފުލުހުން މަސްތުވާތަކެތި ކުށްކުރުން މަނީ ލޯންޑްރިން

45 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަންދަލޫސިޔާ

11 December 2024

ކޮބާތަ ބޭންކް އޮފް މޯލްޑިވްސް؟ ވަޒީފާއެއް ނެތް އެއްވެސް އަމިއްލަ މަސައްކަތެއް ނުކުރާ މީހަކު 21 މިލިޔަން ބޭންކް ރޯލްކޮށްލީމަ އެކައުންޓް ބްލޮކެއް ނުކުރޭ. ވަޒީފާގައި އުޅޭ މީހަކު އޭނަގެ ޑޮލަރުކޮޅު ވިއްކާފަ ފައިސާ ލިބުން ޑޮލަރު ގަނެފަ ވިއްކާފަ ފައިސާ ވަންނަ އިރަށް 3 އަހަރަށް އެކައުންޓް ސަސްޕެންޑް! ވަގުން ގެންގުޅޭ ފައިސާތައް ހިފަހައްޓަން އިހުމާލުވީ ބޭންކް މުވައްޒަފުން ކޮބާތޯ؟ ފުވައްމުލަކު ބްރާންޗްގަ އެކައުންޓް ހުރިއްޔާ މެނޭޖަރު ވަކިކުރަންޖެހޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒައީންަ

11 December 2024

ދިވެހިން ބޭނުން ވަނީ މަސައްކަތެއް ނުކޮށް މުއްސަދިކޮށް ދިރިއުޅުން، އެހެން ވީމަ މި ދެމީހުން މި އުޅޭނީ ދިވެހީން އުޅުން ބޭނުން ގޮތަށޭ ބުނެވިދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާލި

11 December 2024

"ނިއުޝާދުގެ ބޭންކު އެކައުންޓުން ފާއިތުވި ފަސް އަހަރުގެ ތެރޭގައި 21 މިލިއަނަށް ވުރެ ގިނަ ރުފިޔާގެ މުއާމަލާތް ހިންގާފައިވެ އެވެ. އާޒިމްގެ ބޭންކު އެކައުންޓް މެދުވެރިކޮށްގެން ދެ އަހަރުގެ ތެރޭގައި ހަތް މިލިއަނަށް ވުރެ ގިނަ ރުފިޔާގެ މުއާމަލާތް ހިންގާފައިވާ ކަމަށް ފުލުހުން ބުންޏެވެ." ބޭންކް ގައި މައުލޫމާތު 2 އަހަރުން އާކުރާން ޖެހޭ، އެއިރު އޮންނާނެ ވަޒީފާ އާއި އާމްދަނީ ލިޔަން. އަހަރެމެންނަށް އެފް.އޭ.އޯ އިން 1000 ޑޮލަރު ޖަމާކުރިއަށް ބެންކް އިން ހިފައްޓާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްބެ

11 December 2024

ކުއްލިއަކަށް މުއްސަނދިވާ ޒުވާނުންނާއި މެދުއުމުރުގެ މީހުން މިހާރު ވަރަށް ގިނަ. މީގެ ގިނަ މީހުންނަކީ މަސްތުވާތަކެތީގެ ވިޔަފާރިކުރާ މީހުން. ދެންތިބެނީ އެކި ގޮތްގޮތުން ނަހަމަ ގޮތުގައި ނާޖާއިޒު ފައިދާ ޙޯދާމީހުން. އޭގެ ތެރޭގައި ރިބާ, ޖުވާ, ފޭރުން, ހަށިވިއްކުމުގެ ވިޔަފާރި, ސަރުކާރުގެ ޕްރޮޖެކްޓްތަކުން މަކަރު ހަދައިގެންނާއި އެކި ކަހަލަ ފަސާދައިގެ އަމަލުތަކުން, ސިޔާސީ ޕާޓީތަކުން ކަޓުނަގައިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުބްހާން

11 December 2024

5ޔ ތެރޭ 21މިލިއަން ރުފިޔާ މަހަކު 350000. އަހަރެމެން އެކައިންޓުން 50000 ވަނަސް އެކައުންޓް ބްލޮކް ކޮއްލާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަކޮއެ

10 December 2024

ލޮލް މިރަށުގަ ވެސް އުޅޭ ފާޑަކައް މުއްސަނދިވެގެން އުޅަެ ސޮރެއް ކިޔާއަޑުއިވޭ މަސްތުވާތަކެތީގެ ބޮޑުން މިނިވަންކޮން ރިސްވަތުހިފާ އެމްއެންޕީއާރުސީގެ ވެސް ފައިސާގަނޑުގަ ޖެހިގެން މުއްސަނދިވެގެން އުޅޭ ސޮރެކޭ ލޯންޗުތަކާ ފިހާރަތަކާ ގެސްޓް ހައުސްތައް މިދިމާ މަތިން ފޭބިހެން ހަމަހީވީ އެގޮލާ މަންމަ މީހުން ކައިރީގަ ކިޔާކަމައްވަނީ ވަޒީފާގަ އުޅުނު އިރު ލިބުނު ލާރިއޭ ލޮލް ހުސް ވަގުން މިއުޅެނީ މުއްސަނދިވެގެން މިހާރު ލޮލް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަދަ

10 December 2024

އިހްސާން އަށް ސާބަސް! ވަރަށް ސަޅި. ކުޅުދުއްފުށީގަވެސް އެބަތިބި ތިކަހަލަ ބޮޑުން. އެމީހުންވެސް ހިފާ ހައްޔަރުކުރޭ!ަަ އުމުރުދުވަހުވެސް އަދި އެއްވެސް މަސައްކަތެއް ނުކުރާކަން ހާމަވާ ނަހަމަ ގޮތުގައި ފަެިސާގެންގުޅޭ ޒުވާނުން, ހިތާމަހުރި. ދެރައީ ގިނަފަހަރަށް މިއީ ބޮޑުންނާ ގުޅިފަތިބޭ މީހުންކަމަށްވާތީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބޫ

10 December 2024

މީހުނަށް ނުފެންނަ ގޮތައްވެސް ހަމަ ރަނގަޅު ވިޔަފާރި ކުރެވިދާނެ. އެކަމަކު ހައްޔަރު ކުރީމަ ކޯޓުގައި އެކުރާ ވިޔަފާރިއެއްގެ ތަފްސީލް ދެވެން ޖެހޭނެ. ކޮށްމެ ކަހަލަ ވިޔަފާރިއެއް ކުރިޔަސް ރަނގަޅު ވިޔަފާރިއެއް ވިއްޔާ ދެއްކެން އޮންނާނެ. ނުދެއްކޭނީ ގޯސް ވިޔަފާރި. މުއްސަނދި ކަމަކީ މަސްތުވާތަކެތި ވިއްކައިގެން ހޯދާއެއްޗަކަށް ވެއްޖިއްޔާ ގާނޫނުގެ އެމީހަކާ އަރާ ހަމަކުރާ ދުވަސް އަންނާނެ. ޑްރަގް ލޯޑުން ހިމާޔަތް ކުރަން ވާހަކަ ދެއްކުން ދޫކޮށްލަން އެބަޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބްސް

10 December 2024

މުއްސަނދިކޮށް އުޅުމަކީ މިހާރު ކުށެއްތަ. ކުރާ މަސަތްކަތް އެހެންމީހުންނަށް އެނގޭކަށްވެސް ނުޖެހޭ. އަދި ލިބޭލާރިން މައިންބަފައިން އުމްރާ ހައްޖަށްެވެސް އެބަފޮނުވާ ... އެމީހުންވެސް ބަލާކަށް ބޭނުމެއްނޫން ލާރި ހޯދާ ގޮތެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިލްމާ ޒާހިރު

11 December 2024

މައްސަލައަކީ އަތެއް ފައެއް ގުޑުވާނުލާ މިލިޔަނުން ފައިސާ ގެންގުޅޭތީ. 24 ގަޑިއިރުން 8 ގަޑިއިރު ނިދާފައި އަނެއް 16 ގަޑިއިރު ހަމަހޭގައި ނުހުރޭ. ތިން އަހަރުން 21 މިލިޔަން އެެއީ މަހަކަށް 583،000 ރުފިޔާ. އެވަރު ފައިދާ ލިބޭ ވިޔަފާރިއަކުން އަހަރަކު 900،000 ޓެކްސް ވެސް ދައްކަންޖެހޭނެ. 21 މިލިޔަން ލިބުނު އިރު 2.7 މިލިޔަންގެ ޓެކްސް ކޮބާ؟ ކިތަންމެ ސީކްރަޓް ވިޔަފާރިއަކަސް ޓެކްސް ދައްކަންޖެހޭނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިސާލަކަށް

10 December 2024

މިސާލަކަށް އަހަރެންމީ ކާރު ބޭރުން ގެނެސް އައިބޭގައި ޖަހައި ވިއްކާމީހެއް. އެހެން ވެއްޖިއްޔާމުން އަހަރެން ކުރާ މަސައްކަތެއް ފެންނާނެތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯގަޅި

10 December 2024

އައިބޭއިން ކާރުފޮނުވަނީ ޑޭޓާއަށް ބަދަލުކޮށްފަ ތިގޭކޮޓަރި ތެރެއަށްތަ؟ އެހެންވިއްޔާ ތިމަސައްކަތް ގެނައި ބޯޓަކަށްވެސް ކަސްޓަމްސްއަކަށްވެސް ތިކުރާމަސައްކަތެއް ނުފެންނާނެ.!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސާލަކަށް

10 December 2024

އައިބޭގައި ޖަހައިގެން އިސްތިހާރުކޮށްގެން ވިއްކީމަ، އެއޮތީ ކުރާ މަސައްކަތް ފެންނަން ނޫންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަރުބެކޭތަ

10 December 2024

ކައިރި ގެތަކުގަ ތިބޭ ބަޔަކަށް ނުފެންނާނެ އައިބޭގެ ލިސްޓިންއެއް. ފެންނާނީ ކާރު ގެންނަ ތަނާއި ގެންދާތަން. ވަޒީފާއަކަށް ދާތަނެއް ނުފެންނާނެ. ދެން އެވީ ޑްރަގު ވިއްކާމީހަކަށް. މީ އަޖައިބެއްކަހަލަ ކަމެއް.