އަލިފާން ކޮންޓްރޯލްވި އިރު އިމާރާތް އަނދައި ހުލި

ހައުސިން މިނިސްޓްރީ އިމާރާތުގައި ރޯވެ އަނދަނީ. -- ފޮޓޯ: ނިޝާން އަލީ / މިހާރު

12 ޑިސެމްބަރ 2024 - 08:10

12 ޑިސެމްބަރ 12:07

#އަދާހަމަ: އިމާރާތްކުރުމާއި ބިނާރާ ބެހޭ ވުޒާރާ އިމާރާތުގައި ރޯވެފައިވާ އަލިފާނުގެ %90 މިހާރު ވަނީ ކޮންޓްރޯލް ކުރެވިފަ.
— Maldives National Defence Force (@MNDF_Official) December 12, 2024

12 ޑިސެމްބަރ 10:59

ހައުސިން މިނިސްޓްރީ ހިންގާ އިމާރާތުގައި ރޯވެ އަނދައި ހުލިވެފައި: ސިފައިން އަދިވެސް ދަނީ އިމާރާތުގައި އަލިފާނުގެ އަސަރު ހުރި ތަންތަން އެއްކޮށް ނިއްވުމާއި ލިޔެކިޔުންތަކުގެ ތެރެއިން ހަލާކުނުވެ ހުރި ތަކެތި އެތަނުން ނެރުމުގެ މަސައްކަތްކުރަމުން.

12 ޑިސެމްބަރ 10:48

އިމާރާތަށް ވަންނަ މައި ގޭޓާ ދިމާލުން ބައެއް އަލިފާނުގެ ހާދިސާގައި ވަނީ ވެއްޓިފައި. ރޯވި އިމާރާތުގައި ލަކުޑި އާއި ޓިނުން އެކި ބައިތައް ހަދާފައި ހުރޭ.

12 ޑިސެމްބަރ 10:34

އަލިފާން ރޯވިތާ ހަތަރު ވަރަކަށް ގަޑިއިރު ފަހުން މިހާރު ވަނީ އަލިފާން ކޮންޓްރޯލްވެފައި.

12 ޑިސެމްބަރ 10:24

މި މިނިސްޓްރީއާއި ކޮންސްޓްރަކްޝަން މިނިސްޓްރީ އަދި އެންވަޔަރަމަންޓް މިނިސްޓްރީ ހިންގަމުންއަންނަ އިމާރާތުގައި މިއަދު ހެނދުނު ރޯވެ އަނދަމުންދާ އަލިފާނުގެ ހާދިސާއާ ގުޅޭ pic.twitter.com/QsH0wYPiXz
— Ministry of Housing, Land and Urban Development (@MHLUDmv) December 12, 2024

ހައުސިން މިނިސްޓްރީން ބުނީ ފްލެޓާއި ގޯތި ލިސްޓަށް، އަލިފާނުގެ ހާދިސާގައި ގެއްލުމެއް ނުވާނެ ކަމަށް.

12 ޑިސެމްބަރ 10:18

އުފަންވާ ކުދިން ރަޖިސްޓްރީކުރުމާއި އާބާދީއާ ބެހޭ މައުލޫމާތު ބަލަހައްޓާ، މާލޭ ސިޓީ ކައުންސިލްގެ ވައިޓަލް ރެޖިސްޓްރޭޝަންގެ އޮފީހުގައި ވެސް މި ހާދިސާގައި ވަނީ އަލިފާން ރޯވެފައި. މާލޭ ރަށްވެހިންގެ މުހިންމު މައުލޫމާތުތަކެއް ގެއްލިފައިވުން އެކަށީގެންވާ ކަމަށް ވަނީ ބެލެވިފައި.

12 ޑިސެމްބަރ 09:50

ހައުސިން މިނިސްޓްރީގެ އިމާރާތުގައި ރޯވި އަލިފާން އަދިވެސް ނިއްވައެއް ނުލެވޭ. ހުޅުގަނޑު މިހާރު ފެންނަނީ ކުޑަކޮށް. އެކަމަކު އަދިވެސް ދަނީ ބޯކޮށް ދުން އަރަމުން. -- ފޮޓޯ: ނިޝާން އަލީ / މިހާރު

12 ޑިސެމްބަރ 09:48

ހާދިސާ ހިނގައިގެން އުޅޭ ސަރަހައްދުގައި ހުންނަވައި، ޑިފެންސް މިނިސްޓަރު ޣައްސާން މައުމޫން މީޑިއާއަށް ވިދާޅުވީ ހެނދުނު 6:30 އެހާއިރުން ފެށިގެން އަލިފާން ނިއްވުމުގެ މަސައްކަތް ސިފައިން ކުރަމުން އައި ކަމަށް. އޭނާ ވިދާޅުވީ ސިފައިންގެ އަތުގައި ހުރި ހުރިހާ ސާމާނެއް ބޭނުންކޮށްގެން، އަލިފާން ނިއްވަން މަސައްކަތްކުރަމުން ދިޔަ ކަމާށާއި އެންމެ ފުރަތަމަ އިސްކަން ދިނީ ކައިރި ހުރި އިމާރާތްތަކުގައި ތިބި މީހުން ރައްކާތެރި ހިސާބުތަކަށް ގެންދަން ކަމަށް. އެ މަސައްކަތް ނިމުމު އިރު އިމާރާތުގައި ވަރަށް ބޮޑަށް ރޯވެފައިވާ ކަމަށް މިނިސްޓަރު ވިދާޅުވި

12 ޑިސެމްބަރ 09:42

ރޯވި އަލިފާނާ އެކު އަރަމުންދާ ބޯ ދުމުގެ އަސަރު މުޅި ސަރަހައްދަށް ކޮށްފައި ވާއިރު އެ ހިސާބުގައި ހުރި ބައެއް ސްކޫލްތަކުން ވަނީ ކިޔަވައިދިނުން މެދުކަނޑާލައި ދަރިވަރުން ގެޔަށް ފޮނުވާލާފައި.

12 ޑިސެމްބަރ 09:40

އިމާރާތުގައި ރޯވި އަލިފާން އަދިވެސް ނިއްވައެއް ނުލެވޭ. އެކަމަކު އަލިފާން ފެންނަނީ މިހާރު ކުރިއަށްވުރެ ކުޑަކޮށް

12 ޑިސެމްބަރ 09:37

އިމަންޖަންސީ އިވެކިއުއޭޝަން ސެންޓަަރ އެއް މިވަގުތު ވަނީ ސޯޝަލް ސެންޓަރގައި ގާއިމްކޮށްފަ. އެހީތެރިކަން ބޭނުންވާ ފަރާތްތަކުން 115 އަށް ގުޅައި ނުވަތަ އިވެކިއުއޭޝަން ސެންޓަރަށް ވަޑައިގަތުމަށް ދަންނަވަން.
— NDMA Maldives (@NDMAmv) December 12, 2024

12 ޑިސެމްބަރ 09:26

އަޕްޑޭޓް: އަލިފާން ރޯވި މ. ގްރީން ބިލްޑިންގައި ސަލާމަތްކުރެވޭ ހިސާބުގައި ހުރި ލިޔެކިޔުންތަކާއި އެހެން އެއްޗެހި ސަލާމަތްކުރުމަށް ސިފައިންނާއި ފުލުހުން މަސައްކަތްކުރަނީ.

📷: ނިޝާން އަލީ | މިހާރު

ތަފުސީލު: https://t.co/zQuuc8h0FQ pic.twitter.com/FBESTIpszZ
— Mihaaru (@Mihaarunews) December 12, 2024

12 ޑިސެމްބަރ 09:24

އަލިފާނުގެ މި ހާދިސާގައި މިހާތަނަށް އަދި މީހަކަށް އަނިޔާއެއްވީ ކަމުގެ ރިޕޯޓެއް ނެތް.

12 ޑިސެމްބަރ 09:22

ހައުސިން މިނިސްޓްރީއާ ޖެހިގެން ހުރި އެންވަޔަރުމެންޓް މިނިސްޓްރީގެ އިމާރާތުން ބައެއް ލިޔެކިޔުންތައް ނެރެނީ -- ފޮޓޯ: ނިޝާން އަލީ / މިހާރު

12 ޑިސެމްބަރ 09:19

ހައުސިން މިނިސްޓްރީ ހިންގާ އިމާރާތުގައި ރޯވެ އަނދަނީ.— ވީޑިއޯ: މިހާރުhttps://t.co/EjQ3Br8uK5 pic.twitter.com/jel83xGvrI
— Mihaaru (@Mihaarunews) December 12, 2024

ހައުސިން މިނިސްޓްރީ އިމާރާތުގައި ރޯވެ މުޅި ތަނަށް އަލިފާންގަނޑު ފެތުރިފައި. މިއީ މީގެ ކުޑަ އިރުކޮޅެއް ކުރީގެ ވީޑިއޯއެއް. މިހާރު އަލިފާންގަނޑު ވަނީ ކުޑަވެފައި. އެކަމަކު އަދިވެސް ބޯކޮށް ދަނީ ދުން އަރަމުން

12 ޑިސެމްބަރ 09:15

ހައުސިން މިނިސްޓްރީ ހިންގާ އިމާރާތުގައި ރޯވެ އަނދަމުން ދާއިރު، އެ އިމާރާތާ ގުޅިފައި ހުންނަ އެހެން އޮފީހެއްގައި ހުރި ލިޔެކިޔުންތައް ސަލާމަތްކުރެވޭތޯ ސިފައިން މަސައްކަތްކުރަނީ. -- ފޮޓޯ: ނިޝާން އަލީ / މިހާރު

12 ޑިސެމްބަރ 09:12

ރޯވި އިމާރާތަކީ ހައުސިންގެ އިތުރުން އިންފްރާސްޓްރަކްޗާ މިނިސްޓްރީ އާއި އެންވަޔަރްމަންޓް މިނިސްޓްރީ އާއި މާލޭ ސިޓީ ކައުންސިލްގެ އޮފީހެއް ވެސް ހުންނަ ތަނެއް.

12 ޑިސެމްބަރ 09:09

އެމްއެންޑީއެފުން ބުނީ އެހެން އިމާރާތްތަކަށް އަލިފާން ފެތުރުމުގެ ކުރިން އަލިފާންގަނޑު އެއްކޮށް ކޮންޓްރޯލް ކުރުމުގެ މަސައްކަތް ކުރަމުން އަންނަ ކަމަށް. އަދި އެއާޕޯޓްގެ ފަޔަ ފައިޓަރުން ވެސް މިހާރު ގެންދަނީ އަލިފާން ކޮންޓްރޯލް ކުރުމުގައި ހަރަކާތްތެރިވަމުން ކަމަށް އެމްއެންޑީއެފުން ބުނި.

12 ޑިސެމްބަރ 09:07

އަލިފާނުގެ ހާދިސާގެ އެންމެ ފަހުގެ ތަފްސީލު: އިމާރާތުގައި އަލިފާން ނެތް އެއްވެސް ދިމާލެއް މިހާރު ނެތް.

ތަފްސީލް:https://t.co/RxXtuG6QbH pic.twitter.com/lQ33RxGT4n
— Mihaaru (@Mihaarunews) December 12, 2024

12 ޑިސެމްބަރ 09:06

އަލިފާންގަނޑު މިހާރު ނުފެނުނަސް ބޯކޮށް ދަނީ ދުން އަރަމުން. އަލިފާން ކޮންޓްރޯލްވީ ކަމަކަށް އަދިވެސް ނުބެލެވޭ. އިމާރާތުގައި ސަލާމަތްކުރެވޭ ހިސާބުގައި އެއްޗެެއް ހުރި ނަމަ އެ ސަލާމަތްކުރުމަށް ސިފައިންނާއި ފުލުހުން ދަނީ މަސައްކަތްކުރަމުން.

12 ޑިސެމްބަރ 09:04

ހައުސިން މިނިސްޓްރީ ހިންގާ އިމާރާތުގައި ރޯވެގެން އުޅޭ ސަރަހައްދަށް ރައީސް ޑރ. މުހައްމަދު މުއިއްޒާއި ޑިފެންސް މިނިސްޓަރު ޣައްސާން މައުމޫން އަދި އެހެން ބައެއް ވަޒީރުން ވަޑައިގެން. -- ފޮޓޯ: ނިޝާން އަލީ / މިހާރު

12 ޑިސެމްބަރ 08:51

ހައުސިން މިނިސްޓްރީ ހިންގާ އިމާރާތުގައި ރޯވެ އަނދަނީ: މިހާރު ވަނީ މުޅި އިމާރާތަށް އަލިފާންގަނޑު ފެތުރިފައި -- ފޮޓޯ: ނިޝާން އަލީ / މިހާރު

12 ޑިސެމްބަރ 08:49

ހައުސިން މިނިސްޓްރީ ހިންގާ އިމާރާތުގައި ރޯވެފައިވާ އަލިފާން ނިއްވަން ސިފައިން މަސައްކަތްކުރަނީ -- ފޮޓޯ: ނިޝާން އަލީ / މިހާރު

12 ޑިސެމްބަރ 08:48

އިމާރާތުގައި އަލިފާން ނެތް އެއްވެސް ދިމާލެއް މިހާރު ނެތް. އަލިފާން ނިއްވަން ކުރަމުންދާ މަސައްކަތުން މާބޮޑު ކުރިއެރުމެއް ލިބޭ ކަމަކަށް ނުފެނޭ.

12 ޑިސެމްބަރ 08:45

ހައުސިން މިނިސްޓްރީ އިމާރާތުގައި ރޯވެ އަދަނީ

ތަފްސީލް: https://t.co/EjQ3Br8uK5 pic.twitter.com/K0ZQRovgJJ
— Mihaaru (@Mihaarunews) December 12, 2024

12 ޑިސެމްބަރ 08:36

ފުލުހުން ބުނީ ހައުސިން މިނިސްޓްރީ ހިންގާ މ. ގްރީން ބިލްޑިންގުގައި ރޯވެ އަނދަމުން ދާތީ، އެ ސަރަހައްދުގެ ގެތަކުން މީހުން ހުސްކުރުމުގެ މަސައްކަތް ވެސް މިހާރު ފަށާފައިވާ ކަމަށް. އެކަމުގައި ސިފައިންނާއި ފުލުހުން ވެސް އަންނަނީ ބައިވެރިވަމުން

12 ޑިސެމްބަރ 08:35

އިމާރާތުގައި ރޯވި އަލިފާން ކޮންޓްރޯލް ނުވެ އަދިވެސް ދަނީ ފެތުރެމުން.

12 ޑިސެމްބަރ 08:35

ހައުސިން މިނިސްޓްރީގެ މުވައްޒަފަކު ބުނީ ރޯވި ކަމަށް ބެލެވެނީ އިމާރާތުގެ ފުރަތަމަ ބުރީގައި ކަމަށް. އޭރު އޮފީސް ހުޅުވަން ތައްޔާރުވެ ބައެއް މުވައްޒަފުން ވެސް އެތެރޭގައި ތިބި ކަމަށް އޭނާ ބުނި. ދުންތައް ފެނުމާ އެކު އެންމެން އިމާރާތުން ނުކުތީ ކަމަށް އޭނާ ބުނި.

12 ޑިސެމްބަރ 08:34

ހައުސިން މިނިސްޓްރީގެ އިމާރާތުގައި ރޯވެ އަނދަނީ. -- ފޮޓޯ: މިހާރު

12 ޑިސެމްބަރ 08:29

އަލިފާނުގެ ހާދިސާ ހިނގައިގެން އުޅޭ ތަނަށް ރައީސް ޑރ. މުހައްމަދު މުއިއްޒު އާއި އިންފްރާސްޓްރަކްޗާ މިނިސްޓަރު އަބްދުﷲ މުއްތަލިބް އިރުކޮޅެއް ކުރިން ވަނީ ވަޑައިގެންފައި،

12 ޑިސެމްބަރ 08:27

އަލިފާނުގެ ހާދިސާއާއި ގުޅިގެން ސަމާލުކަން ދޭންވީ ކަންތައްތައް pic.twitter.com/DCdHEHxCGl
— Health Protection Agency (@HPA_MV) December 12, 2024

12 ޑިސެމްބަރ 08:27

އިމާރާތުން އަރަމުންދާ ދުމުގެ އަސަރު މާލޭގެ ބޮޑު ސަރަހައްދަކަށް ދަނީ ކުރަމުން. އެހެންވެ އެކަމަށް ސަމާލުވެ ރައްކާތެރިކަމުގެ ފިޔަވަޅު އަަޅަން ހެލްތު ޕްރޮޓެކްޝަން އެޖެންސީން ވަނީ އެދިފައި.

12 ޑިސެމްބަރ 08:22

ހައުސިން މިނިސްޓްރީ ހިންގާ އިމާރާތުގައި އަލިފާން ރޯވެފައި - ފޮޓޯ: ނިޝާން އަލީ / މިހާރު

12 ޑިސެމްބަރ 08:22

ރޯވި ތަނަކީ ލަކުޑި ޑެކް އަޅައި ޓިނުން އިމާރާތުގެ ބޮޑު ބައެއް ހަދާފައިވާ ދުވަސްވީ ތަނެއް. އިމާރާތުގެ ވަށައިގެން ހުރިހާ ދިމާލަކުން އޮލަ ދުން އަރަމުންދާތަން ފެނޭ. ބެލެވޭ ގޮތުގައި މުޅި އިމާރާތަށް ވަނީ އަލިފާން ފެތުރިފައި.

12 ޑިސެމްބަރ 08:20

އިމާރާތުގައި ރޯވެ ދުން އަރާތަން ފެންނަން ފެށީ 7:30 އެހާއިރު. އަލިފާން ރޯވާން ދިމާވި ސަބަބެއް ސާފެއް ނުވޭ

12 ޑިސެމްބަރ 08:19

އިމާރާތްކުރުމާއި ބިނާރާ ބެހޭ ވުޒާރާ ހިންގަމުންއަންނަ އިމާރާތުގައި އަލިފާނުގެ ހާދިސާއެއް ހިނގައިގެން އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ހަރަކާތްތެރިވާން ފަށައިފި. pic.twitter.com/SP9PmUfuMW
— Maldives National Defence Force (@MNDF_Official) December 12, 2024

ހައުސިން މިނިސްޓްރީ ހިންގާ އިމާރާތުގައި ރޯވެ އަދަން ފަށައިފި އެވެ.

އެމްއެންޑީއެފުން އަންނަނީ އަލިފާން ނިއްވާލުމުގެ މަސައްކަތް ކުރަމުން އަންނައިރު މުޅި އިމާރާތަށް އަލިފާންގަނޑު ފެތުރި ބޯކޮށް ދަނީ ދުން އަރަމުންނެވެ.

އަލިފާނުގެ ހާދިސާ ހައުސިން މިނިސްޓްރީ އެކްސިޑެންޓް

69 ކޮމެންޓް, 36 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބުދުލް ޤާދިރު

12 December 2024

މި ހާދިސާއާ ގުޅިގެން ހައުސިން މިނިސްޓްރީން ފުރަތަމަ އިންޓަރވިއު ދެއްވި ބޭފުޅާގެ ވާހަކަ އަޑުއިވުމުން ހަނދާންވީ މަވެވަށް ވެއްޓުނު ގެރިމަތިން "އޮފީސްކުއްޖަކު ގުޅާފަ އޮފީހުގަ ރޯވިވާހަކަ ބުނުމުން ތައްޔާރުވެގެން އައިސް ބެލިއިރު ރޯވެފަ ހުރީމާ އިސްވެރިންނާ ގުޅާ ދެން ހަދަންވީ ކިހިނެއްތޯ ސުވާލުކޮށް މަޝްވަރާ ކުރިން" މަޝްވަރާ ނިންމާފަ ވެޔޮދޮށަށް ދިޔައިރު ގެރި އޮތީ މަރުވެފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްނަފް.

12 December 2024

މިކަހަލަ ގުދުރަތީ ކަންކަން ސިޔާސީ ނުކޮށްބަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުރަތީއެއް ނޫނޭ

13 December 2024

މިއީކީ ގުދުރަތީ އަލިފާނެއއް ނޫނޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިފާއު އައްބާސް

12 December 2024

ހުރިހާ ޑާޓާ ހުރީ ސޭފްކޮށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދުހަމް ހަލީމް

12 December 2024

މީ ސަރުކާރުން ކުރި ކަމެއް ނޫން. ހެޔޮ ނުވާނެ ސިޔާސީ ނުކޮށްބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަދު ސަލީމް

12 December 2024

މިކަން ސިޔާސީ ނުކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެންފުޅުބެ

12 December 2024

އަލިފާންގަޑު ކޮންޓްރޯލް ކުރެވުނީތަ، ނޫނީ އަނދާ ހުލިވެގެން އަލިފާންގަޑު ނިވުނީތަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލަޑަބިޔާ

12 December 2024

މާކުރިން އިމާރާތްވަނީ ކުރަހާނިމި ޕްރޮޖެކްޓް ބަޔަކަށް ހަވާލުކުރެވިފައި ފްލެޓޭ ގޯޗޭ ދެން ނުކިޔާތީ ދެން އިހަށް އިމާރާތެއް ހޯދާ ފަރުނީޗަރު ގަނެގެންތާ އެހެން ކަމެއް ކުރެވޭނީ ދޯ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިޓައްޕު ހަސަނު

12 December 2024

ގަސްތުގައި އަލިފާން ރޯކޮށް އުޅޭ އެފީހަށް އޮޑިޓް ވަންނަން އުޅޭނަމަ ކަންތައްތަކެއް ސިއްރު ކުރަން ނުވަތަ ލިޔެކިއުންތައް ނައްތާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިކޮއި

12 December 2024

ފަޔަރ ޑިޕާރޓްމަންޓް އެހެރީ އެތާ ކަންމަތީ ކީއްވެ 4 ގަޑިއރުފަހުން ކޮންޓްރޯލް ވާންވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޭން

12 December 2024

ދެން ބަޖެޓްގަ އޮތް ފައިސާ އެއްވިއްޔާ ބިމާއި، އިމާރާތް ކުރަހަންށާ، އިމާރާތް އަޅަންށާ ކަންކަމުގަ ދުއްވާލާ.. އުމަރު ޒާހިރު ބިލްޑިންގ އެތާވެސް ރީސްޓްރަކްޗަރ ކޮށްފަ ހަދާލީމާ، ތިތަންތަނުގެ ހިދުމަށް ދެވޭނެ.... އޯކޭތާ، ނިކަމެތިންގެ މުސާރައިން ބައިބަޔަށް ކަޑާފަ ކުޑަ ކޮށްފަ، އިސްރާފަށް ބޭނުން ކުރަން.