ސްވައިން ފްލޫގައި ރޭ މަރުވީ ބޮޑު އެހެން ބައްޔެއްގައި ވެސް ފަރުވާ ހޯދާ މީހެއް: އާއިލާ

އައިޖީއެމްއެޗްގައި ހުންނަ ފްލޫ ކްލިނިކުން ފަރުވާ ހޯދަން ގޮސް ތިބި ބަޔަކު ކިއުގައި: މަރުވި 51 އަހަރުގެ މީހާ މާލެ ގެނައީ ހުން ގަދަވެގެން -- ފޮޓޯ: ހުސެއިން ވަހީދު/ މިހާރު

މުހައްމަދު ޔާމީން، މިހާރު

16 މާޗް 2017 - 14:11

5 comments

ރާއްޖޭގައި ހަލުވިކަމާ އެކު ފެތުރެމުންދާ ސްވައިން ފްލޫ ޖެހިގެން ރޭ މަރުވި އަންހެނަކީ ބޮޑު އެހެން ބައްޔެއްގައި ފަރުވާ ކުރަމުން އައި މީހެއް ކަމަށް އާއިލާ އިން މިއަދު ބުނެފި އެވެ.

އެޗް1އެން1 ވައިރަސް އަށް ޕޮޒިޓިވް ވެގެން ރޭ މަރުވީ ފ. ނިލަންދޫ ބުރުނީގެ ފާތިމަތު އިސްމާއިލެވެ. އޭނާ މަރުވީ އައިޖީއެމްއެޗްގައި ފަރުވާ ދެމުން ދަނިކޮށް ރޭ 23:15 ހާއިރު ކަމަށް އާއިލާ އިން ބުންޏެވެ.

ސްވައިން ފްލޫގެ ސީރިއަސްކަން ބޮޑީ ވެސް، އެހެން ބަލިތަކުގައި ފަރުވާ ހޯދާ މީހުންނަށް ސްވައިން ފްލޫ ޖެހުމުން އޭގެ ނުރައްކާ ބޮޑުކަމުންނެވެ.

ފާތިމަތުގެ އާއިލާގެ މީހަކު ބުނި ގޮތުގައި ފާތިމަތަކީ 2012 ގައި އައިޖީއެމްއެޗުން މުލިއްސެއް ނަގަން އޮޕަރޭޝަން ކުރި ފަހުން އެއް ފަޅި ޕެރަލައިޒްވެ، އަމިއްލައަށް ހިނގަން އުނދަގޫ މީހެއް ކަމަށެވެ. އެހެންވެ، ބޭރުގެ އެކި ގައުމުތަކަށް ފާތިމަތު ގޮސް ފަރުވާ ހޯދި ކަމަށް ވެސް އޭނާ ބުންޏެވެ.

"ރަށުގައި ދިރިއުޅެމުން ދަނިކޮށް ކުއްލިއަކަށް މިކަން ހިނގީ، ހުން ވަރަށް ގަދައަށް ޖެހިގެންނާއި ކެއްސާފައި ހޮޑުލާތީ މާލެއަށް ގެންނަން ޖެހުނީ،" އާއިލާގެ ފަރާތުން ވާހަކަ ދެއްކި މީހަކު ބުންޏެވެ.

އޭނާ ބުނި ގޮތުގައި ފާތިމަތު އަށް އެޗް1އެން1 ޖެހުނު ކަން އައިޖީއެމްއެޗްގެ ޑޮކްޓަރުން އެންގީ ރޭގެ ވަގުތެއްގަ އެވެ. އޭގެ ކުރިން ފާތިމަތަށް ޖެހުނީ ކޮން ކަހަލަ ހުމެއްތޯ ބެލުމަށް ބައެއް ޓެސްޓްތައް ހަދަން ވެގެން އާއިލާގެ ފަރާތުން ހުއްދަ ހޯދި ކަމަށް އޭނާ ބުންޏެވެ. އަދި ކިޑްނީ މައްސަލަތަކެއް ހުރެގެން ޓެސްޓްތަކެއް ހެދި ކަމަށް ވެސް އޭނާ ބުންޏެވެ.

Breaking News: Swin Flu jehigen 51 aharuge anhenaku maru vejjje | Mihaaru

The most trusted news source in the Maldives

Mihaaru

"ސްވެބް ޓެސްޓެއް ހަދަން ހުއްދަ ނެގީ، ބުނީ މިއީ ކޮން ކަހަލަ ހުމެއްތޯ ބަލަން ހަދާ ޓެސްޓެކޭ، ރަނގަޅުވަމުން އަންނަ ވައްތަރު ޖަހާފައި ކުއްލިއަކަށް ދުނިޔެ ދޫކުރީ،" އެ މީހާ ބުންޏެވެ.

ސްވައިން ފްލޫ ޖެހިގެން ފާތިމަތު މަރުވިކަން، އައިޖީއެމްއެޗުން ބެލި ޑޮކްޓަރުން ކަށަވަރު ކޮށްދިން އިރު، ފާތިުމަތު ނިޔާވީ ވެންޓިލޭޓަރެއްގެ އެހީގައި ނޭވާލަމުން ދަނިކޮށެވެ. ނަމަވެސް އެކަމާ ބެހޭ ގޮތުން އައިޖީއެމްއެޗުން އަދި މީޑިއާއާ ވާހަކައެއް ނުދައްކަ އެވެ.

ފާތިމަތު ވަނީ މިއަދުގެ މެންދުރު ނަމާދަށް ފަހު ހުޅުމާލެ ސަހަރާގައި ވަޅުލައިފަ އެވެ.

މާލެ އާއި އެކި އަތޮޅުތަކުގައި ވަރަށް ބާރަށް ހުން ފެތުރެމުންދާއިރު ސްވައިން ފްލޫ އަށް ޕޮޒިޓިވްވާ މީހުންގެ އަދަދު ވެސް ދަނީ އިތުރުވަމުންނެވެ. އެ ބަލީގައި މިހާތަނަށް ދެ މީހަކު ވަނީ މަރުވެފަ އެވެ.

ހެލްތު ޕްރޮޓެކްޝަން އޭޖެންސީން އެންމެ ފަހުން އާއްމުކޮށްފައިވާ ހިސާބުތަކުން ދައްކާގޮތުގައި، މިހާތަނަށް 105 މީހުން ވަނީ ޕޮޒިޓިވް ވެފަ އެވެ.

ސިއްހަތު އައިޖީއެމްއެޗު ވައިރަލް ހުން ކެއްސުން ބަލިތައް މަރު ސްވައިން ފްލޫ

5 ކޮމެންޓް, 78 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަބްދުﷲނާފިޒު

17 March 2017

"ފާތިމަތުގެ އާއިލާގެ މީހަކު ބުނި ގޮތުގައި ފާތިމަތަކީ 2012 ގައި އައިޖީއެމްއެޗުން މުލިއްސެއް ނަގަން އޮޕަރޭޝަން ކުރި ފަހުން އެއް ފަޅި ޕެރަލައިޒްވެ، އަމިއްލައަށް ހިނގަން އުނދަގޫ މީހެއް" ކަމަށެވެ. އައިޖީ އެމްއެޗް ދެއްތޮ.............ކީއްކުރާނީ އަހަރެމެން ދިވެހިންނަށް މިކަން ހުރި ގޮތް ދެއްތޮ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާފިޒް

17 March 2017

2012 ވަނަ އަހަރު. އައިޖީއެމްްއެޗް އެހާލުގައި އޮތް އިރުވެސް ހިލޭ އާސަންދަ ދެވޭތޯ އުޅުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޤާދިރު

16 March 2017

މާތް ﷲ ފާތުމައަށް ސުވަރުގޭގެ މަތިވެރި ނިޢުމަތް މިންވަރު ކުރައްވާށި. އާމީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީ

16 March 2017

އިންނާ ﷲ ވައިންނާ އިލަތްހި ރާޖިއޫން ވަރައް ދެރަ ވީހާ އަވަހަކައް ސަރުކާރުން ރާއްޖޭގެ 7 ސަރަހައްދެއްގަ ނުވަތަ 3 ސަރަހައްދެއްގަ ޒަމާނީ ސިއްހީނިޒާމެއް ގާއިމު ކޮއްދެއްވުން އެދެން