ސްޓެލްކޯގެ ދުންހޮޅިތަކާ ދިމާލަށް މީހަކު ބަލަހައްޓައިގެން: ކަރަންޓު ކެނޑުނު މައްސަލައިގެ ތަހުގީގު ކުރިއަށް ގެންދާ ކަމަށް ފުލުހުން ބުނި.-- ފޮޓޯ: ފަޔާޒު މޫސާ | މިހާރު
09 އޯގަސްޓް 2025 - 20:27
މިދިޔަ ޖޫން މަހުގެ އެއްވަނަ ދުވަހު މުޅި މާލެ ސަރަހައްދުން ކަރަންޓުގެ ހިދުމަތް ކެނޑު މައްސަލައިގެ ތަހުގީގަށް ބޭނުންވާ މައުލޫމާތު އެއްކޮށްފައިވާ ކަމަށް ފުލުހުން މިއަދު ބުނެފި އެވެ.
ފުލުހުން ބުނީ މިދިޔަ ޖޫން މަހުގެ އެއްވަނަ ދުވަހު މާލެ ސަރަހައްދުން ކަރަންޓު ކެނޑުނު މައްސަލައާ ގުޅިގެން ފުލުހުން ކުރަމުން އަންނަ ތަހުގީގުގެ އިބްތިދާއީ ހޯދުންތަކާއި މައުލޫމާތު އެއްކޮށްފައިވާ ކަމަށެވެ. އަދި އެ މައުލޫމާތައް ބަލައި އެ މައްސަލަ އިތުރަށް ތަހުގީގުކުރަމުން އަންނަ ކަމަށް ވެސް ފުލުހުން ބުންޏެވެ.
"ތަހުގީގު އެއްކޮށް ނިމުމުން ތަހުގީގުގައި ފާހަގަކުރެވުނު ކަންކަން ހިއްސާކޮށްދޭނެ ވާހަކަ ދަންނަވަން،" ފުލުހުން މީޑިއާތަކަށް ފޮނުވި މެސެޖެއްގައި ބުންޏެވެ.
އެ މައްސަލައިގެ ތަހުގީގު ކުރިއަށް ގެންދާ ކަމަށް ފުލުހުން ބުނި އިރު، މިއަދު ހެނދުނު ވެސް ވަނީ މާލެ އާއި ހުޅުމާލޭގެ ހުރިހާ ތަނަކުން ކަރަންޓުގެ ހިދުމަތް މެދުކެނޑިފަ އެވެ. ސްޓެލްކޯއަށް ހުރިހާ ސަރަހައްދަކަށް ކަރަންޓުގެ ހިދުމަތް އަނބުރާ ދެވުނީ ގާތްގަނޑަކަށް ދެ ގަޑިއެއްހާއިރު ފަހުންނެވެ.
މިދިޔަ ޖޫން މަހުގެ އެއް ވަނަ ދުވަހު މާލެ އާއި ހުޅުމާލޭގެ ހުރިހާ ސަރަހައްދަކަށް ކަރަންޓުގެ ހިދުމަތް އަނބުރާ ދެވުނީ ކަރަންޓު ކެނޑުނުތާ ފަސް ގަޑިއިރު ފަހުންނެވެ.
އެ ދުވަހު ރައީސް ޑރ. މުހައްމަދު މުއިއްޒު ވަނީ މާލޭ ސަރަހައްދުން ކަރަންޓު ކެނޑެން ދިމާވި މައްސަލަ ސީރިއަސް ކަމެއްގެ ގޮތުގައި ބަލައި ތަހުގީގުކުރުމަށް ފުލުހުންނަށް އަންގައިފަ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
އެދުރުކަލޭގެފާނު
10 August 2025
ޓެކްނިކަލް ކަންތަށް ތަހުޤީގުކުރެވޭނެ ޤާބިލުކަން ފުލުހުންގައި ހުރިކަމަށް ޤަބޫލުކުރާ ބަޔަކުވެސް ތިބެފާނެއެވެ. މިކަހަލަ ޑްރާމާ ކުޅުން ނޫންކަމެއް މިސަރުކާރުން ނުކުރެއެވެ. ފުލުހުންގެ ތަހުޤީގުގެވެސް ސިޔާސީ ޑްރާމާ ކުޅޭ ޓޫލަކަށް ބަދަލުވީއެވެ.
ހަލީމް މުހައްމަދު
10 August 2025
މީ ރަނގަޅު ކަމެއް. މިކަންކަން ބަލައިގެން ހައްލު ގެނެވޭނީ. ބަޔަކު އަޑީގަ ތިބިގެން މިކަންކަން ކުރާކަން އަހަންނަވެސް އެގިފައި މިއޮތީ
މުމްތާޒް.
10 August 2025
ރަނގަޅު. ތިކަން ބަލާ ފިޔަވަޅު އަޅަންޖެހޭ ފަރާތްތަކަށް ފިޔަވަޅު އަޅާ އަވަހަށް. ތީ ދޫކުރަންޖޭ ކަމެއް ނޫން.
ބަރުތީ
10 August 2025
ޕޯސްޓްމޯޓަމް ހަދަން އިންޑިޔާ އަށްވެސް ފޮނުވަން ވާނެ.
1828
10 August 2025
ބީ.އެމް.އެލް އިން ކުރިކަމަށް ރައީސް ވިދާޅުވި 'ބަޢާވާތް'ގެ އަދާހަމައެއް ރައްޔިތުންނަށް ނުދީ އަނެއްކާ ތިޔަ ތަހުޤީޤްކުރަން ފަށަނީ އަނެއްކާ އަނެއް ބަޢާވާތް'. ތިޔަކަމަކުން މިސަރުކާރެއް ނޭރިއެއްނު؟
ބަބޫ
10 August 2025
މިހާރު ދުނިޔޭގަ އެބަހުރި ކަނޑު އުޅަނދުފަހަރު މިވަރު ކަރަންޓެއް ދެވޭވަރުގެ. ގެނެސް ކޮށްމެވެސް ދިމާލެއްގ ބަނދަރުކޮށްފަ ކަރަންޓް ގުޅާލީމަ ނިމުނީ. ސްޓެލްކޯއަކުން ތިކަމެއް ނުކުރެވޭނެ. އެހާ ގާބިލު ބައެއް ތިތަނަކު ނެތް.
އިވެންޓް
10 August 2025
ތިކަމަށް ހައްލު ހޯދަން އިވެންޓު މޯލްޑިވްސް އަށް 3 މިލިއަން ދެނިކޮށް ތިކަން ނިންމަފާނެ...
ބަރު ބާދު
09 August 2025
ބުރޯ ކުރީ ދުވަހުގެ ނަތީޖާ އެއްކުރެވިގެން ނެރެވުނީ މި އަދު ކަރަންޓު ކެނޑުނީމާ އުތަ
ދޮންދީދީދި
09 August 2025
ތިކަންވެސް ނިމޭނެ މި މަސް ނިމުނީމަ. އަނެއްކާ ދެތިން މަސް ފަހުން މުޅި މާލެ ސަރަޙައްދުން ކަރަންޓު ކެނޑިއްޖެ ބުނާއިރަށް އެންމެންވެސް ތެޅިގަންނާނެ. ބަޔާންތައް ނެރެ ތަހުޤީގުތައް ފަށަން. މީދެން ބޮޑު ހިންދީ ޑްރާމާ ގަނޑަކަށް ވެއްޖެ.
އަފްރާސިޔާބު
09 August 2025
ދެން އަނެއްކާ ކަރަންޓް އުފައްދާ އިންޖީނު ހަދައިގެން އުޅޭކަށްވެސް ނުޖެހޭނެ. ތެޔޮ ގަންނާކަށްވެސް ނުޖެހޭނެ. ޗައިނާއިން ދުނިޔެއަށް ބޭނުންވާ ކަރަންޓް ޖައްވުން ފޯރުކޮށްދޭނެ. އެހެންވީމާ ޗައިނާއާ ގުޅުން ރަނގަޅުކުރަންވީ ވީހާވެސް އަވަހަކަށް ކަރަންޓް ރާއްޖެއަށް ހޯދަން.
ބޭޗާރާ
10 August 2025
ދެންޗައިނާއިން ދެތިން ރަށް ހޯދަންވެގެން ކަރަންޓްއެއްކޮށް ކަނޑާލީމާ ކަނުއަދިރީގައި ނުތިބެ އަދި ގޭގޭގަޔާއި ތަންތަނުގައި ހުރި މެޝިންތައް ހިންގަން އަޅުދާސްތުވެވިގަނެ ރަށްތައް ދޫކޮށްލާނީ ދޯ؟ ކޮންމެހެންވެސް ބައެއްގެ ފައިބުޑަށްވެއްޓެންޖެހޭތަ؟