ޚަބަރު / އަލީ އިހުސާން (ހޯމްލޭންޑް، ސެކިއުރިޓީ މިނިސްޓަރު)

އެމްޑީޕީގެ މުޒާހަރާއަކީ ސުލްހަވެރި ހަރަކާތެއް ނޫން: އިހްސާން

އެމްޑީޕީގެ މުޒާހަރާގައި ފުލުހުން ޕެޕާ ސްޕްރޭ ޖަހާފައި: ހޯމް މިނިސްޓަރު ވަނީ އެއީ ސުލްހަވެރި ހަރަކާތެއް ނޫން ކަމަށް ވިދާޅުވެފައި .-- ފޮޓޯ: ފަޔާޒު މޫސާ | މިހާރު

މާއިދާ މުހައްމަދު ރަޝާދު، މިހާރު

03 އޮކްޓޯބަރ 2025 - 22:54

34 comments

އެމްޑީޕީން މާލޭގައި މިރޭ ކުރަމުންދާ މުޒާހަރާއަކީ ސުލްހަވެރި ސިޔާސީ ހަރަކާތެއް ނޫން ކަމަށް ހޯމް މިނިސްޓަރު އަލީ އިހުސާން ވިދާޅުވެއްޖެ އެވެ.

އާޓިފިޝަލް ބީޗު ސަރަހައްދުން މިރޭ 8:30 ގައި ފެށި މުޒާހަރާގެ ބައިވެރިން ވަނީ މަޖިދީމަގަށް ނިކުންނަން މަސައްކަތްކޮށްފަ އެވެ. އެކަމަކު މަޖީދީމަގުގައި ހުންނަ ޖެލީ ކައިރިން ފުލުހުން ވަނީ މުޒާހަރާގެ ބައިވެރިންނަށް ކުރިއަށް ނުދެވޭ ގޮތަށް ބަންދުކޮށްފަ އެވެ.

އެތަނުގައި ޝީލްޑް ހިފައިގެން ފުލުހުން ވެސް ހަރަކާތްތެރިވަމުން ދާއިރު މުޒާހަރާގެ ބައިވެރިންގެ ގަޔަށް ވަނީ ޕެޕާ ސްޕްރޭ ޖަހައިފަ އެވެ. އަދި ބައެއް މީހުން މިހާރު ވަނީ ހައްޔަރުކޮށްފަ އެވެ.

ފުލުހުންނާއި މުޒާހަރާގެ ބައިވެރިންގެ މެދުގައި ކުރިމަތިލުންތައް ހިނގަމުން ދަނިކޮށް އެކްސްގައި ކުރެއްވި ޕޯސްޓެއްގައި އިހުސާން ވިދާޅުވީ ޑިއުޓީގައި ތިބި ފުލުހުންގެ އަތުން ގަދަކަމުން، ސާމާނު އަތުލުމަކީ ސުލްހަވެރި ސިޔާސީ ހަރަކާތެއްގެ ގޮތުގައި ނުބެލެވޭނެ ކަމަށެވެ. އެއީ ގާނޫނު ތަންފީޒުކުރުމަށް ހުރަސް އެޅުން ކަމަށް ވިދާޅުވެ އިހުސާން ވަނީ އެއީ އަނިޔާވެރި އަމަލުތަކެއްގެ ގޮތުގައި ސިފަ ކުރައްވައިފަ އެވެ.

އިހުސާން އެގޮތަށް ވިދާޅުވެފައިވަނީ މުޒާހަރާގެ ތެރެއިން މީހަކު ޝީލްޑެއް ހިފައިގެންދާ މަންޒަރު ފެންނަ ވީޑިއޯއެއް ވެސް އާންމު ކުރެއްވުމަށްފަހު އެވެ.

Forcibly taking equipment from an on-duty police officer is not considered a peaceful political activity, as it involves coercive or violent actions that disrupt law enforcement duties. pic.twitter.com/k6a2DJYl9U
— Minister of Homeland Security & Technology (@min_mohst) October 3, 2025

އެކަމަކު އެމްޑީޕީން ވަނީ އިހުސާންގެ ތުހުމަތުތައް ދޮގުކޮށްފަ އެވެ.

އެމްޑީޕީން ބުނީ ސުލްހަވެރިކޮށް ކުރިއަށް ގެންދިޔަ މުޒާހަރާ ހުއްޓުވުމަށް ބާރުގެ ބޭނުންކޮށް، ޕެޕާ ސުޕްރޭ ޖަހާފައިވާ ކަމަށެވެ. އަދި އިހުސާންގެ އެ ޓްވީޓަކީ ފުލުހުންގެ އަނިޔާވެރިކަން ފޮރުވައި އެމީހުން އަމަލުކުރީ ރަނގަޅަށް ކަމަށް ދެއްކުމަށް ކުރެއްވި ޓްވީޓެއްގެ ގޮތުގައި އެމްޑީޕީން ސިފަ ކުރި އެވެ.

"ލޫޓުވައިފި، ލޫޓުވައިފި" ގެ ނަމުގައި އެމްޑީޕީން ބާއްވަމުން އަންނަ މުޒާހަރާގައި ގިނަ ބަޔަކު ދަނީ ބައިވެރިވަމުންނެެވެ.

އެމްޑީޕީ މުޒާހަރާ ފުލުހުން އިދިކޮޅު ފަރާތްތައް އަލީ އިހުސާން (ހޯމްލޭންޑް، ސެކިއުރިޓީ މިނިސްޓަރު)

34 ކޮމެންޓް, 27 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސާންސް

04 October 2025

މިނިސްޓަރ ތަންކޮޅެއް އަވަހަށް އެވާހަކަ ޓްވީޓުކުރީމަ، މައްސަލައަކީ. ކުޑަކޮށް މަޑުކޮށްލައިގެން ސްޓްރެޓީޖިކު ވިސްނުމަކުން ނިކަން މޮޅުކޮށް ތިކަން ކުރެވޭނެ. "އާދެ ރައީސް" އަބަދު ކިޔައިގެން ތިޔަ މޮޅު މީހާގެ އަގުވެއްޓި މުޅިން ހަލާކުވެއްޖެ. އަމިއްލައަށްވެސް އިނގޭނެ ތިޔަށްވުރެ މޮޅަށް ހުރިހާ ބާރަކާއެކު މޮޅުހޯދޭނެކަން. އެކަމު ތިޔަދެއްކީ އެމޮޅުކަމަށްވުރެ ބޮޑަށް ސިހުނުތަން. އެމް.ޑީ.ޕީ ގެ މާބޮޑު ތާއީދެއް އަޑެއް ބަޑެއް ނެތިއޮއްވާ އެވަރަށް އިސްތިރު ކުރީ ކީއްވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާވެރިބެ

04 October 2025

އެތަށް ޙާސް ދިވެހިން އެއްވި މުޒާހަރާ ސުލްހަވެރިނޫން ކަމަށް މިނިސްޓަރ ވިދާޅުވީމަ ހައިރާންވޭ. މަވެސް މަންޒަރުތަށް ދުށިން. އެމީހުން އެތާ އަޑުއުފުލަން ތިއްބާ ކުއްލިއަކަށް ފުލުންގެ ބޮޑު ފައުޖެއް އެތަނަށް ދިޔައީ އެކިބާވަތުގެ ހަތިޔާރު ހިފައިގެން. ގޮސް އެއްވެސް ކަމަކާ ނުލާ މަޖީދީ މަގު ބަންދުކޮށް ޝީލްޑުތަށް ބޭނުންކޮށްގެން މީހުން ކޮށްޕަންފެށީ. އެމީހުން ހަޅޭއްލަވަން ދޫކުރިނަމަ މިހެން ނުވާނެ. ދެން ޕެޕަރސްޕްރޭ ޖަހާ މީހުން ބީރުވާވަރު ސޮނިކް ހަތިޔާރު ބޭނުންކުރި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1206

04 October 2025

ދެލައްކަ ދިވެހިން އެއްތަން ވިޔަސް ސުލްހަވެރި ނޫން ކަމެއް ވާނީ ހަމަ ސުލްހަވެރި ނޫން ކަމުގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެނެޑީ

04 October 2025

ހަނާވަނީ ފަނާވަނީ ކިޔަމުން 15 އަހަރުކުރިން ލެކިއުޓްކަންމަތީ ރެޑުބުލްބޮމުން މުޒާހަރާކުރީ ސުލުހަވެރިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނީލަމް ނާލި

04 October 2025

ރައްޔިތުން ފުނޑާފަވެސް ވެރިކަން ދިފައުކުރަނީ. ދެން ނިކުންނައިރު ސޮނިކަށް ނުގުޑާނެ. ނިއުކްލިއަރ ހޯދާފަ ބަހައްޓާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ނާޑުވާ

04 October 2025

‫ސުލްޙަވެރިކަން ނަގާލީ ދިވެހި ފުލުހުން. ޤާނޫނާ ޚިލާފަށް ފުލުހުން ހިންގި ޢަމަލުތަކުގެ ސަބަބުން މުޒާހަރާ ހަލަބޮލިވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާވެރިބެ

04 October 2025

ތެދެއް! ފުލުހުން ގަސްދުގަ ކުރިމަތިލުމެއް އުފެއްދީ. ސުލްހަވެރިކޮށް އަޑު އުފުލަން ދޫކުރިނަމަ މިހެން ނުވާނެ. މަޖީދީމަގަށް މީހުން އެރީ އާރޓިފިޝަން ބީޗް ފުރިގެން. ކޮބާ މަޖީދީ މަަގަށް އެރީމަ މައްސަލައަކީ؟ މާލޭގަ ޕެޜޭޑަށާ ރައީސްގެ މޮޓޯކޭޑަށާ އެހެން ކަންކަމަށް ވެސް މަގު ބަންދުކުރޭ. ވީމަ އެވަގުތު ކޮޅަށް ބަޔަކަށް މަޖީދީ މަގުގެ އެސަރަހައްދުން ދުއްވަން އުދަގޫ ވެދާނެތީ ކުރި ކަމެއްނޫން. އެހާ ގިނަ މީހުން ސަރުކާރާ ދެކޮޅަށް އަޑުއުފުލާތަން ބަލަން ކެތްނުވީ.